Skessuhorn - 20.01.2000, Blaðsíða 9

FIMMTUDAGUR 20. JANUAR 2000
9
Sakar Akraneskaupstað um yfirgang
“Alvarlegt ef þeir vanvirða eignarrétt landeigenda”, segir Haraldur á Vestri Reyni.
Undanfarina mánuði hefur Har-
aldur Benediktsson á Vestri
Reyni í Innri Akraneshreppi átt í
deilum við starfsmenn Akranes-
kaupstaðar vegna útgáfu göngu-
leiðakorts sem m.a. sýnir göngu-
leiðir um land Vestri Reynis.
Haraldur er óhress með skipan
mála og vill meina að verið sé að
troða á rétti sínum sem eiganda
jarðarinnar.
“Það er mjög skýrt í lögum um
Náttúruvernd að ekkert stjómvald
eða utanaðkomandi aðilar geta
skipulagt útivistarsvæði og göngu-
leiðir án samþykkis landeigenda.
Akraneskaupstaður er markvisst
að skipuleggja ferðaþjónustu á
mínu landi án nokkurs samráðs við
mig. Svokallað gönguleiðakort var
gefið út af Akraneskaupstað um
mitt síðasta ár þar sem nokkrar af
þeim leiðum sem merktar eru
liggja um land mitt. Leiðum 1 og 3
á kortinu mótmælti ég harðlega við
Garðyrkjustjóra Akraneskaupstað-
ar þegar ég komst að því að til stæði
að gefa út þetta kort, enda stríðir
staðsetning þeirra gegn hagsmun-
um mínum. Garðyrkjustjóri kom
mótmælum mínum til skila en
staðreyndin var sú að búið var að
prenta gönguleiðakortin og bæjar-
starfsmenn tímdu ekki að bakka
útúr málinu og létu því kortin í
dreifingu” sagði Haraldur.
Hann vandar ekki embættis-
mönnum bæjarins kveðjurnar:
“Það er greinilegt að embættis-
menn Akraneskaupstaðar lifa sjálf-
stæðu og að því er virðist mjög ein-
angruðu lífi og taka lítt mark á
kjörnum bæjarfulltrúum. Vísa ég
þá í ummæli Guðmundar Páls
Jónssonar bæjarfulltrúa þann 1.
júní sl. þar sem hann bað embættis-
menn bæjarins að aðhafast ekkert
frekar í útgáfu gönguleiðakorts
nema að höfðu samráði við mig.
Þessu var ekki sinnt og gönguleiða-
kortið gefið út skömmu síðar”,
sagði Haraldur.
Þekkja ekki landamerki
“Það er í raun alvarlegast í þessu
máli að svo virðist sem sumir bæj-
arfulltrúar og embættismenn viti
ekki hvar landamerki liggja um
þessar slóðir. Þarna er um hreinan
og kláran yfirgang að ræða og
ókurteisi af hálfu framámanna
Akraneskaupstaðar að halda að þeir
geti í skjóli embætta sinna ráðstaf-
að því hvernig land er nýtt í ná-
grannasveitarfélögunum”, sagði
Haraldur.
Haraldur segist í sjálfú sér ekkert
hafa á móti því að fólk njóti útivist-
ar á sínu landi, svo fremi sem það
valdi ekki ónæði eða skapi hættu
með umferð ökutækja um bæjar-
hlaðið hjá sér, þar sem aðstæður
gefa ekki tilefni til mikillar umferð-
ar. “Þar við bætist að eftir að um-
ferð gangandi fólks jókst með
markvissri markaðssetningu á
Akrafjalli hefur það valdið afurða-
tjóni hjá mér því féð frá mér fær
ekki frið í sínum sumarhögum
vegna stöðugrar umferðar gang-
andi fólks, svo sem á Háahnúk.
Framganga fólks, og einkum bæjar-
yfirvalda, á Akranesi í þessu máli
hefur verið með þeim hætti á ný-
liðnu ári að ég get ekki lengur látið
henni ósvarað. Eg verð að verja
hagsmuni mína og minna og nýti
til þess allar löglegar tiltækar leiðir.
Berum virðingu fyrir
eignarréttinum
“Það er sorglegt ef Haraldur er
MÁNA-
31ÓW, 4
Skólabraut 18 s: 431 3440
þeirrar skoðunar að starfsmenn
Akraneskaupstaðar vanvirði eignar-
rétt manna í öðrum sveitarfélögum.
Eg get fúllvissað Harald bónda á
Reyni um að bæjaryfirvöld á Akra-
nesi bera fulla virðingu fyrir eign-
arrétti hans og annarra góðra ná-
granna okkar á landareignum sín-
um”, sagði Gísli Gíslason bæjar-
stjóri í samtali við Skessuhorn og
bætir við: “Hitt er annað að ekki
hafa öll samskipti gengið deilulaust
fyrir sig í gegnum tíðina varðandi
Akrafjallið og má minna á eggja-
stríð sem geysaði hér á árum áður,
en leystist sem betur fer”, sagði
Gísli.
