Skessuhorn - 30.09.2004, Blaðsíða 4

4
FIMMTUDAGUR 30. SEPTEMBER 2004
^ikiissinu^
WWW.SKESSUHORN.IS
Bjarnarbraut 8 - Borgarnesi
Kirkjubraut 54-56 - Akranesi
Sími: 433 5500
Fax: 433 5501
SkRIFSTOFUR BLAÐSINS ERU OPNAR KL. 9-14 ALLA VIRKA DAGA
Útgefandi: Skessuhorn ehf 433 5500
Framkv.stj. og blm. Magnús Magnússon 894 8998
Ritstjóri og úbm: Gísli Einarsson 899 4098
Augl. og dreifing: íris Arthúrsdóttir 696 7139
Umbrot: Guðrún Björk Friðriksdóttir 437 1677
Prentun: Prentmet ehf.
skessuhorn@skessuhorn.is
magnus@skessuhorn.is
ritstjori@skessuhorn.is
iris@skessuhorn.is
gudrun@skessuhorn.is
Skessuhorn kemur út alla miávikudaga. Skilafrestur auglýsinga er kl. 14:00 á
þriðjudögum. Auglýsendum er bent a aá panta auglýsingaplass tímanlega.
Skilafrestur smáauglýsinga er til 12:00 á priðjudögum.
Blaðið er gefið út í 4.000 eintökum og selt til áskrifenda oa í lausasölu.
krónur/50
Áskriftarverð er 850 krónur með vsk. á mánuði en
greiðslukorti. Verð i lausasölu er 300 kr.
sé greitt með
433 5500
Eru
himnarnir
do Gisli Einarsson,
ritstjóri.
Flestir þekkja hinar merku menningarbókmenntir um Astxík gall-
vaska og félaga hans í Gaulverabæ, smáþorpi, sem stóð uppi í hárinu
á heilu heimsveldi með hugprýði, karlmennsku og lögg af orkudrykk
að vopni. Þessi litli þjóðflokkur óttaðist ekki milljóna her Cesars
heitins og yfirhöfuð ekki neitt nema það að himnarnir myndu hrynja
í hausinn á þeim einn góðan veðurdag.
Stundum hef ég velt því fyrir mér hvort Vestlendingar, sem eru
kjarkmenn upp til hópa, kunni að bera viðlíka ugg í brjósti. Því þótt
þeir séu ekki að bera sorgir sínar á torg þá hefur mér stundum virst
upplitið þannig að hér í þessum landsfjórðungi séu menn í það
minnsta undir það búnir. Vestlendingar, og þá ekki síst Borgfirðing-
ar, eru nefnilega í alvöru býsna alvörugefnir og þótt margir blási á
kenningar þess efnis að hægt sé að flokka landshlutana eftir persónu-
leikum íbúanna þá er það staðreynd hvort sem mönnum líkar betur
eða verr.
A mínum sokkabandsárum, fylltist ég ævintýraþrá, líkt og algengt
er með unga menn og fysti mig að feta ókunnugar slóðir og einsetti
mér að bjóða öllum hættum birginn og sækja heim frumstæðar þjóð-
ir og kynnast lifnaðarháttum ólíkum þeirri siðmenningu sem ég var
vanur í Lundarreykjadalnum. Því varð það úr að ég flutti í Skaga-
fjörðinn og dvaldi þar meðal innfæddra í nokkur ár.
Sem Vesdendingur var ég vanur að láta hverjum degi nægja sína
þjáningu og búast við enn meiri þjáningum þann næsta. Þarna eign-
aðist ég hinsvegar góðan kunningja sem hafði þann einstaka eigin-
leika að vera hafinn yfir allar þjáningar. Ef honum sýndist svo þá
kom hann í heimsókn seint að kveldi og undir morgun leit hann á
klukkuna og mælti þessi orð „mikið ægilegt!" sem ég veit nú reynd-
ar ekki enn hvað þýddu. Síðan fór hann heim og mjólkaði sínar belj-
ur áhyggjulaus.
Á Skagafjarðarárum mínum lék ég með knattspyrnuliði sem
reyndar var sem sérsniðið að mínum knattspyrnuhæfileikum því það
náði akkúrat engum árangri og hefur ekki gert í ríflega hundrað ára
sögu félagsins. Það spillti þó ekki fyrir leikgleðinni og þótt ég hafi
víða tekið þátt í félagsmálum þá hef ég sennilega aldrei komist í
skemmtilegri félagskap enda voru menn þar ekki að velta sér upp úr
smáatriðum enda er það ekki siður Skagfirðinga. Þeir hafa heldur
aldrei skammast sín fyrir að hafa gaman af því að vera til. Samt sem
áður held ég það sé ekki ástæða til að ætla að himnarnir hrynji neitt
frekar í höfúðið á Skagfirðingum en íbúum annarra landshluta.
Eg hef lengi verið þeirrar skoðunar að kæruleysi sé dyggð og ef
himnarnir eiga eftir að hrynja ofan í hausinn á okkur þá verður ein-
faldlega að taka því þegar þar að kemur og þess meiri ástæða til að
njóta lífsins þangað til.
Gísli Einarsson, „ligeglad. “
Gísli Kristófersson, verkstjóri hjá Istak við vinnubúðirnar á Grundar-
tanga.
