Morgunblaðið - 26.11.2018, Qupperneq 4

4 FRÉTTIRInnlent
MORGUNBLAÐIÐ MÁNUDAGUR 26. NÓVEMBER 2018
Veður víða um heim 25.11., kl. 18.00
Reykjavík 2 skýjað
Hólar í Dýrafirði -2 léttskýjað
Akureyri -4 heiðskírt
Egilsstaðir -9 heiðskírt
Vatnsskarðshólar 3 skýjað
Nuuk 3 léttskýjað
Þórshöfn 4 skýjað
Ósló 1 heiðskírt
Kaupmannahöfn 1 heiðskírt
Stokkhólmur -4 heiðskírt
Helsinki -4 skýjað
Lúxemborg 5 súld
Brussel 3 þoka
Dublin 7 léttskýjað
Glasgow 5 rigning
London 7 alskýjað
París 7 rigning
Amsterdam 4 þoka
Hamborg 4 skýjað
Berlín 5 þoka
Vín 6 skýjað
Moskva -2 snjókoma
Algarve 16 rigning
Madríd 13 léttskýjað
Barcelona 13 léttskýjað
Mallorca 18 léttskýjað
Róm 13 rigning
Aþena 16 skýjað
Winnipeg -12 snjóél
Montreal 1 rigning
New York 9 léttskýjað
Chicago 3 rigning
Orlando 22 léttskýjað
 26. nóvember Sólarupprás Sólsetur
REYKJAVÍK 10:32 15:59
ÍSAFJÖRÐUR 11:03 15:38
SIGLUFJÖRÐUR 10:47 15:20
DJÚPIVOGUR 10:08 15:22
VEÐUR KL. 12 Í DAG
Á þriðjudag Fremur hæg austlæg átt og skýjað með
köflum, austan 10-15 m/s og slydduél eða él syðst.
Á miðvikudag Vaxandi norðaustanátt og snjókoma
eða él en rigning suðaustantil. Frost 0 til 5 stig.
Stöku skúrir eða él víða um sunnanvert landið og áfram léttskýjað norðantil.
Frost yfirleitt 0 til 10 stig, kaldast í innsveitum norðanlands, en 0 til 5 stiga hiti syðst.
Hafnarbraut 25 | 200 Kópavogi | Sími 554 0000 | www.klaki.is
HVOLFARARKARA
Handhægir ryðfríir karahvolfarar
í ýmsum gerðum.
Tjakkur vökvadrifinn með
lyftigetu frá 900 kg.
Halli að 110 gráðum.
Vinsælt verkfæri í
matvælavinnslum
fiski – kjöti – grænmeti
Jón Birgir Eiríksson
jbe@mbl.is
Ingibjörg Snorradóttir Hagalín, íbúi
á Ísafirði sem glímir við MS-sjúk-
dóminn, bíður nú niðurstöðu Ísa-
fjarðarbæjar um
vikulega heima-
þjónustu eftir að
úrskurðarnefnd
velferðarmála
felldi nýverið úr
gildi ákvörðun
um að segja upp
þjónustusamn-
ingi við hana.
Ingibjörg hefur
notið þjónust-
unnar í um 25 ár,
en í nýjum reglum sem tóku gildi í
sveitarfélaginu 1. febrúar sl. kom
m.a. fram að þjónustu til fólks þar
sem aðrir heimilismenn, 18 ára og
eldri, byggju og gætu annast þrif
eða verkefni, yrði sagt upp.
Í ljósi þess að eiginmaður Ingi-
bjargar býr á heimilinu var þjón-
ustusamningnum sagt upp, en sam-
kvæmt nýju reglunum takmarkast
réttur til heimaþjónustu annars veg-
ar við heimili fatlaðra og langveikra
einstaklinga sem þurfa mikla
umönnun frá öðrum fjölskyldu-
meðlimum og hins vegar heimili fatl-
aðra eða langveikra barna sem
þurfa mikla umönnun.
Úrskurðarnefndin taldi að sveit-
arfélagið hefði ekki sinnt rannsókn-
arskyldu sinni samkvæmt 10. gr.
stjórnsýslulaga enda hefðu að-
stæður Ingibjargar ekki verið kann-
aðar áður en ákvörðun var tekin. Þá
segir í 10. gr. reglna Ísafjarðar-
bæjar um heimaþjónustu að
sveitarfélaginu beri að meta þjón-
ustuþörf kæranda, en slíkt mat þarf
að fara fram þegar til greina kemur
að fella niður aðstoð sem ein-
staklingur hefur áður fengið sam-
þykkta.
