Fréttablaðið - 09.11.2018, Qupperneq 31

Villimærin fagra
(Bækur duftsins)
Philip Pullman
Útgefandi: Mál og menning
Þýðandi: Guðni Kolbeinsson
Fjöldi síðna: 5055
Hinn breski Philip Pullman vann
á sínum tíma til verðlauna fyrir
þríleik sinn um stúlkuna Lýru og
ævintýri hennar. Bækurnar Gyllti
áttavitinn, Lúmski hnífurinn og
Skuggasjónaukinn komu út í
íslenskri þýðingu og vöktu verð-
skuldaða athygli og hrifningu. Nú
er komin út Villimærin fagra, fyrsta
bókin í nýjum þríleik höfundar sem
hefur yfirskriftina Bækur duftsins.
Þar snýr Pullman aftur til Lýru, en
nú er hún einungis sex mánaða.
Hún er þegar í stórkostlegri hættu
enda bíða hennar sérstök örlög
sem illar vættir vilja ekki að verði
að raunveruleika.
A ð a l p e r s ó n a
Villimeyjarinnar
fögru er hinn
ellefu ára gamli
Malcolm Pol-
stead sem býr
með foreldrum
sínum í gamalli
krá í Oxford. Á
köflum minnir
bókin nokkuð
á G u l l e y j u
Roberts Louis
Stevenson því
grunsamlegir
karlmenn banka upp á og
hafa illt í hyggju. Malcolm kemst
að því að kornabarn, Lýra, dvelur
hjá nunnum í grenndinni og ill öfl
hyggjast ræna henni þaðan. Þegar
náttúruhamfarir dynja yfir leggur
Malcolm á flótta með Lýru og ungl-
ingsstúlkunni Alice.
Malcolm er ung hetja af bestu
gerð, geðugur, ráðagóður og blíð-
lyndur. Alice er hins vegar hin
óvænta hetja sögunnar. Lengi fer afar
lítið fyrir henni, hún er í bakgrunni,
fremur fýluleg og afundin, og það
kemur lesandanum verulega á óvart
þegar hún stekkur skyndilega fram á
sjónarsviðið sem áberandi persóna.
Þróuninni á sambandi hennar og
Malcolms er lýst á næman, fallegan
og skemmtilegan hátt.
Villimærin fagra er gríðarlega
spennandi bók, full af hættulegu
fólki sem einskis svífst og ætlar sér
að hremma Lýru og hina hugrökku
verndara hennar. Pullman veigrar
sér ekki við að lýsa ofbeldisverkum
enda verður ekki annað séð en hann
hafi þá trú að börn og unglingar þoli
ýmislegt þegar kemur að hrollvekj-
andi lýsingum – og það er vafalítið
rétt hjá honum. Í bókinni blandast
saman raunsæi, dulúð og ævintýri.
Það skapar svo ákveðna töfra að
þarna eiga manneskjur sér fylgjur
í dýralíki sem bregðast stöðugt við
atburðum.
Í gegnum árin hefur Pullman
ekki vandað kirkjunni kveðjurnar
og vegur hart að henni í þessari bók.
Þar kemur mjög við sögu Agadóm-
stóll Kirkjuráðsins, ADK, sem tekur
á villutrú og trúleysi af grimmd og
miskunnarleysi. Mögnuðustu kaflar
bókarinnar fjalla um það þegar rétt-
trúnaður verður ríkjandi í skóla.
Kennarar sem fara ekki eftir bók-
stafnum hverfa og börn eru hvött
til að gerast uppljóstrarar og segja
til foreldra sinna og vina. Þarna er
frásögnin gríðarlega kraftmikil og
um leið afar óhugguleg.
Villimærin fagra er bók fyrir alla.
Hún er ætluð ungmennum en allir
sem unna góðum bókmenntum
ættu að lesa hana. Þetta er bók sem
svíkur ekki og gleðilegt að eiga von
á framhaldi.
Guðni Kolbeinsson þýðir bókina
með miklum ágætum, eins og hans
er von og vísa. Kolbrún Bergþórsdóttir
Niðurstaða: Hörkuspennandi og
töfrandi bók með minnisstæðum
persónum.
Bók fyrir alla
Í tengslum við sýningu Kristínar
Tryggvadóttur, Áfram streymir,
ætla skáldin Anna Karin Júlíussen
og Sigríður Ólafsdóttir að flytja ljóð
í Listasal Mosfellsbæjar á morgun,
10. nóvember milli klukkan 14 og
15. Sum þeirra voru ort við stór
blekverk Kristínar, eins og Anna
Karin lýsir. „Hún Kristín vinnur
myndir sínar með sérstöku bleki,
setur það á danskan striga og
lætur það lesa sig eftir honum með
ákveðnum handarhreyfingum. Hún
ræður litunum en hefur að öðru
leyti ekki fulla stjórn á myndinni
heldur leyfir blekinu að ráða. Ég
er atómskáld og þegar ég sá verkin
hennar Kristínar þá hoppuðu ljóðin
til mín út úr myndunum.“
Sigríður kveðst yrkja undir hefð-
bundnum bragarháttum. „Ég gaf
út mína fyrstu ljóðabók, Bikarinn
tæmdur, á sjötugsafmælinu fyrir
þremur árum,“ segir hún og bætir
við að barnabók eftir hana sé að
koma úr prentun í dag, sú heiti Rípa
og fjalli um tröllastelpu.
Nú ætla þær Anna Karin og Sig-
ríður að rása milli myndanna í
Listasal Mosfellsbæjar og fléttulesa
ljóðin sín. „Við ætlum að reyna að
skemmta gestum með þessu eins og
við getum,“ segir Anna Karin glað-
lega. „Það er létt yfir okkur og við
viljum endilega að fólk brosi.“ – gun
Áfram steyma ljóð og blek í Listasal Mosfellsbæjar
Það er létt yfir vinkonunum sem lesa
ljóð sín í Listasal Mosfellsbæjar.
Við ætlum að
reyna að skemmta
gestum með þessu eins
og Við getum.
Bókabúð Forlagsins | Fiskislóð 39 | Opið alla virka daga 10–18 | Laugardaga 11–16 | www.forlagid.is
LANDSINS MESTA ÚRVAL BÓKA
LOKSINS KOMIN AFTUR!
Fíasól er mætt á svæðið,
kraftmeiri en nokkru sinni fyrr!
„Fíasól er söm við sig,
uppátækjasöm og
skemmtileg …“
HILDUR HEIMISDÓTTIR / FRÉTTABLAÐIÐ
(UM FÍASÓL ER FLOTTUST )
Bókin sem börn og fullorðnir
hafa beðið eftir
m e N N i N g ∙ F r É t t a B L a ð i ð 23F Ö s t u D a g u r 9 . N ó V e m B e r 2 0 1 8
0
9
-1
1
-2
0
1
8

0
4
:2
5
F
B
0
4
0
s
_
P
0
3
8
K
.p
1
.p
d
f
F
B
0
4
0
s
_
P
0
3
1
K
.p
1
.p
d
f
F
B
0
4
0
s
_
P
0
0
3
K
.p
1
.p
d
f
F
B
0
4
0
s
_
P
0
1
0
K
.p
1
.p
d
f
A
u
to
m
a
ti
o
n
P
la
te
r
e
m
a
k
e
:
2
1
5
7
-F
E
1
0
2
1
5
7
-F
C
D
4
2
1
5
7
-F
B
9
8
2
1
5
7
-F
A
5
C
2
7
5
X
4
0
0
.0
0
1
3
A

F
B
0
4
0
s
_
8
_
1
1
_
2
0
1
8
C
M
Y
K