Morgunblaðið - 29.09.2018, Qupperneq 18

ÚR BÆJARLÍFINU
Gunnlaugur Árnason
Stykkishólmi
Hafrannsóknastofnun gaf út í
byrjun árs í fyrsta sinn kvóta um
nýtingu klóþangs í Breiðafirði. Leyfi
er gefið út fyrir að slá um 42.000
tonn árlega fyrst um sinn. Þegar
hafa tveir aðilar snúið sér til bæjar-
stjórnar og lýst yfir áhuga sínum á
að stofna og reka þörungavinnslu í
Stykkishólmi. Um er að ræða Ís-
lenska kalkþörungafélagið og Acadi-
an Seaplants sem er kanadískt fyrir-
tæki. Fulltrúar félaganna munu
kynna hugmyndir sínar áður en
langt um líður. Framhaldið mun ráð-
ast af því hvernig heimamönnum líst
á þær. Ef af verður mun þangvinnsla
og verðmætasköpun úr hráefninu
hafa mjög jákvæð áhrif á atvinnu-
uppbyggingu í Hólminum.
  
Bensínstöðin í Stykkishólmi
var mjög í fréttum í byrjun mán-
aðarins er tilkynnt var um kaup
Haga hf. á Olísfyrirtækinu. Eitt af
skilyrðum Samkeppnistofnunar til
að geta lagt blessun sína yfir þessi
stóru viðskipti var að rekstur og
eignir Bensínstöðvarinnar yrðu seld
út úr pakkanum og ekki látin fylgja
með. Hólmarar voru nokkuð undr-
andi á því hversu Bensó er mikilvæg
verslun í þessu stóra dæmi. Hagar
hf. brugðust hratt við og hefur Bens-
ínstöðin nú þegar verið seld, en
leynd hvílir enn yfir hver kaupand-
inn er.
  
Norðurljósahátíð verður hald-
in 26.-28. október. Hátíð hefur verið
haldin annað hvert ár. Um er að
ræða menningarhátíð í vetrarbyrjun
til að lífga upp á hugann áður en vet-
urinn birtist. Að vanda verður byggt
á heimafengnu efni sem tengist tón-
leikum, listsýningum og bók-
menntum.
  
Það fer að hausta í ferðaþjón-
ustunni þó að enn séu margir útlend-
ingar á ferðinni. Samkvæmt upplýs-
ingum Stykkishólmspóstsins bendir
margt til þess að fjölgun ferða-
manna síðustu ár hafi ekki skilað sér
í Stykkishólm. Því til staðfestingar
er bent á tölur sem sýna fækkun
gesta í sundlauginni, á tjaldsvæðinu
og eins með ferjunni Baldri og Sæ-
rúnu. Á sama tíma hefur gistirúmum
í bænum fjölgað mikið. En hver
ástæðan er eru ekki til haldbærar
skýringar á.
  
Aftanskin er félag eldri borgara
í Hólminum, stofnað 1983. Félagið
hefur starfað af krafti síðustu ár yfir
vetrartímann og þátttaka í starfinu
verið góð. Eitt af fyrstu verkefnum
haustsins er að halda hið árlega
Nesball fyrir eldri borgara á Snæ-
fellsnesi. Útlit er fyrir góða þátttöku
í skemmtuninni sem fer fram í kvöld
á Hótel Stykkishólmi. Þar verður
borðað saman og dansað fram eftir
kvöldi, en kannski ekki eins langt
fram á nótt og áður er fólkið var
yngra.
  
Sjúkrahúsið og hjúkrunardeild
dvalarheimilisins verða sameinuð.
Nú liggur fyrir að samstarfsnefnd
um opinberar framkvæmdir hefur
samþykkt og afgreitt erindi um að
sameina þessar tvær stofnanir í hús-
næði St. Fransiskusspítala. Fram-
kvæmdanefnd ríkisins tekur við
verkefninu og mun annast hönnun
breytinga og útboð í framhaldinu.
Bæjarbúar vonast til að vel verði
haldið á spöðunum og framkvæmdir
hefjist sem fyrst og ekki taki mörg
ár að ljúka þeim því þörfin er brýn.
Skáksamband Íslands ætlar að
halda Íslandsmótið í atskák í Stykk-
ishólmi helgina 17.-18. nóvember
Um er að ræða einn stærsta skák-
viðburð ársins. Gert er ráð fyrir að
flestir sterkustu skákmenn þjóð-
arinnar fjölmenni í Hólminn. Mótið
fer fram í nýja Amtbókasafninu.
  
