Fréttablaðið - 04.07.2019, Blaðsíða 6

Fáðu fréttablað dagsins í
tölvupósti kl. 3.00 á morgnana.
Skráðu þig á póstlista blaðsins á
www.frettabladid.is#nyskraning
Það kostar ekkert.
Vertu fyrst/ur
að lesa blaðið
ÍSAFJÖRÐUR Fyrrverandi starfs­
maður velferðarsviðs Ísafjarðar­
bæjar var dæmdur í fimm mánaða
skilorðsbundið fangelsi fyrir fjár­
drátt í opinberu starfi og peninga­
þvætti.
Brotin áttu sér stað á þriggja ára
tímabili, frá 2015 til aprílmán­
aðar 2018. Starfsmaðurinn, sem
er kona á fimmtugsaldri, dró sér
1,3 milljónir króna af reikningum
ellefu skjólstæðinga velferðar­
sviðs. Alls var um að ræða 211
millifærslur eða úttektir á debet­
korti. Notaði hún meðal annars
peninga skjólstæðinganna til að
greiða eigin reikninga. Hæsta ein­
staka upphæðin var 80 þúsund
krónur.
Konan sagði fyrir dómi að hún
sæi mikið eftir þessu og málið
hefði haft alvarlegar af leiðingar
fyrir sig persónulega. Ísafjarðar­
bær var búinn að greiða skjól­
stæðingunum til baka en konunni
var gert að greiða bænum 1,5
milljónir í skaðabætur með vöxt­
um ásamt málsvarnarlaunum.
„Það er ákveðinn léttir að mál­
inu sé lokið, en þetta er fyrst og
síðast sorglegt. Þetta er mann­
legur harmleikur á alla kanta,“
segir Guðmundur Gunnarsson,
bæjarstjóri Ísafjarðarbæjar. „Við
erum ánægð með viðbrögðin hér
innanhúss. Svo líka að það hafi
tekist f ljótt að gera upp við skjól­
stæðingana þó svo að dómsmálið
hafi tekið sinn eðlilega tíma.“ – ab
Fimm mánaða skilorð fyrir fjárdrátt
Málið komst upp við innra eftirlit Ísafjarðarbæjar. FRÉTTABLAÐIÐ/PJETUR
jeep.is
JEEP ® RENEGADE
SUMARTILBOÐ
JEEP® RENEGADE LIMITED MEÐ TILBOÐSPAKKA - LISTAVERÐ: 5.702.000 KR. - TILBOÐSVERÐ: 5.390.000 KR.
JEEP® RENEGADE TRAILHAWK MEÐ TILBOÐSPAKKA - LISTAVERÐ: 6.202.000 KR. - TILBOÐSVERÐ: 5.690.000 KR.
Bjóðum nokkra Jeep® Renegade Limited og Trailhawk
með tilboðspakka. 2.0 lítra dísel vél 140 hö. Limited - 170 hö. Trailhawk

9 gíra sjálfskipting, hátt og lágt drif, álfelgur, 7” upplýsinga- og
snertiskjár og Bluetooth til að streyma síma og tónlist.
Tilboðspakki: Þægindapakki, LED ljósapakki, svart þak og
8,4” upplýsinga- og snertiskjár (aðeins í Trailhawk.)*
ALVÖRU JEPPI - ALVÖRU FJÓRHJÓLADRIF

