Morgunblaðið - 08.04.2019, Qupperneq 11

FRÉTTIR 11Innlent
MORGUNBLAÐIÐ MÁNUDAGUR 8. APRÍL 2019
Hamraborg 10, Kópavogi
Sími: 554 3200 Opið: Virka daga 9.30–18
VERIÐ VELKOMIN
Í SJÓNMÆLINGU
———
Andri Yrkill Valsson
yrkill@mbl.is
Traust íbúa í Seljahverfi í Breiðholti
í garð Reykjavíkurborgar er hrunið
vegna ákvarðana sem þeir segja
borgina taka nánast í skjóli nætur
og án alls samráðs við sig. Þetta seg-
ir Hildur Jóna Bergþórsdóttir, íbúi í
hverfinu, í samtali við Morgunblað-
ið.
Eins og blaðið greindi frá í síð-
ustu viku rituðu hátt í 800 íbúar
hverfisins undir mótmælalista gegn
því að búsetukjarni fyrir fólk í þjón-
ustuflokki III, sem er fólk með geð-
fötlun og virkan fíknivanda, rísi í
hverfinu við Hagasel 23.
Hildur Jóna var í forsvari fyrir
mótmælalistann og gagnrýnir
vinnubrögð borgarinnar harðlega.
Hún segir að nánast sé reynt að fela
það í umræðunni um fyrirhugaðar
framkvæmdir við Hagasel að annað
búsetuúrræði er staðsett í beinni
sjónlínu við lóðina. Það er Rangár-
sel, en þar er meðal annars öryggis-
vistun fyrir fanga.
„Þegar Rangárseli var breytt í ör-
yggisvistun fyrir fanga var það gert
nánast yfir nótt. Þess vegna er svo
furðulegt að þetta sé aftur gert nán-
ast í skjóli nætur því það hefði alveg
verið hægt að ræða við íbúa,“ segir
Hildur og á við vinnubrögðin varð-
andi búsetukjarnann sem fyrirhug-
aður er við Hagasel. Auglýsingar
um fyrirhugaða starfsemi á lóðinni
hafi ekki farið hátt.
Óheppilegt fyrir alla málsaðila
Hildur segir einnig skrítið að
borgin vilji ekki tala um búsetu-
úrræðið við Rangársel og það sem
er fyrirhugað við Hagasel í sömu
umræðu. Þá sé það mat íbúa hverf-
isins að þessi staðsetning við Haga-
sel sé ekki síður óheppileg fyrir þá
sem þurfa að nota úrræðið, þar sem
lóðin er alveg við félagsmiðstöð
hverfisins þar sem oft eru mikil læti
og ónæði á kvöldin.
„Það að ætla að setja fólk sem er
að aðlagast nýju lífi á þetta svæði
skil ég ekki alveg heldur, frá þeirra
sjónarhorni. Mér finnst þessi stað-
setning óheppileg fyrir notendurna
sjálfa, en hvernig þetta er unnið er
algjörlega út í hött,“ segir Hildur.
Öryggisvistunin er tímabundin
Regína Ásvaldsdóttir, sviðsstjóri
velferðarsviðs Reykjavíkurborgar,
gefur lítið fyrir þær áhyggjur að
þessir búsetukjarnar verði of nálægt
hvor öðrum.
„Þetta er óskyld starfsemi, þótt
þetta séu hvort tveggja búsetu-
kjarnar þá er þetta ekki sami hóp-
urinn,“ segir Regína, og bendir
einnig á að starfsemin í Rangárseli
sé tvískipt; hefðbundinn búsetu-
kjarni sé uppi og öryggisvistunin
niðri. Það sé þó aðeins tímabundin
lausn og sé ekki framtíðarstaðsetn-
ing fyrir öryggisvistunina.
Regína segir jafnframt að borgin
hafi lítið um það að segja að lóðinni
við Hagasel hafi verið úthlutað fyrir
búsetukjarna á borð við þann sem er
áætlaður. Þá hefur hún áður sagt að
ekki verði um að ræða úrræði fyrir
fólk með virkan fíknivanda.
„Við óskum eftir lóðum hjá skipu-
laginu, sem velur staðsetninguna.
Við erum alltaf að leita að lóðum
enda þarf að byggja upp fyrir um
annað hundrað manns næstu ár,“
segir Regína.
Vinnubrögð sögð út í hött
 Íbúar í Seljahverfi eru ósáttir við samskiptaleysi Reykjavíkurborgar vegna nýs
búsetukjarna  Bein sjónlína við annað úrræði og öryggisvistun fanga í hverfinu
Morgunblaðið/Hari
Seljahverfi Hér sést lóðin við Hagasel 23 þar sem nýr búsetukjarni er áætlaður. Til vinstri sést í félagsmiðstöðina
og Seljakirkja er til hægri, en fyrir miðri mynd handan bílastæðis sést í Rangársel sem hýsir annað búsetuúrræði.
