Morgunblaðið - 02.01.2019, Blaðsíða 2

2 FRÉTTIRInnlent
MORGUNBLAÐIÐ MIÐVIKUDAGUR 2. JANÚAR 2019
Dalvegi 16c | 201 Kópavogur | Sími 568 6411 | rafvorur@rafvorur.is
Þvottavélar
og þurrkarar
sem taka
10,1 kg
Amerísk heimilistæki
rafvorur.isRAFVÖRUR ehf
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Sjö karlar og sjö konur voru sæmd
riddararakrossi fyrir vel unnin
störf í þágu þjóðarinnar í gær.
Tveir landsþekktir skemmtikraftar
voru meðal þeirra sem sæmdir voru
riddarakrossi; Páll Óskar Hjálmtýs-
son tónlistarmaður fyrir framlag til
tónlistar og jafnréttismála og Þór-
hallur Sigurðsson, leikari og tón-
listarmaður, fyrir menningu.
Aðrir sem sæmdir voru eru þau
Valdís Óskarsdóttir kvikmynda-
gerðarmaður, íslensk og alþjóðleg
kvikmyndagerð, Guðríður Ólafs
Ólafíudóttir, fv. formaður Sjálfs-
bjargar, velferðar- og mannúðar-
mál, Ragnar Aðalsteinsson hæsta-
réttarlögmaður, mannréttindi og
réttindabarátta, Tómas Knútsson
vélvirkjameistari, stofnandi Bláa
hersins, umhverfisvernd, Agnes
Anna Sigurðardóttir fram-
kvæmdastjóri, þróun atvinnulífs í
heimabyggð, Árni Magnússon, fv.
skólastjóri, félags- og skólamál,
Kristín Aðalsteinsdóttir, fv. pró-
fessor, menntavísindi, Björg Thor-
arensen prófessor, kennsla og
rannsóknir í lögfræði, Guðrún
Sveinbjarnardóttir fornleifafræð-
ingur, fornleifarannsóknir, Har-
aldur Briem, fv. sóttvarnalæknir,
heilsuvernd og lýðheilsa, Margrét
Frímannsdóttir, fv. alþingismaður,
og Georg Lárusson forstjóri, störf í
opinbera þágu.
ge@mbl.is
Riddarakross, heiðursmerki hinnar íslensku fálkaorðu, var afhentur á Bessastöðum á nýársdag
14 hlutu
fálkaorðu
Morgunblaðið/Árni Sæberg
Aron Þórður Albertsson
aronthordur@mbl.is
„Við erum að vinna í því að ná sam-
komulagi til langs tíma,“ segir Frið-
rik Þór Friðriksson, rektor Kvik-
myndaskóla
Íslands, um fjár-
mögnun skólans
næstu ár. Nú eru
liðin þrjú ár frá
undirritun þjón-
ustusamnings
milli mennta-
málaráðuneytis-
ins og Kvik-
myndaskóla
Íslands, en samn-
ingurinn átti að
renna út um áramótin.
Að sögn Friðriks hefur starfsemi
skólans þó verið tryggð út þetta ár.
„Þetta er í raun skyndilausn út árið
eða eitthvað svoleiðis. Hún gengur
út á það að halda skólanum gangandi
áfram,“ segir Friðrik Þór og bætir
við að á sama tíma sé verið að vinna
að langtímasamningi við ráðuneytið.
„Við vonumst til þess að það verði
hægt að ná samkomulagi sem verður
mikið lengra en þetta sem nú er í
gildi. Í því sambandi erum við að tala
um samning sem væri til um fimm
ára,“ segir Friðrik Þór.
Frá árinu 2010 hafa skammtíma-
samningar að mestu verið í gildi að
undanskildu síðasta samkomulagi,
sem líkt og fyrr segir var gert árið
2015. Skammtímasamningarnir hafa
staðið uppbyggingarstarfi skólans
fyrir þrifum og gert það að verkum
að markvisst framtíðarskipulag hef-
ur setið á hakanum. Kvikmyndaskól-
inn hefur hingað til fengið tæplega
1.000.000 kr. greiddar með hverjum
nemanda. Það er umtalsvert minna
en þekkist í nokkrum verkmennta-
skólum þar sem greiddar eru rúm-
lega tvær milljónir króna með hverj-
um nemanda.
Vonar að greiðslur hækki
Friðrik Þór segir vonir standa til
að hægt verði að hækka greiðslur í
nýjum langtímasamningi. „Greiðsl-
urnar eru svipaðar í þessum tíma-
bundna samningi en við vonumst til
að geta hækkað þær í langtíma-
samningnum,“ segir Friðrik Þór.
