Fréttir - Eyjafréttir - 22.04.2015, Blaðsíða 8

8 Eyjafréttir / Miðvikudagur 22. apríl 2015
Á miðvikudaginn í seinustu viku
var haldinn hátíðarfundur í
bæjarráði Vestmannaeyja í tilefni af
þrjúþúsundasta fundi ráðsins.
Fundurinn var haldinn í Eldheimum
og var hann tileinkaður eflingu
háskóla og fræðastarfs í Vestmanna-
eyjum. Sérstakir gestir fundarins
voru Illugi Gunnarsson mennta-
málaráðherra, Ragnheiður Elín
Árnadóttir iðnaðar- og viðskipta-
ráðherra og Sigurður Ingi Jóhanns-
son sjávarútvegs- og landbúnaðar-
ráðherra. Að fundi loknum
undirrituðu þau ásamt Hildi
Sólveigu Sigurðardóttur, forseta
bæjarstjórnar, viljayfirlýsingu um
að komið verði á fót háskóladeild í
Vestmannaeyjum á sviði hafsæk-
innar nýsköpunar á vegum
Háskólans í Reykjavík. Vonast er
eftir því að kennsla geti hafist á
haustönn 2016. Samhliða því var
undirritað samkomulag um stofnun
stýrihóps sem vinnur að undir-
búningi háskólanáms í Vestmanna-
eyjum. Einnig var undirritaður
samningur þess efnis að Þekkingar-
setur Vestmannaeyja fái afnot af 2.
hæð Fiskiðjunnar til starfsemi
Sjávarklasa í Vestmannaeyjum. Þar
stefnir ÞSV að því að starfrækja
þekkingarklasa með áherslu á
nýsköpun, fjarnám og sjávarút-
vegstengda starfsemi.
• Merkur dagur.
Í erindi Arnars Sigurmundssonar,
varaformanns stjórnar ÞSV, kom
fram að það væri mikið metnaðar-
mál fyrir samfélagið í Eyjum að
komið verði á kennslu á háskóla-
stigi og mæta verði breyttum
kröfum til menntunar. „Gangi þetta
eftir verður deginum í dag (15.
mars, innskot blaðamanns) lýst sem
merkum degi í uppbyggingu og
eflingu háskóla- og fræðastarfs í
Vestmannaeyjum,“ sagði Arnar.

• Nýta tækifærin í stað þess
að óttast þau.
Elliði Vignisson, bæjarstjóri,
þakkaði ráðherrum það mikilvæga
framlag sem þau leggja til eflingu
byggðar í Vestmannaeyjum sem
lýtur að því að koma upp öflugu
háskólastarfi á sviði hafsækinnar
nýsköpunar.
Jafnframt sagði Elliði „Samhliða
því sem störfum við veiðar og
vinnslu er að fækka hratt er
tækifærum, sem tengjast hliðaraf-
urðum og nýsköpun í sjávarútvegi,
að fjölga. Þetta gerist á sama tíma
og ungt fólk sækir minna og minna
í störf neðarlega í virðisaukakeðj-
unni í sjávarútvegi. Eins og málum
er nú háttað er ekki einu sinni hægt
að viðhalda 4000 manna sjávar-
byggð þótt þar sé verið að veiða og
vinna um 13 til 15% af aflaheim-
ildum Íslendinga.
Vandinn er nefnilega sá að í
landsbyggðunum erum við ekki að
nýta okkur nægilega virðisaukandi
tækifæri sem skapa mörg og
verðmæt störf. Það er því afar
mikilvægt fyrir framsæknar
sjávarbyggðir að leita leiða til að
styðja við þessa þróun í stað þess að
berjast á móti henni. Nýta okkur
tækifærin í stað þess að óttast þau.
Horfa til framtíðar í stað þess að þrá
fortíðina.
Með því að efla fræða- og háskóla-
starf í Vestmannaeyjum hyggjumst
við leita leiða til að færa okkur nær
framtíðinni, fjölga störfum og auka
virði og verðmæti þess atvinnulífs
sem við höfum stundað seinustu
1000 árin eða svo. Sjávarútvegur-
inn á gríðarleg tækifæri inn í
framtíðina og þau ætlum við að
nýta okkur hér í Eyjum. Vonandi á
hin nýja háskóladeild í hafsækinni
nýsköpun eftir að nýtast lands-
byggðunum sem flestum sem og
borginni. Stefnan er enda að taka á
móti nemendum sem víðast að með
það að markmiði að auka arðsemi
og efla hag sjávarútvegsins um allt
land.“
• Uppbygging háskólastarfs í
Eyjum borgar sig.
Illugi Gunnarsson talaði um
mikilvægi uppbyggingar háskóla-
menntunar í Eyjum. Hann nefndi að
fjölmargar hugmyndir komi inn á
borð menntamálaráðuneytisins,
sumar betri en aðrar en þessi
hugmynd, um uppbyggingu
háskólastarfs í Eyjum, hafi verið
mjög góð og telur hann að hún
muni borga sig. Hann segir það
skipta máli að auka afrakstur,
framlegð, laun og tækifæri og til
þess að það gerist þurfi að fjárfesta í
menntun.
• Nýsköpun mikilvæg.
