Morgunblaðið - 22.08.2018, Qupperneq 2

2 FRÉTTIRInnlent
MORGUNBLAÐIÐ MIÐVIKUDAGUR 22. ÁGÚST 2018
Funahöfða 7, 110 Reykjavík | Sími 577 6666
., '*-�-��,�rKu�,
KIEL/ - OG FRYSTITJEKI
æli- & frystiklefar
í öllum stærðum
K
Morgunblaðið Hádegismóum 2, 110 Reykjavík. Sími 5691100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Sigurður Nordal vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/senda grein Prentun Landsprent ehf.
Vinsældir engiferöls hér á landi
aukast með hverju ári. Sést það vel á
sölutölum á engiferöli í verslunum
Hagkaupa, en salan þrefaldaðist
milli áranna 2016 og 2017, segir í
skriflegu svari frá Hagkaupum. Þá
hefur salan á þessu ári nú þegar
toppað sölu frá öllu síðasta ári, á árs-
grundvelli væri það um fimmföldun í
sölu, segir enn fremur í svari Hag-
kaupa.
Engiferöl er tískudrykkur
„Þetta er náttúrlega svona tísku-
drykkur, sem hefur verið mikið æði
hjá Bretum og Bandaríkjamönnum
síðastliðin ár. Kannski er það fyrst
og fremst drykkurinn Moscow Mule,
sem hefur slegið í gegn á börum
landsins og annars staðar í heim-
inum. Hins vegar er líka stór hópur
fólks sem drekkur ekki áfengi en fer
ennþá út að
skemmta sér og
er orðið dálítið
leitt á því að
drekka frekar til-
breytingarlaust
sódavatn,“ segir
Freyr Eyjólfs-
son, fjölmiðla-
maður og forfall-
inn áhugamaður
um engiferöl.
Freyr stjórnar t.a.m. Facebook-
síðunni Engiferöls-vinafélagið, sem
nokkur hundruð manns fylgjast
með.
Drykkurinn er til í tvenns konar
útgáfu, annars vegar sem bragðbætt
gos og hins vegar sem bruggaður
drykkur, sem er oftast óáfengur. „Sá
síðarnefndi er sá drykkur sem flestir
eru að kaupa og drekka. Bruggaða
engiferölið er mun meiri drykkur,
þ.e.a.s. hann er bragðsterkari og
hefur fjölbreytt bragð,“ segir Freyr.
Ófáanlegt fyrir nokkrum árum
Aðspurður segir Freyr að engifer-
öl hafi verið ófáanlegt í verslunum
hér á landi fyrir nokkrum árum.
„Þess vegna fórum við af stað með
þessa síðu, ég og Ágúst [Már Garð-
arsson], matreiðslumeistari og vinur
minn. Við erum báðir forfallnir
áhugamenn um engiferöl og við fór-
um að ræða um þetta eingöngu
vegna þess að drykkurinn var ófáan-
legur. Við birtum gagnrýni og önnur
skrif um þennan drykk og ágæti
hans. Þetta er drykkur sem er hægt
að skrifa um eins og bjór og rauðvín.
Það eru alls konar bruggvenjur og
bragðtegundir,“ segir Freyr um
engiferölið. axel@mbl.is
Sala á engiferöli fimmfaldast
 Mikið æði er í kringum engiferöl  Áfengislaus kostur
Drykkur Engifer-
ölið rýkur út.
Einn bjóðandi hefur kært útboð
Kópavogsbæjar á ræstingu í grunn-
skólum. Bærinn er búinn að skrifa
undir samninga við lægstbjóðanda
um þessa þjónustu.
Bæjarráð ákvað á fundi sínum 9.
ágúst að ganga til samninga við Sól-
ar ehf. um ræstingar í fimm grunn-
skólum bæjarins fyrir 108 milljónir
kr. Fyrirtækið var lægstbjóðandi í
útboði. Eftir að kærufrestur vegna
samninga var liðinn var skrifað und-
ir samninga. Kostnaðaráætlun hljóð-
aði upp á 64 milljónir en tilboð Sólar
var 108 milljónir. Önnur tilboð voru
hærri, það hæsta 176 milljónir.
Birkir Jón Jónsson, formaður bæj-
arráðs, segir að fram hafi komið í
bæjarráði að líklega hafi kostnaður
verið vanmetinn í ljósi þess að
lægsta tilboð var ekki langt frá því
sem gert var ráð fyrir í fjárhagsáætl-
un bæjarins fyrir árið 2018.
