Morgunblaðið - 27.03.2019, Blaðsíða 2

2 FRÉTTIRInnlent
MORGUNBLAÐIÐ MIÐVIKUDAGUR 27. MARS 2019
Dalvegi 16c | 201 Kópavogur | Sími 568 6411 | rafvorur@rafvorur.is
Þvottavélar
og þurrkarar
sem taka
10,1 kg
Amerísk heimilistæki
rafvorur.isRAFVÖRUR ehf
Morgunblaðið Hádegismóum 2, 110 Reykjavík. Sími 569 1100 Fulltrúar ritstjóra Sigtryggur Sigtryggsson sisi@mbl.is Ágúst Ingi Jónsson aij@mbl.is Fréttir Guðmundur Sv. Hermannsson ritstjorn@mbl.is Menning Einar Falur Ingólfsson menning@mbl.is
Viðskipti Stefán E. Stefánsson vidskipti@mbl.is Íþróttir Víðir Sigurðsson sport@mbl.is mbl.is Jón Pétur Jónsson netfrett@mbl.is Smartland Marta María Jónasdóttir smartland@mbl.is Umræðan | Minningar mbl.is/sendagrein Prentun Landsprent ehf.
Stefán Gunnar Sveinsson
Hjörtur J. Guðmundsson
Jóhann Ólafsson
Sáttafundi verkalýðsfélaganna sex
sem þegar hafa hafið verkfalls-
aðgerðir með Samtökum atvinnulífs-
ins í gær var frestað um ellefu í gær-
morgun eftir um klukkustundar
langar viðræður. Upphaflega stóð til
að fundurinn yrði í fimm klukku-
tíma.
Sólveig Anna Jónsdóttir, formað-
ur Eflingar, sagði í samtali við mbl.is
að fundinum hefði verið frestað til
kl. 14.00 í dag að beiðni Samtaka at-
vinnulífsins með vísun í óvissuna í
kringum WOW air. Sagði Sólveig
jafnframt að þrátt fyrir að flugfélag-
ið léki stórt hlutverk í efnahagslífinu
gæti óvissa um stöðu þess að hennar
mati ekki orðið þess valdandi að
vinna við gerð kjarasamninga, sem
varðaði hagsmuni tuga þúsunda ein-
staklinga, dytti niður. „Þetta er
engu að síður staðan,“ sagði Sólveig.
Þá hefðu atvinnurekendur óskað
eftir því að verkföllum yrði frestað
en þeirri beiðni var hafnað. „Við lít-
um svo á að engar forsendur séu til
þess að ræða það af einhverri alvöru
sökum þess að það hefur í raun ekk-
ert mjakast í viðræðum. Það væri
óábyrgt í því ljósi að fresta aðgerð-
um,“ sagði Sólveig Anna.
Finnst skiltin seilast langt
„Ég verð að játa að mér finnst
þetta heldur langt seilst,“ sagði Jó-
hannes Þór Skúlason, framkvæmda-
stjóri Samtaka ferðaþjónustunnar, í
samtali við mbl.is um veggspjöld
sem starfsfólk Eflingar hefur látið
hengja upp á hótelum vegna fyrir-
hugaðra verkfalla á fimmtudag og
föstudag, en þar var ferðafólk hvatt
til að ferðast ekki með hópferða-
bílum meðan verkföllin standa yfir.
Sagði Jóhannes það ekki koma Efl-
ingu við hvað ferðamenn gerðu, svo
lengi sem farið væri að lögum um
vinnumarkaðsmál.
Sagði Viðar Þorsteinsson, fram-
kvæmdastjóri Eflingar, að vegg-
spjöldin væru eðlileg og að sér þætti
sjálfsagt að ferðafólk væri upplýst
um stöðuna, enda gæti hún haft
áhrif á ferðir þess og áætlanir.
Ákvörðun í næstu viku
Starfsgreinasambandið og sam-
flot iðnaðarmanna slitu viðræðum
sínum við Samtök atvinnulífsins hjá
Ríkissáttasemjara í síðustu viku og
hafa hafið undirbúning að verkfalls-
aðgerðum. Björn Snæbjörnsson,
formaður Starfsgreinasambandsins,
segir að fundað hafi verið í fyrradag
og nú séu málin til skoðunar í
aðildarfélögunum sjálfum. Þar séu
menn að heyra hljóðið í sínu fólki og
skoða möguleikana í sambandi við
aðgerðaplan og fleira. „Við ætlum að
hittast aftur eftir helgi, og þá verða
öll félögin búin að fjalla um
ákveðnar hugmyndir og við tökum
endanlega ákvörðun,“ segir Björn
og bætir við að sú ákvörðun verði
tekin seinni hluta vikunnar. Björn
segist aðspurður ekkert vilja gefa
upp um tímasetningar mögulegra
verkfalla. „Það kemur í ljós í næstu
viku.“
Fundi frestað aftur vegna WOW
 Fundað aftur hjá Ríkissáttasemjara í dag kl. 14.00  Ósk um að hætt verði við verkföll fimmtudags
og föstudags hafnað  Deilt um skilti fyrir erlenda ferðamenn  SGS tekur ákvörðun í næstu viku
Verkfall Fundi var slitið í morgun.
