Morgunblaðið - 21.08.2018, Síða 33

MENNING 33
MORGUNBLAÐIÐ ÞRIÐJUDAGUR 21. ÁGÚST 2018
Hólshraun 3 · 220Hafnarfjörður · Símar: 555-1810, 565-1810 · Netfang: veislulist@veislulist.is · www.veislulist.is
Skútan
GÆÐA BAKKAMATUR
Sjá heimasíðu
www.veislulist.is
Veislulist afgreiðir hádegismat í bökkum alla daga ársins,
bæði fyrir fyrirtæki og stofnanir.
Í yfir 40 ár hefur Veislulist
lagt áherslu á góða
þjónustu og framúrskaran
matreiðslu.
Hádegismatur
Verð
kr. 1.370
Lágmark 3 bakkar
+ sendingargjald
d
MisMUnAndi
RéTTiR AllA dAGA
viKUnnAR
EldUM EinniG fyRiR
MöTUnEyTi
ICQC 2018-20
Tom Cruise slær Duracell-kanínunni enn og aftur við ínýjustu Mission: Imposs-ible-myndinni, Fallout,
sem er sú sjötta í röðinni og ábyggi-
lega langt frá því sú síðasta, ef litið er
til einkar góðrar aðsóknar og mjög
svo jákvæðra dóma. Myndin er sú
vinsælasta til þessa hvað aðsókn
varðar og af mörgum gagnrýnendum
talin sú besta í syrpunni. Má það lík-
legast þakka nær gegndarlausum
hasar í hálfa þriðju klukkustund þar
sem Cruise er allt í öllu, hamast jafnt
á jörðu niðri sem í háloftunum. Hann
er á harðaspretti lengi vel (líkt og í
flestum öðrum kvikmyndum sem
hann hefur leikið í) og gekk svo mikið
á í tökum að honum tókst að brjóta á
sér ökklann þegar hann stökk af einu
húsþaki yfir á annað.
Þó að margt megi vissulega segja
neikvætt um Cruise, t.d. að hann sé
nú heldur slakur leikari sem trúi á
galnar kenningar Vísindakirkjunnar,
verður þó að telja honum til tekna að
hann gefur sig allan í þau ómögulegu
verkefni sem hann tekur að sér.
Hann hleypur líkt og fjandinn sé á
hælunum á honum, stekkur milli
bygginga, klifrar í klettum, hangir
neðan í þyrlum, þeysir um götur á
vélhjólum, kafar í margar mínútur og
stekkur út úr flugvélum eins og ekk-
ert sé. Kynningar á Mission: Imp-
ossible kvikmyndunum hafa enda
snúist að mestu um þessi afrek
Cruise, hversu ofurmannlegur leik-
arinn sé. Hann leggur allt í sölurnar
fyrir áhorfendur og hefur margoft
sagt sjálfur að hann vilji bara
skemmta fólki, það sé hans helsta
markmið. Er það vel.
Hins vegar dregur maður í efa að
Cruise geti haldið niðri í sér and-
anum í rúmar fimm mínútur (hvet
lesendur til að prófa það næst þegar
þeir skreppa í sund) eða klifið einn
hæsta skýjakljúf heims, Burj Kalif-
ah, án þess að fá í magann. Cruise
mun þó hafa lært að fljúga þyrlu fyr-
ir þetta nýjasta ævintýri syrpunnar
um hin óleysanlegu verkefni og það á
frekar skömmum tíma.
Þessi 56 ára kvikmyndastjarna
leikur að vanda sjálf í öllum áhættu-
atriðum Fallout og þau eru mörg
hver æði mögnuð. Þessi óvenjulega
aðferð, nú á tímum tölvuteiknaðs
hasars, skilar sér í meiri spennu en
maður á að venjast því áhorfandinn
er með Cruise á vélhjólinu þegar
hann þeysir á ofsahraða um götur
Parísar en ekki einhverjum andlits-
lausum áhættuleikara eða tölvu-
teiknaðri mannveru. Áhorfandinn er
líka með Cruise þegar hann flýgur
þyrlu á miklum hraða um ógurleg gil
og kletta Himalajafjalla og á
skjannahvítu karlasalerni í klúbbi í
París þar sem Cruise er laminn
sundur og saman en sleppur á end-
anum út nær óskrámaður. Þarna
skiptir myndatakan auðvitað miklu
máli, við erum við hlið Cruise þar
sem hann berst fyrir lífi sínu, hvað
eftir annað, með hinn góðkunna og
varanlega angistarsvip. Innan um
allan þennan hasar leynist örlítil
saga, á köflum illskiljanleg og að
sjálfsögðu oftar en ekki órökrétt.
Hún skiptir á endanum litlu máli því
hasarinn er í aðalhlutverki.
