Morgunblaðið - 29.12.2018, Qupperneq 49

MENNING 49
MORGUNBLAÐIÐ LAUGARDAGUR 29. DESEMBER 2018
Trompetleikararnir Baldvin Odds-
son og Jóhann Nardeau og Björn
Steinar Sólbergsson, organisti Hall-
grímskirkju, flytja hátíðarverk frá
barokktímanum, m.a. eftir J.S.
Bach, Vivaldi og fleiri á tónleikum á
morgun kl. 17 og á gamlársdag kl. 16
í Hallgrímskirkju.
Trompetleikararnir koma frá
New York og París til að færa gest-
um hátíðarstemmningu áramótanna
í samleik við Klais-orgelið og er
þetta í 26. sinn sem Listvinafélag
Hallgrímskirkju býður upp á tón-
leika undir yfirskriftinni Hátíðar-
hljómar við áramót. „Áramóta-
stemmningin byrjar með hátíðar-
hljómum trompetanna og orgelsins
enda njóta þessir tónleikar gríð-
arlegra vinsælda og hafa verið
haldnir slíkir tónleikar fyrir fullu
húsi á gamlárskvöld allt frá vígslu
Klais orgelsins 1992,“ segir á miða-
söluvefnum midi.is um tónleikana.
Lúðraþytur og trumbusláttur hafi
um aldir tengst hátíðum og fyrir-
myndir þess megi finna í elstu
sálmabók kirkjunnar, Saltaranum,
þar sem Drottinn sé lofaður með
bumbum og málmgjöllum.
Hátíðarblástur Jóhann Nardeau blæs í hljóðfæri sitt.
Tvö trompet og orgel
í Hallgrímskirkju
TÓNLIST
Arnar Eggert Thoroddsen
arnareggert@arnareggert.is
Þeir Guðmundur Ingi Mark-ússon og Jóhann Eiríkssonvissu af hvor öðrum í tónlist-
arsenu Reykjavíkur á níunda ára-
tugnum en tóku ekki tveggja manna
tal fyrr en fimmtudagskvöldið 15.
desember 1988. Það kvöld reyndist
örlagaríkt því að óforvarandis hófu
þeir að búa til tónlist saman. Léku
sér með hljóðbút frá súrkálsrokk-
urunum í Can og úr varð hljómsveit-
in Reptilicus sem enn starfar – rétt
rúmlega 30 árum síðar.
Reptilicus var eyland í íslensku
neðanjarðarsenunni, sinntu „ind-
ustrial“-tónlist sem nálega enginn
hreyfði við, a.m.k. ekki af sömu
natni og þeir fé-
lagar. Virknin skil-
aði þeim nokkuð
langt inn í alþjóð-
legu „industrial“/
jaðarsenuna við
upphaf tíunda ára-
tugarins, m.a. fyrir
tilstilli World Serpent Distribution
(Current 93, Coil, Nurse with
Wound) og útgáfur urðu giska
margar í kjölfarið, á alls kyns form-
um, útgáfum og í samstarfi við hina
og þessa og oft málsmetandi aðila.
Tónlistin hefur alla tíð verið til-
raunakennd; þar sem unnið er með
tölvur, raftónlist og óhljóð meðal
annars. Stundum er tónlistin afar
torræð og óhlutbundin, þar sem
hlustanda bregður en hún á það líka
til að vera lokkandi, dulúðug og
straumlínulöguð. Reptilicus hefur
aldrei verið fyrirsjáanleg, ævin-
týragirnin heldur skrímslinu sprikl-
andi og er efalaust ástæða þess að
eftirspurn er eftir sveitinni á sama
tíma og meðlimir sinna henni enn af
ástríðu og elju.
Hljóðbært heima á milli
Ljósmynd/Steinn Þorkelsson
Nýjasta verkefni hennar kom
út nú í haust, og er samstarfsverk-
efni Reptilicus og hins þýska Senk-
ing. Platan Unison er gefin út af
hinu kanadíska Artoffact Records
en platan á rætur sínar í upptökum
sem fram fóru fyrir sjö árum síðan.