Bíður nýrrar niðurstöðu
Ingibjörg segir að fulltrúi sveitar-
félagsins hafi komið nýlega og gert
könnun á heimili hennar og mun vel-
ferðarnefnd Ísafjarðarbæjar í fram-
haldinu taka ákvörðun að nýju.
„Þetta er sigur að því leyti að þeir
fella ákvörðunina úr gildi, en síðan
gæti þetta endað eins. Ég hef ekki
fengið neinar leiðbeiningar um hver
réttur minn er samkvæmt nýju regl-
unum,“ segir Ingibjörg, en aðstoðin
sem um ræðir felur í sér þrif á heim-
ili hennar. „Þessi aðstoð skiptir öllu
máli. Mér fannst þetta vera mitt
framlag til heimilisins; að leggja það
ekki á fjölskylduna líka að þurfa að
þrífa. Þetta hefur skipt sköpum,“
segir Ingibjörg, en hún hefur glímt
við sjúkdóminn frá því hún var barn.
„Með MS getur maður misst
máttinn tímabundið og þetta kemur
í köstum. Ég fékk fyrsta kastið þeg-
ar ég var ellefu ára og fyrstu ein-
kenni fjögurra ára, þannig að ég er
búin að vera með þetta lengi þó ég
hafi ekki verið greind fyrr en árið
1993. Þetta lýsir sér fyrst og fremst
í orku- og kraftleysi og síðan getur
komið til máttleysi. Þetta er sveiflu-
kennt. Þetta er í raun eina aðstoðin
sem ég hef verið með, þ.e.a.s. aðstoð
við þrif. Ég get í raun og veru ekki
séð um þetta sjálf,“ segir hún.
„Maður áttar sig á að þetta er í
sparnaðartilgangi, en síðan liggur
ekki alveg fyrir vinnuferlið við að
koma reglunum á. Þeir segja bara
öllum upp og síðan veit maður ekki
hverjir fá þjónstuna eftir það,“ segir
hún.
Í óvissu um hjálp á heimilinu
 Sveitarfélag sagði upp þjónustusamningi um heimilishjálp við konu með MS
 Úrskurðarnefnd velferðarmála ógilti ákvörðunina  Ekki útséð um málalok
Morgunblaðið/Sigurður Bogi
Ísafjörður Sveitarfélagið sagði upp þjónustusamningi við íbúa með MS-
sjúkdóminn, sem úrskurðarnefnd velferðarmála felldi síðar úr gildi.
Ingibjörg Snorra-
dóttir Hjaltalín
Jón Birgir Eiríksson
jbe@mbl.is
Önnur umræða um nýtt veiði-
gjaldafrumvarp heldur áfram á Al-
þingi í dag, en hún hófst á föstudag
með líflegum umræðum á þinginu.
Í frumvarpinu felst m.a. að álagn-
ing gjaldsins verði færð nær í tíma
svo það muni byggja á ársgömlum
upplýsingum um afkomu í stað
eldri upplýsinga.
Ágreiningur varð um málið í at-
vinnuveganefnd, en minnihluti
Samfylkingar, Viðreisnar, Pírata
og Flokks fólksins lagði til að málið
yrði tekið af dagskrá enda hafi
ónógt samráð verið haft um frum-
varpið. Til vara gera fulltrúar Sam-
fylkingar, Viðreisnar og Pírata
breytingartillögu um nýtt fyrir-
komulag við úthlutun aflaheimilda
og skiptingu tekna af veiðigjaldi til
byggða landsins.
Lilja Rafney Magnúsdóttir, for-
maður atvinnuveganefndar og
þingmaður VG, er ósammála minni-
hlutanum. Hún segir minnihlutann
fullyrða að gjöldin lækki, en það sé
ekki rétt. „Við erum aðeins að af-
komutengja veiðigjöld í rauntíma.
Þau geta hækkað eða lækkað eftir
afkomu hverju sinni,“ segir hún.
„Fyrsta tillaga stjórnarandstöð-
unnar er að taka málið af dagskrá
og hafa óbreytt veiðigjöld á næsta
ári samkvæmt lögum sem renna út
um áramótin og eru stórgölluð því
þau miða við gamlar upplýsingar.
Þá myndu veiðigjöldin verða 12,5
milljarðar á næsta ári og lækka um
tvo milljarða árið á eftir,“ segir
Lilja Rafney og segir ótækt að
byggja á gömlum upplýsingum um
afkomu við álagningu. „Almenning-
ur myndi ekki sætta sig við að
borga skatta af tekjum sem hann
vann sér inn fyrir þremur árum,“
segir hún.