En hver er sagan? Jú, í stuttu máli
þessi: Hópur hryðjuverkamanna
kemst yfir plúton sem nýta á í kjarn-
orkusprengjur og sprengja á þremur
ólíkum stöðum í heiminum. Ethan
Hunt (Cruise), aðalmaðurinn í Im-
possible Mission Force sem er leyni-
legur hópur Bandaríkjastjórnar sem
falið er að leysa óleysanleg verkefni,
fær það ómögulega verkefni að koma
í veg fyrir ráðabruggið og þvælist
milli ólíkra borga og staða heims með
aðstoðarmönnum sínum, Benji
(Pegg) og Luther (Rhames). Hann
þarf auk þess að glíma við Walker
(Cavill), starfsmann bandarísku
leyniþjónustunnar sem er heldur
ósáttur við aðferðir Hunt og félaga
og vill fara aðrar leiðir. Og gamlir
kunningjar koma líka við sögu, per-
sónur úr fimmtu M:I myndinni,
Rogue Nation, hryðjuverkaleiðtog-
inn Solomon Lane (Harris) og hin
stórhættulega og þokkafulla breska
leyniþjónustukona Ilsa Faust
(Ferguson).
Enn er hamrað á kostum og göll-
um Hunt, að hann eigi erfitt með að
taka réttar ákvarðanir á ögurstundu
og eigi til að stefna mannkyni öllu í
hættu til að bjarga vinum sínum.
Sem er auðvitað ákveðinn galli þegar
menn ráða yfir örlögum alls heims-
ins! Þá eru blekkingar rauður þráður
í sögunni líkt og í fyrri myndum, ein
blekking tekur við af annarri og
menn nota óspart grímur til að villa á
sér heimildir. Grímuatriðin hafa allt-
af verið aðalkjánaskapurinn í Miss-
ion: Impossible-myndunum og náðu
þau hámarki í annarri mynd syrp-
unnar, þeirri verstu, en í henni rifu
menn af sér andlitið í gríð og erg.
Tæknilega er Fallout einkar vönd-
uð í alla staði. Myndataka, klipping
og brellur eru fyrsta flokks og takt-
föst tónlist Lorne Balfe magnar upp
spennuna. Leikarar standa sig með
ágætum, Cruise auðvitað alltaf eins
og gaman að sjá heljarmennið Cavill
lausan úr búningi Súpermanns. Pegg
veitir nauðsynlegan léttleika í hlut-
verki tölvusnillingsins Benji og Van-
essa Kirby, sem margir kannast við
úr Netflix-þáttunum The Crown, er
skemmtilega kvikindisleg í hlutverki
Hvítu ekkjunnar, skaðræðiskvendis
myndarinnar. Mission: Impossible –
Fallout er ekta sumarhasar og besta
hasarmyndin það sem af er ári.
Nóg eftir á rafhlöðunni
Laugarásbíó og Sambíóin í
Kringlunni, Álfabakka og
Egilshöll
Mission: Impossible – Fallout
bbbbn
Leikstjórn og handrit: Christopher
McQuarrie. Aðalleikarar: Tom Cruise,
Rebecca Ferguson, Alec Baldwin, Henry
Cavill, Simon Pegg, Vanessa Kirby og
Ving Rhames.
Bandaríkin, 2018. 147 mín.
HELGI SNÆR
SIGURÐSSON
KVIKMYNDIR
Sprettharður Tom Cruise
á harðaspretti eftir hús-
þökum Lundúna.
Jazzhátíð Reykjavíkur verður
haldin 5.-9. september næstkom-
andi og með breyttu sniði miðað
við fyrri ár því nú flytur hátíðin
sig úr Hörpu og fer fram á
nokkrum stöðum í miðbænum.
Virku dagana verða tónleikar
haldnir í Hannesarholti, Iðnó og
Tjarnarbíói en á laugardeginum
verður tónleikahald á Grand hót-
eli og í gömlu kartöflugeymsl-
unum.
Í tilkynningu segir að hátíðin
hafi náð góðum árangri í að auka
hlut kvenna í þessum mjög svo
karllæga geira og að í ár verði
tvö atriði af fimm leidd af konum.
„Íslenskar konur eiga einnig
sinn skerf en fjórar konur standa
í fararbroddi atriða á hátíðinni,“
segir í tilkynningu og að alls sé
búið að tilkynna 22 viðburði á há-
tíðinni og að sjö þeirra verði út-
gáfutónleikar.
Hátíðinni verður þjófstartað
sunnudaginn 2. september með
djammi á Bryggjunni brugghúsi
kl. 20 og af einstökum tónleikum
má nefna þá sem fram fara á
fimmtudegi, 6. september, í
Tjarnarbíói. Bassaleikarinn Giulia
Valle leikur kl. 19.30 með tríói
sínu skipuðu Marco Mezquida á
píanó og David Xirgu á trommur.
Valle hefur verið á hraðri uppleið
undanfarin ár og komið fram á
merkum djasshátíðum á borð við
Montreal Jazz Festival, San
Francisco Jazz og klúbbum á
borð við Blue Note í New York og
Bimhuis í Amsterdam en tríó
hennar gerir út frá Barcelona og
katalónsk stemning er undirliggj-
andi í leik þess.
Frekari upplýsingar um hátíð-
ina má finna á vefsíðu hennar,
reykjavikjazz.is.
Tvö atriði af fimm
leidd af konum
Á uppleið Bassaleikarinn Guilia
Valle kemur fram á hátíðinni.