Fréttir - Eyjafréttir - 22.04.2015, Blaðsíða 2

2 Eyjafréttir / Miðvikudagur 22. apríl 2015
Útgefandi: Eyjasýn ehf. 480278-0549.
Ritstjóri: Ómar Garðarsson - omar@eyjafrettir.is.
Blaðamenn: Gígja Óskarsdóttir - gigja@eyjafrettir.is
Ásta Sigríður Guðjónsdóttir - asta@eyjafrettir.is
Sæþór Þorbjarnarson. - sathor@eyjafrettir.is og
Íþróttir: Guðmundur Tómas Sigfússon
Ábyrgðarmaður: Ómar Garðarsson.
Prentvinna: Landsprent ehf.
Ljósmyndir: Óskar Pétur Friðriksson og blaðamenn.
Aðsetur ritstjórnar: Strandvegur 47,
Vestmannaeyjum.
Símar: 481 1300 og 481 3310.
Netfang: frettir@eyjafrettir.is.
Veffang: www.eyjafrettir.is
Eyjafréttir koma út alla miðvikudaga. Blaðið er
selt í áskrift og einnig í lausasölu á Kletti, Tvistinum,
Toppn­um,­Vöruval,­Herjólfi,­Flughafnar­versluninni,­
Krónunni, Kjarval og Skýlinu.
Eyjafréttir eru prentaðar í 2000 eintökum.
Eyjafréttir eru aðilar að Samtökum bæjar-
og héraðsfréttablaða.
Eftirprentun, hljóðritun, notkun ljósmynda og
annað er óheimilt nema heimilda sé getið.
Eyjafréttir
Í sumar eru bókuð 39 skemmti-
ferðaskip til Vestmannaeyja. Hefur
þeim fjölgað úr 20 frá sl. sumri.
Mikil aukning hefur verið síðast-
liðin ár og ljóst að bæta þarf
aðstöðu við móttöku, sérstaklega
vegna tenderbáta af stærri skipum
sem ekki komast inn í höfnina.
Þetta kom fram á síðasta fundi
framkvæmda- og hafnarráðs í
síðustu viku þar sem lögð var fram
tillaga að uppsetningu og stað-
setningu á salernisaðstöðu og
sölubásum sem jafnframt nýtist við
önnur tækifæri. Einnig rætt um
breytingu á staðsetningu flotbryggja
til betri nýtingar og minni hættu á
hagsmunaárekstrum.
Ráðið samþykkti að kaupa
salernisaðstöðu sem kostar 1899
þúsund krónur. Aukning á tekjum
vegna komu fleiri skemmtiferða-
skipa kemur til móts við kostnaðinn
sem af þessu hlýst. Ráðið telur þetta
nauðsynlega aðgerð sem lið í bættri
aðstöðu fyrir ferðamenn í Vest-
mannaeyjum. Ráðið felur fram-
kvæmdastjóra framgang málsins.
Salernin verða mjög líklega á
Brattagarði en ekki er verið að tala
um neitt nýtt í flotbryggjumálum
heldur verða þær færðar aðeins til
svo betur fari á þessu með Tender-
bátana, Víking og Rib-safari bátana
að því er Ólafur Snorrason,
framkvæmdastjóri, upplýsti.
Náðum við athygli þinni? .... Gott,
þetta eru nefnilega áríðandi
skilaboð, því hann Sævar Helgi
Bragason, „gaurinn sem gaf öllum
grunnskólabörnum sólmyrkvagler-
augu,“ verður í Eyjum á mánudag-
inn, 27. apríl. Hann ætlar, í
tengslum við aðalfund Stjörnu-
fræðifélags Vestmannaeyja, að
halda spennandi og skemmtilegan
fyrirlestur um sólmyrkva, tungl-
myrkva, stjörnur og alheiminn.
Hann mun segja okkur frá því
helsta sem er að gerast í geim-
vísindunum og einnig mun hann
segja okkur hvernig stjörnuskoð-
unarstöðin á Hótel Rangá hefur
gengið, en eins og komið hefur
fram, hyggst Stjörnufræðifélagið
hefja byggingu á norðurljósa- og
stjörnuskoðunaraðstöðu á Heimaey
á þessu ári.
