Fréttir - Eyjafréttir - 06.04.2016, Blaðsíða 19
19Eyjafréttir / Miðvikudagur 6. apríl 2016
ÍÞróTTir
u m S j ó n :
guðmundur tómaS
SigFúSSon
gudmundur@eyjafrettir.is
Framundan
Miðvikudagur 6. apríl
Kl. 19:30 Fjölnir - ÍBV
Olís-deild kvenna
Kl. 14:00 ÍBV - FH
2. flokkur karla
Kl. 21:00 Fjölnir 2 - ÍBV
3. flokkur kvenna
Laugardagur 9. apríl
Kl. 15:00 ÍBV2 - Afturelding2
3. flokkur karla
Kl. 13:00 ÍBV - Valur 2
3. flokkur kvenna
Meistaraflokkur kvenna tapaði
gegn Haukum í síðasta heimaleik
deildarinnar. Haukakonur gátu
orðið deildarmeistarar með sigri,
en þurftu þá að treysta á að Fram
sigraði Gróttu sem þær og gerðu.
Það kom sér illa fyrir ÍBV þar sem
sigur Fram kom í veg fyrir
möguleika ÍBV á heimaleikjarétti í
átta liða úrslitum Íslandsmótsins.
Jafnt var í hálfleik þar sem ÍBV
hafði gert vel á lokamínútum fyrri
hálfleiks, eins og þær mínútur voru
góðar, þá voru fyrstu mínúturnar í
seinni hálfleik slæmar. Haukar
stungu af og tóku forystu sem þær
létu aldrei af hendi. Haukar höfðu
ekki tapað leik í óralangan tíma og
héldu forystunni vel og bættu í. Að
lokum sigruðu Haukar með sjö
marka mun 25:32 og ÍBV situr því
sem fastast í 6. sæti deildarinnar.
ÍBV mun því mæta Fram í átta
liða úrslitum ef Fram sigrar
Valskonur í síðustu umferðinni,
annars mun ÍBV mæta Stjörnunni
sem sigrar að öllum líkindum KA/
Þór í lokaumferðinni. ÍBV mætir
Fjölni í Dalhúsum í lokaumferðinni
í dag, miðvikudag.
Handbolti |
Tap í síðasta heimaleiknum
:: gegn Haukum sem urðu deildarmeistarar í Olís-deild kvenna
Haukar 25 21 2 2 710:573 44
Grótta 25 20 1 4 641:453 41
Fram 25 19 1 5 699:531 39
Stjarnan 25 19 0 6 684:554 38
Valur 25 19 0 6 693:530 38
ÍBV 25 17 1 7 735:646 35
Selfoss 25 12 1 12 705:675 25
Fylkir 25 12 0 13 673:637 24
HK 25 7 1 17 530:631 15
Fjölnir 25 6 0 19 552:797 12
KA/Þór 25 5 1 19 527:654 11
ÍR 25 4 2 19 580:700 10
Afturelding 25 4 1 20 511:764 9
FH 25 3 3 19 531:626 9
Olísdeild kvenna
Telma Amando og Vera Lopez sækja gegn Haukum á laugardaginn.
Elvar Ingi Vignisson skoraði
fjögur mörk gegn Fram.
Mynd: fotbolti.net
ÍBV og Afturelding gerðu 28:28
jafntefli í síðustu umferð Olís-
deildar karla í N1 höllinni í
Mosfellsbæ. Með sigri hefði ÍBV
tekið 3. sætið af Aftureldingu og
mætt FH í 8-liða úrslitum en
liðinu mistókst að tryggja sér
sigurinn í síðustu sókn leiksins.
Staðan var jöfn í hálfleik en ÍBV
byrjaði síðari hálfleikinn ömurlega
en gerði vel til þess að koma sér
aftur inn í leikinn og virtist vera
með unninn leik í höndunum. Þá
gerðu leikmenn sig seka um dýr
mistök sem gerði það að verkum að
Afturelding jafnaði leikinn.
Aftur fór ÍBV illa að ráði sínu í
síðustu sókn leiksins og tókst þeim
ekki að knýja fram sigur. ÍBV náði
þó því markmiði sem hafði verið
sett fyrir einhverju síðan þar sem
liðið hefur heimaleikjarétt í 8-liða
úrslitunum.
Það er þó ljóst að það eru
vonbrigði hjá ÍBV að enda í 4. sæti
deildarinnar þar sem liðinu var spáð
deildarmeistaratitlinum fyrir
leiktíðina. Fyrsti leikur liðsins í
einvíginu gegn Gróttu fer fram 14.
apríl, sá næsti þann 16. apríl og ef
liðin þurfa að spila þrjá leiki fer sá
þriðji fram 19. apríl. Það lið sem
vinnur tvo leiki fer áfram í
undanúrslitin þar sem Haukar eða
Akureyri bíður.