Óvenjumargar spurningar og at-
hugasemdir komu fram í útboðsferl-
inu. Í gær barst bæjarlögmanni til-
kynning frá fyrirtækinu Hreint ehf.
um kæru. Farið var fram á stöðvun
samningsgerðar. Pálmi Þór Másson
bæjarlögmaður segir að frestur til að
stöðva samninga hafi verið liðinn en
frestur til að kæra útboðið sjálft sé
enn opinn. Kæran verði tekin til
meðferðar þegar gögn með henni
hafi borist. helgi@mbl.is
Útboð á
ræstingu
kært
 Búið að skrifa
undir samninga
Jón Birgir Eiríksson
jbe@mbl.is
Frumvarp sem byggja mun á nýrri skýrslu um
skattlagningu ökutækja og eldsneytis verður
sett á þingmálaskrá að sögn Bjarna Benedikts-
sonar, fjármála- og efnahagsráðherra.
„Það er auðvitað ekki sjálfgefið að tillögun-
um verði fylgt í einu og öllu, en þetta er upp-
leggið. Við erum að fikra okkur áfram í takt við
þær breytingar sem eru að verða í bílaheim-
inum,“ segir Bjarni og nefnir framþróun í
framleiðslu tvinn-, tengiltvinn- og rafmagns-
bíla. „Við þessu þarf að bregðast því þetta hef-
ur áhrif á tekjumódelið okkar, en líka af því að
við viljum styðja við þessar
breytingar,“ segir hann.
Bjarni segir það umhugs-
unarefni hvernig breyting-
ar kallist á við hugmyndir
um gjaldtöku í samgöngum
almennt. „Þá er ég að horfa
til þess hvort við förum í
auknum mæli að heimta
gjöld í samræmi við notkun
og færum okkur úr því að
skattleggja selda lítra á
bensínstöð yfir í ekna kílómetra á götunum,“
segir hann. „Nú fer mikið fyrir umræðu um
þörf fyrir fjármögnun samgöngumannvirkja.
Það er nærtækt að tengja þessa tvo hluti
saman, að taka skatta af umferð sem standi
undir kröfum um uppbyggingu samgöngu-
mannvirkja,“ segir Bjarni.
Sjálfbærni í orkumálum æskileg
Bjarni segir að nú séu uppi spurningar um
það hvenær stíga megi enn stærri skref í
breytingu bílaflotans. „Það eru álitamál sem
við ættum að velta upp; hvenær við verðum
tilbúin að stíga skref sem gætu þá m.a. falist í
algjörri breytingu bílaflotans. Nýir bílar væru
þá að uppfylla strangari skilyrði en við höfum
sett til þessa,“ segir hann. Forsendan fyrir
þessu sé þó að nýir bílar verði á sam-
keppnishæfu verði. „Það er gríðarlega spenn-
andi tækifæri ef tæknin hleypir okkur þangað
að við getum verið okkur sjálfbær um orku í
samgöngum í stað þess að kaupa olíu frá út-
löndum fyrir gjaldeyri til að knýja áfram sam-
göngurnar,“ segir hann.
Bjarni segir að átakalínur í þinginu hafi ver-
ið um það hve hratt megi gera ráð fyrir breyt-
ingunum og hve miklu ívilnanir geti skilað.
„Við getum haft áhrif en við erum ekki í bíl-
stjórasætinu þegar kemur að þróun tækninn-
ar. Stóru bílaframleiðendurnir í heiminum
munu ráða úrslitum um það, hvort þeir geta
skilað umhverfisvænum, hagkvæmum bílum á
markaðinn á samkeppnishæfu verði.“
Ný lög í takt við tækniþróun
 Frumvarp um skattlagningu ökutækja og eldsneytis á dagskrá  Þróunin ör hjá bílaframleiðendum
 Tengi skattheimtu uppbyggingu samgöngumannvirkja  Stjórnmálamenn ekki „í bílstjórasætinu“
Bjarni
Benediktsson
Margmenni var í Laugardalshöll í gærkvöldi
þegar kanadíska indírokksveitin Arcade Fire
hélt þar tónleika. Íslenska hljómsveitin Kiriyama
Family hitaði upp. Frá því að Arcade Fire gaf út
plötuna Funeral árið 2004 hefur hún notið mik-
illar hylli tónlistarunnenda og árið 2011 fékk
hún Grammy-verðlaun fyrir plötuna The Sub-
urbs. Tónleikarnir hér á landi eru þeir síðustu í
tónleikaferðalagi Arcade Fire sem ber sama
heiti og nýjasta plata sveitarinnar, Everything
Now. Hyggjast meðlimir sveitarinnar ferðast um
landið að loknum tónleikunum.
Kanadíska hljómsveitin Arcade Fire lék í Laugardalshöll
Morgunblaðið/Hari
Lauk löngu tónleikaferðalagi sínu á Íslandi