Morgunblaðið - 19.12.2018, Page 17

FRÉTTIR 17Erlent
MORGUNBLAÐIÐ MIÐVIKUDAGUR 19. DESEMBER 2018
Funahöfða 7, 110 Reykjavík | Sími 577 6666
., '*-�-��,�rKu�,
KIEL/ - OG FRYSTITJEKI
æli- & frystiklefar
í öllum stærðum
K
Dalvegi 16c | 201 Kópavogur | Sími 568 6411 | rafvorur@rafvorur.is
Þvottavélar
og þurrkarar
sem taka
10,1 kg
Amerísk heimilistæki
rafvorur.isRAFVÖRUR ehf
Eyðanstovuskipið í Sandavági í Færeyjum er ekki frá
víkingaöld eins og ýmsir hafa lengi getið sér til um,
heldur frá frá fyrri hluta 17. aldar. Þetta sýnir ný
aldursgreining á viðnum úr skipinu segja færeyskir
fjölmiðlar og vitna í Helga Michelsen fornleifafræð-
ing.
Rannsókn á viðnum og talning á árhringjum í hon-
um leiðir í ljós að hann var felldur í Neðra-Saxlandi á
árunum 1632 til 1638. Í færeyskum heimildum frá 18.
öld er sagt frá skipsstrandi í Sandavági um miðja 17.
öld og gæti þar verið um Eyðanstovuskipið að ræða.
Flak skipsins kom í ljós 1947 og eru bútar úr viði
þess varðveittir á þjóðminjasafninu í Færeyjum.
Í Færeyjum höfðu ýmsir látið sér koma í hug að
Eyðanstovuskipið væri skip Auðuns festargarms sem
sagt er frá í íslenskri fornsögu, Laxdælu. „Auðun
festargarmur fór utan það sumar og braut skipið við
Færeyjar. Þar týndist hvert mannsbarn af skipinu,“
segir í hinni fornu bók. Dregur skipið nafn af þessari
trú margra Færeyinga. gudmundur@mbl.is
Ekki íslenskt víkingaskip
Vladimír Pútín
Rússlandsforseti
lýsti því yfir í gær
að Rússar væru
tilbúnir til að
þróa meðal-
drægar eld-
flaugar ef Banda-
ríkjastjórn drægi
sig út úr INF-
samkomulaginu,
sem bannar ríkjunum tveimur að
búa til slíkar flaugar.
Vestræn ríki hafa sakað Rússa um
að brjóta gegn samkomulaginu, en
Rússar hafa hafnað þeim ásökunum.
Pútín sagði hins vegar í gær að viss
vandkvæði væru á samkomulaginu
sem þyrfti að taka á, meðal annars
þau að það næði bara til Bandaríkj-
anna og Rússlands, en önnur ríki
hefðu algjörlega frjálsar hendur í
þessum efnum. „En hvað kemur í
veg fyrir að við hefjum viðræður um
að þau ríki verði aðilar að núgildandi
samkomulagi eða að byrjað verði að
ræða skilmála nýs samkomulags?“
spurði Pútín.
Alexander Golts, sérfræðingur í
varnarmálum, sagði hins vegar við
AFP-fréttastofuna að það væri ólík-
leg niðurstaða, enda féllu um 90% af
kjarnorkueldflaugum Kínverja und-
ir skilgreiningu INF-samkomulags-
ins. sgs@mbl.is
Styður að
önnur ríki
verði með
 Pútín leggur til
viðræður um INF
Vladimír Pútín
Stefán Gunnar Sveinsson
sgs@mbl.is
Ríkisstjórn Bretlands samþykkti á
fundi sínum í gær að verja um
tveimur milljörðum sterlingspunda,
eða sem nemur um 310 milljörðum
íslenskra króna, til þess að aðstoða
ríkisstofnanir við að undirbúa sig
fyrir þann möguleika að Bretland
muni yfirgefa Evrópusambandið 29.
mars næstkomandi án þess að sam-
komulag liggi fyrir um samskipti
Breta við sambandið.
Þá munu bresk stjórnvöld senda
bréf til um 140.000 fyrirtækja með
ráðgjöf um hvernig eigi að undirbúa
sig fyrir útgöngu án samkomulags.
Einungis 14 vikur eru til stefnu áður
en Bretar eiga að yfirgefa sam-
bandið.
„Sálfræðihernaður“
Stjórnarandstöðuflokkarnir tóku
ekki vel í tilkynningu ríkisstjórnar-
innar. Sir Vince Cable, leiðtogi
frjálslyndra demókrata, sagði að til-
kynning ríkisstjórnarinnar væri ein-
göngu „sálfræðihernaður“, en Cable
hefur talað ákaft fyrir því að boðað
verði til annarrar atkvæðagreiðslu
um útgöngu Breta.
