Skessuhorn - 17.05.2001, Blaðsíða 7

jkusvnu.. J
FIMMTUDAGUR 17. MAI 2001
7
Landshöfðinginn spurði:
„Hvorn þeirra tveggja viljið þér,
að ég gefi yður lausan?“
Þeir sögðu: „Barabbas.“
Pílatus spyr: „Hvað á ég þá að
gjöra við Jesú, sem kallast Krist-
ur?“
Þeir segja allir: „Krossfestu
hann.“
Hann spurði: „Hvað illt hefur
hann þá gjört?“
En þeir æptu því meir: „Kross-
festu hann!“
Þessa sögu þekkja flestir. Hún
er afbragðs dæmi um það þjóð-
skipulag sem nú þykir mest til fyr-
irmyndar; lýðræðið. Fólkið á að
velja. Ef það þarf að velja um þann
sem fagurlega talar um himinsins
engla og kærleik eða hinn sem er
miklu meiri töffari þá velur fólk
alltaf hinn síðarnefhda. Lýðurinn
velur Barabbas.
Eftir því sem þjóðirnar eru verr
upplýstar, þeim mun hættulegra
reynist þeim lýðræðið. Þetta hafa
Bandaríkjamenn mátt reyna.
Bandaríkjamenn eru upp til hópa
furðulega fávísir. Þeir telja sig
sjálfkjörna til heimsyfirráða en eru
þó fæstir hverjir færir um að benda
á Bandaríkin sé þeim sýnt kort af
heiminum. Þeir hafa fyrir vikið
setið uppi með handónýta leið-
toga. Má þar fræga telja glæpa-
hundinn Ríkharð Nixon, kjána-
prikið Daníel Quale og síðast en
ekki síst hórkarlinn Vilhjálm
Clinton.
Ekki virtist stefna í betra þegar
Albert nokkur Gór bauð sig fram.
Albert þessi er einfeldningur sem
heldur að hann hafi fundið upp
Internetið. Hann er líka áhuga-
maður um umhverfismál og veit
ekki að auðlegð Bandaríkjanna
grundvallast á því að þau eru ekki
að draga úr ff amleiðslu í nafhi um-
hverfisverndar eða að sóa fé í
óarðbæra endurvinnslu. Við svo
búið mátti ekki standa, ríkið riðaði
til falls.
Það var því fyrir tilverknað
spökustu manna þjóðarinnar að
hannaðir voru kjörseðlar þeirrar
náttúru að illmögulegt var að finna
nafn Alberts á þeim og enn örð-
ugra að merkja við það. Þá voru
kjörkassar úr vafasömum kjör-
deildum lámir týnast og ólæsir
menn látnir annast talningu at-
kvæða í vélum sem afskrifaðar
höfðu verið sökum aldurs í for-
setatíð Abrahams Linkolls. Svo
var kosið og sigraði Albert með
svo rosalega litlum mun að eðli-
legt þótti og sanngjarnt að lýsa
keppinaut hans sigurvegara. Það
þarf nefnilega að hafa vit fyrir
fólki.
En hér á landi hefur þróunin
verið í kolvitlausa átt og lýðræðið
aukið til muna. Nú er almenning-
ur spurður að því hvar flugvellir
eigi að vera og hvar þeir eigi ekki
að vera. Aðeins lítið brot íbúanna
nennir að taka þátt í skrípaleiknum
og flestir þeirra, sem þó láta sig
hafa það að mæta, hafa ekkert vit á
málinu. Naumur meirihluti þeirra
er svo látinn ráða ferðinni.
Annað sláandi dæmi um van-
hæfni almennings til að velja sér
stjórnendur er sú að þegar ég var í
framboði í síðustu sveitarstjórnar-
kosningum fékk minn listi ekki
nema tæplega þriðjung atkvæða,
en hinn listinn fékk restina. Þetta
er að mínu mati áfellisdómur yfir
gildandi lýðræðisfyrirkomulagi.
En nú má enginn halda að per-
sónulegar ófarir mínar á kjörvell-
inum ráði skrifum mínum. Ég hef
á þeim þremur árum sem liðin eru
ffá kosningum alla tíð verið algjör-
lega sáttur mig við úrslitin enda
háði ég drengilega rimmu við eitt-
hvert kjörþokkafyllsta fólk lands-
ins og fæ að njóta samvista við það
í óvenju vörpulegri hreppsnefnd.
