Morgunblaðið - 10.07.2018, Side 14

14 FRÉTTIRInnlent
MORGUNBLAÐIÐ ÞRIÐJUDAGUR 10. JÚLÍ 2018
Jón Birgir Eiríksson
jbe@mbl.is
Alvarlegir brestir eru í starfsemi
gjörgæsludeilda Landspítalans á
Hringbraut og í Fossvogi og nei-
kvæð þróun viðbúin nema brugðist
verði við. Þetta kemur fram í grein
Sigurbergs Kárasonar, svæfinga- og
gjörgæslulæknis á Landspítala við
Hringbraut, í nýju tölublaði Lækna-
blaðsins, Tólf gjörgæslurúm á Land-
spítala - dugar það til?
Bitnar á valkvæðum innlögnum
Sigurbergur rekur að pláss sé fyr-
ir 11 sjúklinga á hvorri deild, en und-
anfarinn áratug hafi þó einungis ver-
ið hægt að manna sjö pláss á hvorum
stað. Um síðustu áramót hafi pláss-
unum svo verið fækkað í sex á hvor-
um stað vegna skorts á hjúkrunar-
fræðingum.
Að teknu tilliti til erlendra ferða-
manna sem liggja í gjörgæslurúmum
á Íslandi eru færri en fjögur gjör-
gæslurúm á hverja 100 þúsund íbúa,
fjöldinn í Evrópulöndum var allt frá
4,4 til 29 árið 2012, 11,5 að meðaltali.
„Síðustu 5 ár hefur bæði sjúkling-
um og legudögum fjölgað á báðum
gjörgæsludeildunum. Mikill meiri-
hluti þeirra er vegna bráðainnlagna.
Há rúmanýting
bitnar óhjá-
kvæmilega á val-
kvæðum innlögn-
um og kemur
fram í niðurfell-
ingum aðgerða
með tilheyrandi
álagi og óhagræði
fyrir sjúklinga,“
ritar Sigurbergur
og tekur dæmi af
niðurfellingum hjartaaðgerða sem
fjölgað hefur ár frá ári. Á síðasta ári
voru 48 hjartaaðgerðir felldar niður,
eða 36% allra hjartaaðgerða.
Erlendar rannsóknir benda til
þess að þegar skortur er á gjör-
gæslurúmum og nýting yfir 80% hafi
það áhrif á ákvarðanir um umfang
meðferða og líkur aukist á því að
sjúklingum farnist verr.
Sigurbergur telur að stjórnvöld og
Landspítali þurfi að grípa til allra til-
tækra úrræða til að bæta mönnun
hjúkrunarfræðinga.
„Mögulega þarf að stokka upp
starfsemina, þróa nýjar deildir,
byggja við og breyta og áfram mætti
telja,“ segir hann, en nefnir að ár-
angur af gjörgæslumeðferð sé þó
enn á pari við það sem gerist erlend-
is.
Sigurbergur
Kárason
 Gjörgæslurúm með þeim fæstu í Evrópu
Brestir eru í
gjörgæslunni
Sími 555 2992 og 698 7999
• Við hárlosi
• Mýkir liðina
• Betri næringar-
upptaka
Náttúruolía sem hundar elska
Við höfum notað Dog Nikita hundaolíu fyrir hundana
okkar í 3 ár og við erum ekkert á því að hætta.
Feldurinn á þeim er mjúkur, fallegur og hárlosið á
þeim gengur fyrr yfir. Þófarnir eru mjúkir og sléttir
en ekki harðir og grófir eins og þeir verða oft.Við
mælum með Dog Nikita hundaolíu.
Páll Ingi Haraldsson
EldurÍs hundar
Við mælum með Dog NIKITA hundaolíu
NIKITA hundaolía - Selaolía fyrir hunda
• Gott við exemi
• Betri og sterkari
fætur
Teitur Gissurarson
teitur@mbl.is
„Þetta voru svona tæplega tveir sól-
arhringar. Rosalega var gott að fá
þá þótt þetta væri ekki alveg brak-
andi þurrkur allan tímann,“ segir
Egill Sigurðsson, bóndi á Berustöð-
um.
Egill er einn af þeim mörgu
bændum á Suður- og Vesturlandi
sem nýttu það stutta hlé sem gerði á
rigningaveðri fyrir helgi til að sinna
heyskap en hann segir í samtali við
Morgunblaðið það hafa verið mikinn
létti að ná loksins að heyja að ein-
hverju ráði.
„Það má segja að við séum búnir
að heyja í kýrnar,“ segir Egill en
hann náði að binda um 800 rúllur og
er því að vonum ánægður með af-
raksturinn.
Hann segir það hafa verið mikil-
vægt að fá þennan stutta tíma án
rigningar og segir: „Það var miklu
heyi bjargað um allt Suður- og Vest-
urland á þessum dögum.“
Egill segist þó vita til þess að sum-
ir bændur hafi enn lítið sem ekkert
náð að heyja sökum veðurs. Hann
segir einnig að aukinn tími og kostn-
aður fylgi því að heyja þegar gras er
blautt og að öll tilfærsla og meðferð
verði þyngri í vöfum.
Elvar Eyvindsson, bóndi á Skíð-
bakka II í Rangárþingi eystra, tekur
í sama streng og segir: „Ég held að
menn hafi náð mjög miklu hérna en
þetta er náttúrulega allt saman míg-
andi blautt. Það er ekkert verið að
spá í þurrk. Það þýðir ekki lengur.
Það er bara verið að spá í að slá ef
það helst þurrt.“
Vilja helst fá hálfþurrt
Hann segir það geta orðið mörg-
um til trafala að þurfa að binda þeg-
ar hey er blautt, þá sérstaklega ef
menn hafa ekki réttu aðstöðuna.
„Þetta þýðir að heyið verður mjög
þungt meðferðis, sérstaklega ef
menn eru ekki með vélgenga að-
stöðu. Ef menn komast ekki á trak-
tor eða öðru slíku inn til að gefa þá er
náttúrulega mjög þungt og erfitt að
eiga við þetta,“ segir Elvar og bætir
við:„Menn vilja nú helst fá þetta
svona hálfþurrt í rúllurnar. Það er
bæði talin betri verkun og lystugra
fóður.“
Þakklátur fyrir tæknina
„Maður getur þakkað fyrir það að
þessi tækni sé fyrir hendi. Með
gamla laginu væri ekki búið að ná
strái inn,“ segir Elvar og bendir á að
hann, líkt og margir aðrir í sveitinni,
hafi unnið bæði dag og nótt þennan
stutta tíma sem gafst til að ná eins
miklu inn og mögulegt væri. Hann
nefnir að rigningin hafi ekki einungis
áhrif á hvenær hægt sé að heyja því
veðráttan hafi líka áhrif á gæði
grassins.
„Grasið er líka að skemmast hratt.
Það er komið yfir það að vera í topp-
gæðum. Svo fer það bara versnandi
með hverjum deginum í raun og
veru,“ segir Elvar en bætir við: „Það
var samt það kalt í vor og sumar að
það gerðist frekar seint. Gæðin
héldu sér mun lengur en oft áður.“
Miklu heyi bjargað víða um land
Heyskapur Rúllun í fullum gangi á Berustöðum. Þéttir og miklir múgar.
 Bændur á Suðurlandi heyjuðu í síðustu viku  Heyið er bæði blautt og þungt  Bændur eru komnir
mislangt í heyskap og sumir hafa varla náð að hefja slátt  Aðrir eru búnir að heyja í kýrnar
Ljósmynd/Erla Traustadóttir