Morgunblaðið - 21.12.2018, Blaðsíða 17

FRÉTTIR 17Erlent
MORGUNBLAÐIÐ FÖSTUDAGUR 21. DESEMBER 2018
BÆJARLIND 16 I 201 KÓPAVOGUR I SÍMI 553 7100 I LINAN.IS
OPIÐ MÁN TIL FÖSTUDAGA 11 - 18 I LAUGARDAGA 11 - 16
kr. 2.900 - 3.600
kr. 4.450
Kr. 9.400
Kr. 29.800
Marvel Motta Kr. 56.300
VOLUSPA Híbýlailmur kr. 4.200
PÚÐAR AF ÖLLUM STÆRUM
OG GERÐUM
VOLUSPA Ilmkerti
Vínrekki
kr. 11.900
Kr. 32.400
Lesley
Gólflampi
Velvet snagar
Crane borð
Bogi Þór Arason
bogi@mbl.is
Sú ákvörðun Donalds Trumps
Bandaríkjaforseta að kalla alla
bandaríska hermenn í Sýrlandi heim
hefur sætt gagnrýni þingmanna úr
röðum repúblikana og demókrata,
embættismanna í Hvíta húsinu og
utanríkisráðuneytinu og yfirmanna í
hernum, að sögn bandaríska dag-
blaðsins The Wall Street Journal.
Trump kvaðst hafa ákveðið að kalla
herliðið heim vegna þess að sigur
hefði unnist á íslömsku hryðjuverka-
samtökunum Ríki íslams (stundum
nefnd ISIS á ensku).
Nokkrir þingmannanna hvöttu
Trump til að endurskoða ákvörð-
unina og líktu henni við ákvarðanir
Baracks Obama um að fækka
bandarískum hermönnum í Írak og
Afganistan í forsetatíð sinni. „Heim-
kvaðning þessa fámenna bandaríska
herliðs væri mikil Obamaleg mis-
tök,“ sagði Lindsey Graham, repú-
blikani í hermálanefnd öldunga-
deildar Bandaríkjaþings. „Ákvörðun
um heimkvaðningu myndi einnig
teljast vatn á myllu ISIS sem vill ná
sér aftur á strik.“
Óttast „hrikalegar afleiðingar“
Graham sagði að ákvörðun
Trumps myndi grafa undan tilraun-
um Bandaríkjamanna til að hindra
að klerkastjórnin í Íran kæmist til
aukinna áhrifa í Mið-Austurlöndum
og stefndi einnig bandamönnum
Bandaríkjahers, Kúrdum, í hættu.
„Ég óttast að þetta hafi hrikalegar
afleiðingar fyrir land okkar, þennan
heimshluta og allan heiminn,“ sagði
Graham. Jack Reed, demókrati í
öldungadeildinni, tók í sama streng
og lýsti ákvörðun forsetans sem
„svikum“ við Kúrda og enn einni
staðfestingunni á því Trump væri
„ófær um að fara fyrir Bandaríkj-
unum á alþjóðavettvangi“. Reed og
fleiri þingmenn telja að Tyrkir líti á
ákvörðunina sem hvatningu til þess
að hefja hernað gegn vopnuðum
hópum Kúrda sem þeir lýsa sem
„hryðjuverkamönnum“.
Mike Pence, varaforseti Banda-
ríkjanna, ræddi ákvörðun Trumps
við þingmenn repúblikana í öldunga-
deildinni og þeir létu í ljós mikla
andstöðu við hana, að því er The
Wall Street Journal hefur eftir
repúblikananum Ron Johnson, for-
manni heimavarnanefndar öldunga-
deildarinnar. „Hann fékk stóran
skammt af skömmum frá öllum í
herberginu,“ sagði Bob Corker, for-
maður utanríkisnefndar þingdeild-
arinnar, um fundinn með varaforset-
anum.
Verkefninu ekki lokið
Repúblikaninn Rand Paul var
einn fárra þingmanna sem hrósuðu
Donald Trump fyrir ákvörðunina.
„Forsetinn hefur hugrekki til að
segja: við höfum sigrað í Sýrlandi og
komum heim.“
Margir hafa þó dregið í efa að
tímabært sé að lýsa yfir sigri á liðs-
mönnum Ríkis íslams í Sýrlandi.
Bandaríkjaher segir að samtökin
haldi nú aðeins tæpum 2% af þeim
svæðum sem þau höfðu náð á sitt
vald. Talið er að um 2.000 liðsmenn
samtakanna séu á svæðum sem eru
enn á valdi þeirra við landamærin að
Írak. Sérlegur sendimaður Banda-
ríkjaforseta í baráttunni gegn Ríki
íslams sagði fyrir viku að liðið gætu
margir mánuðir áður en hægt yrði
að brjóta íslamistana á þessum
svæðum á bak aftur. Þúsundir ann-
arra liðsmanna Ríkis íslams væru í
öðrum landshlutum og biðu eftir
tækifæri til að hefja vopnaða bar-
áttu að nýju.
Um 2.000 bandarískir hermenn
eru í Sýrlandi og flestir þeirra hafa
gegnt því hlutverki að þjálfa vopn-
aða hópa Kúrda og vera þeim til ráð-
gjafar í baráttunni gegn liðsmönn-
um Ríkis íslams. Joe Dunford,
forseti bandaríska herráðsins, sagði
fyrr í mánuðinum að verkefnum her-
mannanna í Sýrlandi væri ekki lokið
og þeir hefðu aðeins þjálfað um 20%
þeirra liðsmanna vopnuðu hópanna
sem þyrfti til að koma í veg fyrir að
íslamistarnir næðu vopnum sínum.
