Morgunblaðið - Sunnudagur - 21.04.2019, Blaðsíða 6

HEIMURINN
6 MORGUNBLAÐIÐ SUNNUDAGUR 21.4. 2019
Tommy Smith var ekki eini
harðhausinn af sinni kynslóð í
ensku knattspyrnunni. Þarna
voru líka Peter Storey hjá Ars-
enal, Norman Hunter hjá
Leeds, Nobby Stiles hjá Man-
chester United og Ron „Brytj-
ari“ Harris hjá Chelsea. Sagt
var að hitastigið í Vestur-
Lundúnum hefði ósjálfrátt
hækkað um þrjár gráður þegar
Brytjarinn hljóp inn á Stamford
Bridge. Löngu seinna var frægt
þegar hann hætti að mæta á
völlinn sem áhorfandi. Hvers
vegna? Jú, Nicolas Anelka
reimaði á sig bleika skó.
Þá þótti Brytjaranum
nóg komið – endan-
lega væri búið að fjar-
lægja karlmennskuna
úr boltanum.
Mikill metingur var
að vonum milli
þessara jaxla
og Jackie
Charlton,
hinn goðum
líki mið-
vörður
Leeds, lýsti
því einu sinni að hann hefði
reynt að standa á fætur eins og
ekkert væri eftir að hafa lent í
samstuði við Tommy Smith.
„En ég gat það ekki; hann hafði
meitt mig.“
Á þessum árum tíðkaðist
ekki að rúlla sér tólf hringi í
aðra áttina og aðra tólf til baka
ef stuggað var við manni.
Bróðir Jackies, Bobby Charl-
ton, sem lék með Manchester
United, tekur undir það að
Smith hafi verið óvenju harður í
horn að taka en þó alltaf sann-
gjarn. Hann var til dæmis að-
eins einu sinni rekinn af
velli á ferlinum – fyrir
munnsöfnuð.
Já, óhætt er að fullyrða
að þeir búi ekki til svona
menn í dag. Ætli Roy
Keane, fyrirliði Man-
chester United,
hafi ekki verið
sá síðasti sem
fengið hefði
að sitja til
borðs með
þessum
köppum.
AF FLEIRI HARÐHAUSUM
„Hann hafði meitt mig“
Ron „Brytjari“
Harris.
Honum brá í brún, skæðastasóknarmanni gestaliðsins,þegar hann hljóp út á flöt-
ina á Anfield og beint í flasið á
Tommy Smith, fyrirliða Liverpool,
sem rétti honum samanbrotið bréf-
snifsi. „Hvað er þetta?“ spurði aum-
ingja sóknarmaðurinn hvumsa og
starði á talnarununa sem hand-
skrifuð hafði verið á snifsið. „Þetta
er símanúmerið á borgarspítalanum
hérna í Liverpool. Þú munt þurfa á
því að halda,“ svaraði Smith að
bragði áður en hann tók sér sperrtur
stöðu fyrir miðju varnarinnar.
Þetta er ein af fjölmörgum mögn-
uðum sögum af Tommy Smith, ein-
um harðasta naglanum í sögu ensku
knattspyrnunnar, sem bar beinin
fyrir rúmri viku eftir glímu við Alz-
heimer-sjúkdóminn.
„Ef hægt er að vinna leik fyrir-
fram, gerum það þá,“ var Smith van-
ur að segja en hann var alla tíð lið-
tækur í sálfræðihernaði sem hann
nam við fótskör meistarans sjálfs,
Bills Shanklys, hins sögufræga
sparkstjóra Liverpool.
Kannski má segja að skrattinn
hafi þar hitt ömmu sína. Þegar
Smith kom fyrst á Anfield, rétt kyn-
þroska, sagði Shankly honum að láta
aldrei nokkurn mann vaða yfir sig. Í
skjóli þeirrar speki mætti Smith
ekkert löngu síðar á skrifstofuna hjá
Shankly og mælti: „Hey gamli, hve-
nær fæ ég eiginlega að spila?“
Já, ungur nemur ...
Og Shankly kunni alla tíð að meta
manninn sem hann gerði síðar að
fyrirliða Liverpool. „Tommy fæddist
ekki; hann var brotinn af bergi,“
sagði hann einhvern tíma af sinni al-
kunnu hnyttni. Það var ekki að
ósekju að Smith var þekktur undir
nafninu „The Anfield Iron“ eða
Járni frá Anfield.
