Morgunblaðið - 07.09.2018, Blaðsíða 8
8 FRÉTTIRInnlent
MORGUNBLAÐIÐ FÖSTUDAGUR 7. SEPTEMBER 2018
Kolbrún Baldursdóttir, borg-arfulltrúi Flokks fólksins,
finnur að því í færslu á blog.is að
borgin hafi ákveðið að „endurnýja
bragga fyrir 415 milljónir í stað
þess að fjármagna
frekar í þágu þeirra
sem minna mega
sín og barnanna í
borginni. Nýlega
hefur borgin fellt
tillögu Flokks fólks-
ins um að hafa
gjaldfrjálsar skóla-
máltíðir. Fyrir 415
milljónir hefði mátt metta marga
litla munna!!!“
Hún segist ekki ætla að gefastupp en leggi næst til þriðj-
ungslækkun skólamáltíðanna.
Ef til vill fellst meirihlutinn áþriðjunginn, en það var ein-
mitt um það bil þriðjungurinn af
því sem meirihlutinn hafði upp-
haflega ætlað í braggann.
Bragginn átti að kosta 158 millj-ónir en fór í litlar 415 millj-
ónir eins og áður sagði.
En það er ekki aðeins bragginnsem meirihlutinn hefur á síð-
ustu misserum notað til að losa sig
við útsvar borgarbúa.
Fuglahúsin við Hofsvallagötuvoru drjúg og þrengingarnar
á Birkimel hafa skilað miklu, að
ekki sé talað um breytingarnar á
Grensásveginum sem einar slög-
uðu hátt í framúrkeyrslu bragg-
ans.
Þess vegna er ekki útilokað aðfé finnist til að lækka skóla-
máltíðir um þriðjung, en þó er lík-
legt að brýnna verði talið að
þrengja eina götu enn.
Kolbrún
Baldursdóttir
Þrengingar, braggi
eða skólamáltíðir?
STAKSTEINAR
Litluvellir ehf. hafa lagt fram tillögu
að matsáætlun vegna mats á um-
hverfisáhrifum Einbúavirkjunar í
Skjálfandafljóti. Um er að ræða
rennslisvirkjun í landi Kálfborgarár
og Einbúa í Bárðardal. Uppsett rafafl
verður 9,8 MW og verður um 24
metra fall nýtt á um 2,5 km kafla í
fljótinu. Gert er ráð fyrir að reisa flóð-
virki þvert yfir Skjálfandafljót um 300
metra ofan við bæinn Kálfborgará og
að vatni verði veitt úr Skjálfandafljóti
um 1,3 km langan aðrennslisskurð að
stöðvarinntaki skammt ofan við þar
sem Kálfborgará rennur í Skjálfanda-
fljót.
Rétt innan viðmiðunar
Í tillögu að matsáætlun, sem greint
er frá á heimasíðu Skipulags-
stofnunar, kemur fram að markmið
Litluvalla ehf. er að framleiða raforku
sem nýtt verði á Norðurlandi með því
að virkja grunnrennsli jökulvatns án
miðlunar, þannig að umhverfisáhrif
verði lágmörkuð.
Uppsett afl Einbúavirkjunar verð-
ur nærri viðmiði um matsskyldu, sem
er 10 MW, og efnistaka matsskyld.
Litluvellir telja eigi að síður æskilegt
að framkvæmdin verði háð mati á um-
hverfisáhrifum. Í tillögunni segir að
Einbúavirkjun verði hönnuð sem
rennslisvirkjun og muni ekki breyta
framburði og vatnsstöðu Skjálfanda-
fljóts. „Virkjunin mun ekki hafa áhrif
á þau gæði sem verðmætamat verk-
efnisstjórnar rammaáætlunar byggði
á,“ segir í tillögunni.
Rifjað er upp að samkvæmt niður-
stöðu verkefnisstjórnar 3. áfanga
rammaáætlunar voru virkjanaáform í
Skjálfandafljóti sett í verndarflokk. Í
öllum tilfellum hafi verið um að ræða
framkvæmdir sem gerðu ráð fyrir að
stífla Skjálfandafljót ofan Bárðardals,
sem hafa myndi áhrif á vatnasvið þess
allt til sjávar í Skjálfanda.
