Skessuhorn - 26.04.2001, Blaðsíða 5
FIMMTUDAGUR 26. APRIL 2001
5
^ntjaunu...
Frá fundinum
Þjóðvegur eitt Borgames
Endurbætur eða nýr vegur?
Fjölmennur borgarafundur í Borgarnesi
Síðastliðið þriðjudagskvöld var
haldinn kynningarfundur á Hótel
Borgarnesi þar sem kynntar voru
niðurstöður úr skýrslu svokallaðr-
ar Borgarnesnefndar sem unnið
hefur að því síðan haustið '99 að
kanna valkosti á legu þjóðvegar
eitt í gegnum Borgarnes í framtíð-
inni og meta áhrif þeirra. Borgar-
nesnefndin er samstarfsnefnd bæj-
arstjórnar Borgarbyggðar og
Vegagerðarinnar. Nefndin greindi
frá því að raunhæfir valkostir væru
tveir, að vegurinn yrði á sama stað
en á honum yrðu gerðar nokkrar
breytingar og að gerður yrði nýr
vegur sem lægi meðfram strönd-
inni neðan við bæinn. Mikill áhugi
var á málefninu meðal bæjarbúa ef
marka má mætingu á fundinn sem
var þéttsetinn.
Sérstætt samstarf
Magnús Valur Jóhannsson, um-
dæmisstjóri Vegagerðarinnar á
Vesturlandi, var fundarstjóri og
Stefán Kalmannsson, bæjarstjóri,
tók fyrst til máls á fundinum.
Kynnti hann aðdraganda verkefn-
isins og sagði það hafa verið vilja
bæjarstjórnar að meta þær leiðir
sem helst komu til greina til fram-
tíðar og að gera faglegt mat. Hann
sagði tilgang verkefhisins hafa ver-
ið þann að setja fram valkostina,
meta áhrif þeirra, kynna niður-
stöður, bjóða upp á almennar um-
ræður í framhaldi af því og vinna
að niðurstöðum sem almenn sátt
gæti ríkt um. Hann sagði samstarf-
ið sem slíkt vera sérstætt á íslensk-
an mælikvarða sem vonandi gæti
orðið öðrum til fyrirmyndar í
framtíðinni.
Hverfisvænar leiðir
Guðrún Dröfn Gunnarsdóttir
frá VST kynnti upphafsvinnu
nefndarinnar. Hún sagði að hafist
hefði verið handa á að skoða hvað
hefði verið gert annars staðar í
heiminum í aðstæðum sem þess-
um. Hverfisvænar leiðir fönguðu
athygli nefndarinnar en þær felast
fyrst og fremst í því að reyna að
láta umferð fara í gegn á forsend-
um þeirra sem við veginn eru en
þessi leið hefur verið notuð mikið
bæði á Norðurlöndunum og í
Englandi. Guðrún sagði hverfis-
vænar leiðir henta þar sem þjóð-
vegir lægju í gegnum bæi, þar sem
hraði væri of mikill, þar sem ekki
þætti æskilegt eða mögulegt að
byggja annan veg, þar sem umferð
óvarinna vegfarenda væri mikil og
þar sem vegur klýfúr íbúa- eða
verslunarsvæði í sundur. Eins og
sjá má af fyrrtöldu á margt af þessu
við um Borgarnes.
Engar hefðbundnar
hraðahindranir
Gerð hverfisvænna leiða er
margþætt. Við innkomuna í bæinn
er sett einhvers konar viðvörun og
í framhaldi af því svokallað bæjar-
hlið. Þá kemur einhvers konar
hliðhella eða miðeyja sem gerir
það að verkum að bílar þurfa að
hægja á sér og sveigja framhjá.
Einnig eru notuð upphækkuð
svæði, hliðarvegir og hringtorg.
