Morgunblaðið - 21.08.2018, Síða 15

FRÉTTIR 15Innlent
MORGUNBLAÐIÐ ÞRIÐJUDAGUR 21. ÁGÚST 2018
Undirstaða atvinnulífs og framfara
Fimmtudaginn 23. ágúst 2018 kl. 9.00-10.30 í Hátíðasal, Aðalbyggingu.
Dagskrá
08.30 Velkomin – húsið opnað með morgunhressingu
09.00 Háskóli Íslands í hnotskurn
09.10 Ávarp mennta- og menningarmálaráðherra – Lilja Dögg Alfreðsdóttir
09.20 Framtíðin, hún er hér – Jón Atli Benediktsson, rektor Háskóla Íslands
09.40 Sýn stúdenta til framtíðar – Elísabet Brynjarsdóttir, forseti Stúdentaráðs
09.50 Ársreikningur Háskóla Íslands 2017 – Jenný Bára Jensdóttir, sviðsstjóri fjármálasviðs
10.05 Nýsköpun í Háskóla Íslands
Nýsköpun er okkar mál – Guðbjörg Linda Rafnsdóttir, aðstoðarrektor vísinda
Nýsköpunarkennsla: Háskóli Íslands og umheimurinn – Magnús Þór Torfason,
lektor við Viðskiptafræðideild
Vísindin efla – Hilmar B. Janusson, forstjóri Genís og formaður stjórnar
Vísindagarða Háskóla Íslands
Ávinningur af samstarfi atvinnulífs og akademíu á nýsköpun, rannsóknir
og kennslu – Sesselja S. Ómarsdóttir, forstöðumaður greiningardeildar Alvotech
og prófessor við Lyfjafræðideild
Fundarstjóri: Steinunn Gestsdóttir, aðstoðarrektor kennslu og þróunar
ÁRSFUNDUR HÁSKÓLA ÍSLANDS 2018
Vinkonurnar Jóhanna Engilráð Hrafnsdóttir og Elín
Víðisdóttir, níu ára gamlar, efndu til útimarkaðar hjá
Pakkhúsi Hróksins á Menningarnótt í þágu Fatimu-
sjóðs og barna í Jemen, sem búa við mikla neyð.
Í boði voru meðal annars bækur Jóhönnu Kristjóns-
dóttur, stofnanda Fatimusjóðsins og ömmu Jóhönnu
Engilráðar, vinamerki og heimatilbúið slím, sem rann
út eins og heitar lummur. Alls söfnuðu þær stöllur um
fjörutíu þúsund krónum í þágu málstaðarins.
Fatimusjóðurinn var stofnaður árið 2005 og hefur
síðan safnað tugum milljóna til verkefna í þágu barna í
Mið-Austurlöndum og Afríku. Jóhanna Kristjónsdóttir
lést 11. maí 2017 en Fatimusjóðurinn starfar áfram
undir kjörorðum hennar: Til lífs og til gleði.
Ragný Þóra Guðjohnsen, sem tók við formennsku, lét
ekki sitt eftir liggja á Menningarnótt og var meðal
þeirra sem hlupu í Reykjavíkurmaraþoninu undir
merkjum Fatimusjóðs. Sjóðurinn vinnur samkvæmt
þeirri reglu stofnandans að allt söfnunarfé fari óskert í
þau verkefni sem styrkt eru hverju sinni, án krónu í til-
kostnað.
Jóhanna Engilráð og Elín hvetja alla, sem geta, til að
leggja sjóðnum og börnum í Jemen lið, þar sem millj-
ónir líða skort, hungur og stríðsógn. Reikningsnúmer
Fatimusjóðs: 0512-04-250461 og kennitala: 680808-
0580.
Vinkonur söfnuðu fyrir börnin í Jemen
Söfnun Þessir kínversku ferðamenn voru heillaðir af slíminu, sem búið er til samkvæmt sérstakri leyniuppskrift.
Axel Helgi Ívarsson
axel@mbl.is
„Það er lítið að segja frá eins og er,“
segir Ágúst G. Valsson við blaða-
mann Morgunblaðsins um stöðu
fyrirhugaðrar hópmálsóknar gegn
fyrirtækinu Geymslum. Enn er verið
að safna upplýsingum og gögnum
sem tengjast brunanum í Miðhrauni
í apríl og þá hafa margir verið frá
vegna sumarleyfa.
Ágúst er talsmaður rúmlega 30
manna leigjendahóps sem hyggst
fara í mál við fyrirtækið Geymslur
vegna brunans. Að sögn Ágústs telur
hópurinn nú um 30-40 manns sem
taka þátt í kostnaði vegna mál-
sóknarinnar. Líklegt þykir að hjólin
fari að snúast af auknum krafti í mál-
inu þegar líður á haustið.
