Morgunblaðið - 19.12.2018, Blaðsíða 6

6 FRÉTTIRInnlent
MORGUNBLAÐIÐ MIÐVIKUDAGUR 19. DESEMBER 2018
Reykjavík • Hallarmúla 2 • 563 6900 | Akureyri • Undirhlíð 2 • 430 6900
FRÍTT
SENDUM
ALLAR VÖ
RUR
ALLT AÐ
10kg
ALLA DAGATIL JÓLA
OPIÐ10-19
SWITCH
Super Smash Bros Ultimate útgáfa
69.990
Baldur Arnarson
baldura@mbl.is
Kærunefnd útboðsmála hefur vísað frá kæru fyrir-
tækisins AFA JCDecaux vegna samnings borgar-
innar um strætóskýli.
Nánar tiltekið varðar málið samning umhverfis-
og skipulagssviðs Reykjavíkurborgar við félagið
Dengsa ehf. um rekstur hundraða strætóskýla, aug-
lýsingastanda og útisalerna í borginni.
AFA JCDecaux kærði samn-
inginn til kærunefndar útboðs-
mála. Kærandi gerði nokkrar
kröfur í málinu. Í fyrsta lagi að
kærunefnd útboðsmála lýsti
samning við Dengsa ehf. óvirk-
an. Í öðru lagi að kærunefndin
úrskurðaði að kærða, þ.e. borg-
inni, bæri að bjóða út verkefnið
að nýju. Í þriðja lagi að kæru-
nefnd útboðsmála léti í ljós álit
sitt á skaðabótaskyldu kærða
gagnvart kæranda. Í fjórða lagi
að kærunefndin ákvæði kæranda kærumálskostnað
úr hendi kærða, kæranda að skaðlausu.
Borgin samdi við Dengsa eftir að hafa boðið út
rekstur skýlanna sl. vor. Fjögur fyrirtæki sýndu
áhuga en engin tilboð bárust. Umhverfis- og skipu-
lagsráð borgarinnar lagði í kjölfarið fram erindi um
heimild til að standa að samningskaupum. Töldu for-
svarsmenn AFA JCDecaux meðal annars að Dengsi
uppfyllti ekki kröfur í útboðsgögnum um reynslu af
skiltagerð.
Átti að liggja fyrir í október
Ómar R. Valdimarsson, lögmaður hjá lögmanns-
stofunni Norðdahl & Valdimarsson, fer með málið
fyrir hönd AFA JCDecaux.
Hann gagnrýnir frávísunina.
„Að okkar mati er málinu vísað frá með nokkuð
ódýrum hætti. Kærunefndin kemst að þeirri niður-
stöðu að kærufrestur hafi byrjað að líða frá og með
þeim degi sem Reykjavík ákvað að hefja viðræður
um samningskaup við Dengsa ehf., eða þann 7. júní.
Það töldum við vera ótækt í ljósi Evróputilskipunar,
lögskýringargagna og fræðigreina, sem fjalla um
mál af þessu tagi. AFA JCDecaux hafði engar for-
sendur til þess að kæra samninginn fyrr en félagið
hafði fengið aðgang að honum, þ.e. eftir að samning-
urinn hafði verið gerður. Nærtækara hefði verið að
horfa til þess tímamarks. Næsta skref, ef af yrði,
væri að höfða mál gegn Reykjavíkurborg. Ákvörðun
um það liggur ekki fyrir.“
Óvenju miklar tafir á afgreiðslunni
Ómar segir aðspurður að upphaflega hafi verið
miðað við að niðurstaða lægi fyrir í málinu í október,
eða um tveimur mánuðum eftir að kæran var lögð
fram. Þær tafir sem urðu á málinu séu í senn óvenju-
miklar og óheppilegar fyrir umbjóðanda hans, AFA
JCDecaux. Þannig sé fyrirtækinu gert að byrja að
fjarlægja grænu strætóskýlin í borginni um áramót-
in og rýma þannig smátt og smátt fyrir nýjum skýl-
um Dengsa. Hins vegar sé óvíst um samninga.
„Þetta er að sjálfsögðu mjög slæmt. Bæði fyrir
okkur sem kærendur og ekki síður fyrir borgina og
félagið sem hún er að reyna að semja við. Nefndin
var löngu komin út fyrir alla lögbundna fresti. Borið
var við önnum og forföllum hjá nefndarmönnum,“
segir Ómar.
Vísa frá kæru vegna skýla
 Kærunefnd útboðsmála vísar frá kæru AFA JCDecaux vegna samnings við
Dengsa um strætóskýli  AFA JCDecaux útilokar ekki málshöfðun gegn borginni
Ómar R.