Íbúum fjölgar og eru það gleði-
tíðindi í hverju sveitarfélagi þegar
svo er. Flest bendir til þess að íbúa-
talan fari yfir 1.200 manns áður en
árið kveður. Þá hefur íbúum fjölgar
um 100 manns á tveimur árum.
Lægst fór íbúatalan árið 2010 þá
voru þeir 1.092 en hæst árið 1995
þegar hér bjuggu 1.340 íbúar. Það
vekur athygli að stór hluti fjölgunar-
innar er ungt fjölskyldufólk sem hef-
ur löngun til að setjast hér að.
  
Fjölgun íbúa gefur til kynna að í
bænum sé næg atvinna. Byggingar-
framkvæmdir hafa verið miklar að
undanförnu. Undirrituðum telst til
að á þessu ári hafi verið byggðar eða
séu í smíðum fjögur einbýlishús og
12 íbúðir í fjölbýlishúsum. Til við-
bótar hafa mörg eldri hús fengið
gott viðhald eða verið endurbyggð.
Iðnaðarmenn hafa í mörg horn að
líta og anna vart eftirspurn. Út-
hlutað var í haust þremur íbúðalóð-
um við Sæmundarreit sem er ný
gata úti á Ytri höfða.
Morgunblaðið/Gunnlaugur Árna
Stykkishólmshöfn Varðskipið Þór var í kurteisisheimsókn í Stykkishólmshöfn á fimmtudag.
Leyfi til að nýta klóþang
18 FRÉTTIRInnlent
MORGUNBLAÐIÐ LAUGARDAGUR 29. SEPTEMBER 2018
H
a
u
ku
r
0
1
.1
6
Viðskiptatækifæri á www.kontakt.is
• Lítið framleiðslufyrirtæki sem framleiðir sérhæfða vöru fyrir heimili og
fyrirtæki. Velta um 40 mkr. nokkuð stöðug. Afkoma jöfn og góð.
• Arðsamt fyrirtæki með langa reynslu sem flytur inn og selur
véltæknibúnað aðallega tengdum sjávarútvegi, fiskeldi, en einnig
öðrum iðnaði. Velta undanfarin ár hefur verið á bilinu 150-200 mkr.
og EBITDA 25-40 mkr.
• Rótgróið iðnfyrtæki sem sérhæfir sig í framleiðslu á vörum úr plasti.
Ársvelta á bilinu 250-300 mkr.
• Ein þekktasta hárvöruheildverslun landsins með mjög þekkt merki
fyrir fagaðila. Góð velta og afkoma.
• Fyrirtæki sem sérhæfir sig í greiðslulausnum á afmörkuðu en þekktu
sviði leitar eftir auknu hlutafé. Spennandi fjárfestingakostur með
miklum möguleikum á arðsemi, gangi áætlanir eftir.
• Mjög gott fyrirtæki sem sérhæfir sig í lagningu á þakdúk sem það
flytur sjálft inn. Veltan á bilinu 150-200 mkr. og afkoman mjög góð.
Eigendur tilbúnir að vinna áfram eins og þörf krefur.
• Bakarí með nokkra útsölustaði á höfuðborgarsvæðinu. Gefur ýmsa
möguleika til þróunar.
• Þekkt herrafataverslun með góð merki. Veltan hefur verið stöðug
undanfarin ár og afkoma ágæt. Veltan árið 2017 var um 90 mkr. og
EBITDA mjög góð eða um 20 mkr. Félagið er skuldlétt.
• Einn vinsælasti og þekktasti veitingastaður landsins sem staðsettur er
í miðbæ Reykjavíkur. Mikill og vaxandi hagnaður. Langur
leigusamningur.
Guðni Halldórsson
lögfræðingur,
gudni@kontakt.is
Þórarinn Arnar Sævarsson
fasteignaráðgjafi,
thorarinn@kontakt.is
Gunnar Svavarsson
viðskiptafræðingur,
gunnar@kontakt.is
Brynhildur Bergþórsdóttir
rekstrarhagfræðingur,
brynhildur@kontakt.is
Sigurður A. Þóroddsson
hæstaréttarlögmaður,
sigurdur@kontakt.is
Guðni Einarsson
gudni@mbl.is
Stuðningur ríkissjóðs við útgáfu
bóka á íslensku gæti numið 300-
400 milljónum króna á ári, miðað
við 25% endurgreiðslu kostnaðar
við útgáfuna. Þetta kemur fram í
