Mosfellingur - 11.01.2018, Blaðsíða 12

- Fréttir úr bæjarlífinu12
Mosfellingurinn Stefán Þór Jónsson kom
heim til fjölskyldu sinnar á Þorláksmessu-
kvöld eftir rúmlega tveggja mánaða dvöl á
Suðurskautinu.
Stefán starfar hjá Arctic Trucks sem
sérhæfir sig í smíði á stórum jeppum og
sérhæfðum bílum. „Við höfum verið að
smíða bíla fyrir erfiðustu skilyrði í heimi
og erum einir í heiminum sem höfum náð
því að vera með bíla á Suðurskautinu, sem
hægt er að nota til langferða og leiðangra.
Við erum búnir að smíða 24 bíla sem eru
þarna á svæðinu.
Það á enginn Suðurskautið en það er
stærsta óhreyfða náttúruauðlind jarðar.
Menn eru búnir að planta sér þarna niður
og ætla að gera tilkall til svæðis ef eitthvað
breytist í framtíðinni. Þarna eru mörg lönd
með vísindastöðvar.“
Útbjó flugvöll á 83. breiddargráðu
„Við vorum þrír Íslendingar sem fórum
í þennan leiðangur. Við flugum frá Suður -
Afríku til Novolazarevskaya sem er rússnesk
rannsóknarstöð. Þar er flugvöllur sem kall-
aður er Novo og er stærsti flugvöllurinn á
þessari strandlengju.
Okkar verkefni var að standsetja bíla-
flotann sem þarna er, moka bíla upp og
gangsetja þá. Við erum með 6-8 bíla á okk-
ar vegum en þeir eru í eigu Rússa og okkar.
Stóra verkefnið okkar var svo að keyra upp
á 83. breiddargráðu, útbúa þar flugvöll
og taka á móti og þjónusta flugvélar og
farþega. Aðalástæðan fyrir okkar túr var
að þjónusta túristaflug. Það er ekki mikið
um ferðamenn á Suðurskautinu en það er
alltaf að aukast. Það er mikið til af ríku fólki
sem vill komast inn á pól en er ekki að fara
ganga neitt þarna.“
Frostið fór mest í 46 gráður
„Vegalengdinn frá Novo að 83. breiddar-
gráðu er 1.700 kílómetrar. Við gerðum tvo
bíla tilbúna fyrir þessa keyrslu en við vor-
um 90 klukkutíma á leiðinni. Við skiptumst
á að keyra fjóra tíma í senn, mest keyrðum
við 37 klukkutíma í einu. Við tjölduðum
einu sinni á leiðinni, við Þórshamar. Einnig
stoppuðum á 78. breiddargráðu en vildum
ekki tjalda þar vegna kuldans og gistum því
bílnum. Ég hugsa að kuldinn hafi mest farið
í 45-46 gráður.
Þegar við komum upp á 83. breiddar-
gráðu settum við upp tjaldbúðirnar okkar
en þar áttum við eftir að vera næsta mánuð-
inn. Næsta verkefni var að útbúa flugbraut
og við fengum sendar til okkar olíubirgðir
með stórri flutningavél. Olíutunnunum
var kastað úr vélinni með fallhlíf og svo var
það okkar vinna að grafa tunnurnar upp og
koma þeim fyrir. Við útbjuggum hálfgerða
flugvélabensínstöð en við fengum alls 208
tunnur.“
Ferðamenn á Suðurpólnum
Á meðan Stefán dvaldist á 83. breiddar-
gráðu komu fimm vélar með farþegum til
þeirra. „Við settum upp aðstöðu fyrir far-
þegana, matartjald, klósetttjald og 6 gisti-
tjöld. Það eru mest 12 viðskiptavinir í hverri
ferð og yfirleitt 2-3 leiðsögumenn. Flugvél-
arnar fljúga frá Novo til okkar þar sem vélin
stoppar í ca. tvo tíma á meðan við setjum
á hana eldsneyti. Vélin heldur svo áfram
á Suðurpólinn þar sem hún stoppar í tvo
tíma. Vélin flýgur svo aftur til okkar á 83.
breiddargráðu og fólkið gisti þá eina nótt
í tjaldbúðunum. Við þjónustuðum bæði
vélina og farþegana þ.e. komum fólkinu
fyrir í tjöldunum og græjuðum vélina svo
fyrir heimflugið til Novo.“
Ekki í neinu sambandi við umheiminn
„Þetta var mikil og óvenjuleg lífsreynsla.
Við vorum á einum kaldasta stað á jörðinni.
Einangrunin þarna er ekki fyrir alla. Maður
var tiltölulega fljótur að venjast kuldanum
en íslenska lopapeysan kom sér vel. Dvölin
á 83. breiddargráðu var mögnuð, maður
er náttúrlega ekki í neinu sambandi við
umheiminn, það er hvorki net né síma-
samband. Eitt aðalverkefnið var að halda
sjálfum sér í lagi og láta daginn líða. Það
er sól þarna allan sólarhringinn þannig að
maður þarf að búa sér til sína rútínu. Þetta
reyndi ekki síður á andlegu hliðina en þá
líkamlegu,“ segir Stefán að lokum og á alveg
von á því að fara fleiri túra á Suðurskautið.
Starf Karlakórsins Stefnis hefur verið öflugt
en í haust var æft fyrir hátíðarsamkomu á
bæjarhátíðinni Í túninu heima.
Í nóvember stóð kórinn fyrir Söngnum í
Mosó í fjórða sinn en þar komu þrír kórar
í heimsókn og var uppákoman haldin í
íþróttahúsinu að Varmá.
Í sumar er ætlunin að sækja heim Mið-
Evrópulöndin Tékkland og Austurríki þar
sem tekið verður þátt í tónlistarhátíð í
Vínarborg. Að auki verða tónleikar í Brno í
Tékklandi og torgsöngur og fleira í Prag.
Þenja þorraraustina í Guðríðarkirkju
Nú í janúar hefur Karlakórinn Stefnir það
á stefnuskránni að standa fyrir nýjungum í
starfi kórsins. Ákveðið var að taka ekki þátt
í tónleikaflórunni fyrir nýliðin jól en þess
í stað er ætlunin að þenja þorraraustina.
Miðvikudaginn 17. janúar verður blásið til
þorratónleika í Guðríðarkirkju í Grafarholti
sem hefjast kl. 20:00. Dagskráin verður með
íslensku sniði, allir textarnir og flest lögin
eru af kyni Frónsins og landanum vel kunn.
Þarna verður karlakórahefðinni gerð góð
skil þótt með smá tilbrigðum verði.
Stefnismenn vonast til að þessir tónleik-
ar verði liður í að fylla Mosfellinga og gesti
þeirra af þorraandanum og undirbúa glím-
una við komandi þorrablót. Aðgangseyri er
stillt í hóf eða kr. 2.500.
Karlakórinn Stefnir stendur fyrir þorratónleikum
KarlaKórinn að loKnum söng
í íþróttahúsinu að Varmá
Dvaldi heilan mánuð í tjaldi á 83. breiddargráðu • Einangrunin reyndi mikið á andlega
Mögnuð ferð á Suðurskautið
stefán þór
Við tjaldið sitt
stefán þór
í fimbulKulda
lopapeysan
Kemur sér Vel
teKið á móti ferðamönnum
og fyllt á birgðir