Fréttir - Eyjafréttir - 21.09.2016, Blaðsíða 9
9Eyjafréttir / Miðvikudagur 21. september 2016
voru mætt,“ greinir blaðamaður
Eyjafrétta frá í samantekt.
„Einhverjir höfðu áhyggjur af því
að sú stemning sem náðist oft í
gamla húsinu næðist ekki í því nýja
en þær voru ástæðulausar. Sjaldan
hefur annar eins hávaði heyrst á
handboltaleik í Vestmannaeyjum.“
Leikurinn endaði með sigri ÍBV
en það sem situr eftir þennan leik
var ótrúleg stemning sem myndað-
ist. „Stemningin var alveg meiri-
háttar,“ sagði Vigdís Sigurðardóttir
markmaður í samtali við blaðamann
eftir leik. „[É]g var sú eina sem
vildi spila í gamla salnum. Ég hef
heldur betur skipt um skoðun núna,
þetta sýnir okkur að við eigum
besta heimavöllinn á landinu.“
Barist á velli og pöllum
Þriðja árið í röð komust Eyjakonur í
úrslit bikarkeppninnar eftir sigur á
Stjörnunni í undanúrslitum.
Leikurinn gegn Stjörnunni fór fram
á heimavelli fyrir fullu húsi
áhorfenda þar sem niðurstaðan var
sannfærandi átta marka sigur ÍBV.
„Mikil stemning var á pöllunum,
sem reyndar keyrði fram úr hófi á
köflum þegar stuðningsmönnum
liðanna lenti saman en allt endaði
það á friðsamlegum nótum,“ segir í
grein Eyjafrétta um leikinn.
„Leikurinn sjálfur varð hins vegar
aldrei spennandi, voru yfirburðir
ÍBV-liðsins það miklir í leiknum og
í raun fáránlegt að hugsa til þess að
þetta sama lið hafi verið heppið að
ná jafntefli gegn Stjörnunni í
tveimur síðustu leikjum.“
Því miður þurfi ÍBV að sætta sig
við tap í bikarnum þetta árið eftir
hörku leik gegn Haukum þar sem
úrslitin réðust á lokasekúndum
leiksins.
Þó það hafi verið sárt að horfa á
eftir bikarmeistaratitlinum, létu
stelpurnar það ekki á sig fá í
deildinni og tryggðu sér þann titil í
fyrsta sinn með sigri á Gróttu/KR
og FH sömu helgina í Eyjum.
Bikarinn fengu þær síðan afhentan í
síðasta leik tímabilsins gegn
Haukum þar sem tvö efstu lið
deildarinnar spiluðu upp á heiður-
inn einan. Leikurinn endaði með
öruggum sigri ÍBV 27:21 og sagði
fyrirliðinn, Ingibjörg Jónsdóttir, það
hafa verið mikilvægt. „Við vorum
staðráðnar í því að vinna til þess að
sýna okkar stuðningsmönnum að
tapið í bikarnum hafi verið slys.“
Þessi sömu lið háðu einnig
úrslitaeinvígi um
Íslandsmeistaratitilinn og þegar upp
var staðið hafði ÍBV betur í þremur
leikjum. Besti árangur liðsins frá
upphafi. „Stemningin í nýja
Íþróttahúsinu var hreint mögnuð,
sérstaklega síðustu fimmtán
mínúturnar en þá áttu leikmenn
liðanna í mesta basli með að koma
skilaboðum sín á milli,“ svona lýsir
blaðamaður Eyjafrétta andrúmsloft-
inu í húsinu þennan merkisdag í
íþróttasögu Vestmannaeyja.
Héldu áfram að toppa
sjálfa sig
Árið 2004 náði ÍBV liðið nýjum
hæðum, ekki einungis fyrir þær
sakir að hafa unnið alla þá titla sem
í boði voru á Íslandi heldur einnig
fyrir afrek sín í Evrópukeppni
félagsliða.
Fjórða árið í röð komust Eyjakon-
ur í úrslit bikarsins eftir að hafa
rótburstað FH á heimavelli 34:24.
Guðbjörg Guðmannsdóttir tók sig
til og skoraði fjögur síðustu mörk
leiksins og gerði endanlega út um
vonir gestanna sem höfðu verið að
sækja í sig veðrið. Eins og fyrr segir
endaði ÍBV með því að fara alla
leið og sigra keppnina eftir sigur á
Haukum í Laugardalshöll.
Næsti stórleikur í Íþróttamið-
stöðinni var gegn franska liðinu Le
Havre í Áskorendakeppni Evrópu.
Leikurinn fór 27:27 og nægði það
til að fleyta stelpunum í 8-liða úrslit
þar sem fyrri leikurinn endaði með
átta marka mun. Le Havre var um
þessar mundir í þriðja sæti frönsku
deildarinnar og því um að ræða
virkilega sterkt lið. „Árangur ÍBV
er án efa sá glæsilegasti sem náðst
hefur í kvennahandboltanum á
Íslandi,“ segir í tölublaði Eyjafrétta
eftir leikinn.
ÍBV liðið var ekki lengi að slá
eigið afrek þegar þær lögðu
króatíska liðið Brodosplit Vranjic
samanlagt 60:58. Leikið var á
laugardegi og sunnudegi og fóru
báðir leikirnir fram í Eyjum. Fyrri
daginn sigraði ÍBV með 11 mörkum
og var þá talað um að sá sigur hafi
síst verið of stór. Þær króatísku
vildu skella skuldinni að einhverju
leyti á ferðaþreytu en í sannleika
sagt voru þær bara yfirspilaðar.
