Morgunblaðið - 25.08.2018, Blaðsíða 6

BAKSVIÐ
Baldur Arnarson
baldura@mbl.is
Fasteignagjöld á íbúðarhúsnæði
hækka í flestum sveitarfélögum milli
ára með hærra fasteignamati. Getur
munað tugum þúsunda á ári.
Samkvæmt útreikningum Þjóð-
skrár Íslands fyrir Byggðastofnun
er hækkunin á annan tug prósenta í
nokkrum sveitarfélögum. Hún var
sögð mest í Grindavík, eða 17,6%,
sem talið var þýða 42 þús. á ári.
Sveitarfélagið hafnar þeirri útkomu.
Akranes sker sig úr á listanum.
Þar lækka gjöldin um 8,21%.
Fasteignagjöldin eru reiknuð út
samkvæmt núgildandi fasteignamati
sem gildir frá 31. desember 2017 og
skv. álagningarreglum 2018. Viðmið-
unareignin er einbýlishús sem er
161,1 fermetri að grunnfleti og
stærð lóðar 808 fermetrar. Ber í
þessu efni að hafa í huga að fast-
eignamat fyrir 2018 hækkaði um
13,8% frá fyrra ári. Það hækkar svo
um 12,8% fyrir árið 2019. Matið er
því að hækka um tugi prósenta á
fáum árum.
Samtala ýmissa gjalda
Fram kom í Morgunblaðinu í gær
að fasteignagjöldin eru hæst í
Reykjanesbæ, eða 389 þúsund.
Borgarnes er í öðru sæti. Þar eru
gjöldin 378 þús. Eru þá lögð saman
gjöld af fasteignum vegna fasteigna-
skatts, lóðarleigu, fráveitugjalds,
vatnsgjalds og sorpgjalda.
Ásgerður Gylfadóttir, formaður
bæjarráðs á Hornafirði, segir fast-
eignagjöld á íbúðarhúsnæði vera
óbreytt milli ára, eða 0,5%.
„Við erum nú að skoða, í aðdrag-
anda fjárhagsáætlunar 2019, að
lækka fasteignagjöld, eða á einhvern
hátt að koma til móts við fasteigna-
eigendur með lækkun álaga.“
Gunnar Ingi Birgisson, bæjar-
stjóri Fjallabyggðar, segir álagn-
ingarprósentuna ekki hafa breyst
milli ára. Hækkandi fasteignagjöld
skýrist af hækkandi fasteignaverði.
Álagningarprósentan er 0,49%.
Spurður hvort til standi að endur-
skoða þessa prósentu segir Gunnar
það hlutverk stjórnarmeirihlutans
að taka slíka pólitíska ákvörðun.
Gjaldið lækkar í Árborg
Samkvæmt fjárhagsáætlun Ár-
borgar árið 2018 verður fasteigna-
skattur af íbúðarhúsnæði 0,325% af
heildar-fasteignamati í A-flokki.
Hlutfallið var 0,35% í fyrra.
Gísli Halldór Halldórsson, bæjar-
stjóri Árborgar, segir þetta í skoð-
un.
„Við þurfum vissulega að fara í
gríðarlega uppbyggingu út af öllum
þessum vexti. Það er mikil íbúafjölg-
un og við þurfum að byggja nýjan
skóla og nýtt hverfi. Það verður leit-
ast við að lækka prósentuna þannig
að álögurnar aukist ekki á íbúana.“
Sem áður segir eru gjöldin áætluð
hæst í Reykjanesbæ, 389 þúsund.
Kjartan Már Kjartansson, bæjar-
stjóri Reykjanesbæjar, minnir á að
bærinn sé undir aðlögunaráætlun í
samstarfi við eftirlitsnefnd með fjár-
málum sveitarfélaga. „Samkvæmt
þeirri áætlun er gert ráð fyrir að
tekjur vegna fasteignaskatts skili
1.750 milljónum á næsta ári. Við er-
um að fara yfir það þessa dagana
hverjar tekjurnar verða á næsta ári
að öllu óbreyttu. Það er viðbúið að
tekjurnar verða meiri. Þá er vilji
bæjaryfirvalda að stilla það af. Ef
svigrúm verður til lækkunar verður
það nýtt,“ segir Kjartan Már.
