Morgunblaðið - 07.07.2018, Síða 7

FRÉTTIR 7Innlent
MORGUNBLAÐIÐ LAUGARDAGUR 7. JÚLÍ 2018
Bifreiðagjöldin eru komin
í pósthólfið þitt á island.is
Stefnum saman á stafrænt Ísland
Greiðsluseðlar fyrir bifreiðagjöld einstaklinga birtast nú eingöngu á rafrænu formi.
Þú nálgast þá í pósthólfinu þínu á island.is og um leið er krafa stofnuð í netbanka.
Með þessu má spara um 65 milljónir króna og fimm tonn af pappír á hverju ári.
Gjalddagi bifreiðagjalda er 1. júlí og eindagi er 15. ágúst.
Vilt þú útprentaðan seðil?
Hafðu samband við Þjónustuver Tollstjóra í 560 0300 eða á fyrirspurn@tollur.is
Lögreglan á höfuðborgarsvæðinu
hefur upplýst þrjú innbrot sem
voru framin í Kópavogi og Garða-
bæ í byrjun vikunnar.
Þetta kemur fram í tilkynningu
frá lögreglunni. Um er að ræða tvö
innbrot á byggingarsvæði, þar sem
fjölda verkfæra var stolið, og eitt á
heimili þar sem verðmætum af
ýmsu tagi var stolið.
Í tilkynningunni segir að megnið
af þýfinu sé komið í leitirnar, en
það fannst við húsleit í Kópavogi.
Auk þess var lagt hald á fíkniefni á
sama stað. Þrír menn, tveir á fer-
tugsaldri og einn á þrítugsaldri,
voru handteknir í þágu rannsókn-
arinnar og hafa þeir allir játað sök.
Í tilkynningunni er minnt á upp-
lýsingasíma lögreglu sem er 800
5005. Þangað er hægt að hringja
nafnlaust til að koma á framfæri
upplýsingum um skipulagða brota-
starfsemi eða önnur brot sem fólk
kann að hafa vitneskju um.
Einnig er hægt að senda ábend-
ingar með einkaskilaboðum á face-
booksíðu Lögreglunnar á höfuð-
borgarsvæðinu.
Þrjú inn-
brot eru
upplýst
 Þjófarnir stálu
m.a. verkfærum
Morgunblaðið/Eggert
Lögregla Þrír menn voru hand-
teknir vegna innbrotanna.
Smávaxið fiðrildi sem ber nafnið
birkikemba hefur nú þegar unnið
umtalsverðar skemmdir á birki í
görðum á höfuðborgarsvæðinu í
sumar, að því er fram kemur á
Heimi smádýranna, Facebook-síðu
Erlings Ólafssonar skordýrafræð-
ings.
Kjöraðstæður voru í byrjun vors á
höfuðborgarsvæðinu fyrir birki-
kembuna sem er þekkt fyrir að
valda skaða á birkitrjám eða
„kemba“ þau, líkt og nafnið gefur til
kynna.
Í vorbyrjun voru skilyrðin svo góð
fyrir fiðrildin að um miðjan apríl
varð fjöldi þeirra meiri en nokkru
sinni fyrr og nýttu fiðrildin sér góðu
skilyrðin til að verpa og tryggja sér
afkomendur inn í sumarið. Nú þegar
lirfurnar klekjast út um sumarið
valda þær skemmdum á birkitrjám.
Lirfur friðrildanna smeygja sér
inn í laufblöðin, koma sér þar fyrir
og éta innvefi þeirra. Þegar þær
vaxa og dafna taka blöðin að fölna
og á endanum stendur einungis eftir
ysta lag efra og neðra borðs sem
blæs út eins og brúnn belgur. Um-
merki birkikembunnar eru því aug-
ljós á birkitrjám þar sem laufblöðin
verða brún að hluta til.
Trjárækt og húsagarðar með
birki eru kjörlendi birkikembu.
Fiðrildin eru á ferð á vorin en þau
skríða úr púpum í fyrrihluta apríl og
hverfa fyrir miðjan maí. Því er flug-
tími hennar mjög skammur.
Birkikemba fannst fyrst í Hvera-
gerði árið 2005. Síðan fannst hún í
Fossvogi í Reykjavík 2007.
veronika@mbl.is
Mikil skaðsemi birkikembu
Morgunblaðið/Ómar
Skemmdir Birkikemban skilur eftir sig brún lauf, eftir veru sína í þeim.
 Ummerki birkikembu eru sýnileg á höfuðborgarsvæðinu
Hjólreiðakeppn-
inni Kia-gull-
hringnum, sem
fara átti fram í
dag við Laugar-
vatn, var frestað
til laugardagsins
25. ágúst. Ástæð-
an er vegafram-
kvæmdir.
Þetta kemur
fram í tilkynn-
ingu frá aðstandendum keppninnar.
Þar segir að vatnsveður í vor og
sumar hafi tafið verklok á malbik-
unarframkvæmdum á Laugarvatns-
vegi, en þar séu malarkaflar. Einnig
sé ókláraður kafli við Borg í Gríms-
nesi.
Við slíkar aðstæður telji móts-
haldarar að öryggi þátttakenda og
annarra vegfarenda sé ógnað. Óverj-
andi sé að senda stóra hópa hjól-
reiðafólks af stað við slíkar að-
stæður.
Gullhringnum
frestað þang-
að til í ágúst
Hjól Ráslína KIA-
gullhringsins 2016.