Lögmaður hópsins, Guðni Á. Har-
aldsson, tekur í sama streng og
Ágúst um hvar málið standi. „Það er
verið að skrifa ýmsum aðilum bréf til
þess að fá upplýsingar um stöðuna
og eigendur eru að verðmeta sínar
eigur, þannig er staðan í málinu,“
segir Guðni í samtali við Morgun-
blaðið. „Mér barst nýlega tilkynning
frá lögreglustjóranum á höfuð-
borgarsvæðinu um að lögreglan
hefði lokið rannsókn málsins þar
sem ekkert kom fram um að eitthvað
saknæmt hefði verið að baki brun-
anum. Það er svona það nýjasta,“
segir Guðni. Aðspurður segir hann
ómögulegt að segja til um hvenær
stefna í málinu muni liggja fyrir.
Söfnun gagna
stendur enn yfir
 Áformuð hópmál-
sókn gegn fyrirtæk-
inu Geymslum
Morgunblaðið/Kristinn Magnússon
Eldur Mikið tjón varð vegna brun-
ans í húsnæði Geymslna í apríl.
Jón Atli Bene-
diktsson, rektor
Háskóla Íslands,
hlýtur verðlaun
alþjóðlegu sam-
takanna IEEE
Geoscience and
Remote Society
(GRSS) í ár fyrir
framúrskarandi
framlag sitt til
rannsókna á
sviði fjarkönnunar.
Frá þessu greinir á vefsíðu Há-
skólans en verðlaunin eru kennd
við David Landgrebe, einn helsta
frumkvöðul í greiningu fjarkönn-
unarmynda, og verða afhent á ráð-
stefnunni IEEE Whispers sem
GRSS stendur fyrir í samtarfi við
fleiri fagfélög á sviði fjarkönnunar
í Amsterdam í september. Verð-
launin eru veitt fyrir framúrskar-
andi framlag til greiningar fjar-
könnunarmynda.
Fjarkönnun felst m.a. í því að
taka stafrænar myndir úr flug-
vélum og gervitunglum og rann-
sóknir ganga út á að þróa aðferðir
til að draga fram upplýsingar úr
slíkum myndum ásamt því að safna
og vinna úr fjarkönnunargögnum.
Fjarkönnun býður upp á að fylgjast
með stórum svæðum sem oft eru
fjarri mannabyggðum. Þessi tækni
skiptir Íslendinga mjög miklu máli,
m.a. við rannsóknir á gróðurþekju,
jöklum, eldfjöllum og hafinu.
Rektor Háskóla Íslands verðlaunaður
Jón Atli
Benediktsson
Erna Ýr Öldudóttir
ernayr@mbl.is
Á laugardaginn 1. september verður
árvekniátakið „Plastlaus septem-
ber“ sett í Ráðhúsi Reykjavíkur kl.
12-16, að því er fram kemur á Face-
book-síðu viðburðarins. Þar verður
haldinn markaður með plastlausar
vörur auk kynningarbása með
fræðslu og kynningu á hugmyndum
til að draga úr plastnotkun.
Umhverfisráðherra setur átakið
og sendiherra Evrópusambandsins á
Íslandi segir frá stefnu sambandsins
í plastmálum, auk þess sem fulltrúar
Landspítalans og Farfuglaheimilis-
ins í Laugardal miðla af sinni
reynslu í umhverfismálum.
Sjálfsprottinn hópur kvenna
Á vefsíðu samtakanna, Plastlaus
september, kemur fram að um sé að
ræða grasrótarverkefni tólf kvenna.
„Þetta er sjálfboðastarf, við stofn-
uðum samtökin vorið 2017. Ein okk-
ar hóaði saman nokkrum konum sem
höfðu verið virkar í umhverfis- og
endurnýtingarhópum á netinu.
Við héldum fund og það var vilji
fyrir því að gera þetta, þannig að við
fórum bara af stað,“ segir Elsa Þór-
ey Eysteinsdóttir líffræðingur, sem
situr í stjórn hópsins, sem segir
verkefnið aðallega rekið í septem-
ber, þegar þær einbeita sér að vit-
undarvakningu um plastnotkun.
„Því er svo kannski ósvarað hvað
plastlaus lífsstíll sé, en allir eru
hvattir til að gera sitt besta. Við er-
um aðallega að benda á einnota
plastvörur, því það er kannski það
sem er auðveldast að hætta að nota,“
segir Elsa Þórey, sem hvetur sem
flesta til að láta sjá sig. Nánari upp-
lýsingar um plastmengun og hvernig
má minnka plastneyslu eru á
www.plastlausseptember.is.
Plastlaus septem-
ber að hefjast
 Árvekniátak gegn einnota plasti
Ljósmynd/AFP
Í fjörunni Fólk hefur fengið sig full-
satt af plasti í sjónum.