Stjórnvöld í Bretlandi og Frakk-
landi, sem hafa tekið þátt í barátt-
unni gegn Ríki íslams í Sýrlandi,
vöruðu við því að henni væri ekki
lokið þótt Trump hefði lýst yfir sigri.
„Miklu verki er enn ólokið,“ sagði
breska ríkisstjórnin í yfirlýsingu.
„Við megum ekki missa sjónar á
hættunni sem stafar af samtökun-
um. Það stafar áfram ógn af þeim,
jafnvel þegar þau hafa ekki land-
svæði á valdi sínu.“
Trump urðu á „mikil mistök“
 Repúblikanar og demókratar á Bandaríkjaþingi og embættismenn stjórnarinnar gagnrýna þá
ákvörðun forsetans að lýsa yfir sigri á Ríki íslams og kalla allt bandaríska herliðið í Sýrlandi heim
Mikilvæg tímaskeið í átökunum í Sýrlandi
Heimildir: ISW, SOHR, AFP
Strjálbýl svæði
Uppreisn hófst gegn stjórn
Sýrlands sem nýtur stuðnings
Írana.
Liðsmenn Ríkis íslams náðu Raqa
á sitt vald. 9 mánuðum síðar hófu
Bandaríkin og fleiri ríki loftárásir
Átakasvæði (stjórnar-
herinn/uppreisnarmenn)
Rússar ákváðu að hefja hernað
í Sýrlandi til að verja einræðis-
stjórn landsins
Sumarið 2016
Bandalag vopnaðra hópa Kúrda
og araba flæmdi liðsmenn Ríkis
íslams frá Raqameð stuðningi
Bandaríkjahers
Uppreisnarmenn flúðu frá svæði
nálægt Damaskus. Her Tyrkja og
bandamenn hans náðu kúrdíska
héraðinu Afrin á sitt vald
Tyrkir og banda-
menn þeirra
Kúrdar og banda-
menn þeirra
Stjórnarherinn og
bandamenn hans
Uppreisnarmenn
og/eða íslamistar
Samtökin Ríki
íslams
Haustið 2013 Janúar 2014 September 2015
Stjórnarherinn sat um borgina
Aleppo sem var á valdi uppreisnar-
manna. Herinn náði henni á sitt
vald í desember
Mars 2018Október 2017
DAMASKUS
AfrinAleppo
Deir Ezzor
Raqa
Hasakeh
Aleppo
Homs
Palmyra
Daraa
DAMASKUS
Idlib
Afrin
50 km
TURKEY
LÍBANON
JÓRDANÍA
ÍRAK
Raqa
Raqa
Desember 2018
Donald Trump lýsir yfir sigri á Ríki íslams og kallar bandaríska herliðið heim
2.000 banda-
rískir hermenn
eru á svæðinu
„Glannaleg“ yfirlýsing
» Brett McGurk, sérlegur
sendimaður Bandaríkjaforseta
í baráttunni gegn Ríki íslams,
sagði fyrir viku að það myndi
vera „glannalegt“ að lýsa yfir
sigri á liðsmönnum samtak-
anna og kalla bandaríska her-
liðið heim.
» Bandalag vopnaðra hópa
Kúrda og araba, sem hafa
notið stuðnings Bandaríkja-
hers, sagði að ákvörðun
Trumps myndi gera Ríki ísl-
ams kleift að ná sér á strik
aftur í baráttunni fyrir ísl-
ömsku ríki.
Lögreglan í Marokkó handtók í gær
þrjá menn vegna gruns um að þeir
hefðu myrt tvær norrænar konur
sem fundust látnar á mánudag eftir
að þær höfðu farið í fjallgöngu í
sunnanverðu landinu. Talsmaður
ríkisstjórnar Marokkó lýsti morð-
unum sem hryðjuverki.
Lögreglan í borginni Marrakesh
sagði að talið væri að morðið tengd-
ist hryðjuverkastarfsemi. Frétta-
vefur VG í Noregi sagði að menn-
irnir hefðu verið handteknir í rútu á
leiðinni frá borginni Agadir til
Marrakesh. Haft var eftir sjónar-
vottum að mennirnir hefðu falið
langa hnífa undir sætum sínum.
Daginn áður handtók lögreglan
mann sem grunaður er um að vera
viðriðinn morðin. Talið er að hann
sé félagi í hryðjuverkasamtökum.
Myndskeið rannsakað
Danska öryggislögreglan rann-
sakaði í gær myndskeið sem birt
var á samfélagsmiðlum og talið var
sýna morðið á annarri kvennanna.
Maður sem sást á myndskeiðinu
bölsóttaðist út í „óvini Allah“ þegar
konan var myrt.
Konurnar tvær voru Louisa
Vesterager Jespersen, 24 ára náms-
kona frá Danmörku og Maren
Ueland, sem var 28 ára og frá Nor-
egi. Lík þeirra fundust í tjaldi á
Atlasfjalli. Þangað er um tveggja
tíma ganga frá þorpinu Imlil.
Lars Løkke Rasmussen, for-
sætisráðherra Danmerkur, for-
dæmdi morðin og sagði að þau
væru „svívirðilegur glæpur“. Erna
Solberg, forsætisráðherra Noregs,
lýsti morðunum sem „grimmilegri
og tilgangslausri árás á saklausar
konur“.
Morðunum lýst
sem hryðjuverki
 Fjórir menn handteknir í Marokkó
eftir morð á tveimur norrænum konum
AFP
Handteknir Þrír menn sem eru í
haldi, grunaðir um morðin.