Morgunblaðið - 21.01.2019, Side 2

2 FRÉTTIRInnlent
MORGUNBLAÐIÐ MÁNUDAGUR 21. JANÚAR 2019
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Töluvert hefur snjóað á höfuðborgarsvæðinu undanfarna
daga og grípa íbúar tækifærið og draga fram snjósleða og
snjóþotur og njóta góðrar samverustundar í snjónum. Gert er
ráð fyrir kólnandi veðri í dag, en spáð er suðlægri eða breyti-
legri átt, 5-13 m/s og éli, einkum sunnanlands. Þá er spáð 0-5
stiga frosti á landinu í kvöld.
Morgunblaðið/Eggert
Grípa tækifærið og draga fram snjósleða í stilltu veðri
Jón Birgir Eiríksson
jbe@mbl.is
Alþingi kemur saman á ný í dag eftir
jólahlé og hefst þingfundur með
munnlegri skýrslu forsætisráðherra
og almennum umræðum um stöðuna
í stjórnmálunum í byrjun árs og
verkefnin framundan. Ljóst er að
þingið verður önnum kafið fram á
sumar, en í starfsáætlun þingsins er
ráðgert að það verði að störfum fram
í júní að sögn Steingríms J. Sigfús-
sonar, forseta Alþingis.
„Á morgun fer dagurinn í pólitíska
umræðu með svipuðum hætti og í
fyrra, hver flokkur fær tíu mínútur
og full andsvör eru leyfð. Síðan tekur
við ósköp hefðbundinn þriðjudagur
ef segja má, óundirbúnar fyrirspurn-
ir og nokkur mál fjármálaráðherra
sem sum biðu frá því fyrir áramót,“
segir Steingrímur, en þar er m.a. um
að ræða frumvarp um breytingu á
lögum um meðferð krónueigna sem
háðar eru sérstökum takmörkunum
og lögum um gjaldeyrismál.
„Menntamálaráðherra er í kjölfarið
með nokkur mál og síðan rúllar þetta
áfram koll af kolli,“ segir hann.
Steingrímur segir aðspurður að
samgönguáætlun sé stærsta málið
sem þingið takist á við að afgreiða í
vor. „Það verður í kringum mánaða-
mótin, en samkomulag var gert um
að stefna að því þegar málinu var
frestað fyrir jól. Síðan geri ég ráð
fyrir talsvert mikilli umræðu um
hvítbókina um fjármálamarkaðinn.
Ég geri ráð fyrir því að það verði í
annarri viku þinghaldsins og hún
lögð fram sem skýrsla,“ segir hann.
Stjórnarfrumvörp í smíðum
Sem dæmi um mál sem ráðherrar
ríkisstjórnarinnar munu leggja
áherslu á má nefna frumvörp sam-
göngu- og sveitarstjórnarráðherra
til að bregðast við dómum Hæsta-
réttar og EFTA-dómstólsins um
innflutning á fersku kjöti og frum-
varp mennta- og menningarmálaráð-
herra um stuðning við einkarekna
fjölmiðla. Þá leggur samgöngu- og
sveitarstjórnarráðherra fram frum-
varp um gjaldtöku í samgöngum til
að fylgja eftir stefnu um framtíðar-
fjármögnun vegakerfisins og frum-
varp til laga um net- og upplýsinga-
öryggi.
Umhverfisráðherra leggur m.a.
fram frumvarp um stofnun um
verndarsvæði sem gengið hefur und-
ir nafninu Þjóðgarðastofnun, frum-
varp um bann við notkun burðar-
plastpoka og Loftslagssjóður settur
á stofn. Forsætisráðherra leggur
fram frumvarp um tjáningarfrelsi og
þagnarskyldu opinberra starfs-
manna sem dreift verður í þinginu á
næstu vikum. Þar að auki má nefna
frumvarp til laga um breytingu á
lögum um Seðlabanka Íslands, sem
felur m.a. í sér sameiningu hans og
Fjármálaeftirlitsins. Utanríkisráð-
herra leggur áherslu á þróunarsam-
vinnu og mun leggja fram stefnu
stjórnvalda í þeim efnum fyrir árin
2019-2023 á þessu þingi. Dómsmála-
ráðherra leggur áherslu á breyting-
ar á barnalögum og lögfestingu
heimildar foreldra til að semja um að
skipta búsetu barns. Félags- og
barnamálaráðherra mun að fenginni
niðurstöðu starfshóps um skerta
starfsgetu einstaklinga leggja fram
frumvarp um það málefni.