Það sem veldur sinnaskiptum
mínum nú eru válegir atburðir
sem gerðust í Kaupmannahöfh á
dögunum. Við Islendingar send-
um eitthvert allrabesta lag sam-
einaðrar rokksögu veraldarinnar í
söngvakeppni Evrópskra sjón-
varpsstöðva og uppskárum ekkert
nema háðung. Við vorum meira að
segja búin að hafa fyrir því að
snara meistarastykkinu á ensku til
að geðjast lýðnum. Já, sitthvað er
rotið í ríki Dana, og raunar Evr-
ópu allri. Velur ekki heimskur
pöpullinn eitthvert útjaskað sól-
fönk frá Eistum? Og þeir gátu ekki
einu sinni flutt það hjálparlaust,
heldur fluttu þeir inn aldurhnig-
inn blámann frá Bandaríkjunum til
að klára dæmið. Við fengum ekki
einu sinni hin sjálfsögðu skyldu-
stig nágrannaþjóðanna. Það er
lýðræðinu að kenna. Aður voru
skipaðar dómnefndir sem tóku til-
lit til samnorrænna hagsmima og
veittrar aðstoðar í sjálfstæðisbar-
áttu. Nú er bara símakosning og
heimskir plebbar sem ekkert
kunna í sagnfræði og þjóðvina-
fræðum kjósa bara út í loftið eftir
því hvaða lag þeim finnst
skemmtilegt. Eins og það skipti
máli.
Svona er þetta, fólkið á að velja.
Ef það þarf að velja um þann sem
fagurlega syngur um Angel og
kærleik eða hinn sem er miklu
meiri þá velur fólk alltaf hinn síð-
arnefnda. Lýðurinn velur
Barabbas.
Auglýsendur athugið!
Næsta tölublað Skessuhorns
kemur út 25. maí
Auglýsingar í það blað
skulu berast eigi síðar en
á hádegi þriðjudagsins
22. maí
Atvinna
tímabundið
Aðstoðarmanneskja óskast á skrifstofu
Eðalfisks, júní - ágúst.
Starfsvið: Frágangur nótna, símsvörun, útkeyrsla.
Upplýsingar gefnar á skrifstofu Eðalfisks,
í síma 437 1680
AICíÞaHKOTSaN
kl' 1 ■
Örugg leið að losna við
móðu á milli glerja.
Upplýsingar veitir
Magnús Már, 899 4665

Afþví tilefni verður opið
hús í samkomuhúsinu í
Borgarnesi frá kl, 20:00,
maí.
Sœtaferðir með Sœmundi
Sígmundssyni
fráBSÍkl. 19:00
VIÐSKIPTATÆKIFÆRI
'X.
Tilboð í rekstur á konditori
,
Rekstrarfélag Hyrnutorgs í Borgamesi óskar eftir rekstraraðila til að annast kaffi-
og meðlætissölu, „konditori” á gangi verslunarmiðstöðvarinnar. Starfsemin gæti
hafist strax og samningar hafa náöst á grundvelli tilboðs. Leitast er eftir að í boði
verði sala á kaffi og öörum drykkjum ásamt meðlæti sem gjarnan yrði bakað á
staðnum. Gert er ráð fyrir smáboröum og stólum cins og aðstæður og pláss leyfir.
Viðkomandi rekstraraðili fjármagni sjálfur innréttingar, áhöld og tæki gegn samningi
um aðstööuna til 24 rnánaða meö forleigurétti eftir þann tíma.
Þeir sem þess óska geta boðið í verkið og þurfa tilboð að hafa borist fyrir 4. júní
nk. Upplýsingar fylgi með um rekstraraðila, menntun og fyrri reynslu. Krafist er
að lögð verði fram vel útfærð viðskiptahugmynd ásamt teikningu og útlitslýsingu
af innréttingum auk tilboðs í leiguverð fyrir svæðiö. Rekstrarfélagið áskilur sér rétt
til að taka hvaða tilboði sem er, eða hafna öllum.
Nánari uppíýsingar veitir Kristján Rafn Sigurðsson formaður,
á skrifstofu VÍS íHyrnutorgi, 310 Borgarnesi, sími 862 7638.