Morgunblaðið - 17.07.2018, Side 1

Þ R I Ð J U D A G U R 1 7. J Ú L Í 2 0 1 8
Stofnað 1913  166. tölublað  106. árgangur 
FRAMHALDS-
MYNDIN FRUM-
SÝND Á MORGUN
ALLT UM
BÍLFERÐIR
HANDRIT HJARTA
SÝNINGARINNAR
LÍFSBLÓMIÐ
16 SÍÐNA SÉRBLAÐ 100 ÁRA FULLVELDI 30MAMMA MIA 12
Morgunblaðið/Jim Smart
Við störf Fíkniefnahundum hefur farið
fækkandi hér á landi síðustu ár.
 „Það hefur nær engin umgjörð
verið í kringum þennan mála-
flokk,“ segir Heiðar Hinriksson
lögreglumaður, sem umsjón hefur
með fíkniefnahundi lögreglunnar í
Vestmannaeyjum. Vísar Heiðar í
máli sínu til málefna fíkniefna-
hunda hér á landi, en að hans sögn
hefur engin stefna verið í mála-
flokknum síðustu ár. „Það var alltaf
yfirhundaþjálfari sem heyrði undir
ríkislögreglustjóra. Honum var
hins vegar sagt upp fyrir nokkrum
árum og ekkert kom í staðinn,“
segir Heiðar og bætir við að mikil-
vægt sé að sporna við ástandinu.
Fíkniefnahundum hefur farið
fækkandi síðustu ár og samkvæmt
upplýsingum Morgunblaðsins eru
þeir nú einungis fimm talsins hér á
landi. »10
Einungis fimm fíkni-
efnahundar standa
vaktina hér á landi
Mótmælafundur
» Jæja hópurinn og hópurinn
Mæður og feður sem styðja
ljósmæður hafa boðað til mót-
mæla á Austurvelli kl. 15.00.
» Á sama tíma fer fram þing-
fundur á Alþingi.
Guðrún Erlingsdóttir
ge@mbl.is
„Við erum ekkert að gefast upp í
baráttunni. Við erum eins og kona í
fæðingu þegar barnið er alveg að
koma – fáum einhvern aukakraft.
Þannig er hljóðið í okkur núna,“
segir Hallfríður Kristín Jónsdóttir
ljósmóðir, sem jafnframt er reið og
svekkt og finnst ljósmæður dregnar
á asnaeyrunum. Hún segist hafa þá
tilfinningu að ekki eigi að semja við
ljósmæður heldur útrýma félaginu.
„Katrín og Svandís hafi talað við
ljósmæður en það hafi Bjarni Bene-
diktsson fjármálaráðherra ekki gert
og sent frá sér misvísandi skilaboð
um að samninganefndin hafi fullt
umboð til að semja á meðan for-
maður nefndarinnar segir þeim
þröngur stakkur búinn,“ segir Hall-
fríður.
„Ég upplifi sorg yfir því hvernig
komið er fyrir barneignarþjónustu í
dag. Við erum að semja fyrir fram-
tíðarbarneignarþjónustu. Eins og er
fáum við ekki ljósmæður til vinnu
og ég er hrædd um að aðsókn verði
lítil í ljósmæðranám,“ segir Árný
Anna Svavarsdóttir ljósmóðir, sem
segir að það sé raunhæfur mögu-
leiki á því að eitthvað fari úrskeiðis
þegar mjög undirmannað er á deild.
Eru ekki að gefast upp
 Yfirvinnubann ljósmæðra hefst að óbreyttu á miðnætti  Áhyggjur af barn-
eignarþjónustu framtíðarinnar  Misvísandi skilaboð frá fjármálaráðherra
MBrenglað verðmætamat … » 2
Ljósmynd/Hreinni Hornstrandir
Rusl í rekavíkum Í Bolungarvík á
Hornströndum safnast reki og rusl.
Sjálfboðaliðar söfnuðu níu og hálfu
tonni af rusli í Bolungarvík á Horn-
ströndum í tveimur ferðum þangað í
sumar, en þangað fara þeir nú árlega
í þeim tilgangi. Er það met því áður
höfðu safnast um það bil fimm tonn í
hverri hreinsunarferð.