Ragnheiður Elín Ármasóttir,
iðnaðar- og viðskiptaráðherra,
talaði um mikilvægi nýsköpunar og
þann árangur sem sést hefur annars
staðar í svipuðum verkefnum. Hún
nefnir fyrirtækið Zymetech í því
samhengi en fyrirtækið hlaut
Nýsköpunarverðlaun Íslands í ár, en
Zymetech er leiðandi íslenskt
líftæknifyrirtæki á sviði rannsókna,
þróunar, framleiðslu og sölu
náttúrulegra sjávarensíma til
hagnýtingar í húðvörur, lækninga-
tækni og lyf. Ragnheiður Elín segir
að þetta fyrirtæki sé lýsandi dæmi
um það sem getur gerst hér í
Eyjum. Fyrirtækið hafi þróast í
samstarfi við HÍ og frumkvöðlana.
Það hafi allt byrjað í rannsóknastofu
Háskóla Íslands en í dag skapi það
fjölda starfa í sjávarútvegi þótt
störfin geti verið öðruvísi en við
þekkjum. Hún segist hlakka til að
sjá hvernig frjóir og hugmyndaríkir
Vestmannaeyingar komi fram með
hugmyndir og þrói þær í kjölfar
þessa náms og þakkar hún sér-
staklega Vestmannaeyjabæ fyrir
frumkvæðið að þessu verkefni.
• Þarf þekkingu til að búa til
verðmæti úr hliðarafurðum
fisksins.
Sigurður Ingi Jóhannsson, sjávarút-
vegs- og landbúnaðarráðherra,
óskaði Vestmannaeyjabæ, Þekk-
ingarsetrinu, Eyjamönnum og
landsmönnum öllum til hamingju
með þennan merka áfanga.
„Sjávarútvegur er okkar mikil-
vægasta atvinnugrein og mikilvæg
stoð til að halda uppi byggðum í
kringum landið.“ Hann telur að
þetta skref sé gríðarlega mikilvægt
og sé tækifæri til að taka á móti
áhugasömu ungu fólki sem vill
mennta sig í sjávarútvegstengdum
greinum. Hann segir að það þurfi
þekkingu til að búa verðmæti úr
hliðarafurðum fisksins og telur
mikilvægt að sjávarútvegsfyrirtækin
taki þátt í þessu verkefni. „Starf-
semi sem þessi á hvergi betur heima
en í Eyjum,“ sagði Sigurður Ingi að
lokum.
Í samstarfi við Eyjafréttir munu
starfsmenn Ljósmyndasafns
Vestmannaeyja birta framvegis
reglulega í blaðinu myndir sem
varðveittar eru á ljósmyndasafn-
inu og óska aðstoðar lesenda
við að bera kennsl á myndefnið.
Við munum jafnframt birta
svörin eftir því sem þau berast.
Við hefjum samstarfið með því
að birta myndir úr hinu merka
og stóra ljósmyndasafni Óskars
Björgvinssonar sem telur um
150.000 ljósmyndir.
Óskar þekkja velflestir Vest-
mannaeyingar sem komnir eru af
léttasta skeiði en hann rak ljós-
myndastofu hér í bæ frá því að hann
útskrifaðist sem ljósmyndari árið
1963 og allt til dánardægurs árið
2002 eða í hartnær 40 ár. Ljós-
myndasafn hans er því sannarlega
mikil heimild um Eyjamenn og
Eyjakonur í sögu okkar og samtíma.
Óskar hafði fágæta fallega rithönd
og skrár hans yfir ljósmyndasafnið
eru óvenjulega vandaðar. En eins og
venja var með skráningu ljósmynda
skráði Óskar venjulega einungis
þann einstakling sem var ábyrgðar-
aðili viðkomandi myndar. Sá
einstaklingur þarf ekki einu sinni að
vera hinn sami og sést á myndinni,
t.d. í myndum af börnum eða
ungmennum. Í öðrum tilvikum eru
fleiri á myndinni og aðeins skráð
nafn þess er biður um myndina.
Starfsmenn eru nú að vinna að því
að skanna myndir Óskars og bæta
við þeim nöfnum sem á vantar í
fulla skráningu. Meðal slíkra
mynda er sú sem hér ríður á vaðið.
Um er að ræða fallega fjölskyldu-
mynd sem Óskar tekur árið 1963 og
ritar sem ábyrgðaraðila Arnar
Ágústsson til heimilis að Faxastíg
3. Oft og tíðum tekst okkur að finna
út nöfn þeirra sem vantar en hér
erum við stopp og leitum því til
lesenda Eyjafrétta. Unnt er að senda
okkur póst á netfangið ljosmynda-
safn@vestmannaeyjar.is, koma við í
Safnahúsinu og hitta okkur að máli
eða hringja í síma 488 2040 og
biðja um starfsmann á ljósmynda-
safninu. Þá viljum við jafnframt
minna á að á hverjum fimmtudegi
kl. 14-16 er ljósmyndasafnið með
dagskrá í Safnahúsinu þar sem við
sýnum myndir úr ljósmyndasafninu
sem hefur mælst afar vel fyrir og
verið að jafnaði fjölsótt.
Með bestu þökkum fyrir samstarfið.
Starfsmenn ljósmyndasafns
Vestmannaeyja.
Hver er á
myndinni? Byrjað á myndum úr 150.000
mynda safni Óskars Björgvinssonar
Hver er á myndinni : Fyrsta myndin tengist Faxastíg 3.
ÁSTa SiGrÍður GuðjÓnSdÓTTir
asta@eyjafrettir.is
Tímamót tilkynnt á 3000 fundi bæjarráðs :: Þrír ráðherrar viðstaddir
Sjávarklasi í Vestmannaeyjum og öflugt
háskólastarf á sviði hafsækinnar nýsköpunar
:: Taka á móti nemendum sem víðast að með það að markmiði að auka arðsemi
og efla hag sjávarútvegsins um allt land, segir bæjarstjóri