Mosfellingur - 22.02.2018, Blaðsíða 24

Í byrjun árs var Halldóra Björnsdóttir íþróttafræðingur sæmd riddarakrossi við hátíðlega athöfn á Bessastöðum
fyrir framlag sitt til heilsuverndar og
lýðheilsu. Hún hefur sinnt margvíslegu
fræðslustarfi í gegnum tíðina, flutt erindi
víða og talað máli beinverndar í fjölmiðl-
um.
Áhugamál hennar tengjast íþróttum og
heilsu í víðasta skilningi. Hún æfði júdó
og fimleika þar til skíðabakterían greip
hana heljartökum en hún hefur kennt á
skíði bæði hér heima og erlendis. Hjól-
reiðar eru nýjasta áhugamál Halldóru
en hún hjólar til og frá vinnu eins oft og
veður leyfir.
Halldóra er fædd í Reykjavík 12. apríl
1961. Foreldrar hennar eru þau Sigríður Jóna
Kjartansdóttir fv. skrifstofustjóri og Björn
Blöndal Kristmundsson fv. verslunarmaður.
Halldóra á tvö systkini, Kjartan Halldór og
Kristínu, en Kjartan lést árið 1974.
Fékk að leika sér í áhaldageymslunni
„Ég er alin upp í Sæviðarsundinu og
á góðar minningar þaðan. Mamma æfði
handbolta þangað til ég varð 8 ára og ég
fór oft með henni á æfingar. Ég fékk að
leika mér í áhaldageymslunni innan um
bogahesta, kistur og alls kyns leikfimisdót.
Ég held að grunnurinn að íþróttafræðunum
sem ég lærði síðar og varð minn starfsvett-
vangur hafi orðið til þarna.
Ég sótti í að vera mest á hreyfingu á
æskuárunum og hef verið fremur hreyfan-
leg síðan,“ segir Halldóra og brosir.
Skíðabakterían greip mig heljartökum
Halldóra æfði júdó frá 6-9 ára aldurs og
var á þeim tíma sú yngsta sem tekið hafði
beltapróf. „Þegar ég var farin að hafa meiri
áhuga á að sníkja mér lakkrís í lakkrís-
gerðinni sem var í sama húsi og
júdóæfingarnar þá létu foreldrar
mínir mig hætta og ég skipti yfir í
fimleika. Fimleikana stundaði ég
af miklum áhuga í tvö ár eða þar til
skíðabakterían greip mig heljartökum og ég
æfði og keppti á skíðum í rúman áratug.“
Kvennaskólaárin voru dásamleg
Ég hóf skólagönguna í Ísaksskóla og
þaðan lá leiðin í Langholtsskóla. Ég átti
gott með að læra og var bara ánægð með
alla kennarana mína. Að loknu barnaskóla-
prófi fór ég 13 ára gömul í Kvennaskólann
í Reykjavík og lauk þaðan gagnfræðaskóla-
námi. Kvennaskólaárin voru dásamleg,
en í skólanum kynntist ég skemmtilegum
stelpum og ein þeirra er ein af mínum
bestu vinkonum í dag.“
Ógleymanlegt í Kerlingarfjöllum
„Eftir útskrift úr gagnfræðaskóla fór ég
í Verzlunarskólann og útskrifaðist þaðan
1981. Ég æfði á skíðum öll skólaárin sem
náði þó ekki að svala minni
skíðafíkn því ég hélt áfram
á sumrin og vann þá sem
skíðakennari í Kerlingarfjöll-
um. Þar átti ég ógleymanlegar stundir með
yndislegu og skemmtilegu samstarfsfólki.
Ég ákvað að fara til Austurríkis, læra
þýsku og taka skíðakennarapróf. Ég kenndi
á skíði heilan vetur í austurrísku Ölpunum
og hafði sett stefnuna á nám við Íþrótta-
háskólann í Köln. Áform mín breyttust og
fyrr en varði var ég komin hinum megin við
Atlantshafið, langleiðina að Kyrrahafinu.“
Í stórbrotnu landslagi Klettafjallana
„Vinkona mín úr Verzló hvatti mig til þess
að fylgja sér eftir til Edmonton í Albertafylki
í Kanada og þangað fór ég haustið 1982 til
þess að læra íþróttafræði. Námsárin urðu
fjögur en ég útskrifaðist þaðan sem íþrótta-
fræðingur með áherslu á íþróttir fatlaðra og
líkamsþjálfun.
