Morgunblaðið - 26.11.2018, Page 6

6 FRÉTTIRInnlent
MORGUNBLAÐIÐ MÁNUDAGUR 26. NÓVEMBER 2018
Sigurður Bogi Sævarsson
sbs@mbl.is
„Leiðsöguhundar eru sínu fólki
ómetanleg hjálp. Með góðri þjálf-
un og samvinnu eru hundarnir
ótrúlega fljótir að nema leiðina
sem fara skal og þræða af öryggi
og ratvísi fram hjá öllum hindr-
unum sem á vegi kunna að
verða,“ segir Björk Arnardóttir
hunda- og iðjuþjálfi. „Svo er líka
einstaklega fallegt að sjá þau
sterku tengsl sem myndast milli
hunds og manns, einlæg og mik-
ilvæg vinátta. Oft glímir blint fólk
við depurð og félagslega einan-
grun og í slíkum aðstæðum getur
samband við dýrin gert ótrúlega
mikið fyrir fólk.“
Laban er ljúfur
Fyrir nokkrum dögum af-
hentu fulltrúar Þjónustu- og
þekkingarmiðstöð fyrir blinda,
sjónskerta og einstaklinga með
samþætta sjón- og heyrnarskerð-
ingu, eins og stofnunin formlega
heitir, þremur skjólstæðingum
sínum hunda sem munu hafa sér
til halds og trausts. Þetta eru
labradorhundar frá Svíþjóð;
fengnir af ræktunarstöð þar sem
alinn hefur verið upp stofn hunda
með leiðsögugen! Alls eru nú á Ís-
landi átta leiðsöguhundar, allir
keyptir af Blindrafélaginu en svo
hefur þjónustumiðstöðin miðlað
þeim áfram til þeirra sem helst
þurfa.
Hinn pólski Krzysztof Jerzy
Gancareker einn þeirra sem nú
hafa fengið leiðsöguhund og fyrir
helgina var Björk að þjálfa sam-
vinnu þeirra Kristof og Labans,
en svo heitir hundurinn. Fór
þrenningin saman í gönguferð um
Hlíðahverfið í Reykjavík þar sem
lögð var áhersla á að nema og
læra á hindranir, svo sem tröpp-
ur, gangstéttarbrúnir og fleira
slíkt. „Við Laban, sem er ein-
staklega ljúfur og góður, náðum
strax saman,“ segir Kristof sem
býr með Joönna Mariu Gancarek
konu sinni í húsi Blindrafélagsins
við Hamrahlíð í Reykjavík. Krist-
of hefur búið á Íslandi síðastliðin
tólf ár, en lengra er síðan hann
missti sjónina af völdum sjúk-
dóms. Sér reyndar aðeins skímu,
en er lögblindur eins og það er
kallað.
„Ég vinn bæði hér á Blindra-
vinnustofunni sem er hér í húsinu
sem ég bý og einnig sem nuddari
hjá Gigtarfélagi Íslands, sem er
með starfsemi sína við Ármúlann.
Að koma sér þangað héðan úr
Hlíðunum hefur til þessa gengið
upp og ofan en með hundinum
verður þetta ekkert mál. Lengi
stóð svolítið í mér að fara yfir fjöl-
farnar götur eins og Kringlumýr-
ar- og Háaleitisbrautir en Laban
tekur þetta af öryggi og virðist
þetta ekki ætla að verða nokkurt
einasta vandamál.“
Eykur lífgæði og
rífur einangrun í myrkrinu
Björk Arnardóttir er dýra-
vinur. Hún hefur lengi átt hunda
og þjálfað þá meðal annars með
Björgunarhundasveit Íslands.
Þátttaka í því starfi segir iðju-
þjálfinn Björk að hafi raunar allt-
af verið sitt hálfa líf og nú geti
hún í starfi með blindum sam-
einað bæði áhugamál og vinnu.
sem frábært tækifæri.
„Fyrir utan að vera næmir á
umhverfi sitt þurfa leiðsögu-
hundar að vera sterkir ein-
staklingar, sem láta ekki áreiti
umhverfisins slá sig út af laginu.
Að stóru leyti kemur þetta með
þjálfun, sem bæði þarf að ná til
skepnu og manns. Í dag hafa átta
manns á Íslandi leiðsöguhunda og
mikilvægt er að fleiri fái að njóta,
því allt eykur þetta lífsgæði fólks
og rífur einangrun í myrkrinu,“
segir Björk að síðustu.
Einangrun blindra rofin og leiðin um götur borgarinnar verður greið
Morgunblaðið/Sigurður Bogi
Samvinna Björk Arnardóttir, Krzysztof Jerzy Gancarek og hundurinn Laban saman á æfingu í síðustu viku.
Ratvísir hundar eru
blindum mikilvægir
 Björk Arnardóttir er fædd
árið 1977. Hún útskrifaðist sem
iðjuþjálfi frá Háskólanum á
Akureyri 2004 og er með dip-
lómu í heilbrigðisvísindum frá
sama skóla 2016. Hún á að
baki langan starfsferil, meðal
annars við leik- og grunnskóla.
 Björg byrjaði að starfa með
Björgunarhundasveit Íslands
fyrir16 árum og er formaður
þar og leiðbeinandi. Björk hef-
ur sl. eitt og hálft ár aðstoðað
aðstoðað notendur leiðsögu-
hunda og var fyrir skemmstu
ráðin til Þjónustu- og þekking-
armiðstöðvar blindra og sjón-
skertra gagngert til að sinna
því verkefni.
Hver er hún?
