Fréttir - Eyjafréttir - 20.01.2016, Blaðsíða 8
8 Eyjafréttir / Miðvikudagur 20. janúar 2016
„Hugmyndin kviknaði árið 2010
og nú, tæpum sex árum seinna,
höldum við fimmtu Eyjatónleikana
í Eldborgarsal Hörpu. Hver hefði
trúað því? Það var aldrei ætlunin
að gera þetta nema í þetta eina
skipti, þegar Eyjamenn fylltu
þennan fallega sal og hylltu sitt
helsta söngvaskáld og Eyjamann
síðustu aldar, Oddgeir Kristjánsson,
á aldar ártíð hans,“ segir Bjarni
Ólafur Guðmundsson um Eyjatón-
leikana, þar sem Hjartað slær og Ég
veit þú kemur verða í Hörpunni í
Reykjavík um helgina sem hann og
Guðrún Mary Ólafsdóttir standa
fyrir.
„Síðan þá höfum við bætt við
þrennum frábærum tónleikum og
fengið til liðs við okkur frábæra
listamenn, bæði erlenda, af Íslandi
og innlenda eyjamenn. Áherslan
hefur verið á bæði ákveðna menn
og síðan ákveðna viðburði, en
alltaf, að undanskildum fyrstu
tónleikunum, reynt að blanda saman
gömlum og nýjum Eyjalögum og
tekið lög frá mjög mörgum
höfundum. Sú blanda hefur farið
vel í tónleikagesti og því engin
ástæða til að breyta því.“
Lúxusvandamálið
Bjarni segir að á síðustu tónleikum
hafi þau ætlað að velja einfaldlega
mörg af bestu lögum Eyjanna. „En
við áttuðum okkur fljótt á því að þá
nægði heilt kvöld ekki. Lúxus-
vandamál sem ekki mörg byggðar-
lög þurfa að glíma við. Það má því
segja að þessir tónleikar séu beint
framhald af þeim síðustu. Við
tökum reyndar nokkur lög sem hafa
fylgt okkur síðustu ár, en aldrei fyrr
höfum við skipt út eða bætt við
okkur jafn mörgum lögum. Samt
finnst okkur enn að við eigum eftir
nokkuð mörg lög sem eiga erindi
við okkur í Eldborg. Þau bíða betri
tíma. Þau eru vel á fjórða tuginn,
þau lög sem flutt verða í Eldborgar-
sal Hörpu laugardagskvöldið 23.
janúar næstkomandi og þar af 16
lög sem hafa ekki verið á dagskrá
hjá okkur áður. Við hreinlega
tímum ekki að upplýsa hvaða lög
það eru, því hluti af upplifuninni er
að fá þetta nánast allt beint í æð í
Eldborg.“
Eyjafólkið
Bjarni Ólafur segir þau alltaf hafa
viljað halda merki Eyjalistamanna á
lofti, bæði laga- og textahöfunda,
en ekki síður flytjenda. „Enda hafa
heimsótt okkur í Hörpu Logarnir,
Blítt og létt hópurinn, Lúðrasveit
Vestmannaeyja og svo frábærir
einsöngvarar, Hafsteinn Þórólfsson,
Íris Guðmundsdóttir, Silja Elsabet
Brynjarsdóttir, Alexander Jarl
Þorsteinsson, Kristján Gíslason og
svo á Guðrún Gunnarsdóttir einnig
ættir sínar að rekja til Eyja. Allir
þessir Eyjaskotnu flytjendur hafa
staðið sig frábærlega og hafa náð að
hreyfa við tónleikagestum svo um
munar. Þá má ekki gleyma
liðsmönnum hljómsveitarinnar,
þeim Birgi Nielsen Þórssyni
trommuleikara og Eiði Arnarssyni
bassaleikara, en Eiður hefur verið
með okkur frá byrjun og reynst
okkur skipuleggjendunum ótrúlega
vel, enda er Eiður sennilega einn af
reynslumeiri mönnum í tónlistar-
bransanum á Íslandi og klárlega
einn sá alvirtasti,“ segir Bjarni
Ólafur.
