Mosfellingur - 11.01.2018, Blaðsíða 20

Kraftlyftingakona
Mosfellsbæjar
Arna Ösp Gunnarsdóttir hefur náð
ótrúlegum árangri á skömmum tíma
og þegar sett tvö met í réttstöðulyftu,
152,5 kg í 63 kg flokki. Einnig er hún
Íslandsmeistari í réttstöðulyftu. Hún
hefur verið valin í landslið Íslands sem
keppir á Reykjavíkurleikunum í janúar
2018, sem er alþjóðlegt mót.
Arna er með grunn úr handbolta og
hafði átt í vandræðum með meiðsli
þegar hún ákvað að taka skrefið inn í
kraftasportið með ótrúlegum árangri.
Arna er gríðarlega skipulögð og
vandvirk í æfingum og það verður ekki
langt í að hún fari að minna á sig á
alþjóðlegum vettvangi.
Arna Ösp Gunnarsdóttir kraftlyftingar
Sundkona Aftureldingar
Aþena er 17 ára og hefur æft sund
með UMFA í 10 ár. Helstu afrek Aþenu
á árinu voru að ná lágmörkum inn á
Íslandsmeistaramótið í sundi, bæði í 25
m laug í apríl og í 50 m laug í nóvember
(ÍM25 og ÍM50).
Hún stóð sig mjög vel á mótunum og
hafnaði til að mynda í 10. sæti í 50 m
baksundi og 12. sæti í 50 m bringu-
sundi.
Aþena æfir 8 sinnum í viku, þar af 6
sinnum í lauginni og 2 þrekæfingar.
Aþena Karaolani sund
Frjálsíþróttakona Aftureldingar
Erna Sóley byrjaði að æfa frjálsar
íþróttir 10 ára. Erna hefur verið í hópi
afreksíþróttamanna í nokkur ár. Einnig
keppti hún á EM-móti í Þýskalandi og
setti Íslandsmet í kúluvarpi, 13,91 m.
Í ár hefur Erna verið valin í landsliðs-
ferðir á EM fyrir 19 ára og yngri á Ítalíu.
Helsti árangur 2017:
Unglingalandsmótsmeistari í þremur
kastgreinum þ.e. kringla 34,90 m
– spjótkast 40,91 m - kúla 15,30 m.
(innanhúss) Íslandsmeistari 16-17 ára í
kúluvarpi með 15,65m.
(utanhúss) Íslandsmeistari 13,70 m.
(utanhúss) Íslandsmeistari 16-17 ára í
kringlukasti 35,77m
Erna Sóley Gunnarsdóttir frjálsíþróttir
Íþróttakona Golfklúbbs
Mosfellsbæjar
Heiða Guðnadóttir er á 29. aldursári og
hefur verið meðlimur í GM í áraraðir.
Varð klúbbmeistari árið 2017, vann með
10 högga mun og lék frábært golf. Þar
að auki keppti hún í fjölmörgum mótum
fyrir hönd klúbbsins, en þar má nefna
Íslandsmót golfklúbba þar sem Heiða
var lykilmaður í liði GM sem endaði
í fimmta sæti í fyrstu deild. Heiða er
frábær kylfingur og fyrirmynd fyrir alla
yngri iðkendur klúbbsins.
Hún er afar áhugasöm og virk í vetrar-
starfi klúbbsins og hefur unnið nokkur
innanfélagsmót. Heiða er jákvæð,
dugleg og með íþróttamannslega
framkomu og klúbbnum til fyrirmyndar.
Heiða Guðnadóttir golf
Dansíþróttakona
Marta er fædd árið 1999 og æfir af
fullum krafti eða að meðaltali 20 tíma
á viku. Hún er mikil fyrirmynd fyrir
yngri dansara. Markmið hennar er að
keppa og æfa meðal þeirra allra bestu
í heiminum. Hún er í A–landsliði DSÍ
og hefur tekið þátt í öllum mótum hér
heima. Hér heima keppti hún alltaf til
úrslita og var jafnan á verðlaunapalli.
Hún keppti á Evrópu- og heimsmeist-
aramóti og auk þess á fjölmörgum
opnum mótum erlendis. Hennar besti
árangur var á heimsmeistarmóti í 10
dönsum í Rússlandi en þar náði hún 6.
sæti, auk þess að vera í 1. og 2. sæti á
opnu móti í Boston.
Marta Carrasco dansíþróttir
Skautaíþróttakona
Eva Dögg æfir með Skautafélaginu
Birninum. Hún lauk keppnistímabili sínu
í Junior-flokki í vor og er nú á sínu fyrsta
keppnisári í Senior-flokki tímabilið
2017-2018. Meðaltal af heildarskori Evu
Daggar á tímabilinu er nú 81,2 stig.
Hún keppti í Junior-flokki á RIG 2017 þar
sem hún lenti í 4. sæti með 97,85 stig
sem og á Norðurlandamóti 2017 þar sem
hún hafnaði í 12. sæti með 87,86 stig.
Fyrir utan þátttöku sína á innlendum
mótum nú í haust keppti Eva Dögg fyrir
hönd Íslands í Senior-flokki á Golden
Bear í Zagreb í Króatíu þar sem hún lenti
í 13. sæti með 79,85 stig sem og í Volvo
Open Cup í Riga í Lettlandi með 84,44
stig sem skilaði henni 14. sæti.
Eva Dögg Sæmundsdóttir skautar
Skotíþróttakona
Bára Einarsdóttir æfir hjá Skotíþrótta-
félagi Kópavogs en hefur búið í
Mosfellsbæ frá árinu 2003. Bára
er Íslands- og bikarmeistari í 50 m
liggjandi riffli 22. cal, setti Íslandsmet
9. desember 2017. Íslandsmeistari í 3
fl. í þrístöðu 22. cal riffli ásamt því að
hafa sett nokkur Íslandsmet í þessum
tveimur greinum (50 m riffli og þrístöðu)
í liðakeppni með stöllum sínum á tíma-
bilinu. Íslandsmeistari í 1 fl. í loftriffli.
Kópavogsmeistari í loftriffli og loft-
skammbyssu. Sigurvegari í mótaröðum
innan félags í kvennaflokki í loftskamm-
byssu, 50 m liggjandi riffli og Silhouette.
Skotíþróttakona síðustu þriggja ára hjá í
Skotíþróttafélagi Kópavogs
Bára Einarsdóttir skotíþróttir
Hestaíþróttakona Harðar
Aðalheiður hefur verið í hestum alla
sína ævi og unnið við tamningar og
þjálfun í fjölda ára. Hún hefur alltaf
verið í hestamannafélaginu Herði í
Mosfellsbæ.
Árangurinn á árinu var mjög góður, en
hún varð Íslandsmeistari í gæðinga-
skeiði meistara, fyrst kvenna, og var oft
í efstu sætum á hinum ýmsu mótum á
árinu í mismunandi greinum, ásamt því
að ná gríðarlega góðum árangri með
kynbótahross á árinu.
Aðalheiður Anna Guðjónsdóttir hestaíþróttir