Mosfellingur - 23.02.2017, Blaðsíða 24
Katrínu Sif Jónsdóttur þekkja margir innan hárgreiðslu- og tískubrans-ans en hún er einn af eigendum
Sprey hárstofu. Katrín starfar einnig við
að greiða fyrirsætum fyrir tískusýningar
og módelmyndatökur og hefur komið víða
við bæði hér heima og erlendis.
Það sem henni finnst mest heillandi við
starfið er að geta skapað miðað við mis-
munandi þarfir viðskiptavina sinna.
Katrín Sif er fædd í Reykjavík þann 28.
janúar 1988. Foreldrar hennar eru þau
Emilía Helga Þórðardóttir þjónustufull-
trúi hjá Happdrætti Háskóla Íslands og
Jón Jósef Bjarnason ráðgjafi. Katrín á tvö
systkini, þau Bjarka og Elísabetu Ýrr.
Verklegu fögin skemmtilegust
„Mér fannst frábært að alast upp í Mos-
fellsbæ. Við bjuggum í Barrholtinu en þeg-
ar ég var sex ára þá fluttum við til Svíþjóð-
ar í tvö ár þar sem foreldrar mínir fóru í
nám. Ég náði góðum tökum á sænskunni
og eignaðist góða vini þarna sem ég er enn
í sambandi við.
Ég hóf nám í Varmárskóla eftir að við
fluttum heim. Ég man að mér fannst mest
gaman í öllum verklegu fögunum eins og
heimilisfræði, myndmennt og handavinnu.
Ég hef alltaf haft mikinn áhuga á listgrein-
um og fór í Myndlistaskólann í Álafosskvos-
inni. Þar fór ég líka á leirnámskeið.
Ég lærði á þverflautu í Tónlistarskólanum
í níu ár og sé enn eftir því í dag að hafa hætt
en það er aldrei að vita nema maður byrji
aftur einn daginn.
Við krakkarnir í hverfinu lékum okkur
mikið saman. Nokkrum sinnum héldum við
systurnar og vinkonur mínar tónleika úti í
garði, mamma poppaði og svo seldum við
krökkunum inn. Þetta er ótrúlega skemmti-
leg minning,“ segir Katrín og brosir.
Tók þátt í hárkeppnum erlendis
Eftir útskrift úr Gaggó Mos fór Katrín í
Fjölbrautaskólann í Breiðholti á félags-
fræðibraut. „Ég áttaði mig fljótlega á því
að ég átti engan veginn heima á bóklegu
brautinni enda kom það í ljós. Ég fékk fall-
einkunn eftir fyrsta árið.
Ég sagði við foreldra mína að ég vildi fara
í Iðnskólann í Reykjavík að læra hárgreiðslu
og það varð úr. Á meðan ég var
í skólanum tók ég þátt í hár-
keppnum og lenti m.a. í þriðja
sæti í alþjóðlegri hárgreiðslu-
keppni á Englandi.“
Besta ákvörðun sem ég hef tekið
„Þegar leið að útskrift fékk ég boð um að
kaupa hlut í hárgreiðslustofu í Mosfellsbæ
sem ég þáði. Sprey hárstofa opnaði síðan í
byrjun árs 2009. Þetta er besta
ákvörðun sem ég hef tekið. Það
er dásamlegt að vera sjálfstæð-
ur atvinnurekandi, ráða tíma
sínum sjálfur og starfa við það sem maður
elskar.
Síðan hafa fleiri eigendur bæst í hópinn,
Svava Björk og Dagný Ósk eiga stofuna með
mér í dag og með okkur starfa fimm aðrar
konur.“
Fá útrás fyrir sköpunargleðina
Starfsfólk Sprey ásamt öðru fagfólki ger-
ir hárlínur tvisvar á ári. „Við hittumst og
búum til línurnar saman. Förðunarfræð-
ingar, stílistar og ljósmyndarar hafa komið
að þessu með okkur. Tilgangurinn er að fá
útrás fyrir sköpunargleðina og láta hug-
myndaflugið ráða.