Ég æfði og keppti með skíðaliði skólans
og fékk tækifæri til þess að
skíða í stórbrotnu landslagi
Klettafjallanna.“
Í Edmonton kynntist Hall-
dóra samlanda sínum, Birgi
Þór Baldvinssyni, sem sótt
hafði þangað í framhaldsnám.
Hann varð síðar eiginmaður
hennar en hann starfar sem
kennari við Klettaskóla. Þau
eiga fjögur börn, Kjartan Þór
fæddan 1987, Sigríði Þóru
fædda 1991, Halldóru Þóru
fædda 1993 og Kristínu Þóru
fædda 1998. Barnabörnin eru
þrjú, Áslaug Ýr, Elías Kári og
Una Rán.
Frábær tími á Reykjalundi
„Á háskólaárunum vann ég á sumrin
í heilsusporti á Reykjalundi sem var
frábær tími. Það var ekki slæmt að fara á
hestbak, sigla á Hafravatni, fara í sund og
skemmta sér allan daginn.
Eftir að ég kom heim frá Kanada þá fór ég
í Háskólann til að ná mér í kennsluréttindi
til að geta kennt í grunn- og framhalds-
skóla. Ég kenndi leikfimi í Stúdíói Jónínu og
Ágústu í nokkur ár og einnig í Heilsurækt
Seltjarnarness. Eins kenndi ég á mínu sér-
sviði íþróttir fatlaðra í Öskjuhlíðarskóla.”
Hjá Ríkisútvarpinu í 30 ár
Árið 1987 tók Halldóra við morgunleik-
fiminni hjá Ríkisútvarpinu og hefur haft
umsjón með henni síðan eða í rúm 30 ár.
Morgunleikfimin hefur nú verið á dagsskrá
Ríkisútvarpsins í 61 ár en það var Valdimar
Örnólfsson sem byrjaði með hana.
„Mér þykir afar vænt um morgunleik-
fimina og gleðst alltaf innilega þegar fólk
hefur samband við mig og segist hafa verið
samferða mér á þeim vettvangi.“
Fræðslustarf hjá Beinvernd
„Árið 2000 tók ég að mér framkvæmda-
stjórn hjá Beinvernd sem er félag áhuga-
fólks um beinþynningu og afleiðingar
hennar en þar starfa ég í hálfu starfi. Hjá
félaginu hef ég sinnt margvíslegu fræðslu-
starfi, flutt erindi víða í félögum og stofn-
unum og talað máli beinverndar.
Ég tel mig hafa verið óþreytandi í því að
upplýsa fólk um mikilvægi þess að hreyfa
sig fyrir beinin og gæta þess að fá nóg af
kalki og D-vítamíni.“
Tók virkan þátt í starfi Aftureldingar
Halldóra fór í jógakennaranám og kenndi
m.a. eldri borgurum jóga á Hlaðhömrum
í nokkur ár. Enn leitaði hún sér aukinnar
menntunar við Háskóla Íslands, þaðan sem
hún útskrifaðist með MA gráðu í menntun-
arfræðum árið 2005. Þaðan lá leið hennar
á Rannsóknarstofu í öldrunarfræðum þar
sem hún starfaði á árunum 2005-2008 sam-
hliða starfi sínu hjá Beinvernd. Frá árinu
2008 hefur hún kennt íþróttir við Fjölbraut-
arskólann í Breiðholti.
„Áhugamál mín tengjast íþróttum og
heilsu í víðasta skilningi. Ég tel að hreyfing,
hugleiðsla og góð næring sé lykillinn að
heilbrigði og hamingju. Ég hef tekið virkan
þátt í starfi Aftureldingar, var m.a. í stjórn
barna- og unglingaráðs knattspyrnudeild-
arinnar til margra ára og starfaði mikið með
meistaraflokki kvenna.“
Heilsan það dýrmætasta sem við eigum
Í byrjun árs var Halldóra sæmd riddara-
krossi við hátíðlega athöfn á Bessastöðum.
