Morgunblaðið - 21.01.2019, Side 15

Ljósmynd/Flightradar24.com
Ferill Hér má sjá feril flugs þotu Cargo-
lux frá flugtaki uns hún lenti aftur.
Flugmenn þotu Cargolux sendu út
neyðarkall og sneru aftur til flug-
vallarins í Kuala Lumpur í Malasíu
eftir að eldur kviknaði og reyk
lagði inn í stjórnklefann.
Atvikið átti sér stað síðastliðinn
miðvikudag, 16. janúar. Hafði flug-
vélin aðeins flogið í nokkrar mín-
útur er flugmennirnir fundu fyrir
reyknum og óskuðu eftir að snúa
tafarlaust aftur til lendingar.
Að sögn Cargolux lenti þotan
heilu og höldnu og áhöfnin yfirgaf
flugvélina án skakkafalla. „Flug-
vallarslökkviliðið hafði mikinn við-
búnað og var flugbrautinni lokað
fyrir annarri umferð um stundar-
sakir. Hún var opnuð að nýju
skömmu eftir að flugvélin var kom-
in aftur á stæði,“ sagði í Cargolux.
Þotan var af gerðinni 747-8F (LX-
VCJ) og á leið frá Kuala Lumpur til
Zhengzhou í Kína.
agas@mbl.is
MALASÍA
Eldur kom upp í
þotu Cargolux
FRÉTTIR 15Erlent
MORGUNBLAÐIÐ MÁNUDAGUR 21. JANÚAR 2019
Skeifunni 8 | Sími 588 0640
ítölsk hönnun – ítölsk framleiðsla
ESTRO Model 3042
L 164 cm Leður ct.15 Verð 325.000,-
L 198 cm Leður ct. 15 Verð 355.000,-
Donald Trump Bandaríkjaforseti reiddist
demókrötum í gær fyrir að hafna nýjustu til-
lögum hans til lausnar deilunni vegna lokunar
ríkisstofnana. Hefur þriðjungur stofnana alrík-
isins verið lokaður í mánuð vegna ágreiningsins
um fjármögnun veggjarbyggingar á landamær-
um Bandaríkjanna og Mexíkó. Hefur það haft
þau áhrif að rúmlega 800 þúsund opinberir
starfsmenn hafa verið launalausir.
Sér í lagi kastaði Trump kaldri kveðju á
Twitter á Nancy Pelosi, forseta fulltrúadeildar
þingsins, eftir að hún hafnaði sáttaboði forset-
ans sem hann lagði fram í fyrrakvöld vegna
deilu hans og meirihluta þingsins vegna fjár-
lagafrumvarps stjórnarinnar. Ráða demókratar
ríkjum í þinginu.
Deilt er um fjárveitingu upp á 5,7 milljarða
dollara til að klára að byggja vegg á landamær-
um Bandaríkjanna og Mexíkó. Veggurinn var
eitt af helstu kosningaloforðum Trumps. Hann
hefur neitað að skrifa undir ný fjárlög þar sem
þingið hefur ekki fallist á fjárveitingu til veggj-
arins.
„Nancy Pelosi hefur hagað sér óskynsamlega
og er orðin svo vinstrisinnuð að hún er orðin
róttækur demókrati,“ sagði Trump í færslunni
á Twitter. Jós hann úr skálum reiðar sinnar og
sagði Pelosi í leiðinni að hreinsa upp götur San
Francisco þar sem þær væru ógeðslegar, en
Pelosi er þaðan.
Í sáttaboði Trumps fólst að hann myndi
framlengja til þriggja ára heimild fyrir innflytj-
endur sem falla undir svonefnt DACA-úrræði,
en með því fá ungir innflytjendur leyfi til að
dvelja í Bandaríkjunum á ákveðnum forsend-
um. Þeir sem hafa notið góðs af úrræðinu eru
gjarnan kallaðir Dreamers. Trump hefur hing-
að til verið mjög mótfallinn þessu úrræði.
Auk þess fólst í boðinu að framlengja lands-
vistarleyfi fyrir fólk sem kemur frá stríðs-
hrjáðum löndum eða löndum þar sem nátt-
úruhamfarir hafa átt sér stað. Kallast það
úrræði TPS. Samtals falla um 700 þúsund
manns undir DACA-úrræðið og 300 þúsund
undir TPS-úrræðið.
Pelosi fékk ávæning af boði Trumps og sagði
tilboð hans óaðgengilegt áður en hann hafði
birt það. Líktu demókratar tillögunum við
„gíslatöku“. Væru þær og ekkert annað en
samsafn tillagna sem áður hafði verið hafnað og
endurspegluðu í heild ekki heiðarlegan vilja til
að tryggja stöðugleika í lífi fólks.
Öldungadeildarþingmaðurinn Chuck Schu-
mer sagði að Trump hefði áður upp á sitt ein-
dæmi fellt niður Dreamer og TPS-verndina og
sagði þær komnar aftur upp á borðið „ekki sem
málamiðlun, heldur sem gíslataka“. Sögðust
demókratar ekki myndu semja við ríkisstjórn-
ina fyrr en opinberar stofnanir hefðu verið opn-
aðar aftur, en sérfræðingar telja að enn geti
orðið talsverð bið á því. Skoðanakannanir að
undanförnu þykja benda til að bandarískir
kjósendur kenni frekar Trump um lokanirnar
en demókrötum. agas@mbl.is
 Þriðjungur stofnana alríkisins hefur nú verið lokaður í mánuð vegna ágreinings-
ins um fjármögnun veggjarbyggingarinnar á landamærunum við Mexíkó
AFP
Deila Donald Trump og Nancy Pelosi takast á.