Auk þess er reynt að takmarka
bílastæði á leiðunum og reynt að
fegra umhverfið með gróðursetn-
ingu. Guðrún sagði að hefðbundn-
ar hraðahindranir eins og við
þekkjum þær væru ekki notaðar
þar sem þær nytu ekki vinsælda
meðal ökumanna og lækkuðu auk
þess hraða á mjög afmörkuðum
svæðum. Hringtorg hafa hins veg-
ar reynst mjög vel því þau hafa
hraðalækkandi áhrif á langri vega-
lengd. Arangur af slíkum aðgerð-
um hefur verið góður. Aksturs-
hraði lækkar, umferðaróhöppum
fækkar, hljóðvist er bætt, fleiri bæj-
arbúar ganga og hjóla og íbúar og
ökumenn hafa verið ánægðir með
framkvæmdirnar svo fátt eitt sé
talið.
5000 bflar á sólarhring
I dag fara um 5000 bílar um
Borgarbraut á sólarhring, um 4000
þegar fer að nálgast Snæfellsnes-
veg. Samkvæmt spám yrðu þetta
6700 og 5500 bílar árið 2020 ef
vegurinn lægi áfram í gegnum bæ-
inn. Ef vegurinn yrði fluttur
myndu þangað leita um 2000 bílar
sem drægjust frá umferðinni á
Borgarbraut. Eftir sem áður færu
4600 og 3400 bílar um Borgar-
braut eftir 20 ár þrátt fyrir að veg-
urinn yrði færður sem er ekki svo
ólíkt því sem er í dag. Dæmið snýst
því ekki um að taka alla umferð
burt úr bænum. Umferðarsp*r sem
þessar eru mjög óvissar einkum
eftir tilkomu Hvalfjarðarganga.
Orn Steinar Sigurðsson frá VST
sagði því ekki víst að lausnin
myndi duga til ársins 2020 þótt
reikningar miðað við spár sýndu
það.
Hvorug leiðin
sýnir arðsemi
Gert var arðsemismat og í ljós
kom að kostnaður við leiðirnar
tvær er mjög mismunandi. Leið A,
það er að segja endurbætur á þeim
veg sem fyrir er myndi kosta 124
milljónir en leið framhjá bænum
438 milljónir. Innifalið í verði á
leið A eru hringtorg og hraðalækk-
andi aðgerðir á allri leiðinni.
Hvorug aðgerðin sýnir arðsemi.
Einnig var gerð tilraun til að gera
mat á óverðlögðum áhrifum fram-
kvæmdanna sem aðallega er notað
sem viðmiðun.
Ymsar kannanir gerðar
Bjarni Jónsson gerði sérstaka
viðhorfskönnun hjá eigendum
verslana og þjónustufyrirtækja sem
og hjá íbúum og viðskiptavinum
verslana og þjónustufyrirtækja og
greindi Richard Briem, arkitekt,
frá því. Einnig gerði líffræðistofn-
un Háskóla Islands könnun á líf-
ríki svæða þar sem vegir þóttu lík-
legir til að fara yfir. I ljós kom að
þau vegstæði sem lögð voru til fyr-
ir leið B eru talin hafa nánast eng-
in áhrif á lífríkið en leið C (sem
fólst í því að fara með veg um
Borgarvog og fallið var frá að
skoða nánar) var talin valda skaða í
lífríkinu. Einnig var athugað hvort
fornleifar væru á þeim slóðum þar
sem vegur færi hugsanlega um en
svo reyndist ekki vera.
Almenn ánægja
með skýrsluna
Þegar nefndin hafði skýrt frá
niðurstöðum sínum var orðið laust
og ýmsir nýttu sér það. Kolfinna
Jónsdóttir, bæjarfulltrúi, steig í
pontu og sagði niðurstöður skýrsl-
unnar leiða bæjaryfirvöld nær
frekari vinnu í málinu. Hún sagði
jafnframt að hennar skoðun væri
sú að þrýsta ætti á lagfæringu veg-
arins sem fyrir væri. Kolfinna
spurðist fyrir um hvort ekki kæmi
til greina að gera undirgöng við
leikskólann Klettaborg en fékk þau
svör að sá fjöldi fólks sem myndi
nýta sér þau réttlætti ekki kostnað
við slíka framkvæmd og að það
sama ætti við um göngubrú yfir
götuna. Gísli Halldórsson hrósaði
skýrslunni og sagði hana styðja
hugmyndir hans um að fara ekki
með veginn í burtu og Helga Hall-
dórsdóttir, bæjarfulltrúi, lýsti
einnig yfir ánægju sinni og kom
með fyrirspurnir.
