Fréttir - Eyjafréttir - 21.09.2016, Blaðsíða 19

19Eyjafréttir / Miðvikudagur 21. september 2016
Íþróttir
u m S j Ó n :
Guðmundur TÓmaS
SiGFúSSon
gudmundur@eyjafrettir.is
Handbolti | :: Olís-deild kvenna :: Valur 26:22 ÍBV ::
Valskonur unnu sanngjarnan sigur
Golf | Efnilegur golfari ::
Daníel Ingi Sigurjónsson
lenti í bráðabana
Í sumar hafa þrír ungir Eyja-
menn frá Golfklúbbi Vest-
mannaeyja leikið á Íslandsmóti
golfklúbba í aldursflokki 17 til 18
ára en það eru þeir Daníel Ingi
Sigurjónsson, Lárus Garðar
Long, Nökkvi Snær Óðinsson og
Kristófer Tjörvi Einarsson. Mótið
er haldið af Golfsambandi
Íslands og Íslandsbanka og
mætast þar allir efnilegustu
kylfingar landsins.
Í síðasta móti sumarsins, sem
haldið var í Hafnarfirði, tókst
Daníel að ná fyrsta til öðru sæti en
þurfti síðan að láta í minni pokann
fyrir Jóhannesi Guðmundssyni,
kylfingi Golfklúbbs Reykjavíkur, í
bráðabana.
„Þetta var bara venjulegur bráða-
bani,“ segir Daníel aðspurður út í
rimmuna. „Þetta var par þrjú hola,
190 metrar á lengd þar sem tveir
stallar eru á flötinni. Báðir slógum
við á erfiðari stallinn sem skildi
eftir erfitt pútt. Þegar komið var að
síðara púttinu sem var um fjórir
metrar, setti hann sitt ofan í og ég
ekki,“ segir Daníel, en andstæð-
ingur hans er engin aukvisi og hefur
verið að spila gott golf í sumar en
þeir félagar eru með svipaða
forgjöf.
Næsta sumar mun Daníel leika í
Eimskipsmótaröðinni, þá í
fullorðinsflokki en þangað til æfir
hann stíft í vetur. Draumurinn er
síðan að fara til Bandaríkjanna
innan tveggja ára og spila háskóla-
golf sem á vonandi eftir að fleyta
honum lengra í íþróttinni.
Kvennalið ÍBV í handbolta var aftur
mætt til leiks á laugardaginn
síðastliðinn þegar þær spiluðu gegn
Val á útivelli. Í fyrsta leik tímabils-
ins unnu stelpurnar sannfærandi níu
marka sigur á Íslandsmeisturum
Gróttu í Vestmannaeyjum en
róðurinn reyndist þyngri gegn
Valskonum.
Jafnræði var með liðunum fyrsta
korterið en í stöðunni 5:5 sigldu
þær rauðklæddu fram úr hægt og
bítandi. Lokatölur á Hlíðarenda
urðu 26:22, sanngjarn sigur Vals.
Sandra Erlingsdóttir var potturinn
og pannan í sóknarleik ÍBV með
helming marka liðsins, ellefu
talsins.
Daníel Ingi Sigurjónsson ásamt keppinautum sínum í Íslandsmótinu.
Sandra Dís Erlingsdóttir hefur staðið sig vel og hér er hún í mikilli baráttu í leiknum gegn Gróttu.
Gleymdust um
borð í Lóðsinum
Framundan
Laugardagurinn 24. september
Kl. 16:00 FH-ÍBV
Pepsi-deild kvenna
Kl. 13:30 ÍBV-Fylkir
Olís-deild kvenna
Kl. 16:00 FH-ÍBV
Olís-deild karla
Sunnudaginn 25. september
Kl. 14:00 ÍBV-Valur
Pepsi-deild karla
Fimmtudagurinn 29. septem-
ber
Kl. 18:30 ÍBV-Stjarnan
Olís-deild karla
Föstudaginn 30. september
Kl. 16:00 ÍBV-Þór/KA
Pepsi-deild kvenna
Laugardagurinn 1. október
Kl. 13:30 ÍBV-Selfoss
Olís-deild kvenna
Kl. 14:00 FH-ÍBV
Pepsi-deild karla
Fimmtudaginn 6. október
Kl. 18:00 Grótta-ÍBV
Olís-deild karla
Fimmtudaginn 13. október
Kl. 18:30 ÍBV-Valur
Olís-deild karla
Laugardagurinn 15. október
Kl. 15:00 Stjarnan-ÍBV
Olís-deild kvenna
Skemmtilegt atvik kom upp þegar
karlalið ÍBV í knattspyrnu sigldi
með Lóðsinum í Landeyjahöfn á
mánudag.
Eins og fram hefur komið áttu
strákarnir leik gegn Breiðabliki
seinna um daginn en komust ekki
með Herjólfi þar sem ferðum var
aflýst. Þegar lagst var að bryggju
tóku menn eftir því að einhverjir
leikmenn höfðu ekki haft fyrir því
að bera töskurnar sínar sjálfir frá
borði. Við nánari athugun kom í ljós
að eigendur taskanna voru sjálfir
hvergi sjáanlegir á bryggjunni og
Lóðsinn þá lagður af stað til baka
og kominn fyrir hafnarminni. Þegar
haft var samband við skipsverja
fundust fjórmenningarnir fyrir rest
niðri í vistaverum skipsins þar sem
þeir lágu í koju og var þeim skutlað
í land hið snarasta. Ekki fylgdi
sögunni hverjir áttu í hlut.