Guðni Ágústsson, fyrrverandi for-
maður Framsóknarflokksins, lagði
til á fjölsóttum fundi Íslendinga á
Ensku ströndinni á Kanaríeyjum að
Ólafur Ragnar Grímsson, fyrrver-
andi forseti, yrði gerður að vernd-
ara landbúnaðarins og matvæla-
öryggis Íslands. Fundurinn var á
vegum Sturlu S. Þórðarsonar, en
hann sér um fundina sem eru haldn-
ir hvern laugardag á þessum slóð-
um. Hátt í 200 manns sóttu fundinn
og var vel tekið í hugmyndina en
auk þess hefur Guðni borið tillöguna
undir Ólaf Ragnar sem tók henni
vel.
„Við höfum orðið þess vör að fyrr-
verandi forsetar og stjórnmálamenn
taka að sér að vera í fararbroddi í
umræðu um þýðingarmikil mál, þar
má nefna Vigdísi Finnbogadóttur,
verndara tungumálanna og sér-
staklega íslenskunnar. Ólafur er öfl-
ugur talsmaður og hefur lagt mikið
til umræðu um ýmis mál, t.d. tengd
norðurskautinu. Hann er framúr-
skarandi í að halda utan um sín bar-
áttumál eins og við sáum í Hörpu.“
Á málþingi um þjóðaröryggi og
fullveldi sem fram fór í Hörpu um
helgina fjallaði Ólafur Ragnar um
stöðu bænda og að matvælin væru
einn mikilvægasti þátturinn í öryggi
þjóða. Á þinginu voru landbúnaðar-
málin aðalumfjöllunarefnið og tekur
Guðni fram að allar ræðurnar hafi
verið afburðagóðar en að mál mat-
vælaöryggisins, sem Ólafur tók fyr-
ir, hafi einkum verið athyglisvert.
„Matvælaöryggið og sú sérstaða
sem við búum við ásamt góðu
ástandi matvælanna og íslensks
landbúnaðar eru landinu gríðarlega
mikilvæg, við megum ekki fórna
þessu fjöreggi. Auk þess benti hann
á að það gæti gerst þess vegna inn-
an fárra ára að lönd sem farin væru
að leggja aukna áherslu á heilsu,
hollustu og heilbrigðar landbún-
aðarvörur, gætu hreinlega boðið
hærra verð í alla íslenska fram-
leiðslu af kjöti og fleiru,“ segir
Guðni. veronika@mbl.is
Ólafur hvattur til
að gerast verndari
 Landbúnaður og matvælaöryggi í
brennidepli á borgarafundi á Kanarí
Ræða Guðni Ágústsson, fyrrverandi
formaður Framsóknarflokksins.
Pétur Gunnarsson
blaðamaður lést á líkn-
ardeild Landspítalans
í Kópavogi föstudag-
inn 23. nóvember 58
ára að aldri.
Pétur fæddist í
Reykjavík 18. mars
1960. Foreldrar hans
voru Ragnheiður Ásta
Pétursdóttir og Gunn-
ar Eyþórsson, og fóst-
urfaðir Jón Múli Árna-
son. Pétur var elstur
fjögurra systkina.
Pétur lauk stúdents-
prófi frá Menntaskólanum í
Reykjavík 1980 og starfaði í kjöl-
farið í fáein ár hjá Lögreglunni í
Reykjavík. Um miðjan níunda ára-
tuginn hóf hann störf sem blaða-
maður hjá Morgunblaðinu og starf-
aði þar fram að stofnun Frétta-
blaðsins, þar sem hann varð fyrsti
fréttastjóri blaðsins. Hann var
einnig fréttastjóri Viðskiptablaðsins
um hríð og stofnaði
síðar vefmiðilinn Eyj-
una, sem hann rit-
stýrði.
Pétur sinnti einnig
félagsstörfum og
starfaði bæði fyrir
Framsóknarflokkinn
og síðar Samfylk-
inguna. Síðast starf-
aði hann sem ritstjóri
hjá SÁÁ.
Pétur kvæntist árið
1980 æskuástinni
sinni, Önnu Margréti
Ólafsdóttur leik-
skólastjóra. Pétur lætur eftir sig
þrjú börn þeirra Önnu; Ragnheiði
Ástu (1980), Önnu Lísu (1983) og
Pétur Axel (1995), og fimm barna-
börn.
Banamein Péturs var krabba-
mein en hann greindist með sjúk-
dóminn í júlí í fyrra. Útför hans fer
fram frá Háteigskirkju mánudaginn
3. desember klukkan 13.
Andlát
Pétur Gunnarsson
Byggingarnar á Landsbankareitnum svo-
nefnda á horni Hverfisgötu og Barónsstígs eru
langt komnar. Myndin til vinstri var tekin í
nóvember 2016, þegar verið var að fjarlægja
malbik á bílastæðinu sem tilheyrði Landsbank-
anum og fleiri fyrirtækjum við Laugaveg 77.
Þar fóru um 100 bílastæði en bílakjallari er
undir hluta af nýju byggingunum með pláss
fyrir 45 bíla. Í byggingunni, sem er við Hverf-
isgötu 94-96, er gert ráð fyrir verslunum og
veitingahúsum á jarðhæð. Á efri hæðum verða
alls 38 íbúðir, sem eru 70-170 fermetrar að
flatarmáli. Félagið SA-Byggingar hefur reist
húsið á undanförnum tveimur árum. Upphaf-
lega stóð til að afhenda íbúðirnar í haust en
einhverjar tafir hafa orðið á því.
Morgunblaðið/Árni Sæberg
Nýbyggingar við Hverfisgötu 94-96 langt komnar