Morgunblaðið - 26.11.2018, Qupperneq 25

DÆGRADVÖL 25
MORGUNBLAÐIÐ MÁNUDAGUR 26. NÓVEMBER 2018
Stjörnuspá
21. mars - 19. apríl 
Hrútur Þér mun strax líða betur við að
biðja um hjálp frá öðrum. Vertu óhrædd/
ur við að sýna öðrum þinn innri mann. Þú
sérð ekki sólina fyrir börnunum þínum.
20. apríl - 20. maí 
Naut Láttu gagnrýni sem vind um eyru
þjóta. Taktu á honum stóra þínum og farðu
þínar eigin leiðir. Með tíð og tíma öðlast
þú það sem þú þráir mest.
21. maí - 20. júní 
Tvíburar Viljinn dregur hálft hlass. Þú
byrjaðir með tvær hendur tómar, líttu á
það sem þú hefur afrekað og vertu stolt/
ur
21. júní - 22. júlí 
Krabbi Fortíðin nær tökum á þér, bæði
góðar minningar og slæmar. Reyndu að
sýna þolinmæði því allt snýst á betri veg
innan skamms.
23. júlí - 22. ágúst 
Ljón Leggðu þig fram um að ná stjórn á
hlutum sem þú getur breytt. Þú stendur á
krossgötum, en þér liggur ekkert á að taka
ákvarðanir.
23. ágúst - 22. sept. 
Meyja Þú ert ómótstæðilega heillandi – og
ómögulegt að spilla þínu góða skapi.
Framlag þitt til hópvinnu mun vekja á þér
athygli.
23. sept. - 22. okt. 
Vog Vandamálin hverfa ekki þótt þú stingir
þeim undir stól. Græddur er geymdur eyr-
ir. Þú færð skemmtilegar fréttir af gömlum
vini.
23. okt. - 21. nóv.
Sporðdreki Þú ert örlát/ur í eðli þínu.
Mundu: sjaldan veldur einn þá tveir deila.
Ekki bíða eftir að aðrir breyti sér, breyttu
þínu viðhorfi.
22. nóv. - 21. des.

Bogmaður Reyndu að komast hjá því að
verkefnalisti þinn lengist í dag. Neikvæðir
reyna á þolrifin í þér, andaðu djúpt og
teldu upp að tíu. Þú færð heimboð sem
gleður þig.
22. des. - 19. janúar 
Steingeit Stattu með sjálfum þér og láttu
í þér heyra þegar þörf krefur. Stefndu að
því að fara í gott frí næsta sumar með
fjölskyldunni.
20. jan. - 18. febr. 
Vatnsberi Þú ert á endasprettinum með
viðamikið verkefni. Kemurðu einhverju til
skila eða hróparðu í tómið? Þér finnst þú
stundum hjakka í sama farinu.
19. feb. - 20. mars

