Fréttir - Eyjafréttir - 20.01.2016, Blaðsíða 17
17Eyjafréttir / Miðvikudagur 20. janúar 2016
Það var svo nýliðinn í hópnum,
Júníus Meyvant, eða Eyjamaðurinn
Unnar Gísli Sigurmundsson, sem
hóf kvöldvökuna á laugardags-
kvöldinu. Hann mætti með
hljómsveitina sína þar sem með í
för voru þrír bræður hans og óhætt
er að segja að tónlistin hans sé
algjör gæðatónlist og algjörlega
„erlendis“, enda syngur hann á
ensku. Þessi ljúfi Eyjamaður á
örugglega eftir að ná langt í þessum
bransa.
Þannig hljóðar umsögn Eyjafrétta
um nýjustu stjörnu Vestmannaeyja í
tónlistinni, Unnar Gísla eða Júníus
Meyvant sem slegið hefur í gegn á
Íslandi og víðar á síðustu tveimur
árum um framlag hljómveitarinnar
á þjóðhátíðinni síðasta sumar. Er
þetta í fyrsta skipti sem hann kemur
fram í Eyjum með hljómsveit sína
eftir að hann sló í gegn. En
Eyjamenn þekkja sitt fólk og hafa
fylgst lengi með þeim bræðrum,
Einari sem leikur á gítar eins og
Guðmundur Óskar og sá fjórði er
Ólafur Rúnar á hljómborð. Sjálfur
leikur Unnar Gísli á gítar og syngur.
Þeir voru ekki háir í loftinu þegar
þeir fóru að koma fram í Hvíta-
sunnukirkjunni þar sem foreldrarnir,
Sigurmundur Gísli Einarsson og
Unnur Ólafsdóttir eru virk í starfi
og tónlist sem skipar stóran sess í
safnaðarstarfi Hvítasunnufólks.
Systirin í hópnum, Guðný lærði á
selló og er liðtækur hljóðfæraleikari
þó ekki hafi hún valið tónlistina
sem sinn starfsvettvang. Þá strax
kom í ljós að þeir gætu náð eins
langt og þeir vildu og nenna og
miðað við móttökurnar og viður-
kenningar sem þeir hafa fengið ætti
framtíðin að vera björt.
Um Júníus Meyvant skrifar Egill
Harðar:
Júníus Meyvant er listamannsnafn
Vestmannaeyingsins Unnars Gísla
Sigurmundssonar. Sem ungur
maður var Unnar mjög frjálslegur í
anda og komst aðeins tvennt að í
hans lífi, þ.e. myndlist og hjóla-
bretti. Annað slagið fann hann
fyrir því að tónlistargyðjan togaði í
hann og velti hann því oft fyrir sér
hvort hann ætti ekki að demba sér í
það að læra á hljóðfæri. Á yngri
árum var hann orkubolti mikill og
óstýrilátur og fljótlega meinaður
aðgangur að tónlistarskólanum og
þurfti tímabundið að leggja drauma
sína um að verða hljóðfæraleikari á
hilluna.
Fljótlega eftir að Unnar komst á
þrítugsaldurinn færðist ró yfir dýrið
sem bjó innra með honum og tók
hann í hendur munaðarlausan
gítargarm í húsi foreldra sinna og
fyrr en varði var hann farinn að
semja lög. Svo mikil var sköpunar-
gleðin að Unnar upplifði margar
andvökunætur í öngum sínum yfir
öllum lagahugmyndum sínum og
lögin hrönnuðust upp. Laglínurnar
leituðu til hans nótt sem nýtan dag
og úr varð að Unnar tók upp
listamannsnafnið Júníus Meyvant.
Tónlist Júníusar er fullveðja og
tilfinningaríkt þjóðlagapopp sem er
í senn tímalaust og kunnuglegt.
Alúðlegar útsetningar hans láta
mann á köflum líða eins og maður
sé staddur undir þykku ullarteppi
við arineld í kofa hátt uppi í fjöllum
eða á hinn bóginn liggjandi á
funheitri sandströnd á suðlægum
slóðum.
Color Decay
Árið 2014 var árið sem Júníus
hljómaði fyrst fyrir eyrum lands-
manna af einhverju viti og gerðist
það þegar hann sendi frá sér sína
fyrstu smáskífu, „Color Decay“.
Lagið vakti mikla lukku og fékk
töluverða spilun í útvarpi á Íslandi
og sat m.a. í nokkrar vikur í efsta
sæti Vinsældarlista Rásar 2. Lagið
vakti líka mikla lukku hjá útvarps-
stöðinni KEXP í Seattle og valdi
Kevin Cole dagskrárstjóri það sem
besta lagið á árinu 2014.
Júníus kom, sá og sigraði á Íslensku
tónlistarverðlaununum á síðasta ári
og fór frá athöfninni með tvenn
verðlaun. Annars vegar sem
Bjartasta vonin og hinsvegar
verðlaun fyrir besta lag ársins.“
Ekkert lag var spilað oftar árið 2014
á Rás 2 en lagið Color Decay með
Júníusi Meyvant. Næst oftast var
lagið HossaHossa með Amabadama
spilað og í þriðja sæti var Apart
með Kiriyama Family.
Um mitt síðasta ár gaf Júníus
Meyvant út fjögurra laga EP plötu
og hafa þau öll hlotið góðar
viðtökur. Þar á meðal er lagið
Hailslide sem tilnefnt er til
Hlustendaverðlauna 365 sem lag
ársins. Þar er Júníus Meyvant einnig
tilnefndur sem söngvari ársins og
flytjandi ársins. Við þetta má bæta
að hann er á lokasprettinum að
klára sína fyrstu breiðskífu sem er
áætlað að komi út seint í vor eða
snemma sumars.
Egill Harðar og Ómar Garðarsson um Júníus Meyvant :: Hefur slegið rækilega í gegn:
Tók sér í hendur munaðar-
lausan gítargarm í húsi
foreldra sinna
:: Fyrr en varði farinn að semja lög :: Svo mikil var sköpunargleðin að stefndi í vandræði
Foreldrar Unnars Gísla,
þau Unnur og Simmi tóku
á móti viðurkenningunni
fyrir hans hönd.
Hluti hljómsveitarinnar Júníus Meyvant. Frá vinstri Árni Magnússon, þá koma bræðurnir fjórir Einar, Unnar Gísli, Guðmundur Óskar og Ólafur Rúnar,
þá næst Kristófer Rodriguez og Snorri Sigurðsson.