Spurður um fjárhagsstöðu Kvik-
myndaskólans segir Friðrik Þór að
skólinn sé, líkt og fjöldi annarra
fyrirtækja, með útistandandi skuld-
ir. Þá segist hann ekki vita hvort
styrkir verði veittir til að laga
skuldastöðuna. „Ég er ekkert inni í
því hvort við fáum styrki til að
greiða niður skuldir. Það er hins
vegar þannig að ef skólinn hefði átt
að njóta jafnræðis þá skuldar ríkið
okkur um hálfan milljarð,“ segir
Friðrik Þór.
Starfsemi Kvikmyndaskóla
Íslands tryggð til áramóta
 Rektor skólans vonast til að hægt
verði að ná samkomulagi til langs tíma
Morgunblaðið/Þórður Arnar
Kvikmyndaskólinn Friðrik Þór Friðriksson, rektor Kvikmyndaskóla Ís-
lands, vonast til að hægt verði að tryggja framtíð skólans til lengri tíma.
Friðrik Þór
Friðriksson
Sex ökumenn á höfuðborgarsvæð-
inu voru stöðvaðir af lögreglu að-
faranótt nýársdags og eru grunaðir
um að hafa verið ölvaðir eða undir
áhrifum fíkniefna við akstur öku-
tækis, samkvæmt upplýsingum frá
lögreglu.
Þá varð bílvelta á Kringlumýrar-
braut um miðnætti. Ökumaðurinn
reyndist vera án ökuréttinda auk
þess sem hann er talinn hafa verið
undir áhrifum áfengis.
Klukkan hálftíu um morgun ný-
ársdags stöðvaði lögregla ökumann
í Kópavogi sem var handtekinn
vegna gruns um ölvunarakstur.
Var hann einnig ökuréttindalaus.
Var hann látinn laus í kjölfar
skýrslu- og sýnatöku.
Sex teknir
undir áhrifum
Morgunblaðið/Hari
Ölvunarakstur Lögreglan náði
nokkrum sem óku undir áhrifum.
Hörður Torfason hefur bæði fengið
símtöl og fésbókarskilaboð í kjölfar
þess að atriði sem hann tók þátt í var
sent út í Áramótaskaupi RÚV á
gamlárskvöld. Hann segist í samtali
við Morgunblaðið hafa fengið gríðar-
leg viðbrögð. Skilaboðin eru af ýmsu
tagi, segir Hörður og bætir við:
„Meginboðskapurinn sýnist mér vera
sá að fólk vonar að þetta eigi eftir að
hreyfa við þessu máli.“
Hörður á þar við reglur þær sem
banna samkynhneigðum karlmönn-
um að gefa blóð. Í áðurnefndu atriði
kom Hörður fram ásamt fleiri þjóð-
þekktum íslenskum samkynhneigð-
um tónlistarmönnum sem sungu út-
færslu dægurlagsins „Álfar“ eftir
Magnús Þór Sigmundsson með text-
anum „eru hommar kannski menn?“
þegar ekki mátti við björgunarað-
gerð nota blóð úr einum þeirra því
hann er samkynhneigður.
Samkynhneigðir hafa „sloppið“
„Ég gafst upp á þessu máli fyrir
mörgum árum. En ég veit um sam-
kynhneigða menn sem hafa gefið blóð
og sloppið í gegn. Þeir voru ekkert
spurðir um eitt eða neitt. Ég geri hins
vegar ráð fyrir að ef ég myndi birtast
þarna þá yrði bara sagt: „Nei takk“,“
segir Hörður kíminn og nefnir að
baráttan vegna þess að samkyn-
hneigðir menn mega ekki gefa blóð
sé áratuga gömul, en hafi lítinn ár-
angur borið.
Spurður hvort hann telji einhverj-
ar breytingar vera í sjónmáli í mála-
flokknum svarar Hörður: „Ég bara
get eiginlega ekki sagt það. Ég geri
ráð fyrir því að þetta innslag hafi þýð-
ingu og skapi þrýsting. Persónulega
hef ég ekki skipt mér af þessu en ég
veit að það hafa einstaklingar komið
að þessu máli en ég hef aldrei séð
neina útkomu úr því.“ teitur@mbl.is
„Gríðarleg viðbrögð“
 Hörður telur að atriðið í Skaupinu hafi skapað þrýsting
 Umræðan er áratuga gömul en hefur ekki borið árangur
Skjáskot/RÚV
Menn? Atriðið sem Hörður tók þátt
í hefur vakið mikla athygli.