Mosfellingur - 19.12.2013, Blaðsíða 30

Varmá Fréttarit sjálfstæðismanna í Mosfellsbæ
Varmá
Fréttarit SjálFStæðiSManna í MoSFellSbæ 2. tbl. 35. árg. desember 2013
Kæru Mosfellingar» Nú nálgast jólin og aðventan þessi skemmtilegi tími stendur yfir. „Bráðum
koma blessuð jólin“ orti Jóhannes úr Kötlum
sem börn og fullorðnir hafa sungið í hálfa öld
„og börnin fara að hlakka til“ segir svo áfram
í kvæðinu. Hjá okkur er aðventan annatími
en einnig tími tilhlökkunar og hátíðlegra
viðburða sem varpa birtu og létta okkur
skammdegið, mörgum finnst þetta einmitt
vera skemmtilegasti tími ársins. Bærinn okk-
ar Mosfellsbær skartar sínu fegursta nú um
stundir með jólaljósum og fallega skreyttum
heimilum.
Ánægðir íbúar í Mosfellsbæ» Í nóvember var gerð árleg könnun um þjónustu sveitarfélaga á Íslandi. Niðurstaðan er mikið gleði-
efni en þar er staðfest að Mosfellingar eru ánægðustu
bæjarbúar á landinu. Í könnuninni kemur fram að um
94% bæjarbúa eru ánægðir með bæinn sinn sem stað til
að búa á og er Mosfellsbær í fyrsta sæti af öllum sveitar-
félögum á landinu. Það er ánægjulegt að hér finnist fólki
gott að búa því það er að sjálfsögðu okkar markmið sem
störfum hjá bæjarfélaginu.
Góð niðurstaða í Pisa könnun» Góðar fréttir berast einnig úr skólaumhverfinu. Þegar rýnt er í niðurstöður Pisa könnunar sem rædd
hefur verið mikið síðustu daga kemur í ljós að árang-
ur nemenda í Mosfellsbæ batnar frá síðustu mælingu.
Samkvæmt niðurstöðunum hefur gengi Mosfellsbæjar
verið jafnt og þétt upp á við frá árinu 2006. Nemendur í
Mosfellsbæ standa framar í læsi og stærðfræðilæsi en að
meðaltali í bæjum og borgum á Norðurlöndum að sam-
bærilegri stærð. Einnig stendur Mosfellsbær
nú vel að vígi í samanburði við sveitarfélög
á höfuðborgarsvæðinu. Enn vantar nokkuð
upp á árangur í vísindalæsi á Íslandi miðað
við Norðurlönd, en nemendum í grunnskól-
um Mosfellsbæjar fer jafnt og þétt fram. Við
getum verið þakklát því frábæra starfsfólki sem
vinnur í skólunum okkar þar er unnið afar gott
og mikilvægt starf.
Framhaldskólinn flytur
í nýtt húsnæði» Á morgun þann 20. desember verður fyrsti viðburðurinn í nýju skólahúsnæði
framhaldsskólans í Mosfellsbæ þegar haldin
verður útskriftarhátíð. Þar munu um 25 nemendur verða
útskrifaðir frá skólanum. Um leið og ég óska þessum
útskriftarnemum til hamingju með áfangann er ástæða til
að óska framhaldsskólanum og Mosfellsbæ til hamingju
með þetta nýja glæsilega skólahúsnæði en kennsla hefst í
nýju húsnæði 8. janúar n.k. Ljóst er að þessi nýja aðstaða
verður geysileg lyftistöng fyrir bæjarfélagið og ekki síst
mannlífið í miðbænum okkar.

Já við Mosfellingar getum öll verið stolt af bænum okkar.
En jólin eru ekki síst tími barnanna. Ef til vill er það dýr-
mætasta jólagjöfin til barnanna okkar að hlúa að þeim,
veita þeim athygli og eiga með þeim góðar stundir. Notum
þá daga sem eftir eru af aðventunni til að undirbúa hátíð
barnsins með því að vera börnum okkar nær. Kennum
þeim að greina gott frá illu og leiðum þau inn í helgi
jólanna.
Ég óska ykkur öllum gleðilegra og hamingjuríkra jóla.
Mosfellsbær
í fremstu röð
Haraldur Sverrisson
bæjarstjóri
Myndir úr starfinu
Kæri Mosfellingur
Okkur langar að þakka ykkur liðið
ár og hlökkum til að takast á við
það næsta með fjölbreyttu félags­
starfi, en eins og myndirnar hér
bera með sér þá er það oft líflegt
og alltaf skemmtilegt. Dagskrá
félagsins fyrir fyrri hluta ársins
2014 má finna á facebook síðu
sjálfstæðisfélagsins og á heimasíðu
félagsins mos.xd.is
Með jólakveðju,
Stjórn Sjálfstæðisfélags Mosfellinga
Kennsla hefst í nýju hús-
næði Framhaldsskólans
í Mosfellsbæ 8. janúar