Vaxandi áhugi er á að taka þátt í
að hreinsa fjörur og tína rusl, en
sjálfboðaliðar, sem nú hafa stofnað
félagsskapinn Hreinni Hornstrand-
ir, tíndu rusl fimmta sumarið í röð í
Bolungarvík á Hornströndum.
Framtakið er styrkt af Landhelgis-
gæslu Íslands, Ísafjarðarbæ, Gáma-
þjónustu Vestfjarða o.fl. Sjálfboða-
liðarnir hreinsa jafnan eina vík eða
fjörð í einu þar sem helst er að finna
reka, því þar safnast mest af ruslinu
sem berst að landi með hafstraum-
um. Á næsta ári verði líklega farið
aftur í þær rekavíkur sem áður hafa
verið hreinsaðar, því hafið ber stöð-
ugt meira rusl að landi.
Mikið af ruslinu virðist eiga upp-
runa sinn erlendis og frá útgerðar-
fyrirtækjum, en oft finnast einnig
spennandi og undarlegir hlutir sem
gæti hafa rekið yfir Atlantshafið eða
fokið af landi. »14
Níu og hálft tonn af rusli
 Settu met í ruslatínslu í Bolungarvík á Hornströndum
Sólin lét loksins sjá sig á höfuðborgarsvæðinu í
gær eftir langa fjarveru. Margir nýttu því dag-
inn til útiveru, meðal annars þessi hópur sem
naut blíðunnar í Nauthólsvík í Reykjavík, og
mátti víða sjá léttklætt fólk á gangi í borgar-
landinu. Veðurstofa Íslands gerir í dag áfram
ráð fyrir léttskýjuðu yfir borginni og verður hiti
allt að 15 stig. Á morgun þykknar þó upp sunn-
an- og vestanlands með rigningu síðdegis.
Sólin gladdi höfuðborgarbúa eftir langa fjarveru
Morgunblaðið/Árni Sæberg
Nauthólsvík í Reykjavík iðaði af lífi
 Umdeilt dráp
hvalsins sem tal-
ið er að gæti ver-
ið steypireyður
gæti haft afleið-
ingar í för með
sér fyrir hval-
veiðifélagið Hval
hf. reynist hval-
urinn vera
steypireyður,
sem er alfriðuð
tegund. Að sögn sérfræðings í
dýraverndunarlögum er laga-
ákvæði í íslenskum lögum þar sem
segir að veiði á steypireyði varði
við sektir og jafnvel fangelsi. »6
Sektir eða fangelsi
reynist dýrið friðað
Veiðar Hvalur
dreginn að landi.
Þingmenn í Bandaríkjunum, þ. á. m.
repúblikanar, gagnrýndu fram-
göngu Donalds Trumps Bandaríkja-
forseta á fundi með Vladimír Pútín
Rússlandsforseta í Helsinki í gær.
Lindsey Graham, einn forystu-
manna repúblikana í öldungadeild-
inni, sagði að Trump hefði misst af
tækifæri til að draga rússnesk
stjórnvöld til ábyrgðar fyrir að hafa
haft afskipti af forsetakosningunum
í Bandaríkjunum í nóvember 2016.
John McCain, repúblikani í öldunga-
deildinni, sagði að framganga
Trumps á fundinum hefði verið
„smánarleg“ fyrir forsetaembættið.
Þingmaður demókrata í fulltrúa-
deildinni, Jimmy Gomez, sagði fram-
göngu Trumps „jaðra við landráð“.
Trump og Pútín lögðu mikla
áherslu á að ekkert samráð hefði
verið milli Trump og Rússa fyrir for-
setakosningarnar 2016. „Það var
ekkert samráð. Það vita það allir,“
sagði Donald Trump. „Ég þurfti að
endurtaka það sem ég hef margsagt
áður - rússneska ríkið hefur aldrei
haft afskipti og ætlar aldrei að hafa
afskipti af innanríkismálum Banda-
ríkjanna,“ sagði Vladimír Pútín. »17
Segja framgöngu
Trumps til skammar