Samkvæmt útreikningum Þjóð-
skrár fyrir Byggðastofnun hækkuðu
fasteignagjöld í Grindavík um
17,36% milli ára.
Fannar Jónasson, bæjarstjóri
Grindavíkur, segir útreikningana
ranga. Leiðréttingu hafi verið komið
á framfæri við Byggðastofnun. Hún
hafi hins vegar ekki skilað sér í
skýrslu Byggðastofnunar. Hið rétta
sé að gjöldin hafi hækkað um 7,36%.
Hækkunin sé því um 17.500 kr. en
ekki 42 þús. eins og haldið var fram.
„Þjóðskrá hefur haft þann háttinn
á undanfarin ár að senda sveitar-
stjórnum útreikninga á því hvernig
þeir sjá fyrir sér fasteignagjöldin.
Þá til að undirbyggja skýrslu um
samanburð á landsvísu. Þegar gögn-
in komu varðandi Grindavíkurbæ
voru gerðar athugasemdir. Útreikn-
ingarnir voru ekki réttir,“ segir
Fannar.
Hann segir bæinn hafa í fjölda ára
farið varlega í álagningarprósentur.
„Þegar fasteignamatið hefur
hækkað umfram almennt verðlag,
kaupmátt o.s.frv. hefur prósentan
hreinlega verið lækkuð. Þannig hafa
gjöldin verið milduð hjá bæjarbúum.
Það myndi ég halda að væri óbreytt
afstaða hjá bæjarstjórninni.“
Fasteignamat 2018
% breyting heildarmats 2017-18
Húsavík
Reykjavík - Suður-Þingholt
Reykjavík - Úlfarsárdalur
Grindavík
Kópavogur - Kórar
Kópavogur - Vesturbær
Reykjavík - Grafarholt
Kópavogur - Hvörf, Þing
Hveragerði
Akranes
Höfn
Sauðárkrókur
Selfoss
Keflavík
Siglufjörður
Blönduós
Akureyri - Efri Brekka
Isafjörður - Nýrri byggð
Vopnafjörður
Patreksfjörður
Seyðisfjörður
Neskaupstaður
Grundarfjörður
Hvolsvöllur
Stykkishólmur
Dalvík
Vestmannaeyjar
Borgarnes
Egilsstaðir
Bolungarvík
Hólmavík
0% 10% 20% 30% 40% 50%
H
ei
m
ild
: B
yg
gð
as
to
fn
un
Mesta hækkun fasteignagjalda 2017-2018
Hlutfallslega mesta hækkun, tíu efstu
15%
10%
5%
0%
Grinda-
vík
Höfn Sauðár-
krókur
Siglu-
fjörður
Selfoss Ísafjörður
(nýrri byggð)
Seyðis-
fjörður
Blönduós Vopna-
fjörður
Patreks-
fjörður
*Viðmiðunareign er 161,1 m2 einbýlishús að
grunnfleti ásamt 808 m2 lóð
Fasteignaskattur, lóðarleiga, fráveitugjald, vatnsgjald og sorpgjald af viðmiðunareign*
Heimild: Byggðastofnun
Áætlun Grindavíkurbæjar
(7,36% hækkun)
Grindavík Fasteignamatið hefur hækkað í Grindavík síðustu ár.
Kjartan Már
Kjartansson
Gunnar I.