Handbolti | Olísdeild karla
:: Grótta 28 - ÍBV 28:
Mæta Gróttu í
átta liða úrslitum
Íslandsmótsins
Haukar 27 23 1 3 768:603 47
Valur 27 19 1 7 684:624 39
Afturelding 27 13 3 11 644:643 29
ÍBV 27 11 5 11 701:697 27
Grótta 27 12 3 12 702:714 27
FH 27 13 1 13 683:715 27
Fram 27 11 2 14 652:662 24
Akureyri 27 8 5 14 627:664 21
ÍR 27 7 2 18 684:743 16
Víkingur 27 4 5 18 627:707 13
Olísdeild karla
Strákarnir okkar í meistaraflokki
karla spiluðu við Fram um
helgina í Lengjubikarnum. Fram
hafði ekki sigrað leik í bikarnum
og ekki tekist að sigra veikt lið
Hugins þrátt fyrir að hafa spilað
manni fleiri heilan hálfleik.
Fyrir leik bjuggust því flestir við
öruggum sigri ÍBV, eftir rúmar
fimm mínútur var útlitið ekki bjart.
Framarar höfðu skorað tvívegis
áður en ÍBV minnkaði muninn eftir
korter. Þá komust Framarar í 3:1
eftir rúmar tuttugu mínútur en þá
skoraði Atli Fannar Jónsson, fyrrum
leikmaður ÍBV, sitt annað mark.
Fyrir hálfleik átti ÍBV þó eftir að
snúa leiknum við, Benedikt Októ
Bjarnason minnkaði muninn áður
en Elvar Ingi Vignisson bætti við 2.
og 3. marki sínu í leiknum rétt fyrir
lok fyrri hálfleiks.
Staðan var því 4:3 fyrir ÍBV í
hálfleik sem er í raun ótrúlegt þar
sem bæði lið tvöfölduðu markaskor
sitt í Lengjubikarnum fyrir leikinn.
Fram jafnaði metin áður en Elvar
Ingi Vignisson bætti við fjórða
marki sínu í leiknum. Framar
jöfnuðu enn á ný rétt eftir klukku-
tíma af leiknum og þar við sat.
Leiknum lauk með 5:5 jafntefli þar
sem áhorfendur hafa eflaust fengið
mikla skemmtun.
Knattspyrna |
Lengjubikar karla:
Jafntefli í
tíu marka
leik gegn
Fram Stelpurnar okkar í meistaraflokki kvenna spiluðu tvo leiki um
helgina í Lengjubikarnum. Fyrri
leikurinn var gegn sterku liði
Stjörnunnar sem stilltu upp sínu
sterkasta liði.
ÍBV varð fyrir miklu áfalli í síðasta
mánuði þegar það var ljóst að
Shaneka Gordon yrði frá næstu
mánuðina þar sem hún fótbrotnaði í
æfingaferð liðsins úti á Spáni. ÍBV
byrjaði betur gegn Stjörnunni og
klikkaði meðal annars á vítaspyrnu
eftir fimm mínútna leik.
Eftir um hálftíma leik tóku
Stjörnustúlkur leikinn yfir, komust
yfir eftir 36 mínútur og staðan var
1:0 í hálfleik.
ÍBV kom ekki nógu sterkt til leiks
í síðari hálfleik og komust Stjörnu-
stúlkur snemma í 2:0, þær juku
muninn í 3:0 þegar tíu mínútur voru
eftir. ÍBV minnkaði muninn einni
mínútu síðar þegar varnarmaðurinn
Sabrína Lind Adolfsdóttir skoraði
mark, hún spilaði í framlínu liðsins
síðustu tuttugu mínútur leiksins.
Stjarnan jók forskotið á 92. mínútu
og 4:1 var því niðurstaðan.
Tveimur dögum síðar mætti ÍBV
vængbrotnu liði Þórs/KA sem stilltu
upp vægast sagt slöku liði. ÍBV
tefldi fram sterku liði og spilaði
Arianna Romero t.d. 90 mínútur í
þeim leik en hún kom til liðsins í
síðustu viku.
Hún er landsliðskona í Mexíkó en
hefur spilað undanfarin ár í
Bandaríkjunum. Hún spilar í stöðu
bakvarðar og er 24 ára á árinu.
ÍBV var ekki í teljandi vandræðum
með norðankonur en fyrsta markið
lét þó bíða eftir sér. Cloe Lacasse
skoraði það eftir hálftíma eftir að
ÍBV hafði legið í sókn. Hún bætti
einu marki við rétt fyrir hálfleik.
Þá var komið að Sigríði Láru
Garðarsdóttur sem reimaði á sig
markaskóna í hálfleik. Hún kom
ÍBV í 4:0 með tveimur mörkum í
upphafi síðari hálfeiks og bætti við
sínu þriðja marki þegar tvær
mínútur voru eftir af leiknum eftir
að Þór/KA hafði minnkað muninn
stuttu áður. 5-1 voru því lokatölur í
leiknum og ÍBV því aftur á
sigurbraut.
Knattspyrna | Lengjubikar kvenna:
Tap og sigur
hjá stelpunum
Um síðustu helgi fór fimleikafélagið RÁN með þrjá keppnishópa á meginlandið til að taka þátt í fimleikamóti.
Liðin stóðu sig öll vel og varð eldri flokkurinn í b hópi bikarmeistarar í sínum flokki. Glæsilegur árangur hjá stelpunum.
Á myndunum hér að ofan má sjá annarsvegar allan hópinn og svo bikarmeistarana við komuna til Vestmannaeyja.
Fimleikar |