Fréttir - Eyjafréttir - 21.10.2015, Side 6

6 Eyjafréttir / Miðvikudagur 21. október 2015
Um helgina er Landsmót ÆSKÞ
(Æskulýðssambands Þjóðkirkj-
unnar) haldið í Vestmanna-
eyjum. Um 700 krakkar úr 30
æskulýðsfélögum munu taka
þátt í mótinu sem stendur yfir
frá föstudegi til sunnudags.
Mótið er haldið einu sinni á ári,
á mismunandi stöðum á
landinu, en aldrei í Reykjavík,
alltaf á landsbyggðinni. Mótið
var síðast haldið í Vestmanna-
eyjum árið 2009 en það ár
tvöfaldaðist fjöldi krakka á
mótinu segir Gísli Stefánsson,
einn af skipuleggjendum. „Það
er vegna þess að Vestmanna-
eyjar eru svo mikið æði.“
Gísli Stefánsson, sem er æskulýðs-
fulltrúi Landakirkju, segir að
undirbúningur sé búinn að vera
mikill og margir sem komi að
honum, þar með talin 10 manna
mótsnefnd auk 15 sjálfboðaliða.
30 til 40 krakkar á aldrinum 13-16
ára eru virk í æskulýðsstarfinu í
Eyjum. En þau hittast einu sinni í
viku þar sem þau taka þátt í margs
konar verkefnum og leikjum.
Fræðsla um geðræn
vandamál
Mikil dagskrá er fyrir krakkana um
helgina en stór hluti af dagskránni
fer fram í Höllinni. Mótið byrjar á
föstudaginn með sundlaugapartýi.
Á laugardaginn byrjar dagurinn
með fræðslu, á hverju ári er alltaf
eitthvert þema og í ár fá krakkarnir
fræðslu um geðræn vandamál. Því
næst taka krakkarnir þátt í hópa-
starfi sem er af öllum toga, allt frá
líkamsrækt, blaðaútgáfu og
listsköpun. Á hverju ári er hæfi-
leikakeppni sem er fyrirfram
ákveðin en krakkarnir verða að
senda inn atriðið sitt nokkru fyrir
mótið og er mikill heiður að vinna
þá keppni segir Gísli. En hæfileika-
keppnin fer fram á kvöldvöku á
laugardagskvöldið.
Karnival í Höllinni
Bæjarbúum er boðið að taka þátt í
ýmsu með krökkunum en eftir
hópastarfið hjá þeim á laugardaginn
verður Karnivalstemming í höllinni.
Hægt verður að kaupa vöfflur, taka
þátt í leikjum og alls konar fjöri, en
allur ágóði af þeirri sölu mun renna
í Pollasjóð þeirra Pollapönkara sem
styrkir börn til tónlistarnáms og í
Hemmasjóð sem er sjóður Her-
manns Hreiðarssonar sem styrkir
börn til íþróttaiðkunar. Mótið endar
svo á sunnudagsmorgun með
helgistund kl 9:30 í Höllinni, en
hún verður opin öllum.
Gísli hvetur bæjarbúa til að koma,
taka þátt í gleðinni og láta gott af
sér leiða.
700 krakkar á
Landsmóti ÆSKÞ í
Eyjum um helgina
Sara SjöFn greTTiSdóTTir
sarasjofn@eyjafrettir.is
Gísli Stefánsson, æskulýðsfulltrúi.
Átakið Göngum í skólann hefur nú
staðið yfir síðan 7. september en því
lauk föstudaginn 9. október sl. með
Norræna skólahlaupinu eins og sagt
var frá í síðasta tölublaði Eyjafrétta.
Dagana 14. – 25. september var sér-
stakt átak í skólanum, þá daga var
merkt við á hverjum degi hvort nem-
endur gengu eða hjóluðu í skólann í
2. – 7. bekk. Þetta er keppnin um
„Gullskóinn“. Þrír gullskór eru í
verðlaun, í 2. – 3. bekk, 4. – 5. bekk
og 6. – 7. bekk. Gullskóinn hlýtur
bekkurinn sem hlutfallslega gengur
eða hjólar oftast í skólann.
Nemendur stóðu sig frábærlega í
þessu átaki svo ákveðið var að veita
öllum bekkjum viðurkenningu fyrir
góðan árangur í átakinu. Hver ár-
gangur fékk til varðveislu og notk-
unar nýja körfubolta.
Sigurvegurum í hverjum hópi var
afhentur Gullskórinn í vikunni. Sig-
urvegarnir voru 4. RB, 3. MK og 6.
ÓS. Myndir frá afhendingunni má
sjá hér að ofan.