Fiskar Lánið leikur við þig um þessar
mundir. Þú græðir á tá og fingri. Láttu
aðra ráða ferðinni annað slagið.
Sigmundur Benediktsson sagðifrá því á Leir að góður og kær-
kominn gestur, Jón Gissurarson í
Víðimýrarseli, hefði heimsótt sig,
gert sér góða stund og gef ég hon-
um orðið: Á leiðinni niður á Skaga
meðfram Akrafjallinu varð þessi
skammhenda til hjá Jóni.
Þó að sunnanblærinn berist
blítt um rindana.
Akrafjallið gamla gerist
grátt í tindana.
Þegar við höfðum eytt góðum
tíma í að spjalla um daginn og veg-
inn, skoða og rifja upp vísur og reifa
áhugamálin gaukaði Jón þessari
skemmtilegu hringhendu að mér.
Slotið hýsir andans yl,
upp það lýsir sinni.
Þar sem vísur verða til
verður prísund minni.
Svona góð heimsókn náði að lyfta
mér upp úr drunga og dofa og
þakka fyrir daginn með oddhentri
skammhendu.
En það er langt síðan ég hef notað
hana og þarft að dusta af henni ryk-
ið.
Glaðbeitt kynni gleðja inni
gamlan sinnisrann.
Þegar tvinna má í minni,
margt sem finna kann.
Hugaryndis vonavindur
vakti lindina,
sem í skyndi blómum bindur
Bragahindina.
Ólafur Stefánsson veltir fyrir sér
„trú, von og kærleika“:
Menn segja að blómin bæti allt,
blíðki frú á ýmsa lund.
Vermi hjarta visið, kalt,
veki þrá um kærleiksfund.
Tækifærið taktu falt,
trúðu fast á eigin mátt.
Þá mun rætast þetta allt.
Þú ferð ekki einn í hátt.
Helgi Zimsen skrifaði mér á mið-
vikudag og sagðist hafa rekið aug-
un í vísu eftir sig í Vísnahorninu
þann dag, sem væri ofstuðluð en
hann hefði leiðrétt. Svona væri hún
t.d. rétt:
Vetur, sumar, vor og haust
vætu gegnum ana.
Alltaf streymir endalaust
eins og vatn úr krana.“
Ég biðst afsökunar á þessu og er
leiðréttingu hér með komið til
skila.
Halldór Blöndal
halldorblondal@simnet.is
Vísnahorn
Kærkominn gestur
„Vel gert. Í þetta skipti fórstu í
enn dýpri dáleiÐslusvefn.”
„Herra minn, ég er nokkuÐ viss um
aÐ ég myndi eftir honum ef hann er
bróÐir þinn.”
Ferdinand
Hrólfur hræðilegi
Grettir
... að líða eins og
milljónamæringi.
Í klípu eftir Mike Baldwin eftir Jim UngerHermann
ÉG ER AÐ HITA UPP…
ÉG ER AÐ HITA UPP… EINN!
ÉG ER AÐ KÆLA NIÐUR …
ÉG ER AÐ KÆLA NIÐUR …
HEYRÐU, LANGAR ÞIG AÐ
STINGA AF? ÉG MEINTI MEÐ MÉR!!
Eins og tök eru á og tækifæri gefasttil fer Víkverji í bíó þegar þar eru
sýndar íslenskar heimildarmyndir.
Margar eru fantagóðar og gaman er
að sjá hvernig höfundar myndanna
nota myndmálið til að koma fróð-
leiknum á framfæri. Grími Hákonar-
syni tekst vel upp í myndinni Litla
Moskva sem að undanförnu hefur
verið sýnd í Bíó Paradís. Þar segir
frá mannlífi og málefnum í Neskaup-
stað, bænum þar sem Alþýðu-
bandalagið og sósíalistar héldu meiri-
hluta í bæjarstjórn alls í 52 ár.
Höfundurinn nálgast viðfangsefnið
skemmtilega og niðurstaðan er alveg
skýr: Neskaupstað var vel stjórnað.
Þar í bæ var drift í atvinnulífinu og
sterkt velferðarkerfi. Fólk stóð sam-
an um brýn mál og þannig gekk allt
að sólu. Svipaðar sögur mætti sjálf-
sagt segja úr fleiri bæjum landsins
og breytir þá ekki öllu hver pólitíska
línan hafi verið. Á undanförnum ár-
um hefur Grímur gert ýmsar fleiri
myndir og hefur Víkverja fundist
fengur í þeim öllum.
x x x
Nú þegar líða er farið á nóvemberer sá tími kominn að alla daga
eru á dagskrá skemmtilegir við-
burðir sem gaman er að sækja. Enn
fleira er svo í boði á aðventunni og
síðustu dagana fyrir jól. Tími til að
njóta og lífið er núna! Um helgina var
Bókamessan svonefnda í Hörpunni;
skemmtilegt skáldaþing þar sem höf-
undar lásu úr verkum sínum og for-
leggjarar kynntu útgáfu sína, en
bókaflóðið nú er sérstaklega fjöl-
breytt. Á laugardag gafst svo líka
stund til þess að setjast niður á Kaffi
París með góðum vinum og skegg-
ræða landsins gagn og nauðsynjar;
masa um pólitíkina og fara yfir það
helsta í bæjarslúðrinu. Jafnvel
skálda í skörðin og reyna að geta í
eyður um óorðin mál. Um kvöldið fór
Víkverji svo með vinnufélögum sín-
um á jólahlaðborð; veislu í hæsta
gæðaflokki. Segja má að á þessari
kvöldstund hafi annars farið bæði
lyst og list; því ekki vissi Víkverji að
meðal samstarfsfólk síns væru til
dæmis fábærir söngvarar sem gætu
hlaupið upp og niður tónstigann og
heillað alla upp úr skónum. En svona
leynir nú fólk á sér og við auðgum öll
líf hvert annars. vikverji@mbl.is
Víkverji
Finnið og sjáið að Drottinn er góður,
sæll er sá maður sem leitar hælis hjá
honum.
(Sálm: 34.9)
C
Y
B
E
RM
O
N
D
A
Y
Rökkva.is