Fyrirlestur Sævars hefst kl. 20:00
og lýkur um kl. 21:00 en þá tekur
við Aðalfundur Stjörnufræðifélags
Vestmannaeyja 2015. Allir
velkomnir.
Félagar í SFV eru nú komnir yfir
50 og enn getum við bætt við
félögum. Árgjaldið er aðeins
3.000,- kr og 1.500,- fyrir skólafólk
og heldri borgara.
Tvöfalt fleiri
væntanleg
í sumar
Fréttatilkynning ::
Stjörnufræðifélag
Vestmannaeyja:
„Sólmyrkva-
höfðinginn“
kemur til Eyja
:: Verður í Einars-
stofu í Safnahúsinu
á mánudaginn
Það sem af er þessari vertíð hefur
umfjöllun Eyjafrétta neðan frá sjó
aðallega snúist um loðnu, Landeyja-
höfn og svo ótíðina sem gert hefur
sjómönnum lífið leitt. En það er
fleiru landað í Vestmannaeyjum en
loðnu og bolfiskaflinn er undirstaða
í atvinnu fjölmargra Eyjabúa sem
og fyrirtækja sem vinna þann afla.
Reyndar var mun meira umleikis í
kringum bolfiskinn, og þá aðallega
þorskinn, hér á árum áður og þá
voru það netabátarnir sem voru í
aðalhlutverki. Upp undir hundrað
netabátar voru gerðir út frá
Vestmannaeyjum þegar mest var og
vertíðarlífið snerist nær allt um
veiðar og vinnslu á þeim gula. Það
var áður en kvótinn kom til
sögunnar og nú í vetur duga fingur
annarrar handar til að telja netabát-
ana sem eru gerðir út frá Eyjum;
þeir eru aðeins tveir, Glófaxi og
Brynjólfur. „Þeir ættu ekki að þurfa
að slást um að koma trossunum í
sjó,“ var haft eftir gamalreyndum
skipstjóra á dögunum en áður fyrr
var oft talsverður hasar sem því
fylgdi að koma netunum á bestu
blettina. Netabátar eru núna í
svonefndu hrygningarstoppi, sem
verið hefur um árabil, helstu
hrygningarsvæði þorsksins eru
friðuð fyrir veiðum.
En það eru togskipin sem nú sjá
fiskvinnslunni í landi fyrir megninu
af þeim bolfiski sem unninn er á
vetrarvertíð og reyndar allan ársins
hring, auk smábátanna sem eru
drjúgir í aflabrögðum. Eyjafréttir
ræddu við tvo skipstjóra á bátum frá
Vestmannaeyjum, annars vegar á
togskipi og hins vegar smábátasjó-
mann.

Sáttir með útkomuna í vetur
„Þetta er búið að vera ótrúlega gott
í vetur, þegar gefið hefur á sjó, það
er mikið af fiski, sérstaklega á
grunnslóðinni þar sem við höfum
haldið okkur mest,“ sagði Birgir
Þór Sverrisson, skipstjóri á
Vestmannaey VE, þegar slegið var á
þráðinn til hans á sunnudag. Þá
voru þeir nýbúnir að hífa austur á
Öræfagrunni. „Ætli það hafi ekki
verið um fimm tonn af ýsu í þessu
hali,“ sagði Birgir. „Það hefur allt
verið lokað við Eyjar að undan-
förnu en þeirri lokun verður aflétt á
þriðjudag og þá reikna ég með að
við færum okkur þangað. Þetta er
svo sem ágætt, við eigum tals-
verðan ýsukvóta en aflinn er
yfirleitt blandaðri við Eyjar og sú
samsetning því heppilegri á margan
hátt.“
Birgir segir að aflabrögðin í vetur
hafi verið svipuð og tvö síðustu ár,
þó líklega ívið betri. „Og verð er
mjög gott á mörkuðum á flestum
tegundum. Þetta er líka stór og
góður fiskur og virðist vera nóg af
honum í sjónum. Svo komu líka
góðar fréttir frá Hafró á dögunum
um stóra árganga í þorski sem
mældust núna. Það voru svo sem
ekki neinar fréttir fyrir okkur, við
höfum vitað þetta í nokkur ár og
erum ekkert undrandi. Það var bara
gott að þeir skyldu hitta í þetta
núna, ég held að þeir hafi stundum
farið framhjá fiskinum í síðustu
könnunum. Aðalvandamálið hjá
okkur, eins og reyndar á undan-
förnum árum, er að forðast
þorskinn, því að við verðum að láta
kvótann endast okkur út fiskveiði-
árið. En þetta hlýtur að vera
stórkostlegt ævintýri hjá þeim sem
eiga nógan þorskkvóta og þurfa
ekki að hafa áhyggjur af því að
veiða of mikið,“ sagði Birgir.