Seinni leikurinn var með allt öðru
móti og allt annað uppi á teningn-
um. ÍBV liðið komst í hann krappan
og voru mest tíu mörkum undir.
Nær komust gestirnir ekki og
endaði leikurinn með níu marka
tapi en þrátt fyrir það voru Eyjakon-
ur komnar í undanúrslit. Stefán
Arnarsson, landsliðsþjálfari kvenna,
var á leiknum og var að vonum
ánægður með árangur liðsins.
„Þessi árangur ÍBV er auðvitað
frábær auglýsing fyrir
kvennahandboltann, ekki aðeins
hérna innanlands heldur líka
erlendis,“ sagði landsliðsþjálfarinn í
samtali við Eyjafréttir.
Deildar- og Íslandsmeistarar
Bikarnum fyrir deildarmeistaratitil-
inn var hampað í Eyjum eftir 11
marka sigur á Haukum í lokaleik.
Gríðarlegt álag hafði verið á
stelpunum undanfarnar vikur í ljósi
þess að liðið var að berjast á
mörgum vígvöllum. Evrópuævin-
týrinu lauk síðan með tapi gegn
þýska liðinu Nürnberg. ÍBV sá
aldrei til sólar í einvíginu og endaði
síðari leikurinn, sem fram fór í
Eyjum, með 11 marka tapi. Engu að
síður glæsilegur árangur hjá
stelpunum og í raun eitt stærsta
íþróttaafrek Íslandssögunnar.
Þann 10. maí kórónaði ÍBV liðið
gott tímabil með því að tryggja sér
Íslandsmeistaratitilinn í fjórða leik
sínum gegn Val á útivelli. Fyrri
leikir höfðu verið jafnir en að þessu
sinni sýndu Eyjakonur mátt sinn og
megin og sigldu öruggum sigri í
höfn, lokatölur 30:26. Þetta ár mun
líklega vera eitt það eftirminnileg-
asta í sögu Íþróttamiðstöðvarinnar
en ófáir stórleikirnir voru spilaðir
eins og bikarasafn liðsins ber vitni
um.
Stelpurnar komust aftur í úrslit
bikarkeppninnar árið 2006 eftir
sigur heima gegn Val, fimmta
skiptið á sex árum. Haukar reyndust
þó sterkari aðilinn og sigruðu að
lokum. Í lok tímabils stóðu
Eyjakonur samt sem áður uppi sem
Deildarmeistarar og Íslandsmeist-
arar og þar með lauk gullaldarskeiði
liðsins.
Karlarnir hafa líka átt sín
augnablik
„Það var sannkölluð hátíðarstemn-
ing í Íþróttamiðstöðinni í gærkvöldi
eftir frækilegan sigur Íþróttabanda-
lags Vestmannaeyja á Íslandsmeist-
urum FH í undanúrslitum bikar-
keppninnar í gærkvöldi. Leikurinn
var æsispennandi og skemmtu
áhorfendur, sem fjölmenntu, sér
prýðilega og studdu sína menn
frábærlega.“ Á þessum orðum hefst
áttunda tölublað Eyjafrétta árið
1991. Jafnframt kemur fram að
Sigurður Friðriksson hafi spilað
eins og engill en hann skoraði sjö
mörk í leiknum. Í úrslitum mættu
Eyjamenn Víkingi og unnu frækinn
sigur á þeim í Laugardalshöllinni,
26:22. Með þessum sigri var ÍBV
komið á kortið sem handboltalið.
Ein stærsta stund í handboltasögu
karlaliðs ÍBV síðari ára var 13. maí
2014. ÍBV fékk þá Hauka í
heimsókn í einvígi liðanna um
Íslandsmeistaratitilinn og var það
fjórði leikurinn í röðinni. Haukar
hefðu getað með sigri tryggt sér
titilinn en Eyjamenn sigruðu 27:20
og tókst þar með að knýja fram
oddaleik á Ásvöllum. Sá leikur
endaði einnig með sigri ÍBV og þar
með var fyrsti og eini Íslandsmeist-
aratitillinn í hús í karlaflokki.
Árið eftir Íslandsmeistaratitilinn,
næstum aldarfjórðungi frá sigrinum
á Víkingi í úrslitum bikarsins, voru
Eyjamenn aftur farnir að gera sig
líklega í bikarkeppninni. Strákarnir
sigruðu Aftureldingu á heimavelli í
átta liða úrslitum þar sem mikið
jafnræði var með liðunum. Agnar
Smári Jónsson skoraði níu mörk og
var frábær og svo átti fyrirliðinn
Magnús Stefánsson einnig góðan
leik en hann skoraði sex mörk úr
sex skotum eftir að hafa þurft á
aðhlynningu að halda snemma
leiks. Um úrslitahelgina, sem fram
fór í Laugardalshöll,vann ÍBV
Hauka í undanúrslitum í afar
eftirminnilegum leik og síðan FH í
sjálfum úrslitaleiknum.
Íslandsmeistarar ÍBV fagna titlinum 2014.
Stelpurnar höfðu ástæðu til að fagna 2004. Handboltastelpurnar unnu
alla titla sem í boði voru. Á myndinni neðst til vinstri fagnar Íris
Sæmundsdóttir deildarmeistaratitli í fótbolta.