Trump gremst synjun demókrata
Karlmaður hefur verið kærður fyr-
ir að fljúga dróna nærri Heathrow-
flugvellinum við London á aðfanga-
dag.
Maðurinn, George Rusu, flaug
drónanum á opnu svæði skammt frá
flugbrautum. Aðeins þremur dög-
um áður varð mikil röskun á flugi
til Gatwick vegna drónaflugs. Bitn-
aði það á ferðum rúmlega eitt þús-
und flugvéla um völlinn og kom við
kaunin á um 140.000 farþegum.
Rusu, sem er 38 ára, hefur verið
kærður fyrir að fljúga „lítilli
ómannaðri flugvél án heimildar frá
flugumferðarstjórn. agas@mbl.is
BRETLAND
Kærður fyrir dróna-
flug við flugvöllinn
Tveir menn biðu bana og 20 slösuðust, þar af
fjórir lífshættulega, í miklum eldsvoða í skíða-
bænum Courchevel í frönsku Ölpunum í gær-
morgun. Um 60 manns var bjargað út úr brenn-
andi þriggja hæða gistihúsi.
Íbúar hússins voru sofandi er eldurinn braust
út skömmu fyrir dögun í húsi sem hýst hefur far-
andverkamenn sem starfað hafa yfir veturinn á
skíðasvæðinu í Courchevel. Meðal þeirra var
fjöldi útlendinga.
Þrír hinna alvarlega slösuðu voru fluttir með
þyrlu á sjúkrahús í Albertville. Tilkynnt var um
eldsvoðann klukkan 4:30 að morgni og dreif
strax 70 slökkviliðsmenn á vettvang. Niðurlögum
bálsins var ráðið um fjórum stundum seinna,
klukkan 8:30.
Margir hinna slösuðu munu hafa meiðst er þeir
stukku út um glugga á brennandi byggingunni.
Lík hinna látnu fundust í rústum hússins eftir að
eldar höfðu verið slökktir. Ekki höfðu kennsl
verið borin á þau. Orsakir eldsvoðans höfðu
sömuleiðis ekki verið leiddar í ljós í gær.
agas@mbl.is
AFP
Bruni Slökkviliðs- og lögreglumenn að störfum við húsið sem brann í Courchevel í frönsku Ölpunum.
Biðu bana á skíða-
hóteli í Courchevel
Franskar öryggissveitir hnepptu um
300 manns í varðhald sem efnt höfðu
til spellvirkja eða veitt lögreglu mót-
stöðu á tíundu laugardagsmótmælum
gulvestunga í röð.
„Þetta er vissulega há tala en hún
endurspeglar ofbeldið af hálfu tiltek-
ins hóps einstaklinga meðan á mót-
mælunum stóð,“ sagði Laurent Nu-
nez, aðstoðarinnanríkisráðherra í
París, við sjónvarpsstöðina BFMTV.
Ráðuneytið sagði í gær að 84.000
manns hefðu tekið þátt í mótmælun-
um um land allt, þar af 7.000 í París.
Er það sami heildarfjöldi og í vikunni
áður en þúsundinu færra í París.
Þótt þjóðarsamtalið sem Emmanu-
el Macron forseti boðaði til er hann
reyndi að lækka öldur óánægju og
koma til móts við gulvestunga hafi
farið brösuglega af stað hefur forset-
inn notið góðs af tillögum sínum auk
þess sem hann hefur verið meira
áberandi síðustu daga og átt áður
óþekkt samskipti við þjóðina.
Þannig mælast vinsældir Macrons
nú á uppleið aftur, eða um fjögur pró-
sentustig 27%, samkvæmt skoðana-
könnun sem birt var í blaðinu Journal
de Dimanche í gær. Sögðust 5%
þeirra „afar ánægð“ með forsetann,
Áfram eru þó 72% Frakka óánægð
með Macron, þar af 40% afar óánægð
og 32% frekar óánægð. Stuðningur
við forsætisráðherrann Edouard
Philippe jókst um eitt prósent í 30%.
Konur meðal gulvestunga hafa efnt
til sérstakra mótmæla á sunnudögum
í janúar til að vekja athygli á þátttöku
kvenna sem krafist hafa félagslegra
aðgerða af hálfu ríkisstjórnarinnar. Í
þeim fyrstu tóku þátt um 10.000 kon-
ur en í gær voru þær aðeins taldar
vera nokkur hundruð, þar af 150 í
París, sem söfnuðust saman í grennd
við Sigurbogann og gengu síðan að
Bastillutorginu. Á gulum vestum
þeirra var áletrunin „Reiðar
mömmur“ algeng. agas@mbl.is
300 handteknir
við mótmælin
 84 þúsund sagðir hafa tekið þátt
AFP
París Reiðar mömmur meðal mót-
mælenda í hreyfingu gulvestunga.