„Við erum mjög sáttir með
útkomuna í vetur, reyndar hefði
tíðin mátt vera aðeins betri, en ég
held að það sé mjög gott ástand allt
í kringum landið og síðustu fréttir
frá Hafró hljóta að auka mönnum
bjartsýni á framtíðina,“ sagði Birgir
að lokum.
Mætti auka veiðar í
öllum tegundum
Líklega er Georg Eiður Arnarson
þekktasti smábátasjómaður í
Vestmannaeyjum, ekki aðeins fyrir
sjósókn og aflabrögð heldur einnig
skýrar skoðanir á ýmsum hlutum,
bæði trillusjómennsku, kvótamál-
um, lundaveiði og Landeyjahöfn.
Hann heldur úti bloggsíðu og er
iðinn við kolann að koma að sínum
hugðarefnum. Georg Eiður gerir út
trilluna Blíðu VE og stundar
línuveiðar lungann úr árinu.
„Þrátt fyrir ótíðina í vetur þá náði
ég 23 róðrum í janúar og febrúar og
er alveg sáttur við það, gat róið
stutt, dugði að fara út að Bjarnarey
til að komast í fisk. Í mars og apríl,
eftir að loðnan gekk yfir, hef ég svo
orðið að sækja dýpra og það hefur
oft verið erfitt vegna veðurs. En
aflabrögðin hafa líka verið rosalega
góð. Það er nóg af fiski í sjónum og
hefði alveg verið óhætt að úthluta
meiri kvóta. Reyndar komu góðar
fréttir frá Hafró á dögunum sem
auka manni vonir um að meira
verði úthlutað á næstunnni. Þessar
fréttir komu mér þó ekkert á óvart,
ég er búinn að fylgjast með því að
síðustu tvö til þrjú ár hefur verið
ýsa úti um allan sjó og þorskurinn í
sókn. Ég hef t.d. séð það í sjóstang-
veiðinni, þar sem ég þekki ágætlega
til, þar hefur aukningin í þorski
verið veruleg, svo að þessar fréttir
frá Hafró gerðu lítið annað en
staðfesta það sem ég og fleiri eru
búnir að sjá á síðustu árum. Nú er
bara að vona að við fáum að njóta
þess í auknum heimildum.“
Georg Eiður er, eins og áður sagði,
aðallega á línuveiðum allt árið.