Þá sökuðu forvígismenn Verka-
mannaflokksins Theresu May for-
sætisráðherra og ríkisstjórnina um
að vera að sóa þeim takmarkaða
tíma sem væri til stefnu, en Jeremy
Corbyn, formaður flokksins, lagði
fram vantrauststillögu á May eina í
fyrrakvöld.
Ríkisstjórnin tilkynnti hins vegar
í gær að þar sem slík tillaga hefði
einungis táknrænt gildi en ekki
lagalegt myndi þingið ekki greiða
atkvæði um hana, en May hefði ekki
neyðst til að segja af sér, jafnvel þó
tillaga Corbyns hefði fengist sam-
þykkt.
Ríkisstjórnin skoraði á Corbyn og
Verkamannaflokkinn að leggja fram
vantraust á alla ríkisstjórnina, en
slík tillaga myndi vera bindandi að
lögum. Það þótti hins vegar ólíklegt
að Corbyn myndi verða við því, enda
lýstu forvígismenn norðurírska
DUP-flokksins því yfir að þeir
myndu verja stjórn Íhaldsflokksins
falli enn sem komið væri. Þá lýstu
ýmsir af andstæðingum May innan
Íhaldsflokksins því yfir að þeir
styddu hana áfram til að gegna
starfi forsætisráðherra, en May náði
að standa af sér vantrauststillögu
innan Íhaldsflokksins í síðustu viku.
Hermenn verða til taks
Gavin Williamson, varnarmála-
ráðherra Bretlands, tilkynnti breska
þinginu í gær að 3.500 breskir her-
menn myndu verða til taks ef á
þyrfti að halda ef ekki næst sam-
komulag um útgöngu Breta úr sam-
bandinu. Þannig yrði hægt að
bregðast við hverju sem gæti komið
upp á 29. mars og dagana þar á eftir.
Steve Barclay, ráðherra útgöngu-
mála, sagði hins vegar að ríkis-
stjórnin vonaðist enn til þess að
breska þingið myndi samþykkja það
samkomulag sem liggur fyrir
þinginu. Verða greidd atkvæði um
það um miðjan janúar, en áður hafði
atkvæðagreiðslunni verið frestað,
þar sem það þótti verulega ólíklegt
að þingið myndi samþykkja það.
Sagði Barclay að samþykkt ríkis-
stjórnarinnar um að bæta í undir-
búning fyrir hinn valkostinn væri
ekki uppgjöf heldur skynsamleg
ráðstöfun. „En það er forgangsmál
okkar að tryggja að samkomulag
náist.“
Undirbúa útgöngu Breta
án samkomulagsins
 3.500 hermenn verða til taks ef Bretar yfirgefa Evrópusambandið án samnings
AFP
Brexit Larry, húsköttur í Downingstræti 10, spókaði sig í götunni á meðan
ríkisstjórn Bretlands fundaði um útgöngu Breta úr Evrópusambandinu.
Donald Trump Bandaríkjaforseti
hefur samþykkt að loka góðgerð-
arstofnun sinni, Trump Founda-
tion, en Barbara Underwood, yfir-
saksóknari New York-ríkis,
tilkynnti um það í gær. Verður
eigum stofnunarinnar skipt á milli
annarra góðgerðastofnana, og
mun Underwood hafa yfirumsjón
með þeirri skiptingu.
Saksóknarar í New York-ríki
hafa rannsakað stofnunina á síð-
ustu árum, og sakaði Underwood
forsetann og fjölskyldu hans um
að hafa notað hana sem „persónu-
legt ávísana-
hefti“. Sakaði
hún jafnframt
stofnunina um
að hafa komið
að forseta-
framboði
Trumps með
ólögmætum
hætti.
Höfðaði New
York-ríki mál á
hendur Trump í júní á grundvelli
þessara ásakana. Underwood
sagði að sú málshöfðun myndi
halda áfram, jafnvel þó að Trump
hefði samþykkt að leysa upp stofn-
unina. Tilgangurinn sé meðal ann-
ars sá að koma í veg fyrir að for-
setafjölskyldan geti setið í
stjórnum annarra góðgerðarstofn-
anna í ríkinu.
Trump hefur fyrir sitt leyti mót-
mælt málshöfðuninni og sagt hana
runna undan rótum demókrata í
heimaríki sínu. Þá benti hann á í
júní síðastliðnum að stofnunin
hefði veitt meira fé til góðgerð-
armála en hún hefði þegið.
sgs@mbl.is
Trump-stofnunin lögð niður undir yfirumsjón New York-ríkis
Donald Trump