Birgisson
Fasteignagjöldin eru á uppleið
 Gjöldin hækka með hækkandi fasteignamati  Hækkanir geta þýtt tugþúsunda aukagjöld á ári
 Lækkun gjaldanna í skoðun á Höfn  Bæjarstjóri Reykjanesbæjar boðar lækkun ef svigrúm gefst
Morgunblaðið/RAX
Gísli Halldór
Halldórsson
Ásgerður
Gylfadóttir
6 FRÉTTIRInnlent
MORGUNBLAÐIÐ LAUGARDAGUR 25. ÁGÚST 2018
Bókaðu núna á baendaferdir.is
Sími 570 2790 | bokun@baendaferdir.is | Síðumúla 2, 108 RVK
Verð: 112.800 kr. á mann í tvíbýli.
Skoðunarferðir innifaldar!
sp
ör
eh
f.
Fararstjóri: Aðalheiður Jónsdóttir
Í Brussel og Brugge ríkir hátíðleg jólastemning á aðventunni.
Báðar borgirnar eru með einstaklega huggulega jólamarkaði
innan um virðulegar gamlar byggingar og hefur jólamarkaður
Brussel verið tilnefndur sá frumlegasti í Evrópu. Þar sem landið
er þekkt fyrir dásemdar súkkulaði, mikla matarmenningu og
góðan bjór er ljóst að hér er margs að njóta.
22. - 25. nóvember
Jólaferð til Brussel & Brugge
Erna Ýr Öldudóttir
ernayr@mbl.is
„Það er ekki nokkur leið að sjá hvort
um er að ræða langreyði eða blending
við veiðarnar, en það sést þegar reng-
ið og skíðin eru skoðuð eftir á,“ segir
Kristján Loftsson, framkvæmda-
stjóri Hvals hf. í samtali við Morg-
unblaðið, en hvalur sem talinn er vera
blendingur steypi- og langreyðar
veiddist í utanverðum Faxaflóa og var
dreginn að landi í Hvalfirði í gær-
morgun.
Þetta yrði þá annar blendingurinn
sem veiðist í ár, en Kristján telur sex
slíka blendinga hafa veiðst frá því á
níunda áratug síðustu aldar, en tekur
fram að enn sé beðið niðurstöðu
DNA-prófs. Hann kvað dýrið vera
karlkyns og minna en það sem veidd-
ist í júlí sl. Spurður hvað gert yrði við
hvalinn sagði hann að afurðirnar
verði frystar. Kristján vísaði gagn-
rýni á bug og kvað hana koma að
mestu frá hópum frá útlöndum sem
væru hér og sætu nú um starfsemina.
Niðurstaða brátt væntanleg
„Niðurstaða DNA-rannsóknar á
hvalnum ætti að liggja fyrir næsta
þriðjudag, en bráðabirgðaskoðun gef-
ur til kynna blending langreyðar og
steypireyðar,“ segir Þorsteinn Sig-
urðsson, sviðsstjóri uppsjávarlífríkis
hjá Hafrannsóknastofnun, en starfs-
menn stofnunarinnar tóku sýni strax í
gærmorgun og sendu til frekari at-
hugunar.
„Það er nokkuð merkilegt að finna
tvö svona dýr á sama árinu, en náttúr-
an býður upp á þetta,“ segir Þor-
steinn, sem segir þurfa að kanna
þetta betur. Spurður hvort blending-
ar sem þessir geti fjölgað sér, segir
Þorsteinn að enn hafi ekki fundist vís-
bendingar um það, utan ein kýr með
fóstri sem virtist óeðlilega smátt.
Blendingar að öðrum hlut en til helm-
inga hefðu enn ekki fundist. Aðspurð-
ur svarar Þorsteinn að veiðar á lang-
reyði í atvinnuskyni væru „vel innan
marka sjálfbærni hérlendis“ og nýtt-
ust jafnframt við að meta ástand lang-
reyðarstofnsins og lífríkis sjávarins.
Hvalblendingur veiddist
 Hvalur sem virðist blendingur steypi- og langreyðar dreg-
inn að landi öðru sinni í sumar  DNA-niðurstöðu beðið
Ljósmynd/Hafrannsóknastofnun
Hvalurinn Talið er að um karlkyns blending steypi- og langreyðar sé að
ræða, en glöggir gætu reynt að dæma það af kvið skepnunnar á myndinni.