Ég hafði leitað lengi eftir að komast í
tengsl við hárbransann erlendis og fékk
eftir þriggja ára leit boð um að greiða á
tískuviku í Prag. Nú hef ég farið tvisvar
þangað, eins til Danmerkur og Parísar og
er nú á leiðinni til
Eistlands.
Þessar tískuvikur
gera manni kleift að
fylgjast með nýjustu
tískustraumunum
og það er einstaklega
gaman að hitta allt þetta fagfólk sem maður
lærir svo margt af.
Ég held úti lífsstílsbloggi, pigment.is, þar
sem ég skrifa um ferðalög, tísku, matargerð
og margt fleira.“
Dvöldu í mánuð í Asíu
Kærasti Katrínar heitir Bárður Fannar
Lúðvíksson og er frá Vogum á Vatnsleysu-
strönd. Hann starfar hjá Granítsteinum í
Hafnarfirði. Þau eiga litla sæta kisu, hana
Mínu, en Bárður gaf Katrínu hana í afmæl-
isgjöf.
„Við Bárður stundum bæði snjóbretti
og reynum að komast í fjöllin eins oft og
mögulegt er. Eins finnst mér gaman að
skella mér í köfun af og til en líkamsrækt
stunda ég daglega.
Við elskum að ferðast og skoða heim-
inn og erum nýkomin frá Asíu þar sem við
dvöldum í mánuð. Þar vorum við að kafa,
„surfa“ og skoða okkur um.
Það var gaman að hjóla í gegnum hrís-
grjónaakrana og sjá hvað fólkið þarna er
ótrúlega nægjusamt. Eitthvað sem við öll
mættum kannski temja okkur,“ segir Katrín
að lokum er við kveðjumst.
- Mosfellingurinn Katrín Sif Jónsdóttir24
Katrín Sif með kærastanum Bárði Fannari.
MOSFELLINGURINN
Eftir Ruth Örnólfsdóttur
ruth@mosfellingur.is
Myndir: Ruth Örnólfs og úr einkasafni.
Þetta er besta ákvörðun
sem ég hef tekið. Það er
dásamlegt að vera sjálfstæður
atvinnurekandi, ráða tíma sínum
sjálfur og starfa við það sem
maður elskar.
Katrín Sif Jónsdóttir hársnyrtir á Sprey hárstofu fylgist vel með nýjustu tískustraumunum
Að skapa gefur lífinu lit
HIN HLIÐIN
Hvað er besta ráð sem þú hefur nýtt
þér? Ráð sem pabbi gaf mér fyrir nokkr-
um árum. Það er að eiga alltaf fyrir því
sem þú ætlar að kaupa, ég lifi eftir þessu.
Fallegasti staður í Mosfellsbæ?
Göngustígurinn meðfram sjónum. Þar
finnst mér æðislegt að ganga, hlaupa eða
hjóla. Ekkert eins dásamlegt eins og að
horfa á útsýnið yfir Esjuna svo ég tali nú
ekki um sólina þegar hún er að setjast og
speglast í sjónum.
Lýstu þér í þremur orðum?
Brosmild, traust og lífsglöð.
Hvernig slakar þú best á?
Heima hjá mér uppi í sófa með tebolla og
helst kveikt á kertum.
Uppáhaldsmatur? Kjúklingur, myndi
segja að eitt af því besta sem ég fæ er
tortilla með kjúklingi og grænmeti.
Hvaða freistingu stenst þú ekki?
Nammi, ég er nammisjúk en kaupi þó
ekki mikið af því.
Áttu eitthvert gælunafn? Yfirleitt er
ég kölluð Kata en vinir mínir kalla mig
öðrum nöfnum eins og hárhvíslarinn og
kötturinn.
Pylsa eða pítsa?
Pítsa, Hawaii ef ég fæ að ráða.
systurnar með
mömmu sinni
með pabba á
útskriftardaginn
að módelast
systkinin bjarki,
katrín og elísabet
ung að árum