Fréttir - Eyjafréttir - 13.01.2016, Qupperneq 12

12 Eyjafréttir / Miðvikudagur 13. janúar 2016
Það mátti sjá margar furðuverur
á sveimi í Höllinni á föstudag-
inn á árlegu þrettándagrímuballi
Eyverja. Um 320 krakkar tóku
þátt í gleðinni sem er töluvert
fleira en í fyrra.
Veitt voru sjö verðlaun. Fyrir fyrstu
þrjú sætin, frumlegasti búningurinn
og þrjár líflegar framkomur.
Umferðarljós var það sem vann
keppnina en einnig fengu verðlaun
górilla í búri, Mindcraft, Monster
high, poppskál, dömur með
kökusölu og pallbíll. Margar góðar
hugmyndir komu fram þarna og
gaman að sjá metnaðinn hjá börnum
og foreldrum. Tveir hressir
jólasveinar kíktu á krakkana sem öll
fengu nammipoka og vasaljós að
lokinni dagskrá.
Þrettándagleði ÍBV og Íslands-
banka var haldin um helgina.
Veðrið lék ekki við okkur á
föstudag og var því ákveðið að
færa hápunkt helgarinnar yfir á
laugardagskvöld.
Það er mikill sjarmi yfir þrettánda-
gleði okkar Eyjamanna, en fjöldinn
allur af fólki leggur leið sína til
Eyja til að upplifa gleðina. Mörgum
þykir þrettándinn skemmtilegri en
sjálf jólin og margir biðu spenntir
eftir helginni.
Í hlíðum Molda var kveikt á
kertum sem mynda orðið ÍBV.
Skotliðið var að vanda með flotta
flugeldasýningu á Hánni sem er
alltaf öll hin glæsilegasta. Þegar
þeirra verki var lokið var komið af
bræðrunum þrettán að halda niður
af fjallinu. Á móti þeim tóku
misspennt börn og fullorðnir og
gangan um bæinn hófst. Grýla og
Leppalúði leiddu gönguna upp á
völl og fussuðu og sveiuðu yfir
hvað börnin í Vestmannaeyjum
væru ljót og þykir þeim hjónum
alveg óttalega pirrandi hvað börn nú
til dags eru orðin stillt.
Fjöldi fólks var í göngunni til að
kveðja jólasveinana og tröllinn.
Álfar, púkar, tröll og jólasveinar
sveimuðu svo um völlinn, heilsuðu
og spjölluðu við þá sem þorðu en
ekki hafa allir áhuga á því.
Skemmtuninn á malarvellinum
endaði svo með blysum og
flugeldasýningu.
Þrettándinn tókst í alla staði mjög
vel og geta aðstandendur hátíðar-
innar vel við unað. Þrettándinn er
hjá flestum Eyjamönnun órjúfanleg
hefð í jólahaldinu og sjarminn yfir
þessari helgi er eitthvað sem ekki
verður útskýrður í orðum heldur
þarf maður að upplifa hann.
Glæsileg þrettándahelgi að baki:
Þrettándasjarminn eitthvað sem ekki verður útskýrt með orðum
Sara Sjöfn GrettiSdóttir
sarasjofn@eyjafrettir.is

m y n d i r : ó s k a r P é t u r
Árlegt þrettándagrímuball Eyverja
Glæsilegir búningar og full Höll
:: Um 320 krakkar tóku þátt í gleðinni