Aðspurður um umrætt göngu-
leiðakort sem Akraneskaupstaður
gaf út með gönguleiðum á Akranesi
og í nágrenni sagði Gísli að það
væri rétt að kortið hefði verið gefið
út eftir að bæjarstjórn hafði sam-
þykkt að leggja fjármuni í slíkt
verkefni. “Reyndar var ætlunin að
setja upp skilti við rætur Akrafjalls
með ýmsum upplýsingum, en því
slegið á frest m.a. vegna óánægju
Haraldar með þær gönguleiðir sem
sýndar voru. Það verður að hafa í
huga að ákvæði náttúruverndarlaga
eru afar skýr um umferð gangandi
manna” segir Gísli og vísar í 14.
grein laga um náttúruvernd þar
sem segir: “Mönnum er heimilt, án
sérstaks leyfis landeiganda eða rétt-
hafa, að fara gangandi, á skíðum,
skautum og óvélknúnum sleðum
eða á annan sambærilegan hátt um
óræktað land og dveljast þar“.
Gísli segir að Utivist hafi einnig
gefið út gönguleiðakort m.a. af
Akrafjalli og Búnaðarsamband
Borgarfjarðar og Ferðamálasamtök
Mýra- og Borgarijarðarsýslu í sam-
vinnu við Akraneskaupstað gáfu út
gönguleiðakort árið 1998 þar sem
sýndar voru gönguleiðir á og við
Akrafjall. “Einnig má nefna að í
svæðisskipulagi sveitarfélaganna
sunnan Skarðsheiðar er samþykkt
að gefa út göngu- og reiðleiðakort
af svæðinu en ekki veit ég til þess að
athugasemdir hafi borist varðandi
það atriði. Loks er að benda á að
Akraneskaupstaður lagði þó nokkra
fjármuni ásamt fleiri sveitarfélög-
um í uppbyggingu og endurreisn
Reynisréttar, sem er í landi Harald-
ar og var það gott framtak þeirra
sem að því stóðu”, sagði Gísli.
Sýslumaður segir ekkert
ólöglegt
Gísli Gíslason sagði í samtali við
blaðið að eftir að gönguleiðakort
Akraneskaupstaðar var gefið út hafi
Haraldur kært málið til sýslumanns
í Borgarnesi en að sjálfsögðu kom
það á daginn efrir mikla yfirlegu
sýslumanns að hér hafði ekkert
ólöglegt verið aðhafst og sendi
sýslumaður Akraneskaupstað bréf
dags. 15.12. s.l. þar sem komist er
að þeirri niðurstöðu að ekki þyki
grundvöllur til að halda rannsókn
málsins áfram. “Þá fór ég fyrr í vet-
ur í heimsókn til Haraldar og fór
yfir málið með honum og taldi ég
að við hefðum skilið vel sáttir og
fúsir til að leysa málið og ég trúi
ekki öðru en að við gerum það. Við
höfum aldrei ætlað okkur að særa
einn eða neinn með því að vísa
göngufólki á góðar gönguleiðir á
Akranesi og þykir miður að Har-
aldur telji á rétt sinn hallað. Ollum
er það ljóst að gengið hefur verið á
Akrafjallið frá landnámi og svo
mun verða áfram. Eg tel hins vegar
mikilvægt að göngufólk virði í hví-
vetna rétt landeigenda, gangi vel
um og styggi ekki búsmala. Það
hlýtur hins vegar að vera betra að
sýna fólki hvar best er að fara á
fjallið til að forðast að raska hags-
munum landeigenda og tryggja að
öruggustu leiðirnar séu valdar.
Aukin umferð um Vesturland þýðir
að landeigendur munu verða í
auknum mæli varir við ferðafólk og
það eru sameiginlegir hagsmunir
okkar að sambýlið verði árekstra-
laust og til framdráttar okkur öll-
um”, sagði Gísli að lokum
-MM
Lówun - LOMim • lómmw>
Þetta er al-hinsta blót
súludans, söngur og lætí.
7 ö ö
Athugið að blótið
er á föstudegi í ár
og verður nánar
auglýst síðar.
"LotuíblótíHefadin
Jtntfö ski&tir hka
<yyi -O y
W S í Vt t :
Hönnun og auglýsingagerö
í Reykholti
Kiktu á licimasíbuna: .. „ x
Handbraqo
320 Reykholti
ic / ocoGoov
www.simnet.i s/ha nd b ragd,
Sími 435 1525/863 6227
Netfang: handbragd@isholf.is