Grunnskóli Vestmannaeyja:
Gullskórinn afhentur
Óskar Pétur Friðriksson, ljósmynd-
ari okkar á Eyjafréttum, lenti í
kyndugri uppákomu í gær þriðju-
dag. Hann var staddur í Reykjavík,
nýkominn frá Noregi, og hugðist
taka Herjólf frá Landeyjahöfn,
síðustu ferð, og reyndar einu
ferðina síðdegis þar sem hin
síðdegisferðin var ekki farin vegna
viðhalds skipsins. Samkvæmt
tilkynningu á heimasíðu Herjólfs
var farþegum bent á að fylgjast með
gangi mála, hvenær eða hvort þessi
síðasta ferð yrði farin. Greint yrði
frá því kl. 17 hvort eða hvenær siglt
yrði.
„En vandamálið er það,“ sagði
Óskar Pétur, þegar hann hringdi í
Eyjafréttir, „að ég hafði hugsað mér
að taka strætó austur og hann leggur
af stað frá Reykjavík kl. 16.30, hálf-
tíma áður en gefið verður út hvort
skipið siglir eða ekki. Kl. 17 verður
strætó væntanlega kominn austur
fyrir fjall og heldur væntanlega sínu
striki hvort sem Herjólfur siglir eða
ekki. Ég ætlaði að reyna að komast
heim á þriðjudag en hef enga
sérstaka löngun til að þvælast með
strætó austur og svo til baka ef
engin ferð verður. Einhvern veginn
finnst mér þetta lýsandi dæmi um
það að þarna viti hægri höndin ekki
hvað sú vinstri gjörir.“
Endir þessa máls varð að Óskar
Pétur hringdi á skrifstofu Herjólfs
og kvartaði yfir þessu háttalagi. Þar
á bæ voru menn snöggir að átta sig
og kl. 16 birtist tilkynning um að
viðgerð hefði dregist á langinn og
Herjólfur sigldi ekki meira þann
daginn. Óskar Pétur komst því ekki
til Eyja en slapp við bíltúrinn austur
og var nokkuð sáttur við þau
málalok.
Síðdegisferð Herjólfs í gær:
Tilkynning gefin
út kl. 17.00 hvort
ferðin yrði farin
:: En strætó lagði af stað austur
kl. 16.30
Sigurgeir jónSSon
sigurge@internet.is
Það eru í vændum töluverðar
hræringar á matvöruverslun í
Vestmannaeyjum. Bónus hyggst
opna í desember og fyrir sitja
Vöruval, Krónan og Kjarval en
sögusagnir hafa verið á kreiki
um að Kjarval verði lokað um
áramót.
„Ég get staðfest að við hyggjumst
loka Kjarval. Engin dagsetning
hefur þó verið ákveðin og engum
hefur verið sagt upp,“ sagði
Kristinn Skúlason, rekstrarstjóri
Krónunnar og Kjarvals í samtali við
Eyjafréttir.
„Hins vegar hafa starfandi
verslunarstjóri og fastráðinn
starfsmaður, sem sinna daglegum
störfum í versluninni, sagt störfum
sínum lausum.
Með lokun Kjarval munum við
geta einbeitt okkur algjörlega að
Krónunni, þar sem ætlum að gefa
talsvert í. Við ætlum að bæta
kjötdeildina og fær hún nýjan stað í
því rými sem eitt sinn hýsti apótekið.
Töluverð stækkun verður á ávaxta-
og grænmetisdeildinni, þ.á.m. nýir
kælar og fær hún því nýtt yfirbragð í
takt við það sem við höfum verið að
gera í nýju verslunum okkar í
Reykjavík“ sagði Kristinn um
áætlanir vegna Krónunnar. „Versl-
unin mun fá talsverða andlitslyftingu
og við ætlum okkur að gera góða
verslun enn betri.“
Ingimar Georgsson í Vöruvali sagði
engar breytingar í vændum hjá sér
þrátt fyrir hræringarnar. „Við tókum
upp kvöldopnun til kl. 21 í sumar
sem hefur reynst vel og munum við
halda henni áfram. Annars munum
við bara halda áfram að veita góða
þjónustu og hafa gott vöruúrval.“
Sæþór þorBjarnarSon
sathor@eyjafrettir.is
Hyggjumst loka
Kjarval og einbeita
okkur að Krónunni
:: segir Kristinn Skúlason, rekstrarstjóri Krónunnar
og Kjarvals :: Krónan fær andlitslyftingu :: Áfram
kvöldopnun og sama góða þjónustan í Vöruvali
Þessar þrjár matvöruverslanir munu þjóna Eyjamönnum á næsta ári.