Mosfellingur - 22.02.2018, Blaðsíða 30

10.000
Ég týndi skrefamælinum mínum í Flatey fyrir einu og hálfu ári.
Síðan þá hef ég ekki mælt hvað ég er
að hreyfa mig mikið dags daglega.
Ekki fyrr en núna í febrúar. Þá ákvað
ég að setja mér það markmið að
ganga allavega 10.000 skref á dag
í 50 daga. Af hverju? Í fyrsta lagi
vegna þess að ég var farinn að hafa á
tilfinningunni að ég hreyfði mig ekki
nóg dags daglega.
Í öðru lagi vegna þess að ég hef bæði gaman og gott af því að fara
í gegnum áskoranir sem krefjast aga
og viljastyrks. Ég bauð fleirum að
taka áskoruninni með mér. 50 daga
áskorunin inniheldur fleiri þætti svo
sem ákveðið mataræði og æfingar
og við sem tökum þátt veitum hvert
öðru aðhald og stuðning. Ég nota
símann núna til að mæla skrefin en
langar aftur í einfaldan skrefamæli.
Það er ljóst að ég hef ekki verið að
hreyfa mig nóg síðan ég var í Flatey.
Ég æfi reglulega styrk og liðleika og
hef gert lengi, en yfir daginn hef ég
greinilega setið of mikið við tölvuna.
Reglulegar æfingar einar sér eru ekki
nóg fyrir okkur. Ég þarf að hafa fyrir
skrefunum á þann hátt að ég þarf
að fara í 2-3 göngutúra yfir daginn.
Annars næ ég þeim ekki. Ég byrja
á morgungöngum, frábær byrjun
á degi. Við erum í viku 2 í 50 daga
áskoruninni og göngutúrarnir eru að
gefa mér mikið. Bæði líkamlega og
andlega.
Við erum gerð til þess að ganga, mannfólkið, og ef við sinnum
því ekki erum við að vanrækja eigin
líkama og hug. Veður skiptir engu
máli. Góðir skór og úti-
vistarföt eru svarið
við þeirri afsökun.
Ég er kominn á þá
skoðun að ganga
sé grunnurinn
að góðri heilsu.
Ef við vanrækjum
hana verðum við
að vesalingum.
Einfaldlega.
Heilsumolar Gaua
Guðjón
Svansson
gudjon@kettlebells.is
- Heilsa30
Á ársþingi UMSK sem haldið var 13. febrúar voru
veittar ýmsar viðurkenningar bæði fyrir íþróttir og
störf innan hreyfingarinnar.
Þar á meðal fékk Gunnar Ingi Björnsson fram-
kvæmdastjóri Golfklúbbs Mosfellsbæjar Félags-
málaskjöldinn fyrir frábært starf á árinu.
Fjórtán mánuðum eftir skóflustungu að nýjum
golfskála var húsnæðið tekið í notkun.
Þar var unnið þrekvirki sem margir félagsmenn
GM komu að. Af öllum öðrum ólöstuðum má með
sanni segja að Gunnar Ingi Björnsson hafi leitt
verkið og haldið því gangandi með eljusemi og
óþrjótandi vilja og krafti.
Gunnar Ingi Björnsson hjá GM
Hlaut félagsmála-
skjöld UMSK
Gunnar InGI tekur
vIð skIldInum úr
höndum valdImars
leós formannI umsk