Morgunblaðið/Hari
Stefán Gunnar Sveinsson
sgs@mbl.is
„Það má segja að jöklarnir eru fyrst
og fremst stórglæsilegt landslagsfyrir-
brigði sem verður mikill sjónarsviptir
að,“ segir Oddur Sigurðsson, jarð-
fræðingur og sérfræðingur í jöklum,
en hann flutti erindi í gær í Há-
skólabíói ásamt Ragnari Axelssyni,
RAX, ljósmyndara Morgunblaðsins,
og Tómasi Guðbjartssyni lækni um
framtíð jöklanna. Erindið var hluti af
dagskrá 66°N sem bar heitið „Jökull-
inn gefur eftir“. Auk þremenninganna
fluttu þau Rakel Garðarsdóttir og
Andri Snær Magnason erindi á fund-
inum.
Sagan að fara forgörðum
Oddur segir jöklana vera áhugavert
náttúrufyrirbrigði, sem geymi magn-
aða sögu. „Þeir varðveita alla Íslands-
söguna, síðastliðin þúsund ár að
minnsta kosti, og sú saga er að fara
forgörðum og er að hverfa fyrir aug-
unum á okkur. Sú saga mun ekki finn-
ast aftur ef við náum ekki í hana áður
en þeir bráðna,“ segir Oddur.
Hann er ómyrkur í máli um framtíð
jöklanna. „Ég tel að það verði ekki
komið í veg fyrir það að íslensku jökl-
arnir bráðni eða svo gott sem. Það er
eiginlega sama til hvaða ráða verður
gripið, það er ekki hægt að koma í veg
fyrir það,“ segir Oddur, sem áætlar að
jöklarnir verði horfnir á innan við
næstu tvöhundruð árum.
Hann bætir við að bráðnun jöklanna
sé einungis það sem sé sýnilegt af
þeim vandamálum sem hrjái mann-
kynið. „Síðan bætast við alls konar
vandamál samtímis sem mynda til
samans hörmungar sem munu ganga
yfir mannkynið. Sumt sjáum við fyrir,
annað getum við ekki séð fyrir,“ segir
Oddur. Hann bætir við að það muni
kosta kynslóðir framtíðarinnar blóð,
svita og tár að takast á við þann vanda
sem hafi skapast. „Þetta verður bratt-
ur skafl fyrir mannkynið.“
Oddur segir að vandinn hafi verið
fyrirséður, meðal annars í bókinni
Heimur á heljarþröm, sem kom út í ís-
lenskri þýðingu árið 1950, en þar hafi
verið sagt að þá þegar þyrfti að grípa
til harkalegra ráðstafana ef ekki ætti
illa að fara. „Og það var ekki gert og
nú erum við að súpa seyðið af því.“
Jöklarnir munu hverfa innan 200 ára
 Telur bráðnun
óumflýjanlega
Morgunblaðið/Árni Sæberg
Jöklar RAX og Oddur Sigurðsson jarðfræðingur fjölluðu um framtíð íslensku jöklanna í fyrirlestri sínum í Háskólabíói í gær, en hún þykir fremur dökk.
Meirihluti ráðgefandi nefndar um
siðareglur Alþingis telur að hátterni
þeirra sex þingmanna sem voru
teknir upp á Klausturbar í lok síð-
asta árs falli undir gildissvið siða-
reglna Alþingis, en álit nefndarinnar
var birt á heimasíðu þingsins í gær.
Forsætisnefnd hafði óskað eftir
því við nefndina að hún legði annars
vegar mat á hvort háttsemin félli
undir gildissvið siðareglna eins og
því er lýst í 2. grein þeirra, en þar er
sviðið takmarkað við opinbera fram-
göngu alþingismanna og skyldur
þeirra sem þjóðkjörinna fulltrúa.
Þá átti siðanefndin að meta hvort
ákvæði d-liðar 1. málsgreinar 5.
greinar og 8. greinar gætu haft víð-
tækara gildissvið en þar er tekið til.
Segir í áliti meirihlutans að mat á
því hvort tiltekin háttsemi falli undir
siðareglurnar snúist um það hvort
um framgöngu opinberra persóna á
opinberum stað sé að ræða og hvort
hún varði almenning.
Samtalið ekki talið einkasamtal
Telur meirihlutinn ljóst að þing-
menn séu opinberar persónur, að
háttsemin hafi átt sér stað á opin-
berum vettvangi og að hún hafi
tengst málum sem hafi verið áber-
andi í þjóðfélagsumræðunni. Það
verði því ekki litið á samtal þing-
mannanna sem einkasamtal. Um leið
áréttar meirihlutinn að ekki er veitt
álit á því hvort um brot á siðaregl-
unum hafi verið að ræða.
Róbert H. Haraldsson, prófessor í
heimspeki, skilar inn minnihlutaáliti,
en þar tekur hann undir með meiri-
hluta nefndarinnar að ýmis rök hnígi
að því að hátternið falli undir gildis-
svið siðareglnanna, og að vel sé
hugsanlegt að því hafi verið ætlað að
ná yfir hátterni af því tagi.
Hins vegar vakni fjölmargar efa-
semdir um gildissviðsákvæðið í
þessu samhengi, þar sem orðalag
ákvæðisins sé „hvorki skýrt né af-
gerandi og kallar á túlkun og bolla-
leggingar“.
Segir Róbert rétt að vekja athygli
á þeim efasemdum, meðal annars
vegna þess að þær kunni að gefa til-
efni til endurskoðunar siðaregln-
anna og gildissviðsákvæðisins.
Fellur undir siðareglur
 Álit siðanefndar um Klausturmálið komið fram  Ekki
hægt að líta á samtal þingmannanna sem einkasamtal