Landsliðið
„Við höfum einnig verið svo heppin
að fá til liðs við okkur hljóðfæra-
leikara í heimsklassa og margir af
þeim hafa verið með okkur nánast
frá upphafi. Fyrir það erum við
gríðarlega þakklát, en skynjum í
leiðinni að þessu frábæra tónlistar-
fólki finnst bara svo gaman að flytja
þessa tónlist og svo er ekki verra
þegar salurinn er svona móttæki-
legur fyrir efninu, eins og raunin
hefur alltaf verið á Eyjatónleik-
unum. Í þessu felst að okkar mati
öll sú viðurkenning sem við þurfum
á að halda til að halda þessu áfram.“
Hljómsveitin í ár
Litlar breytingar hafa orðið á hljóm-
sveitinni milli ára. „Í ár erum við
nánast með sama hóp og í fyrra,
nema hvað Ari Bragi Kárason
trompetleikari, leysir af kollega sinn
Kjartan Hákonarson og Þórir
Úlfarsson stýrir nú aftur, en hann
var með okkur á „Ásatónleikunum“
2014. Þórir er einn virtasti
hljómsveitarstjórinn í þessum geira
á landinu og því frábært að fá hann
aftur til liðs við okkur.“
Hljómsveitin er annars þannig
skipuð, Þórir Úlfarsson stjórnandi,
píanó og hljómborð, Eiður
Arnarsson bassi, Jón Elvar
Hafsteinsson gítar, Birgir Nielsen
Þórsson trommur, Kjartan Valde-
marsson hljómborð og harmonikka,
Sigurður Flosason saxafónn, flautur
og slagverk, Ari Bragi Kárason
trompet og slagverk og Eyjólfur
Kristjánsson gítar.
Söngvarar í ár
Sumir af söngvurunum eru ekki að
taka þátt í fyrsta sinn. „Stefán
Hilmarsson og Magni Ásgeirsson
voru með okkur árið 2013 og Íris
Guðmundsdóttir á fyrstu tónleik-
unum 2011 og einnig í fyrra, þá
með Óskari Einars og hluta úr
Gospelkór Reykjavíkur, ásamt
Önnu Siggu og Þóru Gísla. Þá
hefur Kristján Gíslason verið með
okkur undanfarin þrjú ár.
En söngvararnir sem eru með
okkur í ár eru Stefán Hilmarsson,
Páll Rósinkranz, Ágústa Eva,
Magni Ásgeirs, Eyjólfur Kristjáns,
Kristján Gísla, Sísí Ástþórs, Íris
Guðmunds, Anna Sigríður Snorra-
dóttir, Þóra Gísladóttir og Gunnar
Hrafn Kristjánsson, jólastjarna
Stöðvar 2 árið 2014.
Margir af söngvurunum eru frá
Eyjum. Söngkonurnar Sísí, Íris,
Anna Sigga og Þóra eru allar úr
Eyjum og feðgarnir Kristján og
Gunnar Hrafn einnig,“ sagði Bjarni
Ólafur að lokum.
Eyjatónleikarnir :: Þar sem hjartað slær :: Ég veit þú kemur :: Í Hörpu á laugardaginn:
Áttuðum okkur fljótt á því að
þá nægði heilt kvöld ekki
:: Lúxusvandamál sem ekki mörg byggðarlög þurfa að glíma við
„Við ætlum bara að halda áfram
framundir morgun og að loknum
tónleikunum í Hörpu á laugardag-
inn. Við ætlum að blása til
áframhaldandi tónlistarveislu á
SPOT í Kópavogi þar sem aragrúi
listamanna kemur fram,“ segir
Viktor Ragnarsson rakari bassa-
leikari í hljómsveitinni Dans á
rósum.
„Við byrjum kvöldið á söng-
skemmtun með Blítt & létt og svo
röðum við upp hverjum stórsnill-
ingunum á fætur öðrum, Bjartmari
Guðlaugs, Magna, Stjána Gísla og
sérstakur gestur okkar í ár er
óumdeilanlega stærsta poppstjarna
landsins, sjálfur Páll Óskar.
Þetta verður bara skemmtilegra og
stærra með hverju árinu og
fjölbreyttara og fólki virðist líka
þessi samsetning vel að byrja í
Hörpu og enda á SPOT,“ sagði
Viktor sem ætlar hvergi að slá af
með hljómsveit sinni á laugardags-
kvöldið.
Forsala aðgöngumiða er á Hárstofu
Viktors fram á föstudag og á SPOT
fram að balli.
Eyjatónleikar og Eyjaball:
Partýinu verður framhaldið
á Spot til morguns
Það er jafnan líf og fjör á
Eyjaböllunum á Spot. Hér er
Dans á rósum í syngjandi sveiflu
á ballinu í fyrra.