Flökkusagan segir að Smith hafi
misst af úrslitaleiknum í Evrópu-
keppni meistaraliða vorið 1978 eftir
að hann hnaut um öxi og meiddi sig á
fæti. Sama saga hermir að hægt hafi
verið að taka öxina í nefið eftir þau
viðskipti.
Þá er fullyrt að mæður í Liverpool
hafi um árabil haft ljósmynd af
Smith á arinhillunni á heimilinu – til
að halda börnunum frá eldinum.
Já, orðsporið plægði sannarlega
akurinn. Einhverju sinni var Smith
að stíga upp úr meiðslum og var lát-
inn leika með varaliði Liverpool
gegn varaliði Preston North End á
Anfield. Eftir leikinn gáfu ókunnug
hjón sig auðmjúk á tal við hann á
bílaplaninu við völlinn. „Hvað get ég
gert fyrir ykkur?“ spurði Smith for-
vitinn. „Tja, okkur langaði bara að
þakka þér fyrir að slátra ekki
drengnum okkar!“ sögðu hjónin ein-
um rómi en sonur þeirra var einmitt
innherji í liði Preston. „Auðvitað
hafði ég engin áform um að ganga
milli bols og höfuðs á aumingja
drengnum en þarna áttaði ég mig á
því að orðsporið getur haft ótvírætt
gildi. Það hafði ekki aðeins náð til
drengsins, heldur einnig foreldra
hans,“ sagði Smith löngu síðar.
Smith gerði heldur ekki sömu
mistökin tvisvar. Í fyrsta heimaleik
sínum fyrir Newcastle United á St.
James’ Park gerði markakóngurinn
Malcolm Macdonald þrennu gegn
Liverpool. Var þó á endanum borinn
af velli eftir samstuð við Ray Clem-
ence, markvörð gestanna. „Mátulegt
á þig, lagsi,“ gelti Smith á Macdon-
ald, þar sem hann lá nær dauða en
lífi á börunum. „Þú munt aldrei
skora aftur gegn Liverpool svo lengi
sem við tveir deilum velli; ekki eitt
einasta helvítis mark!“
Það stóð heima. Eftir þetta skaut
„Supermac“ tómum púðurskotum í
átt að Rauða hernum; meðal annars í
bikarúrslitaleiknum á Wembley
1974, þar sem Smith heilsaði honum
með nokkrum vel völdum orðum í
göngunum á leið út á völlinn.
Tommy Smith naut mikillar vel-
gengni sem leikmaður; varð fjórum
sinnum enskur meistari með Liver-
pool, tvisvar sinnum bikarmeistari
og vann Evrópukeppni meistaraliða
einu sinni og Evrópukeppni félags-
liða í tvígang. Hann lék alls 638 leiki
fyrir Rauða herinn og skoraði í þeim
48 mörk. Smith lék að auki 45 leiki
fyrir Swansea undir lok ferilsins og
einn landsleik fyrir England.
Takk fyrir að
slátra ekki
syni okkar!
Tommy Smith, fyrrverandi fyrirliði Liverpool, var
einhver grjótharðasti varnarmaður sparksög-
unnar. Hann herjaði ekki aðeins á limi andstæð-
inga sinna heldur smaug jafnframt inn í sálarlíf
þeirra. Smith lést á dögunum, 74 ára að aldri.
Orri Páll Ormarsson orri@mbl.is
Það kássuðust ekki margir upp á
Tommy Smith á velli enda var
varnarmaðurinn með afbrigðum
harður í horn að taka.
Ljósmynd/The Independent
Utan vallar sýndi Tommy Smith á sér allt aðra hlið; var ljúfur fjölskyldumaður.
Hér er hann ásamt eiginkonu sinni, Susanne, og heimilishundinum, Pape.
Ljósmynd/Liverpool Echo
GÓÐIR
FUNDIR
OGENNBETRI
FUNDARHLÉ
Upplýsingar og pantanir í síma 483 4700 | booking@hotelork.is | www.hotelork.is
Á Hótel Örk er allt sem þarf fyrir vel heppnaða fundi, sýningar,
námskeið og minni ráðstefnur. Hótelið býr yfir fundarsölum af
mörgum stærðum búnum nýjustu tækni, fyrsta flokks veitingastað
og fjölbreyttri afþreyingu fyrir skemmtilegri fundarhlé.
Superior herbergi
157
HERBERGI
7
FUNDARSALIR
VEITINGASTAÐUR
SUNDLAUGOG
HEITIR POTTAR