Morgunblaðið - 14.01.2019, Page 17

FRÉTTIR 17Erlent
MORGUNBLAÐIÐ MÁNUDAGUR 14. JANÚAR 2019
SVALALOKANIR
Svalalokanir frá Glerborg eru nýtískulegar
og falla vel að straumum og stefnum
nútímahönnunar.
Lokunin er auðveld í þrifum þar sem hún opnast inná við.
Hægt er að fá brautirnar í hvaða lit sem er.
Svalalokun verndar svalirnar fyrir regni, vindi og ryki og eykur
hljóðeinangrun og breytir notkun svala í heilsársnotkun.
Glerborg
Mörkinni 4
108 Reykjavík
565 0000
glerborg@glerborg.is
www.glerborg.is
2291árfregalgeps&nupílsrelg,raggulg,relG
FÁÐU TILBOÐ
ÞÉR AÐ
KOSTNAÐAR-LAUSU
Þorgrímur Kári Snævarr
thorgrimur@mbl.is
Lengi hefur verið deilt um það hvort
Lýðveldið Makedónía eigi nokkurt
tilkall til nafnsins Makedóníu. Nú
hefur þessi deila teflt framtíð ríkis-
stjórnar Alexis Tsipras, forsætisráð-
herra Grikklands, í tvísýnu.
Panos Kammenos, varnarmála-
ráðherra Grikklands, sagði af sér
embætti í gær vegna deilna sinna
við Tsipras um fyrirhugaða breyt-
ingu á nafni Lýðveldisins Makedón-
íu. Kammenos er formaður Sjálf-
stæðra Grikkja, sem sitja í
ríkisstjórn Grikklands ásamt flokki
forsætisráðherrans, Syriza. Tsipras
hefur síðasta árið staðið í samninga-
viðræðum við Zoran Zaev, forsætis-
ráðherra Makedóníu, um að Make-
dónía skuli héðan í frá heita
Lýðveldið Norður-Makedónía.
Tsipras og Zaev undirrituðu samn-
ing þess efnis hinn 17. júní síðastlið-
inn og Makedóníumenn staðfestu
hann á föstudaginn.
Arfleifð Alexanders
Deilan um nafn Makedóníu kann
að virðast léttvæg en hún hefur í
reynd mikla þýðingu fyrir framtíð
landsins. Frá því að Makedónía
hlaut sjálfstæði hafa Grikkir verið
heldur ósáttir við nafn landsins og
hafa því beitt sér gegn því að Make-
dónía hljóti aðild að Evrópusam-
bandinu og Atlantshafsbandalaginu.
Ástæðan er sú að Makedónía er
einnig nafn á héraði í norðurhluta
Grikklands og Grikkir óttast að
grannríkið í norðri geri tilkall til
þessa landsvæðis með því að notast
við sama nafnið. Á fornöld var hell-
eníska konungsríkið Makedónía þar
sem gríska héraðið Makedónía er
nú, en þar fæddist Alexander mikli.
Nafnið Makedónía hefur því mjög
þjóðernislega merkingu í huga
Grikkja og er þeim lítt skemmt yfir
því að slavneska fyrrverandi Júgó-
slavíulýðveldið til norðurs reyni að
eigna sér arfleifð Alexanders. Fyrri
ríkisstjórnir Makedóníu hafa verið
duglegar að reisa styttur af honum
og nefna flugvelli í höfuðið á honum.
Síðasta tækifæri Tsipras
Viðræður um að breyta nafni
Makedóníu í Norður-Makedóníu
hófust árið 2017 eftir að Zoran Zaev
og Jafnaðarmannabandalagið kom-
ust til valda í Makedóníu. Mörgum
Grikkjum finnst sú nafnbreyting
hins vegar ekki nógu róttæk og vilja
ekki að ríkið kenni sig við neinn
hluta Makedóníu. Þess vegna hefur
Kammenos nú sagt af sér ráðherra-
embætti sínu og hyggst kjósa gegn
Tsipras í fyrirhugaðri atkvæða-
greiðslu um traustsyfirlýsingu sem
Tsipras hefur kallað til á gríska
þinginu. Tsipras vonast til þess að
vinna traust á þinginu og samþykki
fyrir nafnbreytingunni með hjálp
eigin flokksmanna, andófsmanna úr
flokki Kammenosar, og þingmanna
flokksins To Potami. Stærsti
stjórnarandstöðuflokkurinn, Nýtt
lýðræði, er mjög mótfallinn nafn-
breytingunni og þykir sigurstrang-
legur í kosningum sem haldnar
verða á árinu. Því má samningurinn
heita dauður ef Tsipras tekst ekki
að fá samþykki fyrir honum núna.