„Það er vegna línuívilnunarinnar
sem gerir mér kleift að veiða meira
og ég hef alltaf lagt mikið upp úr
því að skila gæðafiski að landi. Ég
hef t.d. veitt fyrir Ísfélag Vest-
mannaeyja og gaman að segja frá
því að það er látið vita sérstaklega
ef kemur ýsa af Blíðunni, þá taka
þær sér fisk í soðið, konurnar í
vinnslunni. Þau Sæunn og Jónas á
Fiskibarnum kaupa líka reglulega
fisk á markaðnum af Blíðunni, bæði
ýsu og líka löngu sem ég veiði
mikið af og mér skilst að sé
ákaflega vinsæl hjá þeim.“
Georg Eiður segir sitt mat að auka
mætti veiðar í öllum tegundum og
vonandi verði sú raunin á næsta
fiskveiðiári. „Togarasjómenn segja
mér að það sé mikið æti í sjónum
nær alls staðar og mikill fiskur hvar
sem borið er niður. En ég harma þá
kvótasetningu sem sett hefur verið á
makrílinn hjá smábátunum. Nú hef
ég ekki sjálfur stundað makrílveiðar
en ég veit að smábátamenn gerðu
sér meiri vonir um þær veiðar. En í
það heila litið þá verð ég að segja
að þessi vertíð hefur komið vel út,
þrátt fyrir óstöðugt tíðarfar og ekki
hægt annað en líta björtum augum
til framtíðarinnar. Reyndar sá ég
það haft eftir Páli Bergþórssyni,
veðurfræðingi, að við mættum búast
við kólnandi veðurfari á næstu
árum. Nú veit ég ekki hvað það
kann að bera í skauti sér, kannski
þýðir það betri tíð og meira æti fyrir
lundann, sem hefur átt undir högg
að sækja undanfarin ár. Þá get ég
alveg sætt við mig við aðeins lægra
hitastig,“ sagði trillukarl númer eitt
í Vestmannaeyjum, Georg Eiður
Arnarson, að lokum.
Síðustu fréttir frá Hafró hljóta að auka mönnum bjartsýni
Sjómenn á bolfiskveiðiskipum
bjartsýnir um framtíðarhorfur
Serían The Weird Girls Project
Eyjamenn fyrirferðarmiklir á
setti með Kitty von Sometime
GÍGja ÓSKarSdÓTTir
gigja@eyjafrettir.is
Síðastliðna helgi fóru fram tökur á
nýjasta myndbandi Kitty von
Sometime í seríuni The Weird Girls
Project. Tilgangur verkefnisins er
að gefa þeim sem taka þátt í því
möguleika á að demba sér út í
óvissuna, brjótast út úr stöðluðum
ímyndum um konur. Finna sinn
eigin mátt og finna á sama tíma
máttinn í því að sameinast sem
hópur og með því styrkja sína eigin
sjálfsmynd. Af ásettu ráði eru
leikarar í verkunum sjálfboðaliðar
og ekki fagfólk. Andi verksins er að
bæta sjálfsmynd með áherslum á
líkamsímynd.
Nýjasta myndbandið í seríuni var
tekið upp í vöruskemmu í Kópa-
vogi. Myndbandið er unnið við
lagið Dim the lights sem stór-
stjarnan Sia syngur ásamt tón-
listardúettinum Creep.
Sjálfboðaliðarnir sem taka þátt fá
einungis að vita hvenær og hvar
þeir eiga að mæta en ekkert um
innihald myndbandsins fyrr en þeir
mæta í tökur.
Alls tóku sex Eyjamenn þátt í
verkefninu. Haraldur Ari Karlsson
framleiddi myndbandið með Kitty
von Sometime og Hafdís Ástþórs-
dóttir hafði yfirumsjón með hári
fyrirsætanna. Hún fékk fjóra
nemendur úr Hárakademíunni sér
til aðstoðar, þær Örnu Björk
Guðjónsdóttur, Dóru Kristínu
Guðjónsdóttur, Henný Dröfn
Davíðsdóttur og Söndru Dís
Pálsdóttur. Eyjafréttir höfðu
samband við Hafdísi og var hún að
vonum sátt með afrakstur helgar-
inar.
„Verkefnið var virkilega spennandi
og skemmtilegt, en um leið mjög
krefjandi, ég mætti klukkan sex um
morguninn og sá fyrirsæturnar í
fyrsta skipti þá og það var byrjað
strax að greiða, sem betur fer var
hugmyndaflugið mikið þennan
morguninn og allt gekk frábærlega
hjá okkur hárskvísum. Mér fannst
virkilega gaman að sjá hvað allir
unnu vel saman og þegar mest var
komu örugglega hátt í sextíu manns
að verkefninu,“ sagði Hafdís
Ástþórsdóttir.