„Breytingartillagan gengur út á
að gera breytingar á fiskveiði-
stjórnarkerfinu sem um gilda allt
önnur lög. Það stenst enga skoðun
að leggja þetta fram. Þetta er fyrst
og fremst gert til að drepa málinu
á dreif og beina athygli að ein-
hverju allt öðru en verið er að gera
með frumvarpinu, afkomutengja
veiðigjöld í rauntíma,“ segir Lilja
Rafney.
Beri að líta á heildarmyndina
Logi Einarsson, nefndarmaður
og formaður Samfylkingar, kveðst
sammála því að færa eigi gjaldtök-
una nær rauntíma. Hins vegar fel-
ist ekki nægt réttlæti í því fyrir
aðra en útgerðina. „Í ljósi þess að á
síðustu vikum hefur gengið verið
að falla, olíuverð að lækka og um-
hverfi útgerðarfyrirtækjanna að
batna, höfum við viljað vísa þessu
frá og nota næsta ár til að ná þess-
ari víðtæku sátt um þá þætti sem
flestir flokkar á þingi hafa verið
sammála um. Til vara leggjum við
fram þessa breytingartillögu sem
við vitum að VG, Framsókn og
fleiri flokkar hafa talað um,“ segir
hann, en breytingartillagan felur í
sér að Fiskistofa úthluti á hverju
ári 5% aflahlutdeildar í hverri teg-
und. „Við viljum bara opna á þenn-
an möguleika. Síðan leggjum við til
að tekjur af veiðigjaldinu renni til
byggðanna til að mæta þeim vanda
sem hefur verið viðvarandi í kerf-
inu og styrkja félagslegu stoð fisk-
veiðistjórnarkerfisins.“
Logi segir að samkvæmt nýju
lögunum borgi útgerðarfyrirtækin
sjö milljarða í veiðigjald í stað 11
milljarða á næsta ári. „Við viljum
að kerfið sé óbreytt og teljum að
útgerðarfyrirtækin beri það. Í
þessari vinnu sem við færum í árið
2019 myndum við örugglega fallast
á það að gjöldin yrðu lögð á í raun-
tíma, en með því að samþykkja
þessi lög núna værum við að gefa
útgerðarfyrirtækjunum afslátt af
því sem þau áttu að borga. Þetta
yrði þá skattminna árið,“ segir
Logi.
Spurður hvort úthlutun afla-
heimilda eigi heima í annarri um-
ræðu segir Logi að bæði VG og
Framsóknarflokkurinn hafi talað
fyrir svipuðum lausnum í úthlut-
unum afla. Þetta séu viðbrögð
minnihlutans við því að ekki hafi
verið lagt fram frumvarp þess efn-
is.
„Það er ekki hægt að slíta hlut-
ina í sundur og segja að þetta sé
hluti af annarri umræðu. Við eigum
að tala um heildarumhverfið og það
er ekkert meira réttlæti í þessu
frumvarpi fyrir þjóðina sem þarf
núna að bíða eftir því að það sé
hægt að fjármagna t.d. aðgerðir
fyrir aldraða og öryrkja,“ segir
hann.
Átök um veiðigjald halda áfram í dag
 Atvinnuveganefnd klofin í afstöðu til veiðigjaldafrumvarps  Minnihluti vill málið af dagskránni
 Leggja til breytingar á fiskveiðistjórnarkerfinu  Formaður segir minnihlutann drepa málinu á dreif
Lilja Rafney
Magnúsdóttir
Logi
Einarsson
Lögreglan á höfuðborgarsvæðinu
sendi frá sér tilkynningu í gær þar
sem lýst er eftir Inga Þór Jóns-
syni.
Ingi Þór er 40 ára og ekkert er
vitað um ferðir hans frá því á
föstudagskvöldið, en vitað er að þá
var hann í miðbæ Reykjavíkur.
Ingi Þór er 190 cm á hæð, með
dökkt sítt hár. Hann er talinn vera
klæddur í svartar gallabuxur, blá-
köflótta skyrtu og svarta úlpu eða
jakka.
Þeir sem geta gefið upplýsingar
um ferðir Inga Þórs eru beðnir um
að hafa samband við lögregluna í
síma 444 1000.
Lögregla
lýsir eftir
Inga Þór
Ingi Þór Jónsson