*Aukahlutir ekki í tilboði: kajak og kajak festingar
UMBOÐSAÐILI JEEP® Á ÍSLANDI • ÞVERHOLT 6 • 270 MOSFELLSBÆR • S. 534 4433
WWW.ISBAND.IS • ISBAND@ISBAND.IS • OPIÐ VIRKA DAGA 10-18
LOKAÐ LAUGARDAGA FRÁ 8. JÚNÍ TIL OG MEÐ 3. ÁGÚST
ÍÞRÓT TIR  Íslenska krikketsam­
bandið bauð indversku stjörnunni
Ambati Rayudu að koma til Íslands
og sækja um dvalarleyfi. Rayudu var
ekki valinn í indverska landsliðið
fyrir heimsmeistaramótið sem fram
fer í Bretlandi. Í kjölfarið lagði hann
kylfuna á hilluna.
Vakti þetta uppátæki mikla
athygli í heimalandi Rayudu og birt­
ust fréttir á stærstu miðlum lands­
ins um það. Til dæmis India Today,
Indian Times og Indian Express.
„Þetta tilboð var nú gert í gríni,“
segir Jakob Wayne Robertson, tals­
maður og fyrrverandi formaður
íslenska krikketsambandsins. „Við
myndum auðvitað taka við Rayudu,
en við gætum ekki greitt honum
nein laun. Hann er atvinnumaður.“
Krikket hefur verið spilað á
Íslandi í 20 ár. Í úrvalsdeildinni eru
fimm lið og eru þau að langmestu
leyti skipuð innflytjendum. – khg
Krikketstjörnu
boðið til Íslands
Ambati Rayudu. NORDICPHOTOS/GETTY
LÍFEYRISMÁL Fjár mála eft ir litið telur
aðgerðir VR í garð stjórnarmanna
Lífeyrissjóðs verslunarmanna (LIVE)
hafa vegið að sjálfstæði stjórnar­
innar.
Í dreifibréfi sem FME sendi á
stjórnir allra lífeyrissjóða eru stjórn­
irnar beðnar um að taka sam þykktir
sínar til skoð unar með það að leið ar­
ljósi að skýra hvort og þá við hvaða
aðstæður sé mögu legt að aft ur kalla
umboð stjórn ar manna.
Fulltrúaráð VR samþykkti á fundi
fyrir tveimur vikum að afturkalla
umboð allra fjögurra stjórnar­
mannanna sem félagið skipar í
stjórn LIVE og tilnefna nýja í þeirra
stað. Brugðið var á það ráð í kjölfar
vaxtahækkunar á breytilegum verð­
tryggðum húsnæðislánum til sjóð­
félaga.
Taldi stjórn VR það trúnaðar­
brest að hækka vexti, það gengi í
berhögg við markmið kjarasamn­
inga. Þessu neituðu stjórnarmenn­
irnir, sögðu að um væri að ræða
lítinn hóp lántaka sem aðrir sjóð­
félagar væru að niðurgreiða með of
lágum vöxtum.
„Ef ákvörðun um afturköllun á
tilnefningu stjórnarmanna lífeyris­
sjóðsins og skipun nýrra aðila af
hálfu VR byggð á framangreindum
sjónarmiðum VR frá 18. júní síðast­
liðinn nær fram að ganga megi
líta svo á að um tilraun til beinnar
íhlutunar í stjórn lífeyrissjóðsins
sé að ræða,“ segir í áliti  frá FME.
Með óbeinum hætti væri ætlunin
að færa ákvörðunarvald frá stjórn
lífeyrissjóðsins. „Það vegur að sjálf­
stæði stjórnar og góðum stjórnar­
háttum.“
Jón Þór Sturluson, aðstoðarfor­
stjóri FME, staðfesti að stofnunin
hefði staðið í bréfaskiptum við LIVE
vegna málsins síðustu daga. Dreifi­
bréfið sé til komið þar sem málið
hafi vakið spurningar um hvernig
staðið skuli að því að skipta út
stjórnarmönnum.
„Þetta mál varðar meira en bara
þennan lífeyrissjóð. Það eru áhöld
um það hvaða reglur gilda um aftur­
köllun á umboði stjórnarmanna. Lög
eru býsna hljóð um þetta atriði og
það er tekið á því á mismunandi hátt
í samþykktum lífeyrissjóðanna,“
segir Jón Þór.
Daginn eftir stjórnarfund VR, þar
sem stjórn LIVE var skipt út, sendi
FME bréf til stjórnarmanna og tjáði
þeim að litið væri svo á að þeir væru
enn í stjórn.
Jón Þór segir það mat FME að
Ólafur Reimar Gunnarsson sé enn
stjórnarformaður LIVE. „Við lítum
svo á að gamla stjórnin hafi enn fullt
umboð. Það var ekki rétt staðið að
afturkölluninni og ný skipan hefur
ekki tekið gildi,“ segir Jón Þór. Næsta
skref sé að sjá hvað stjórn VR geri,
afturkalli umboð stjórnarmann­
anna á nýjan leik og skipi nýja stjórn,
eða ekki.
„Það er ekki útilokað að það verði
gerð tilraun til að skipa nýja stjórn,
þá með réttum hætti sem standist
lagaskilyrði. Við viljum brýna fyrir
mönnum þegar slíkt stendur til að
hafa í huga sjálfstæði stjórna og að
stjórnir hafi skyldur gagnvart öllum
lífeyrisþegum. Og þá jafnframt að
skoða eigin samþykktir þannig að
þetta verði gert með betri hætti í
framtíðinni.“
FME hefur ekki viljað af hjúpa
innihald samskiptanna við stjórn
LIVE. „Það er óhætt að segja frá því
að við lítum svo á að þessi aftur­
köllun á umboði stjórnarmanna
hafi ekki verið rétt framkvæmd,“
segir Jón Þór.
Ekki náðist í Ólaf Reimar Gunn­
arsson. Í tilkynningu frá Ólafi í gær­
kvöldi þar sem vitnað er til álits FME
segir að VR hafi verið „óheimilt að
afturkalla umboð stjórnarmanna í
Lífeyrissjóði verslunarmanna“.
arib@frettabladid.is
Aðgerðir VR hafi vegið að
sjálfstæði sjóðsstjórnarinnar
Fjármálaeftirlitið sendi bréf á lífeyrissjóði um að taka samþykktir sínar til skoðunar til að koma í veg fyrir
að mál Lífeyrissjóðs verslunarmanna endurtaki sig. Stofnunin segir að gamla stjórnin sé enn með umboð.
Hún hefur einnig staðið í bréfaskiptum við stjórn Lífeyrissjóðs verslunarmanna vegna framgöngu VR.
Jón Þór Sturluson, aðstoðarfor-
stjóri FME, segir að málið snerti
fleiri lífeyrissjóði en LIVE.
Fjármálaeftirlitið telur Ólaf Reimar Gunnarsson enn stjórnarformann LIVE
þrátt fyrir afturköllun VR á umboði stjórnarmanna sinna. FRÉTTABLAÐIÐ/VALLI
Við lítum svo á að
gamla stjórnin hafi
enn fullt umboð. Það var
ekki rétt staðið að aftur-
kölluninni og ný skipan
hefur ekki tekið gildi.
Jón Þór Sturluson
4 . J Ú L Í 2 0 1 9 F I M M T U D A G U R4 F R É T T I R ∙ F R É T T A B L A Ð I Ð