Morgunblaðið - 21.08.2018, Qupperneq 19

19
MORGUNBLAÐIÐ ÞRIÐJUDAGUR 21. ÁGÚST 2018
Harpa Stórar byggingar bjóða gjarnan upp á marga möguleika og Harpa er engin undantekning. Þar er til dæmis aðstaða fyrir mótttökur og sýningar og sumir fá sér þar blund á milli stríða.
Eggert
Tommy Robinson
verður dreginn fyrir
rétt í byrjun sept-
ember í hinu hálf-
íslamska Bretlandi.
Tommy skal kastað
fyrir öskrandi dólga
og illmenni gegnt
moskunni í Onley-
fangelsi. Brexit er á
hröðu undanhaldi
enda skulu breskir
ekki komast upp með
að svíkja kommisarana í Brussel,
þótt Junker sé reikull sem aldrei
fyrr. Atlaga Omarosu í Ameríku er
perfekt. Stelpan hjólar í fíflið
Trump og kallar rasista, fasista og
kvenhatara. Vandræðagangi
Reykjavíkur er sópað undir teppi
Dýrabæjar. Vandamál, fleiri
vandamál, stærri vandamál, vanda-
mál alls staðar. Dásamlegt. Skútan
sannarlega á kúrs inn í hið fyr-
irheitna land fátæktarvitundar þar
sem enginn á neitt þótt allir eigi
Dýrabæ.
Félagi Napóleon gengur út á
svalir Dýrabæjar á turni Efstaleit-
is og horfir yfir ríki sitt Reykjavík.
Svalirnar gnæfa yfir uppsteypt
virkið í kring. Félagi Napóleon
rýtir sæll og glaður. Rýtið berg-
málar um Efstaleitið. Borgarleik-
húsið blasir við; bandalagið er
traust sem aldrei fyrr líkt og
bandalagið við ráðhúsið; perfekt!
Félagi Napóleon er í góðu skapi.
Góða fólkið kemur jafnan saman á
planinu og hyllir hann eftir vel
heppnað einelti DO, SDG og Bj.
Ben. Þá var magnað þegar H.
Birna hrökklaðist úr pólitík en ein-
eltið gegn Piu var endasleppt. Eig-
inlega alveg glatað. Og sama á við
um Siggu litlu sem
nær vart upp fyrir
púltið. Félagar í
Samfó og Pírötum
verða að gera betur.
Félagi Napóleon
grettir sig en réttir
svo úr sér og rymur
ábúðarfullur: „Bara
finna nýja lygi!“
Kíkirinn fyrir
blinda augað
Lítið vita þeir! Fífl-
in halda að hann, fé-
lagi Napóleon, sé umræðustjóri
ríkisins af því hjörðin kemur sam-
an til funda djúpt í iðrum Dýra-
bæjar undir mynd hans á veggnum
og frelsið liggur hlekkjað í horni.
Kjánar. Félagi Napóleon hrín og
rýtir rosalega svo bylgja fer um
vömbina. Svalirnar svigna og hon-
um bregður svakalega þegar
brestur í gólfinu og svalirnar
sveiflast. Hann grípur um hand-
riðið. „Félagar!“ öskrar félagi
Napóleon ógurlega. Djúp röddin
glymur um ganga allt niður í kjall-
ara dýpst í iðrum Dýrabæjar þar
sem myndin góða hangir í öndvegi.
Hjörðin hrín ringluð og óttasleg-
in, líkt og jafnan þegar félagi
Napóleon kallar. Fát og fum gríp-
ur um sig. Hjörðin tekur á rás í
átt að dyrunum og ryðst út.
Gauragangurinn glymur um
ganga. Marteinn Mosdal stendur
lymskulegur einn eftir; mundar
fingurinn, sveiflar lokknum, lagar
gleraugun og muldrar: „Ein rík-
isgleraugu … ein ríkisskoðun,“
reigir sig og skrækir: „Einn rík-
isflokkur.“ Það glymur í hlekkjum
í horni. Hjörðin ryðst upp stigana
og gauragangurinn berst alla leið
upp á svalir.
Félagi Napóleon bregður kík-
inum fyrir blinda augað.
Valdabarátta í Washington
Í Bandaríkjunum fer fram harð-
vítugasta valdabarátta bandarískr-
ar sögu, ef frá er tekið þrælastr-
íðið. Watergate Nixons er líkt og
teboð. Aldrei hafa fjölmiðlar verið
jafn einhuga í baráttu gegn for-
seta, jafn virkir þátttakendur í
valdatafli Washington DC né póli-
tíkin jafn illskeytt. Demókratar
leggja allt í sölurnar að koma frá
völdum Donald J. Trump, 45. for-
seta landsins; sem tístir fúkyrði og
svívirðingar um falsmiðla, óvini
fólksins og vill ræsa út mýrina í
Washington.