Það var í endaðan nóvember, 2011,
sem Reptilicus, Senking, Rúnar
Magnússon og Orphx léku saman á
tónleikum í Toronto. Skipuleggj-
andi var Praveer Baijal, upphafs-
maður Yatra-Arts merkisins og
tónlistargrúskari mikill. Yatra-Arts
hafði þá nýverið gefið út sjötomm-
una „Initial Conditions“ með Reptil-
icus og var endurhljóðblöndun á
B-hliðinni eftir Senking. Á sama
tíma var vinna við hljóðgervlamynd-
ina I Dream of Wires að byrja, þar
sem áhersla var lögð á hina svo-
felldu „modular“-hljóðgervla og
voru Reptilicus, Senking og Rúnar
Magnússon lóðsaðir inn í myndina
(og er Rúnar þriðji meðlimur Reptil-
icus á þessari útgáfu). Baijal kynnti
þá félaga fyrir William Blakeney,
aðalframleiðanda myndarinnar, og
var komið á upptökulotu í Grant
Avenue hljóðverinu í Hamilton, Ont-
ario. Hljóðverið er sögufrægt en
stofnað var til þess af þeim
Lanois-bræðrum, Bob og Daniel, og
hafa plötur eftir þá Brian Eno og
Daniel Lanois m.a. verið teknar upp
þar. Okkar mönnum var hleypt í alls
kyns fornfálega hljóðgervla,
reynslu sem Guðmundur Ingi lýsti
fyrir blaðamanni á sínum tíma á
þennan veginn: „Þetta var eins og
að vera krakki í sælgætisbúð.“ Þeir
félagar unnu þarna að tónlist undir
vökulum augum Bob Doidge (Crash
Test Dummies, Cowboy Junkies) en
eftirvinnslan fór svo fram í þremur
borgum, heimaborgum viðkomandi,
þ.e. Köln, Kaupmannahöfn og
Reykjavík.
Segja má að platan taki mið af
aðstæðum og mannskap. Áherslur
eru ólíkar laga á milli og heyra má í
mismunandi hljóðgervlagutli í
hverju þeirra. Maður nemur líka
gleðina sem tónlistarmennirnir –
hljóðgervlanördar allir sem einn –
hafa náð fram með verkefninu. T.d.
í „Shiver“ þar sem maður sér bók-
staflega brosviprurnar á þeim þar
sem þeir renna sér í gegnum ein-
hvern gervilinn sem ég gæti aldrei
nefnt. Tónlistin er þá aðgengileg,
sem er ekki alltaf tilfellið hjá Reptil-
icus (alls ekki reyndar). Verkin líða
höfugt áfram, sveimbundin, og ekk-
ert of langt frá meistara Eno, sem
dvaldi löngum stundum í hljóðver-
inu eins og áður segir. Ég hlakka til
frekari verkefna frá Reptilicus, og
alveg víst að næst verður eitthvað
allt annað í gangi.
»Reptilicus hefuraldrei verið fyrir-
sjáanleg, ævintýragirn-
in heldur skrímslinu
spriklandi og er efalaust
ástæða þess að eftir-
spurn er eftir sveitinni á
sama tíma og meðlimir
sinna henni enn af
ástríðu og elju.
Unison er samstarfs-
verkefni þýska tón-
listarmannsins Senking
og íslensku hljóm-
sveitarinnar Reptilicus.
Tveir Reptil-
icus hefur nú
starfað í 30 ár.
Einn Senking
er listamanns-
nafn Jens Massel.
Hannesarholt býður tónlistarmönn-
um sem eru í námi erlendis en í
jólaleyfi á Íslandi, að halda tónleika
fyrir bakland sitt og munu Marína
Ósk Þórólfsdóttir og Eiríkur Rafn
Stefánsson halda sameiginlega tón-
leika á morgun frá kl. 14 til 16.
Marína stundar mastersnám í djassi
og kemur gítarleikarinn Mikael
Máni Ásmundsson fram með henni.
Eiríkur stundar BA nám við Cons-
ervatorina í Amsterdam og mun
hann koma fram með hljómsveit.
Dúett Marína og Mikael starfa saman.
Tónlistarnemar
í Hannesarholti
Tónlistarmaðurinn og stuðboltinn
Páll Óskar Hjálmtýsson heldur
Pallaball í Valaskjálf á Egilsstöðum
í kvöld kl. 23. Mun hann þeyta skíf-
um og taka nokkur af sínum þekkt-
ustu lögum þegar stuðið nær há-
marki.
Palli heldur Palla-
ball í Valaskjálf
Stuð Páll Óskar í miklum ham.
ICQC 2018-20