Hildur Jóna
Bergþórsdóttir
Regína
Ásvaldsdóttir
Deilur um búsetuúrræði
í Seljahverfi
» Fyrirhugaðar breytingar á
deiluskipulagi lóðar við Haga-
sel 23 fela í sér byggingu hús-
næðis fyrir fólk með geðrænan
vanda.
» Yrði í beinni sjónlínu við
Rangársel, sem meðal annars
hýsir öryggisvistun fyrir fanga.
Sigurður Bogi Sævarsson
sbs@mbl.is
„Þetta er áskorun en ég hef viljann
og getuna til að ljúka verkefninu,“
segir Eva Bryndís Ágústsdóttir,
sextán ára framhaldsskólanemi í
Hafnarfirði. Hún boðaði á dögunum
þá ætlun sína að ganga umhverfis
Ísland í sumar og hyggst leggja af
stað um miðjan júní. Ætlar hún að
fylgja hringveginum, sem er 1.321
kílómetri, að nokkru en taka ýmsa
króka svo gangan verður alls um
1.650 kílómetrar í heildina.
„Ég fékk hugmyndina í byrjun
janúar þegar ég var að horfa á
myndband á netinu. Þar sagði frá
manni sem hafði synt í kringum
Bretland á 100 dögum,“ segir Eva
Bryndís. „Sennilega er ekki hægt að
synda umhverfis Ísland en vel hægt
að ganga, eins og nokkrir hafa gert á
undanförnum árum. Ég hóf undir-
búning þessa í janúar með því að
fara út í gönguferðir, sem hafa verið
að lengjast smátt og smátt. Um
páskana ætla ég svo að setja virki-
legan kraft í æfingarnar.“
Fyrsti leggurinn í hringferð Evu
Bryndísar verður ganga úr Hafnar-
firði í Grindavík, þaðan ætlar hún
næsta dag í Þorlákshöfn og eftir það
á Selfoss. „Oft verða þetta 35 kíló-
metrar á dag, en markmiðið er að
fara hringinn á 50 dögum,“ segir
göngukonan sem ætlar jafnhliða
ferðalagi sína að efna til áheitasöfn-
unar og á ágóðinn að renna til
Barnaspítala hringsins. Kemur þar
til að Brynjar Óli bróðir hennar
fæddist með hjartagalla og hefur
fjölskyldan því mikið þurft að leita
til sjúkrahússins.
Nánar má fylgjast með Evu Bryn-
dísi á ferðalaginu á Snapchat og
Instagram, en síðurnar á báðum
miðlum eru: @ArkarinnEva.
Sautján ára ætlar
að ganga hringinn
 Göngugarpur umhverfis Ísland
Morgunblaðið/Árni Sæberg
Ferðagleði Eva Bryndís ætlar að
leggja upp í ferðina um miðjan júní.
Guðni Th. Jóhannesson, forseti Ís-
lands, mætti í gær í eina af versl-
unum Bónuss, þá er finna má við
Garðatorg í Garðabæ, í tilefni þess
að haldið er upp á svonefnda „ís-
lenska daga“ í matvöruverslunum.
Er forsetinn verndari átaks sem
nefnist „Íslenskt – gjörið svo vel“.
Innlendir framleiðendur og versl-
anir hafa nú tekið höndum saman og
ætla að bjóða upp á úrval af íslensk-
um vörum í fjölmörgum verslunum
víða um land.
Að baki átakinu „Íslenskt – gjörið
svo vel“ standa Samtök iðnaðarins,
Samtök atvinnulífsins, Samtök
verslunar og þjónustu og Bænda-
samtök Íslands. Átakið hófst í nóv-
ember síðastliðnum þegar lands-
mönnum gafst kostur á að fara inn á
vefsvæðið gjoridsvovel.is til að setja
saman lista yfir þær íslensku vörur
sem ætti að bjóða erlendum gestum.
Tilgangur átaksins er að efla vit-
und Íslendinga á íslenskum vörum
en átak sem þetta hefur verið reglu-
lega undanfarin ár. Fyrirtæki sem
framleiða eða selja íslenskar vörur
geta tekið þátt í átakinu. Miðað er
við vörur sem uppfylla þau skilyrði
sem fram koma í fánalögum. Þau
fyrirtæki og þeir framleiðendur sem
taka þátt í átakinu fá aðgang að
myndmerki þess og geta nýtt það á
umbúðir, heimasíður, samfélags-
miðla eða annað kynningarefni sitt.
Íslenskar
vörur í
forgrunni
Morgunblaðið/Hari
Kynning Forseti Íslands var mættur
í eina af verslunum Bónuss í gær.
 Forsetinn setti
átakið í Bónusbúð