Valdimarsson
Morgunblaðið/Eggert
Á Miklubraut Málið varðar rekstur hundraða
biðskýla fyrir strætisvagna í höfuðborginni.
Veður víða um heim 18.12., kl. 18.00
Reykjavík 6 rigning
Hólar í Dýrafirði 6 súld
Akureyri 6 rigning
Egilsstaðir 7 rigning
Vatnsskarðshólar 5 rigning
Nuuk 0 snjóél
Þórshöfn 7 rigning
Ósló -6 þoka
Kaupmannahöfn 3 skúrir
Stokkhólmur -1 snjókoma
Helsinki 1 snjókoma
Lúxemborg 3 heiðskírt
Brussel 7 heiðskírt
Dublin 9 léttskýjað
Glasgow 8 skýjað
London 8 rigning
París 7 heiðskírt
Amsterdam 6 heiðskírt
Hamborg 5 skýjað
Berlín 3 léttskýjað
Vín 1 þoka
Moskva -12 snjókoma
Algarve 17 léttskýjað
Madríd 7 léttskýjað
Barcelona 13 léttskýjað
Mallorca 15 léttskýjað
Róm 11 heiðskírt
Aþena 8 skýjað
Winnipeg -7 léttskýjað
Montreal -7 léttskýjað
New York 0 léttskýjað
Chicago 1 þoka
Orlando 15 heiðskírt
 19. desember Sólarupprás Sólsetur
REYKJAVÍK 11:21 15:30
ÍSAFJÖRÐUR 12:08 14:52
SIGLUFJÖRÐUR 11:53 14:33
DJÚPIVOGUR 10:59 14:50
VEÐUR KL. 12 Í DAG
Á fimmtudag Hæg austlæg átt, skýjað með köflum
og þurrt en skúrir suðaustanlands. Hiti víða 0 til 4
stig. Á föstudag Norðaustan 3-10 og smáskúrir
norðaustantil, en bjart með köflum suðvestanlands.
SPÁ KL. 12.00 Í DAG Austanátt 8-13 m/s, skúrir og hiti 0 til 5 stig, en hægari, þurrt og vægt
frost norðanvert á landinu.
Ágúst Ingi Jónsson
aij@mbl.is
Nærri lætur að annað hvert par sem
gifti sig í síðasta mánuði hafi fengið
sýslumann til að annast athöfnina. Í
nóvember stofnuðu 242 einstaklingar
til hjúskapar og af þeim gengu 122 í
hjúskap hjá sýslumanni eða 50,4%.
80 giftu sig í þjóðkirkjunni eða þriðj-
ungur, 34 einstaklingar gengu í hjú-
skap í trúfélagi utan þjóðkirkju og
sex einstaklingar giftu sig erlendis.
Svipaða sögu er að segja af þeim
162 einstaklingum sem stofnuðu til
hjúskapar í október. 78 þeirra gengu
í hjúskap hjá sýslumanni eða 58% og
58 giftu sig í þjóðkirkjunni eða
38,7%.
Fram kemur á heimasíðu Þjóð-
skrár að alls hafa 3.502 einstaklingar
stofnað til hjúskapar á fyrstu ellefu
mánuðum ársins, 1.734 innan þjóð-
kirkju, en 1.768 utan hennar. Á síð-
asta ári gengu 3.956 manns í hjóna-
band og var það metár.
Hlutur þjóðkirkjunnar í hjóna-
vígslum hefur farið minnkandi hin
síðari ár. Um aldamót var hlutur
þjóðkirkjunnar rúmlega 71% en er á
yfirstandandi ári kominn niður fyrir
50%. Á sama tímabili jókst hlutur
hjónavígslna hjá sýslumanni úr rúm-
lega 13% í rúmlega 31% og hlutur
annarra trúfélaga úr 7% í rúmlega
15,5%.
Um 1.300 skilnaðir árlega
Einnig er á heimasíðu Þjóðskrár
fjallað um skilnaði. Af þeim 119 ein-
staklingum sem skildu í nóvember
voru 118 lögskilnaðir framkvæmdir
hjá sýslumanni og einn fyrir dómi.
Það sem af er ári hafa 1.178 ein-
staklingar skilið en 1.394 ein-
staklingar á öllu síðasta ári.
Algengur fjöldi einstaklinga sem
gengið hafa í hjónaband árlega á öld-
inni hefur verið á bilinu 3.000 til 3.600
manns. Algengur fjöldi þeirra sem
skilið hafa síðustu ár er um 1.300
manns á hverju ári.
