Mosfellingur - 13.01.2011, Blaðsíða 8

Hefur þú áhuga á
kristinni íhugun?
Síðastliðin rúm tvö ár hefur verið
boðið upp á íhugunar- og bæna-
stundir í Lágafellskirkju á hverjum
miðvikudegi undir leiðsögn
Sigurbjargar Þorgrímsdóttur. Fjöldi
manns hefur kynnt sér þessa íhug-
unar-bænaraðferð og iðka daglega.
Kynning á aðferðinni Centering
prayer verður í Lágafellskirkju
miðvikudagana 19. og 26. janúar
kl.19.30-21.30. Um er að ræða tvö
samhangandi skipti. Þátttaka er
ókeypis. Í framhaldinu er boðið
upp á vikulegar íhugunar/bæna
samverur á sama stað á miðviku-
dögum kl. 17.30-18.30. Skráning í
safnaðarheimilinu í síma 566-7113.
Nánari upplýsingar veitir sr. Ragn-
heiður Jónsdóttir. Sjá einnig www.
lagafellskirkja.is. Allt áhugafólk um
kristna íhugun og bæn velkomið.
Spuni í Listasalnum
hjá Kristínu Elvu
Í Listasal Mosfellsbæjar stendur yfir
sýning Kristínar Elvu Rögnvalds-
dóttur, SPUNI II. Í listsköpun sinni
notast Kristín Elva við blandaða
miðla; skúlptúr, ljósmyndir, teikn-
ingar og hreyfimyndir. Hún vinnur
meðal annars út frá hinu hvers-
dagslega í náttúrunni, klisjum í
manngerðu umhverfi og sagnahefð.
Hún hefur tekið þátt í fjölda sýninga
bæði hér heima og erlendis.
Kristín Elva lauk prófi frá mynd-
höggvaradeild Myndlista- og
handíðaskólans árið 1998 og
meistaragráðu frá Konunglegu
Listaakademíunni í Stokkhólmi
þremur árum síðar.
- Öflugasti auglýsinga- og fréttamiðill Mosfellsbæjar8
Í Mosfellsbæ í 50 ár
Samkvæmisdans -
Barnadans - Freestyle -
HipHop - Keppnisdans -
Konusalsa - Parasalsa
Kennsla hefst
miðvikudaginn 19. janúar
Kennslustaður: Varmárskóli
Skráning og upplýsingar á
www.dansskoliheidars.is
eða í síma 896 0607
Ath. verulegur afsláttur af auglýstri gjaldskrá
Á morgun, föstudaginn 14. janúar, hefst forsala á árlegt þorrablót
Aftureldingar. Forsalan fer fram á N1 við Háholt kl. 18-19, þar er
hægt að tryggja sér miða og taka frá borð. Blótið verður haldið
laugardaginn 22. janúar í íþróttahúsinu að Varmá. Allur ágóði af
þorrablótinu rennur til barna- og unglingastarfs Aftureldingar.
Að þessu sinni verður útvarpsmaðurinn góðkunni Freyr
Eyjólfsson veislustjóri og mun svo mosfellska sveitin Bob Gillan
og Ztrandverðirnir, ásamt drengjunum Í svörtum fötum með
Jónsa í broddi fylkingar, leika fyrir dansi. Eins og áður mun Vignir
í Hlégarði sjá um þorramatinn og létta rétti fyrir þá sem ekki treysta
sér í þorrann.
Þorrablótið endurvakið við mikla hrifningu
Þetta er í fjórða skiptið sem blótið er haldið með þessu sniði en
það var endurvakið árið 2008 eftir nokkurra ára hlé. Blótið er stærsti
viðburður að þessu tagi sem haldinn er í Mosfellsbæ. Það er óhætt
að segja að Mosfellingar hafi tekið endurvakningu þorrablótsins
mjög vel og fjölmennt á þennan viðburð sem hefur farið vel fram.
Sú breyting verður í ár að í stað 10 manna hringborða verða 10-
40 manna langborð. Um allan bæ eru vinnustaðir, félagasamtök,
vinahópar og heilu göturnar að taka sig saman um að mæta.
Mosfellingar eru hvattir til að mæta á þennan stórviðburð og eiga
góða kvöldstund með sveitungum sínum.
Forsala á Þorrablót Aftureldingar hefst á morgun, föstudag, kl. 18 á N1 í Háholti
Blótað til styrktar Aftureldingar
Mikið er jafnan spáð og
spekúlerað í borðaskip­
unina á Þorrablótinu.
Bragðbest er eins árs gamalt nýsköpun-
arfyrirtæki, stofnað af Mosfellingnum Agli
Sigurðssyni og félaga hans Björgvini Mýrdal
matreiðslumeistara en fyrirtækið er staðsett
í Hveragerði.
„Við ætluðum upphaflega að selja frosn-
ar súpur og selja erlendis en þegar við
komumst að því hversu miklu er fargað í
landbúnaðargeiranum og hjá útgerðum
þá þróaðist hugmyndin í að selja soð fyrir
innanlandsmarkað og humarþykkni til út-
flutnings,” segir Egill en þeir félagar fengu
nýsköpunarstyrk til að koma verkefninu á
koppinn.
Hvorki rotvarnarefni né olía
Við notum gamla gufuknúna potta frá
hernum við vinnsluna og gætum ekki verið
á betri stað en hér í Hveragerði, þar sem
gufan er í ótakmörkuðu magni. Við notum
bein, skeljar, humarklær og annað sem
fellur til því í því er mesta bragðið.
Ýmsir aðilar hafa sýnt framleiðslunni
áhuga og þá meðal annars vegna umhverf-
isvænna vinnsluaðferða. Hvorki eruð not-
uð rotvarnarefni né olía til að knýja fram-
leiðsluna áfram eins og tíðkast erlendis.
Kínverjar eru meðal þeirra sem hafa verið á
höttunum eftir þessum nýju frumkvöðlum
sem setja umhverfið á oddinn.
Mosfellingum býðst að panta vöruna í
gegnum netfangið pantanir@bragðbest.is
Mosfellingurinn Egill Sigurðsson rekur eins árs nýsköpunarfyrirtæki með félaga sínum
Umhverfisvæn matvælavinnsla
Egill við gufuknúna
potta frá hernum
sem notaðir eru
við vinnsluna.