Stofnar grísku stjórninni í hættu
 Varnarmálaráðherra Grikklands segir af sér vegna deilna um nafn Makedóníu  Alexis Tsipras kall-
ar eftir atkvæðagreiðslu um traustsyfirlýsingu á stjórn sína og samþykkt samnings um nafnbreytingu
Venesúelamenn búsettir í Argentínu komu sam-
an í Búenos Aíres á laugardaginn til að mótmæla
stjórn Nicolás Maduros, forseta Venesúela. Hér
sjást mótmælendur með grímur af andliti forset-
ans. Á rauðu línunni yfir andliti hans stendur:
„Ég viðurkenni þig ekki.“ Maduro var endur-
kjörinn í fyrra en eftirlitsmenn efast um að kosn-
ingarnar hafi farið sómasamlega fram og mörg
ríki viðurkenna ekki lögmæti stjórnar hans.
AFP
Fjöldamótmæli gegn Nicolás Maduro í Argentínu
Þróunarsam-
band Suður-
Afríkuþjóða
(SADC) kallaði í
gær eftir endur-
talningu á at-
kvæðum eftir
forsetakosning-
arnar sem fóru
fram í Austur-
Kongó um ára-
mótin. Félix
Tshisekedi, einn af frambjóðendum
stjórnarandstöðunnar, var lýstur
sigurvegari kosninganna þann 10.
janúar en Martin Fayulu, annar
frambjóðandi stjórnarandstöð-
unnar, telur að kosningatölum hafi
verið hagrætt. Hann heldur því
fram að Tshisekedi hafi gert sam-
komulag við flokk Josephs Kabila,
fráfarandi forseta landsins, um að
deila völdum. Því hafi ríkisstjórnin
hjálpað Tshisekedi að hafa rangt
við.
SADC kallaði eftir stofnun þjóð-
stjórnar sem skuli halda utan um
endurtalningu á atkvæðunum. End-
urtalning myndi að sögn þeirra
„styrkja almenningstraust, reisa
brýr og treysta lýðræðisstofnanir“.
AUSTUR-KONGÓ
Kallað eftir
endurtalningu
Stuðningsmenn
Martins Fayulu
Þorgrímur Kári Snævarr
thorgrimur@mbl.is
Bólivísk yfirvöld handtóku í fyrra-
dag Cesare Battisti, fyrrum meðlim
í ítölskum kommúnískum skæruliða-
samtökum, sem sakfelldur var fyrir
fjögur morð á Ítalíu á áttunda ára-
tug síðustu aldar.
Battisti var meðlimur í samtökum
Vopnaðra öreiga fyrir kommúnisma
(ítalska: Proletari Armati per il
Comunismo) sem voru virk á hinum
svokölluðu „blýárum“ Ítalíu á átt-
unda áratugnum. Hann var hand-
tekinn árið 1979 en flúði úr fangelsi
tveimur árum síðar og slapp til
Frakklands. Árið 1987 var hann
dæmdur, að sér fjarverandi, í lífs-
tíðarfangelsi fyrir ferfalt morð.
Battisti hafði síðustu ár verið bú-
settur í Brasilíu og hafði notið
verndar þáverandi forseta landsins,
Luiz Inácio Lula da Silva. Lula hafði
ekki fallist á að framselja Battisti til
Ítalíu en Michel Temer, sem var for-
seti þar til um áramótin, féllst á
framsal hans í desember.
Jair Bolsonaro, núverandi forseti
Brasilíu, hafði gert handtöku og
framsal Battisti að kosningaloforði í
aðdraganda kjörs síns í fyrra. Batt-
isti lagði á flótta eftir að Bolsonaro
náði kjöri en var í fyrradag handtek-
inn í Bólivíu. Áætlað er að hann
verði fluttur til Brasilíu og síðan
framseldur til Ítalíu.
Framsal Battisti innsiglar banda-
lag ríkisstjórna Brasilíu og Ítalíu,
sem báðar þykja popúlískar og
hneigjast lengst til hægri. Matteo
Salvini, innanríkisráðherra Ítalíu,
var einn af fyrstu ráðamönnum Evr-
ópu sem studdu framboð Bolsonaros
opinberlega.
Battisti hefur neitað því að vera
sekur um morðin og heldur fram að
hann muni sæta pyntingum í fang-
elsi á Ítalíu.
Gamall skæruliði
loks handtekinn
 Gómaður eftir nærri 40 ár á flótta
AFP
Skæruliði Battisti eftir að hann var
handtekinn í Bólivíu um helgina.