Morgunblaðið - 03.01.2019, Page 30

FRÉTTASKÝRING
Sigtryggur Sigtryggsson
sisi@mbl.is
Allt að fimm ára bið getur orðið á því
að ráðist verði í gerð síðasta hluta
Arnarnesvegar. Um er að ræða 1,5
kílómetra kafla frá Rjúpnadal í
Kópavogi að Breiðholtsbraut.
Kostnaður við þennan kafla er áætl-
aður 1.500 milljónir króna. Frum-
hönnun vegarkaflans liggur fyrir en
ekki er búið að verkhanna veginn
þannig að hann sé tilbúinn til útboðs.
Umferðarspá fyrir árið 2030 gerir
ráð fyrir 15.000 bílum á sólarhring á
þessum vegi þannig að í upphafi má
gera ráð fyrir að um hann fari um
10-12.000 bílar á dag.
Þingmenn Suðvesturkjördæmis
ræddu um þennan vegarkafla í sér-
stökum umræðum á Alþingi fyrir
jólin og lýstu yfir furðu á því að ekki
yrði ráðist fyrr í þessa brýnu fram-
kvæmd.
Þar sem lokakaflinn er ókláraður
þurfa ökumenn sem aka Arnarnes-
veg að fara krókaleiðir, ætli þeir sér
að komast frá Rjúpnadal inn á
Breiðholtsbraut. Nú er leiðin frá
Arnarnesvegi að Breiðholtsbraut
eftir Rjúpnavegi, Vatnsendavegi og
Vatnsendahvarfi, samtals um 3 kíló-
metrar. Samsvarandi leið eftir Arn-
arnesvegi og að sama stað á Breið-
holtsbraut ætti að verða um 1,5
kílómetrar eftir að nýi vegurinn
kemur. Stytting leiðarinnar t.d. úr
Salahverfi og yfir í Árbæ ætti því að
verða umtalsverð.
Fyrsti kaflinn tilbúinn 2004
Þegar Arnarnesvegurinn verður
fullbyggður mun hann liggja frá
Hafnarfjarðarvegi að Breiðholts-
braut. Fyrsti hluti vegarins, þ.e. frá
Hafnarfjarðarvegi að Reykjanes-
braut, var tekinn í notkun árið 2004.
Næsti kafli Arnarnesvegar, á milli
Reykjanesbrautar og Fífuhvamms-
vegar, var tekinn í notkun árið 2016.
Búið var að bjóða þennan kafla út
snemma árs 2009, en hætt var við
framkvæmdir í kjölfar efnahags-
hrunsins, samkvæmt upplýsingum
frá Vegagerðinni.
Lokakaflinn, þ.e. á milli Rjúpna-
vegar og Breiðholtsbrautar, var inni
í samþykktri samgönguáætlun fyrir
árin 2011-2022 á 3. tímabili þeirrar
áætlunar, eða á árunum 2019-2022.
Í tillögu að samgönguáætlun fyrir
árin 2015-2026 var þessi kafli inni
með 200 m.kr. á árunum 2019-2022,
en 500 m.kr. á árunum 2023-2026.
Þessi samgönguáætlun var lögð
fram á Alþingi haustið 2016, en hlaut
ekki umfjöllun. Í þeirri samgöngu-
áætlun, sem nú liggur fyrir þinginu,
er þessi kafli með 1.500 m.kr. á ár-
unum 2024-2028.
Guðmundur Andri Thorsson,
þingmaður Samfylkingar, tók mál-
efni Arnarnesvegar upp í sérstakri
umræðu á Alþingi 10. desember sl.
Spurði þingmaðurinn Sigurð Inga
Jóhannsson samgönguráðherra um
ástæður þess að framkvæmdir við
Arnarnesveg hefðu dregist svo mjög
sem raun ber vitni og hvort ráðherra
teldi ásættanlegt að þær drægjust
enn frekar. „Margoft hefur komið
fram, og nú síðast í harðorðu bréfi
sem bæjarstjóri Kópavogs, Ármann
Kr. Ólafsson, sendi okkur þing-
mönnum Suðvesturkjördæmis í síð-
asta mánuði, að þessi framkvæmd sé
í orðsins fyllstu merkingu lífs-
nauðsynleg þar sem viðbragðstími í
efri byggðum Kópavogs stenst ekki
þær kröfur sem eru gerðar um
sjúkraflutninga og eldsvoða. Umferð
í gegnum Vatnsendahverfið er orðin
allt of mikil og gatnamót Breiðholts-
brautar og Vatnsendavegar eru
löngu sprungin, en þar fara um yfir
12.000 bílar á sólarhring með til-
heyrandi töfum,“ sagði Guðmundur
Andri.