Ekki er vitað hvernig málin þró-
ast í framhaldinu en ljóst er að
vinna Borgarnesnefndarinnar mun
koma að gagni í framtíðinni hvað
sem af verður. SOK
Restaurant
GleÖigjafinn Ingimar, hinn eini sanni
| leikur á Dússabar á föstudagskvöld
BORGARBYGGÐ
íi Hús til sölu
Til sölu er sumarhús sem staðsett er í landi Galtarholts
II í Borgarbyggð. Húsið er 32,1 fm að stærð og
byggt árið 1997.
Húsið verður til sýnis miðvikudaginn 2. maí n.k.
milli kl. 16-18.
Nánari upplýsingar gefur Sigurjón Jóhannsson í síma
437-1787 eða á skrifstofu Borgarbyggðar,
sími 437-1224.
Tilboð skulu hafa borist bæjarstjóra Borgarbyggðar
Borgarbraut I 1,310 Borgarnesi eigi síðar en
þriðjudaginn 8. maí kl. 14.00 n.k. og verða þau þá
opnuð í viðurvist þeirra bjóðenda er viðstaddir verða.
Askilinn er réttur til að taka hvaða tilboði sem er
eða hafna þeim öllum.
Kaupandi skal fjarlægja húsið fyrir IS.júní 2001
og taka á sig allan kostnað er því fylgir.
Störf hjá
Landmælingum íslands
á Akranesi
Eftirtalin störf eru laus til umsóknar hjá Landmælingum Islands
og er leitað eftir duglegum og samviskusömum einstaklingum
sem tilbúnir eru að takast á við krefjandi verkefni. Æskilegt er
að umsækjendur séu búsettir á Akranesi eða í nágrenni.
Loftmyndir - f jarkönnun
Starfið er á mælingasviði stofnunarinnar og felst meðal annars í
vinnu við öflun nýrra loftmynda með útboðum, umsjón með
úrvinnslu loftmynda/gervitunglamynda og skráningu þeirra í
upplýsingakerfi. Einnig samskipti við viðskiptavini og þjónustu-
fyrirtæki á þessu sviði hér á landi og erlendis.
Abyrgðar- og starfssvið:
- Umsjón og fagleg ábyrgð verkefna á sviði loftmynda
- Fagleg ábyrgð á verkefnum
- Gæðaeftirlit og umsjón með útboðsgögnum
- Sérstök verkefni á sviði loftmyndavinnslu og myndmælinga
Menntunar- og hæfniskröfur:
- Háskólamenntun s.s. í verkfræði, tæknifræði eða landfræði
- Reynsla af notkun og úrvinnslu loftmynda
- Góð almenn tölvuþekking
- Frumkvæði og sjálfstæði í vinnubrögðum
- Góð enskukunnátta
Kortagerð - sérfræðingur
Starfið er á kortasviði stofnunannnar og felst aðallega í upplýsinga-
öflun, úrvinnslu og framsetningu upplýsinga á kortum.
Ábyrgðar- og starfssvið:
- Vinna við kortagerð og kortaútgáfu
- Upplýsingaöflun vegna kortaútgáfu
- Gæðaeftirlit og yfirlestur handrita korta
- Vinna við örnefni
- Vinna við stafræna kortagerð
Menntunar- og hæfniskröfur:
- Háskólamenntun s.s. í kortagerð, landfræði, jarðfræði, verkfræði,
eða tæknifræði
- Frumkvæði og sjálfstæði í vinnubrögðum
- Reynsla af notkun og/eða gerð korta
- Góð tölvuþekking
- Góð enskukunnátta
Umsóknir merktar starfi er greini frá menntun og reynslu skulu
berast til Landmælinga Islands fyrir 12. maí 2001. Ráðið verður í
störfin frá og með 1. september 2001 og eru laun samkvæmt launakerfi
opinberra starfsmanna. Ollum umsóknum verður svarað þegar
ákvörðun hefur verið tekin. Nánari upplýsingar gefur Jensína j
Valdimarsdóttir í síma 430 9000 (jensina@lmi.is).