Aðspurð segir Katrín Jakobsdótt-
ir forsætisráðherra að nokkur mál
muni eflaust verða rædd ofan í kjöl-
inn. „Þriðji orkupakkinn og fiskeld-
ismál eru eflaust mál sem verða
rædd töluvert. Síðan er frumvarp
um Þjóðarsjóð sem er komið inn í
þingið sem ég tel mikið framfaramál.
Niðurlagning kjararáðs og nýtt
launafyrirkomulag æðstu embættis-
manna er sömuleiðis inni í þinginu og
þingsályktunartillaga um heilbrigð-
isstefnu til ársins 2030 er á leið inn í
þingið og verður örugglega mikið
rædd,“ segir hún.
Þingmenn taka upp þráðinn í dag
Morgunblaðið/Eggert
Í þingsal Þingmenn koma saman í dag eftir jólahlé. Þingfundur hefst kl. 15.
 Staða stjórnmála í ársbyrjun og verkefni vorsins rædd í dag  Útlit fyrir annasamt vor á Alþingi
 Samgönguáætlun, veggjöld, loftslagsmál og stuðningur við fjölmiðla meðal áherslumála ráðherra
Lögreglan á
Suðurnesjum
fann meint fíkni-
efni, lyf og stera í
húsleit sem gerð
var nýverið í um-
dæminu að feng-
inni heimild. Grunur lék á um að í
húsinu færi fram fíkniefnafram-
leiðsla og -sala þar sem kannabis-
olíu væri blandað saman við raf-
rettuvökva og hann seldur í
ágóðaskyni.
Í tilkynningu frá Lögreglunni á
Suðurnesjum segir enn fremur að
við húsleit hafi verið lagt hald á
talsvert magn af vökvanum sem og
fleiri vökva í krukkum. Meint örv-
andi efni fundust einnig á staðnum
sem og kannabis. Þá var lagt hald á
ýmis mæliglös og önnur áhöld en
lögreglan segir að málið sé í rann-
sókn.
Hald lagt á
kannabisvökva
fyrir rafrettur
Til stendur að
loka OZ-appinu
um næstu mán-
aðamót. Þetta
er meðal þess
sem kemur
fram í ítarlegu
viðtali við æðstu
stjórnendur
hugbúnaðarfyr-
irtækisins OZ
sem birt hefur
verið á fréttavef mbl.is. Guðjón
Már Guðjónsson, stofnandi og
framkvæmdastjóri OZ, segir að
markaðurinn hafi reynst erfiður
og litlar tekjur hafi verið af OZ-
appinu, sem fyrirtækið hefur
haldið úti frítt fyrir notendur hér
á landi.
Hugmyndin að appinu byggðist
á því að notendur gætu sjálfir
stýrt sinni dagskrá, tekið upp efni
og tekið hlé ef þeir vildu.
Fyrir rúmlega tveimur árum
tók fyrirtækið krappa beygju frá
fyrri áformum og ákvað að snúa
sér að nýjum markaði, þ.e. fram-
leiðslu á beinum útsendingum frá
íþróttaviðburðum. Forsvarsmenn
OZ segja að helstu ástæður þess
að fyrirtækið hafi valið íþróttir
séu stærð markaðarins og einnig
að aðeins lítill hluti íþróttagreina
fái almenna dreifingu á
sjónvarpsstöðvum sem enn séu
aðaldreifingaraðili beinna útsend-
inga. Í viðtalinu kemur enn frem-
ur fram að viðskiptamódelið gangi
út á að semja við íþróttadeildir
um sýningarrétt en OZ setur upp
myndavélar og búnað fyrir eigið
fé og með hliðsjón af því hvert
áætlað áhorf er.
Loka OZ-appinu um
næstu mánaðamót
Oz Vilja umbylta
útsendingum.