Fyrir rúmum hálfum mánuði
neyddist dómsmálaráðuneyti BNA
til að birta skjöl sem staðfesta að
Hillary Clinton og Demókrata-
flokkurinn réðu lögfræðifirma Fu-
sion GPS, sem réð rannsóknarf-
irma sem réð fyrrverandi
MI-6-njósnarann Christopher
Steele til þess að afla gagna í
Rússlandi sem áttu að bregða fæti
fyrir Donald Trump í kapphlaup-
inu um Hvíta húsið.
Steele setti saman „Trump-
gögn“ sem gengu á milli æðstu
embættismanna dómsmálaráðu-
neytis Baracks Obama og alrík-
islögreglunnar FBI sem fór með
„dossierinn“ fyrir FISA – njósna-
dómstól og aflaði heimilda til að
njósna um framboð Donalds
Trumps. „No-name“ Carter Page,
sem fullyrt var að væri rússneskur
njósnari í framboði Trumps, er nú
gleymdur. FISA var blekkt um til-
urð dossiersins.
Beiðnir til gjörninganna voru
undirritaðar af dómsmálaráðherra
BNA. Ásamt ráðherranum und-
irrituðu beiðnir Jim Comey og
Andrew McCabe frá FBI og Rob
Rosenstein aðstoðarráðherra, sem
síðar skipaði Robert Muller sér-
stakan saksóknara til þess að
rannsaka Trump og „rússneska
samráðið“. Njósnir gegn Trump
fóru af stað eftir að FBI setti
rannsókn á 33.000 netpóstum
Hillary Clinton ofan í skúffu en
hún var grunuð um að selja
hernaðarleyndarmál um meðal
annars dróna og gervihnetti í
skiptum fyrir hundruð milljóna
dollara í Clinton Foundation.
Trump kallar frú Clinton jafnan
„Crooked Hillary“ þegar hann tíst-
ir um þennan mótframbjóðanda
sinn.
„Við stöðvum [Trump]“
Hinn umtalaði Peter Strzok
FBI-maður, sem sagði í frægum
tölvupóstum „We’ll stop [Trump]“,
var rekinn á dögunum. Njósnarinn
Steele, sem var á launum hjá FBI
fyrir og eftir kosningar, lak
„ó“skandalsögum af Trump í fjöl-
miðla, sem kjömsuðu. FBI og
njósnaþjónustur héldu sumsé
áfram tilraunum sínum til þess að
knésetja Trump eftir að hann hafði
verið kjörinn forseti. Níu FBI-
agentar hafa horfið úr starfi og
hálfur tugur úr ráðuneytinu. Gamli
kommúnistinn, fyrrverandi CIA-
forstjóri, ítrekað staðinn að lygi og
nú ráðgjafi CNN, John Brennan,
var sviptur öryggisaðgangi eftir
hafa sakað Trump um landráð sem
þýðir karlinn í rafmagnsstólinn.
Robert Muller spjallar við hórur
og saksækir þótt ekkert hafi fund-
ist á Trump. Aldrei skal þó segja
aldrei. Trump skal frá. Karlinn
kjaftfor, hvatvís og magnar sjálfur
andstöðu með tísti sem oft fóðrar
óvininn.
„Kjósendur kjósa með peninga-
buddunni,“ var sagt fyrir ald-
arfjórðungi. Í boði Trumps, sem
hefur verið uppnefndur rasisti, fas-
isti og kvenhatari, mældist á öðr-
um ársfjórðungi hagvöxtur í BNA
4,1%; skattar hafa verið lækkaðir
og þúsundum reglugerða hent í
tætara. Fjórar milljónir starfa
hafa orðið til á valdatíma Trumps
og tæplega fjórar milljónir fátækra
hætt að þiggja matarmiða. Trump
mælist frá rúmum 40% og allt í
51% fylgi og 90% meðal repúblik-
ana. Aldrei í sögu bandarískra
stjórnmála hefur alþýðufólk
flykkst á fundi stjórnmálamanns
sem Trumps; pakkaðir salir og úti
risaskjáir fyrir þá sem ekki rúmast
innandyra. Fjárfestingar vaxa og
viðskiptajöfnuður var jákvæður í
júlí. Atvinnuleysi meðal blökku-
manna, spænskumælandi og as-
ískra er í sögulegu lágmarki og
kvenna í 66 ár; stuðningur blökku-
manna vaxið úr 13% í 29%,
spænskumælandi 10%.
Þetta er ekki í fréttum Dýra-
bæjar.
Félagi Napóleon vill stjórna
skoðun þinni, kæri lesandi.
Eftir Hall Hallsson » Í boði Trumps …
mældist á öðrum
ársfjórðungi hagvöxtur í
BNA 4,1%; skattar hafa
verið lækkaðir og þús-
undum reglugerða hent
í tætara.
Hallur Hallsson
Höfundur er fréttamaður
og sagnfræðingur.
Félagi Napóleon á svölum Dýrabæjar