Og hann bætti við: „Hér á suð-
vesturhorni landsins býr ansi margt
fólk sem greiðir skatta og skyldur og
kýs fulltrúa sína til setu á Alþingi en
virðist eigi að síður stundum mæta
einhvern veginn afgangi þegar kem-
ur að útdeilingu fjár til vegafram-
kvæmda eins og Hafnfirðingar hafa
heldur ekki farið varhluta af.“
Sigurður Ingi Jóhannsson svaraði
og sagði að Arnarnesvegurinn og
áform þar um hefðu ekki dregist
neitt meira en mörg önnur áform
hringinn um landið. Það væri hins
vegar ekki ásættanlegt að þau
drægjust enn frekar.
„Eins og háttvirtur þingmaður
kom inn á er kaflinn frá Rjúpnavegi
að Breiðholtsbraut eftir, en þar hef-
ur m.a. verið ágreiningur milli sveit-
arfélaganna, Reykjavíkurborgar og
Kópavogs, um nákvæma útfærslu á
því hvort þarna eigi að vera mislæg
gatnamót eða ekki. Það er eitt af því
sem valdið hefur seinkunum á fram-
kvæmdum,“ sagði ráðherra. Hann
bætti því við að ef áform um veg-
gjöld gengju eftir væri vonandi hægt
að flýta framkvæmdum við þennan
vegarkafla umtalsvert.
Íbúar „gapandi hissa“
Una María Óskarsdóttir, þing-
maður Miðflokksins, upplýsti að hún
hefði nýlega verið á fundi með
slökkviliðsstjóra höfuðborgarsvæð-
isins. „Staðan er grafalvarleg, eins
og áður hefur komið fram. Hún er
óboðleg og hættuleg þar sem
slökkviliðs- og sjúkraflutningamenn
komast ekki á milli staða á þeim
tíma sem stofnunin hefur skilgreint
sem ákvarðaðan viðbragðstíma.
Kópavogsbúar og Garðbæingar eru
auðvitað gapandi hissa á ákvörðun
ráðherra,“ sagði þingmaðurinn.
Enn bíður Arnarnesvegur
 Þingmenn Suðvesturkjördæmis þrýsta á að lokið verði við veginn  Aðeins 1,5 kílómetra kafli að
Breiðholtsbraut er ókláraður  Allt að fimm ára bið og á meðan þarf að aka eftir krókaleiðum
Morgunblaðið/sisi
Hér endar vegurinn Þessi sjón blasir við ökumönnum í Rjúpnadal. Héðan mun vegurinn liggja yfir Rjúpnahæðina og niður í gjá að Breiðholtsbraut.
Lo
ft
m
yn
di
r e
hf
.
Lenging vegar
1,5 km
Fyrirhuguð lenging
Arnarnesvegar að
Breiðholtsbraut
Hvörf
Kórar
Salir
Seljahverfi
Vatnsenda-
hæð
KÓPAVOGUR
REYKJAVÍK
Fell
Breiðholtsbraut
Arnarnesvegur
Vatnsendavegur
Ar
na
rn
es
ve
gu
r
Guðmundur Andri
Thorsson
Sigurður Ingi
Jóhannsson
30 FRÉTTIRInnlent
MORGUNBLAÐIÐ FIMMTUDAGUR 3. JANÚAR 2019
Sindragata 12c | Ísafirði | Sími 456 1300 | smidjan@velsmidjan.is
FYRIR BÍLINN
HREINSAR
MJÚKLEGA OG ÁHRIFARÍKT
HENTAR
Á LEÐUR OG LEÐURLÍKI
ENDURHEIMTIR
UPPBYGGINGU LEÐURSINS
NÆRING
FYRIR LEÐUR
Í BÍLA INNRÉTTINGAR
Áslaug Arna er
formaður utan-
ríkisnefndar
Rangt var farið með nafn Áslaugar
Örnu Sigurbjörnsdóttur, formanns
utanríkisnefndar Alþingis, í grein
Gústafs Adolfs Skúlasonar, „Samið
um útópíu sósíalismans“, í Morgun-
blaðinu í gær, 2. janúar.
Biðst hann velvirðingar á mistök-
unum.
LEIÐRÉTT
Allt um
sjávarútveg