Morgunblaðið - 23.08.2018, Qupperneq 48

Le Bistro Staðurinn er einstaklega skemmtilegur í útliti.
Morgunblaðið/Kristinn Magnússon
Þóra Sigurðardóttir
thora@mbl.is
Það eru þeir Arnór Bohic og
Alex Jose Pinto Da Rocha sem
standa í brúnni en samanlagt hafa
þeir áratuga reynslu úr veit-
ingageiranum. Arnór lagði stund á
Hospitality Management í Sviss
og hefur Le Bistro lifað góðu lífi í
fimm ár enda staðsetningin ótrú-
lega skemmtileg á miðjum Lauga-
veginum auk þess sem öll hönnun
er ótrúlega falleg og sérstök.
Röndóttar markísur prýða ytra
byrðið og heildaráhrifin eru þau
að það er engu líkara en þú sért
kominn til Parísar.
Fondue og bláskel
„Um leið og ég sá húsnæðið var
ég sannfærður um að þetta væri
rétti staðurinn,“ segir Arnór um
húsnæðið, sem virðist eins og sér-
hannað utan um staðinn. „Við vor-
um með þeim fyrstu til að bjóða
upp á spennandi brönsvalkosti hér
á landi og það má segja að það
hafi verið það fyrsta sem sló í
gegn hjá okkur. Frönsk matseld
er hér í forgrunni og við erum eini
staðurinn sem býður upp á fondue
svo eitthvað sé nefnt. Pottréttirnir
okkar eru líka ótrúlega vinsælir
sem og fiskréttirnir. Við bjóðum
jafnframt upp á íslenskan hluta á
matseðlinum því hingað kemur
mikill fjöldi ferðamanna sem vill
bragða íslenskan mat. Þannig að
hér er til hákarl ef einhver spyr,“
segir Arnór hlæjandi.
Bláskelin er líka gríðarlega vin-
sæl á staðnum að sögn Arnórs
enda þykir hún herramannsmatur.
Þannig sé vinsælt að kíkja í blás-
kel og vínglas á fallegu kvöldi en
bístróstemningin er vel viðeigandi
og passar matseðillinn einkar vel
við.
Hér gefur að líta uppskrift að
hinni rómuðu bláskel Le Bistro
sem vert er að prófa.
Bláskel à la Normande
100 g gulrætur
100 g fennel
100 g rauðlaukur
150 g hvítvín (bragðmikið og þurrt)
1,2 kg kræklingur (eins ferskur og
hægt er)
150 g rjómi
100 g hvítlaukssmjör (saltað smjör
100 g, hvítlaukur 15 g og 15 g
steinselja)
steinselja til skrauts
Hreinsið allt grænmetið, skræl-
ið og skerið eins fínt og mögulegt
er (best að nota mandolín).
Hreinsið kræklinginn í köldu
vatni, látið hann standa í vatninu í
15 mínútur.
Kastið öllum opnum krækling-
um (þeir verða að vera lokaðir
þegar þeir eru ferskir).
Forhitið stóra pönnu, bætið á
hana hvítvíni, hvítlaukssmjöri og
ferskri steinselju. Þegar blandan
er sjóðandi og smjörið bráðnað er
grænmetinu bætt í og eldað í eina
mínútu. Bætið síðan hreinsuðum
ferskum kræklingi á pönnuna og
lokið henni með loki. Á 30 sek-
úndna fresti er gott að hrista
pönnuna aðeins þar til krækling-
urinn er allur opinn. Setjið
rjómann á þessu augnabliki, hitið
síðan allt í 15 sekúndur.
Og voilà!
Þú getur borið kræklinginn
fram með frönskum kartöflum og
tartarsósu (majones, kapers, hvít-
laukur, súrar gúrkur, salt)
Franska hjartað slær á Laugaveginum
Við Laugaveginn stend-
ur staður sem er þeim
töfrum gæddur að engu
er líkara en maður sé
kominn á alvörubístró í
Frakklandi. Enda heitir
staðurinn Le Bistro og
er rekinn af tveimur
mönnum sem báðir eru
franskir í aðra ættina.
Samanlagt eru þeir því
heill Frakki og franskara
verður það vart!
Líf og fjör Að innan er staðurinn einstaklega kaótískur og skemmtilegur.
Vinsæl Bláskelin
nýtur mikilla vinsælda.
Maðurinn í brúnni Arnór Bohic,
annar eigenda Le Bistro.
MORGUNBLAÐIÐ FIMMTUDAGUR 23. ÁGÚST 2018