Fleiri fóru til sýslu-
manns heldur en prests
Hlutur þjóðkirkjunnar í hjónavígslum
Fjöldi einstaklinga sem stofnuðu til hjúskapar árin 1999 til 2018*
3.000
2.500
2.000
1.500
1.000
500
0
’99 ’00 ’01 ’02 ’03 ’04 ’05 ’06 ’07 ’08 ’09 ’10 ’11 ’12 ’13 ’14 ’15 ’16 ’17 ’18
1.768 (50,5%)
1.734
(49,5%)
959 (28,3%)
2.431 (71,7%)
*Janúar til nóvember 2018. **Hjónavígsla hjá sýslumanni, skráðu trúfélagi utan þjóðkirkju, hjá
íslenskum presti erlendis, erlend hjónavígsla og annað. Heimild: Þjóðskrá Íslands. Oddatölur eru
tilkomnar vegna erlendra einstaklinga sem ekki eru í þjóðskrá.
Hjónavígsla í þjóðkirkju
Hjónavígsla utan þjóðkirkju**
Greiðslur til foreldra í fæðingarorlofi
hækka 1. janúar 2019 og verða há-
marksgreiðslur 600.000 krónur á
mánuði. Það er hækkun um 80.000
krónur. Aukin framlög ríkisins vegna
hækkunar hámarksgreiðslna fæðing-
arorlofsins eru áætluð vera um 1,8
milljarðar kr. á ársgrundvelli.
Ásmundur Einar Daðason, félags-
og jafnréttismálaráðherra, hefur und-
irritað reglugerð um hækkun fæðing-
arorlofsins. Fram kemur á vef Fæð-
ingarorlofssjóðs að hækkunin eigi við
um foreldra barna sem fæðast, eru
ættleidd eða tekin í varanlegt fóstur
1. janúar 2019 eða síðar. Leó Örn Þor-
leifsson, forstöðumaður Fæðingaror-
lofssjóðs, sagði í samtali við mbl.is að
upphæð greiðslnanna ráðist af fæð-
ingardegi barns. Sæki foreldrar um
nú vegna barns sem á að fæðast á
næsta ári fá þeir greiðslu sem á við ár-
ið 2019. Þau sem þegar hafa fengið
greiðsluáætlun vegna barns sem fætt
er á þessu ári, en áætlunin gildir fram
á næsta ár, eiga ekki rétt á endur-
reiknaðri greiðsluáætlun.
Á vef velferðarráðuneytisins er
haft eftir Ásmundi að hækkunin sé
mikilvæg og að hún sýni í verki
áherslur stjórnvalda á að efla stuðn-
ing við börn og barnafjölskyldur. Há-
marksgreiðslurnar hafi hækkað um
20.000 krónur í byrjun þessa árs. Nú
sé stigið stærra skref með umtals-
verðri hækkun sem komi tekjulágum
foreldrum til góða.
Áfram verður unnið að því að
styðja betur við foreldra í fæðingaror-
lofi og er m.a. horft til þess að lengja
fæðingarorlofið. gudni@mbl.is
Fæðingarorlofs-
greiðslur hækka
 Hámarksgreiðsla verður 600.000 kr.
á mánuði vegna barna sem fæðast 2019
Morgunblaðið/Kristinn
Nýburar Greiðslur til foreldra
barna sem fæðast 2019 hækka.
Héraðsdómur Reykjavíkur dæmdi í
gær Júlíus Vífil Ingvarsson, fyrrver-
andi borgarfulltrúa Sjálfstæðis-
flokksins, í tíu mánaða skilorðsbundið
fangelsi fyrir peningaþvætti. Dómin-
um verður áfrýjað til Landsréttar, að
því er Hörður Felix Harðarson, verj-
andi Júlíusar, staðfesti við mbl.is.
Upphaf málsins snerist um skatt-
brot sem framin voru á 9. og í byrjun
10. áratugar síðustu aldar. Bæði sak-
sóknari og verjandi voru sammála um
að brotin væru fyrir löngu fyrnd. Júl-
íus var hins vegar ákærður fyrir pen-
ingaþvætti. Hann geymdi fjármuni á
árunum 1982 til 1993 á bankareikn-
ingi á Jersey. Innistæðan var að and-
virði 131-146 milljóna íslenskra
króna. Árið 2014 var þessum fjár-
munum ráðstafað inn á bankareikn-
ing í Sviss sem tilheyrði vörslusjóði
sem Júlíus, eiginkona hans og börn
voru rétthafar að. Saksóknari taldi að
með millifærslunni hefði Júlíus gerst
sekur um peningaþvætti. Júlíus neit-
aði sök og krafðist sýknu.
Júlíus Vífill
áfrýjar
dóminum
 Tíu mánaða skil-
orðsbundið fangelsi