Morgunblaðið - 26.11.2018, Síða 22

22 ÍSLENDINGAR
MORGUNBLAÐIÐ MÁNUDAGUR 26. NÓVEMBER 2018
Birgitta Bragadóttir, starfsmaður Alþingis, á 60 ára afmæli ídag. Hún vinnur á þingfundasviði við ræðuútgáfu. „Ég vinnvið ræðurnar. Við komum þeim út á góðri íslensku eða læsi-
legri íslensku, tökum út málvillur og svo berum við breytingarnar
undir þingmennina. Þeir fá sjálfir tækifæri til að breyta ræðunum eft-
ir það, þ.e. málfarinu.“
Birgitta er með BA-próf í almennum málvísindum og var bæði
grunnskólakennari og framhaldsskólakennari áður en hún hóf störf á
Alþingi. En hún býr í Stykkishólmi.
„Það gengur ágætlega að samtvinna það, þau 20 ár sem ég hef unn-
ið í Reykjavík, fyrst á Málvísindastofnun HÍ og í 10 ár á Alþingi. Ég
tek strætó heim í Hólminn um helgar.“
Sjálf er Birgitta úr Reykjavík, en hefur búið í Stykkishólmi í 27 ár
eða síðan eiginmaður hennar, Gunnar Eiríkur Hauksson, varð sókn-
arprestur þar. Þar áður voru þau 6 ár á Þingeyri við Dýrafjörð.
Áhugamál Birgittu eru barnabörnin og lestur. „Ég les svolítið mik-
ið á ensku og frekar sagnfræðilegt efni. Ég var að klára bók sem heit-
ir First Lady: The Life and Wars of Clementine Churchill. Hún var
mjög áhugaverð.“
Börn Birgittu og Gunnars eru Kristbjörg, Sigrún og Jón Gunnar og
barnabörnin eru orðin sjö. Í tilefni afmælisins ætlar Birgitta að halda
lítið afmælisboð í Reykjavík fyrir fjölskyldu og nánustu vini. „Þar
verður meðal annarra æskuvinkona mín, Sólveig Jakobsdóttir, en hún
á líka sextíu ára afmæli í dag. Við höfum alltaf reynt að halda upp á
afmælið á víxl á sjálfum afmælisdeginum svo við getum mætt í afmæl-
ið hvor hjá annarri.“
Ræðulesarinn Birgitta hefur unnið á Alþingi í tíu ár.
Starfar á Alþingi og
býr í Stykkishólmi
Birgitta Bragadóttir er sextug í dag
J
ón Runólfsson Kristinsson
fæddist í Borgarholti í
Ásahreppi í Rangárvalla-
sýslu 26.11. 1943. Hann
ólst þar upp við öll almenn
sveitastörf.
Jón lauk stúdentsprófi frá ML
1965, embættisprófi í læknisfræði
frá HÍ 1972, lauk áfangaprófum í
greinum barnalækninga frá Háskól-
unum í Lundi, Stokkhólmi, Malmö,
og við Karolinska sjúkrahúsið í
Stokkhólmi og er sérfræðingur í
barnalækningum frá 1980.
Á námstímanum var Jón aðstoðar-
læknir við Fjórðungssjúkrahúsið á
Akureyri, Sjúkrahúsið á Akranesi og
Landakotsspítala, var kandidat við
Borgarspítalann, aðstoðarlæknir við
Landspítalann, aðstoðarlæknir í sér-
fræðinámi við Jönköpings Läns
Centrallasaret og síðar deildar-
læknir þar, aðstoðarlæknir við
Barnmedicinska kliniken og á Regi-
onsjukhuset í Linköping.
Jón var sérfræðingur við Barna-
spítala Hringsins 1981-2014 og hefur
starfrækt eigin lækningastofu í
Reykjavík frá 1983. Hann var skóla-
læknir Vesturhlíðarskóla, sérfræð-
ingur í barnalækningum við ung-
barnaeftirlit Heilsuverndarstöðvar
Reykjavíkur, á Selfossi og Akranesi
og á Heilsugæslustöð Garðabæjar
og var yfirlæknir í afleysingum á
Höglandssjukhuset, Eksjö/Nässjö
og Jönköping Läns Centrallasarett.
Jón sinnti stundakennslu við
læknadeild HÍ, Munksjöskolen,
vårdyrkesskole í Jönköping, við
námsbraut í hjúkrun við HÍ og
Hjúkrunarskóla Íslands.
Jón sat í stjórn Félags barna-
krabbameins- og blóðsjúkdóma-
lækna (NOPHO) um árabil, í
Barnaverndarráði Íslands 1987-
2002 og í kærunefnd 2002-2013, sat
í samstarfsnefnd um stofnun
Barnaheilla og sat í fyrstu stjórn fé-
lagsins, sat í samstarfsnefnd nor-
rænna lækna um faraldsfræði gigt-
arsjúkdóma í börnum, í samráðs-
nefnd um stofnun Barnahúss og var
Jón R. Kristinsson barnalæknir – 75 ára
Hluti barnabarnanna Jón og Kristrún með eldri helmingi barnabarnanna. Myndin var tekin í Árkvörn fyrir áratug.
Hesta- og veiðimaður
og bóndi inn við beinið
Hjónin Jón og Kristrún virða fyrir
sér stórfenglegt útsýni í Georgíu.
Íslendingar Kjartan Gunnar Kjartansson, Pétur Atli Lárusson islendingar@mbl.is
Ábendingar um brúðkaup, afmæli, barnsfæðingar og önnur tímamót í lífi fólks má
senda á netfangið islendingar@mbl.is. Einnig geta þeir, sem óska eftir því að nafn
þeirra birtist ekki í þessum dálkum, sent beiðni þar að lútandi á sama netfang.
 Unnið í samvinnu við viðmælendur.
56 10 000
TAXI
BSR
Góð þjónusta
yfir 90 ár10%
afsláttur
fyrir 67 ára
og eldri
Börn og brúðhjón
Allir þeir sem senda blaðinu
mynd af nýjum borgara eða
mynd af brúðhjónum fá fría
áskrift að Morgunblaðinu í
einn mánuð.
Hægt er að senda mynd
og texta af slóðinnimbl.
is/islendingar eða á
islendingar@mbl.is
Á „Íslendinga“ síðum
Morgunblaðsins er
meðal annars sagt frá
merkum viðburðum
í lífi fólks, svo sem
hjónavígslum,
barnsfæðingum
eða öðrum
tímamótum.