Skessuhorn - 19.10.2000, Blaðsíða 5

i, i'+F's • r l .
•r-nifv' ■>< •/ r >/<• ! i'i''/i I

FIMMTUDAGUR 19. OKTOBER 2000
.
Af pappalöggum og peðdrukknum öldungum

Ráðherrarnir eru góðir með
sig þessa dagana. Þeir reikna
með 30 milljarða tekjuafgangi á
fjárlögum. En hvað á ná að gera
við alla þessa peninga? Alla
vega ætlar ríkisstjórnin ekki að
nota hluta þeirra til að hækka
ellilífeyri, umfram hundraðkall-
inn sem Ingibjörg kennd við
heilbrigði og tryggingar kallaði
talsverða hækkun í sjónvarpi
um daginn, og þó hún smælaði
meðfram yfirlýsingunni framan
í heiminn, er ég ekki viss um að
heimurinn hafi smælað til baka,
að minnsta kosti ekki þeir sem
ekki hafa úr öðru að spila en sín-
um naumt skammtaða lífeyri.
Þetta eru þakkirnar til þeirrar
kynslóðar sem hreyfði sig of
mikið en át of lítið, frá þeirri
kynslóð sem hreyfir sig of lítið
en étur of mikið. Þetta eru þakk-
irnar til þeirrar kynslóðar sem
man þá tíma að munnlegt loforð
og handsal dugði til að gull-
tryggja samninga, frá þeirri
kynslóð sem upplifir það oft á
tíðum að margundirritaðir papp-
írar með vottum og tilbehor eru
marklaus og ónýt plögg. Og nú
hefur ríkisstjórninni aldeilis
borist liðsaukinn í baráttunni
við ellilífeyrisþegana. Sjálfstæð-
isþingmaðurinn Pétur Blöndal
hefur einhvernveginn náð að
ljúga því að sjálfum sér að gaml-
ingjarnir liggi meira og minna í
óreglu og ef þeir keyptu ekki
svona mikið af brennivíni ættu
þeir ósköpin öll af krónköllum í
afgang og þessvegna óþarfinn
mestur að láta þá hafa meiri
fjármuni en þeir hafa í dag.
Þessi óregla gamlingjanna verð-
ur líka mun svakalegri en ann-
ara fyrir þær sakir að gamalt
fólk þarf víst minni svefn en
þeir sem yngri eru. Það gerir það
að verkum að gamlingjarnir eru
fullir lengur hvern sólarhring
en yngri dagdrykkjumenn. Nú
get ég ekki vitnað í opinberar
tölur máli mínu til stuðnings, en
grun hef ég um að færri séu
gamlingjarnir á snúrunni hjá
Þórarni á Vogi en upparnir sem
lifa á verðbréfabraski og kaup-
leiguleikjum og hafa það auk
þess á samviskunni að hafa
komið Pétri Blöndal á þing. Ekki
má heldur taka neitt af 30 millj-
örðunum til aukinnar löggæslu.
Einasta lausnin í þeim efnum
var sú að útbúa nokkrar pappa-
löggur og festa á ljósastaura
meðfram Reykjanesbrautinni.
Þremur pappalöggum var stolið
fyrstu nóttina, restin fauk í
næsta roki. Annars má útbúa
fleiri dýrategundir úr pappa en
lögregluþjóna. Til dæmis mætti
skaffa þeim bændum sem fíla
það í botn að beita hrossum sín-
um á þjóðbrautir, pappahross,
þá yrði skaðinn minni bæði fyrir
hestaeigendur og bifreiðaeig-
endur, þegar brunað er í gegn-
um bykkjurnar. Og hvernig væri
að hafa hluta alþingismanna úr
pappa, þó ekki væri nema
kratana og Pétur Blöndal.
Bjartmar Hannesson
Vantar þig aukatekjur?
Gætir þú hugsab þér:
Að hafa meiri tíma meb fjölskyldunni?
Ab vera fær um ab skipuleggja eigin framtíb?
Ab hafa möguleika á ab vera fjárhagslega sjálfstæb/ur?
Við bjóbum uppá:
Víbtækt þjálfunar- og stubningskerfi
Alþjóblegt net starfsmanna sem veita stubning og hjálp
meb reksturinn
Upplýsingar í síma 881 9990

Sýslumaður Snæfellinga
cpie iís
Föstudaginn 20. október n.k. verður
vígt nýtt hús embættis sýslumanns
Snæfellinga að Borgarbraut 2,
Stykkishólmi.
Af því tilefni verður húsið opið til sýnis
þann dag milli kl. 16:00 og 18:00
Sýslumaður Snæfellinga
Ólafur K. Ólafsson
Akraneskaupstaöur
Bæjarbúar athugið!
Vegna sameiningar skrifstofuhalds og tæknideilda
Akraneskaupstaðar og Akranesveitu verða bæjarskrifstofurnar
og skrifstofa Akranesveitu lokaðar vegna flutnings
föstud. 20. október nk.
Mánudaginn 23. október nk. taka til starfa ný
sviö Akraneskaupstaöar.
Tækni- og umhverfissvib verbur stabsett ab Dalbraut 8,
þar sem öllum erindum er varða bygginga-, skipulaqs-,
umhverfis- og tæknimál bæjarins verður sinnt. Að Daíbraut
8 flytjast bygginga- og skipulagsfulltrúi, garðyrkjustjóri, fulltrúi
og heilbrigðisfulltrúi.
Stjórnsýslu- og fjármálasvib verbur staösett á
bæjarskrifstofum Stillholti 16-18, þar sem sameinast
fjármál, starfsmannamál og bókhald bæjarsjóðs, Akranesveitu
og annarra fyrirtæka og stofnana kaupstaðarins. A
bæjarskrifstofur flytjast starfsmenn frá Akranesveitu sem sinnt
hafa verkefnum er lúta að fjármálum, bókhaldi, innheimtu
orkureikninga og launum starfsmanna veitustofnana.
Akranesi, 13. október 2000.
Bœjarritarinn á Akranesi.
n