„Fálkaorðan kom mér verulega á óvart en
gladdi mig vissulega. Hún var veitt fyrir
störf í þágu heilsuverndar og lýðheilsu og
finnst mér afar ánægjulegt að þau málefni
skulu vekja slíka athygli enda er heilsan
það dýrmætasta sem við eigum.”
- Mosfellingurinn Halldóra Björnsdóttir24
Fjölskyldan. Kristín Þóra, Birgir Þór, Halldóra, Sigríður Þóra, Halldóra
Þóra. Í aftari röð eru tengdasynirnir Óli Hörður og Jón Kristinn.
Myndir: Ruth Örnólfsdóttir og úr einkasafni.
HIN HLIÐIN
Hvað er það skemmtilegasta sem þú
gerir? Að hjóla og eiga í samskiptum við
skemmtilegt fólk.
Besta heilsuráðið? Að draga djúpt inn
andann og anda hægt og rólega frá.
Síðan er alltaf gott að hreyfa sig.
Hverju myndir þú breyta á Íslandi ef
þú ættir þess kost? Auka réttlæti og
sanngirni.
Fallegasti staður í Mosfellsbæ? Þeir
eru margir, ætli umhverfið í kringum
Reykjalund sé ekki hvað fallegast og svo
náttúrulega Leirvogurinn á flóði í logni og
sól á sumarkveldi.
Hvað er neyðarlegasta atvik sem þú
hefur lent í? Að mæta í fimmtugsafmæli
vinkonu minnar viku of snemma.
Uppáhaldsilmvatnið? Chanel Allure.
Draumabílinn? Ég er meira fyrir að
ferðast um hjólandi en á bíl en ef ég þarf
að velja þá er það Mercedes Benz G class
jeppi eða Land Rover.
Hvað er fegurð? Fegurð er í senn
upplifun og skynjun á sannleikanum
og hún býr í okkur sjálfum.
Mér þykir afar vænt um
morgunleikfimina og gleðst
alltaf þegar fólk hefur samband
við mig og segist hafa verið
samferða mér á þeim vettvangi.
MOSFELLINGURINN
Eftir Ruth Örnólfsdóttur
ruth@mosfellingur.is
Sækir í að vera sem
mest á hreyfingu
Halldóra Björnsdóttir íþróttafræðingur telur að hreyfing, hugleiðsla og góð næring sé lykillinn að heilbrigði og hamingju
13 ára á skíðum morgunleikfimin
kjartan þór
ásamt unu rán
og elíasi kára
Pub Quiz Fimmtudaginn 1. mars
á Hvíta riddaranum
Óvinirnir Heiðar Númi og Þorgeir Leó
verða með "Allt milli himins og jarðar"
Pub Quiz á Hvíta Riddaranum fimmtudaginn 1.mars.
Almennar spurningar um allt
og ekkert og því geta allir tekið
þátt! Það kostar 500 kr. á lið að
vera með, tveir til þrír saman í
liði. Glæsilegir vinningar
fyrir þrjú efstu sætin
2 fyrir 1 af Carlsberg
allt kvöldið!
Laugardagskvöldið 3. mars
mætir Basic House Effect
Spilar frá 23:00 til lokunar
RÉTTUR DAGSINS alla mánudaga til fimmtudaga.
Okkar sívinsæla HÁDEGISHLAÐBORÐ alla föstudaga.
MÁNUDAGUR 26. FEBRÚAR
Sænskar kötbollur með kartöflum, brúnni sósu,
títuberjasultu og salati.
ÞRIÐJUDAGUR 27. FEBRÚAR
Þorskhnakki með sætum kartöflum, pestó,
lauksmjöri og salati.
MIÐVIKUDAGUR 28. FEBRÚAR
Vínarsnitzel með brúnuðum kartöflum, hrásalati og sósu.

FIMMTUDAGUR 1. MARS
Mexíkanskur kjúklingur með hrísgrjónum
og tortillabrauði.
FÖSTUDAGUR 2. MARS
Hlaðborð
Lambalæri með meðlæti
og pizzuhlaðborð