Vilja mat á áhrifum Einbúavirkjunar
Áform um 9,8 MW rennslisvirkjun í Skjálfandafljóti Umhverfisáhrif lágmörkuð
Stjórn Íslensku
óperunnar hefur
endurráðið
Steinunni Birnu
Ragnarsdóttur í
stöðu óperu-
stjóra Íslensku
óperunnar fyrir
næsta ráðning-
artímabil þar til
í júní 2023.
Fram kemur í
tilkynningu að Steinunn Birna
hafi verið virk í listalífi landsins
um árabil bæði sem píanóleikari,
listrænn stjórnandi Reyk-
holtshátíðar og tónlistarstjóri
Hörpu. Hún lauk nýlega þriggja
ára framhaldsnámi frá háskól-
anum í Maryland fyrir fram-
úrskarandi listræna leiðtoga og
stjórnendur listastofnana, en hún
var valin árið 2016 ásamt 12 list-
rænum stjórnendum frá ýmsum
löndum af nokkur hundruð til-
nefningum.
Steinunn Birna endurráðin óperustjóri
Steinunn Birna
Ragnarsdóttir
Hægt er að lýsa skoðun á ritstjórnar-
greinum Morgunblaðsins á slóðinni
http://mbl.is/mogginn/leidarar/
Landsréttur hefur staðfest úrskurð
Héraðsdóms Reykjavíkur um að
karlmaður skuli sæta nálgunarbanni
gagnvart eiginkonu sinni og ólög-
ráða dóttur til 27. október nk.
Í greinargerð vegna málsins segir
að lögreglu hafi borist tilkynning um
heimilisofbeldi í ágúst sl. Málavextir
voru þeir að maðurinn hafði verið
heima með dóttur þeirra en hringdi
svo í konu sína og sagðist vilja losna
annarra erinda vegna. Þegar konan
sagðist ekki koma heim strax hótaði
maðurinn að skaða barnið og vinna
henni mein. Þegar konan kom heim
henti hann henni á rúmið í svefn-
herberginu, læsti því og tók hana
kyrkingartaki svo hún átti erfitt með
að anda. Áverkar voru á hálsinum á
henni.
Lögreglustjóri sagði ljóst að mað-
urinn lægi undir sterkum grun um
að hafa beitt konuna ofbeldi og hótað
ólögráða dóttur þeirra. Talin væri
hætta á endurtekningu þess og að
öryggi mæðgnanna yrði ekki tryggt
með vægari hætti en nálgunarbanni.
Nálgunarbann eftir heimilisofbeldi
Sveinn Snorrason,
hæstaréttarlögmaður
og fyrrverandi forseti
Golfsambands Íslands,
lést aðfaranótt síðast-
liðins mánudags, 93 ára
að aldri. Sveinn fæddist
hinn 21. maí árið 1925 á
Seyðisfirði.
Hann hóf laganám
haustið 1946 og fékk
hlutastarf hjá Lárusi
Jóhannessyni hæsta-
réttarlögmanni.
Þá stofnaði hann lög-
mannsstofu sína á árinu
1959. Til samstarfs við
hann komu Guðmundur Ingvi Sig-
urðsson, Jónas A. Aðalsteinsson og
Jóhannes L.L. Helgason. Stofan
hlaut síðan nafnið LEX árið 1987.
Hann gegndi emb-
ætti formanns Lög-
mannafélags Íslands
1986 til 1988 og varð
hann heiðursfélagi
árið 1996. Sveinn lét
af lögmannsstörfum
árið 2002.
Sveinn var iðinn
kylfingur og sat með-
al annars í stjórn
Golfklúbbs Reykja-
víkur. Síðar hlaut
hann embætti forseta
Golfsambands Ís-
lands og gegndi því
árin 1962 til 1969.
Hann lætur eftir sig eiginkonu,
Ellen-Margrethe Snorrason og
tvær dætur þeirra, ásamt barna-
börnum.
Andlát
Sveinn Snorrason