greinargerð með frumvarpi um
stuðning við útgáfu bóka á ís-
lensku sem Lilja Alfreðsdóttir,
mennta- og menningarmálaráð-
herra, hefur lagt fram. Verði
frumvarpið að lögum gæti verð ís-
lenskra bóka lækkað að lágmarki
um 10%.
Útgáfa bóka á Íslandi hefur
glímt við versnandi rekstrarum-
hverfi. Velta íslenskrar bókaút-
gáfu í neðra þrepi virðisauka-
skatts dróst saman um 40,5% á
síðastliðnum áratug, 2008-2017,
eða að jafnaði um 5,6% árlega.
Ástæður samdráttarins eru m.a.
breytt samfélagsgerð, ör
tækniþróun og aðrar þjóðfélags-
breytingar.
Markmið með setningu laganna
er að efla útgáfu bóka á íslensku.
Það verður gert með því að veita
bókaútgefendum tímabundinn
stuðning í formi endurgreiðslu á
hluta kostnaðar sem fellur til við
útgáfu bóka á íslensku, eins og
segir í 1. grein frumvarpsins. Lög-
in ná til endurgreiðslu á hluta
kostnaðar vegna útgáfu á bókum
sem gefnar eru út á íslensku á
Evrópska efnahagssvæðinu, í að-
ildarríki EFTA eða í Færeyjum.
Þriggja manna nefnd
Stofnuð verður þriggja manna
nefnd um stuðning við útgáfu bóka
á íslensku og mun hún fara yfir
umsóknir. Nokkur skilyrði eru sett
fyrir endurgreiðslu á hluta útgáfu-
kostnaðar bóka. Fyrst að bókin sé
á íslensku. Auk þess m.a. að end-
urgreiðsluhæfur kostnaður um-
sækjanda sé a.m.k. ein milljón
króna. Hlutfall endurgreiðslu skal
vera 25% af þeim kostnaði sem
fellur til við útgáfu bókarinnar.
Sækja verður um endurgreiðslu
innan níu mánaða frá útgáfu bók-
arinnar. Hafi umsækjandinn feng-
ið styrk frá opinberum aðilum til
útgáfu sömu bókar dregst styrk-
urinn frá þeirri fjárhæð sem telst
endurgreiðsluhæfur kostnaður.
Lögin eiga að taka gildi 1. jan-
úar 2019 og þau eiga að koma til
endurskoðunar fyrir 31. desember
2022. Aðeins verður hægt að sækja
um endurgreiðslu á hluta kostn-
aðar vegna bóka sem gefnar verða
út eftir að lögin taka gildi.
 Gæti lækkað bóka-
verð um 10%  300-
400 milljónir á ári
Morgunblaðið/Kristinn
Bækur Íslensk bókaútgáfa hefur átt undir högg að sækja. Ríkissjóður ætlar
að hlaupa undir bagga og styðja við útgáfu íslenskra bóka frá 1. janúar.
Bókaútgáfa
» Að jafnaði komu út 1.597
bókatitlar á ári 1999-2015. Flest-
ar voru útgáfurnar 2008 eða
1.800, skv. Hagstofunni.
» Árið 2015 voru gefnar út 4,5
bækur á 1.000 íbúa. Þær voru 6 á
hverja 1.000 íbúa um aldamótin.
Ríkið hyggst styrkja útgáfu íslenskra bóka
„Þetta eru stærstu tíðindi sem
við höfum fengið í þessum
bransa, að minnsta kosti eins
lengi og ég man. Með þeim er
staðfestur á borði en ekki bara
með orði sá ríki vilji stjórnvalda
og ráðherra að koma til móts
við þann mikla vanda sem blasir
við okkur sem störfum í þessum
geira. Hér er vandi bókaútgáf-
unnar reifaður ansi vel og boðið
upp á klæðskerasniðna lausn
sem er líkleg til þess að gagnast
öllum sem með einum eða öðr-
um hætti tengjast útgáfu ís-
lenskra bóka,“ segir Heiðar Ingi
Svansson, formaður Félags ís-
lenskra bókaútgefenda.
„Þetta eru mikil og góð tíð-
indi fyrir bókaútefendur en ekki
síst bókaunnendur alla.“
Klæðskera-
sniðin lausn
FÉLAG BÓKAÚTGEFENDA