Istak að hefja fram-
kvæmdir á Grundartanga
Starfsmenn Istaks eru þessa
dagana að byrja að koma sér fyr-
ir á væntanlegu byggingarsvæði
vestan við kerskála Norðuráls,
en fyrirtækið er yfirverktaki í
stækkun mannvirkja og þar með
talið byggingu nýrra kerskála
vegna stækkunar verksmiðjunn-
ar úr 90 í 180 þúsund tonna
framleiðslugetu. Istak bauð
lægst í verkið í útboði fyrr í
sumar, tæplega 3,24 milljarða
króna. Þess má geta að Ístak sá á
sínum tíma einnig um steypu-
vinnu fyrir fyrsta kerskálann og
sílóið sem tekið var í notkun
1998. Þá reisti fyrirtækið einnig
kerskálann í öðrum áfanga
stækkunarinnar úr 60.000 í
90.000 tonna framleiðslu.
Framkvæmdunum, sem nú er
að hefjast, á að vera lokið eftir
um hálft annað ár. Það er því
ljóst að í nógu verður að snúast
fyrir starfsmenn Istaks næstu
mánuði. Líkt og í fyrri ffam-
kvæmdum er Gísli Kristófers-
son verkstjóri. I samtali við
Skessuhorn sagði hann að búið
sé að skipta um jarðveg í grunni
verksmiðjuhússins og næstu
skref séu að steypa grunn og
reisa kerskálana. Þeir séu nú að
setja upp vinnubúðir, skrifstofur
búningsaðstöðu fyrir starfs-
menn og annað slíkt. Aðspurður
um mannaflaþörf við verkið seg-
ir Gísli að hluti starfsmanna
flytjist með þeim að sunnan.
Hinsvegar sé mikil þörf fyrir
viðbótarmannskap og vonast
hann eftir góðum umsóknum af
svæðinu. Hann vildi ekki útiloka
að vegna stærðar verksins ytrði
hugsanlega að flytja að mann-
skap erlendis frá þar sem
tímaramminn sem Istak hefði til
að vinna verkið, væri ekki langur
og því nauðsynlegt að tryggja
nægan fjölda starfsmanna.
Gert er ráð fyrir að stækkuð
verksmiðja Norðuráls taki til
starfa vorið 2006. Þegar ffam-
kvæmdum lýkur munu um 320
manns starfa hjá fyrirtækinu, en
þar af bætast við um 130 ný störf
vegna stækkunarinnar.
MM
Klumba rifin
Þessa dagana er unnið að því
að fjarlægja rústir húss Fisk-
verkunarinnar Klumbu í Olafs-
vík sem brann fyrir rúmri viku.
Reiknað er með að reist verði
nýtt húsnæði undir starfsemi
fyrirtækisins en ekki liggur fyr-
ir hvort það verður á sama stað.
GE
Nýr Þorvarður til
heimahafiiar
Þorvarður
Lárusson SH,
hinn nýrri, kom
í fyrsta sinn til
heimahafnar í
Grundarfirði á
miðvikudag í
síðustu viku.
Eins og sagt var
frá í síðasta
tölublaði kem-
ur skipið í stað
annars með sama nafni en bræð- að stækka við sig. Hinn nýi Þor-
urnir Sigurður Ólafur og Jó- varður er 250 tonna en sá gamli
hannes Þorvarðarsynir ákváðu var 200 tonn. GE
Foreldrafélag í
Snæfellsbæ
I síðustu viku var stofnað
foreldrafélag fyrir hinn nýja
Grunnskóla Snæfellsbæjar og
var fundurinn haldinn í húsa-
kynnum skólans í Ólafsvík.
Ekki mættu þó margir for-
eldrar á fundinn, aðeins
fimmtán auk skólastjómenda
og annarra starfsmanna. I
stjórn félagsins voru kosin
Ingajóna Guðlaugsdóttir, Jó-
hanna Ósk Jóhannsdóttir,
Steiney Kristín Ólafsdóttir,
Erla Höskuldsdóttir og
Nanna Þórðardóttir. GE
Adantsolía í
Grundarfjörð
LTmsókn Atlantsolíu um
svæði undir bensíntank og
skipaolíu á hafnrsvæðinu við
Suðurgarð í Gmndarfirði var
tekin fyrir á síðasta fundi
hafnarstjórnar. Hafnarstjórn
tók jákvætt í erindið og sam-
þykkti fyrir sitt leyti umsókn
um aðstöðu fyrir olíutank og
dælu til afgreiðslu fyrir smá-
báta. GE
Mjólk með
flatbökunni
Hin skelegga og heilnæma
vefsíða, naut.is, málgagn
Landssambands kúabænda,
greinir í vikunni frá skoðana-
könnun sem Landssambandið
stóð fyrir á Hvanneyri og í
Borgarnesi. Fjórar spurningar
vom lagðar fyrir viðmælendur
og spurt um mjólkurdrykkju
með pönnukökum, pizzum,
hamborgumm og með kvöld-
mat almennt. Niðurstöður
þessarar könnunar benda til
þess að um 10% drekka mjólk
oft eða alltaf með skyndibit-
anum, 75% með pönnukök-
um og 44% með kvöldmatn-
um. Niðurstöður voru sem
hér segir:
7 spuming: Drekkur þú mjólk
meó pimnukökum?
44% svömðu alltaf 32% oftast,
11% sjnldan og 13% aldrei
2. spuming: Drekkur þú mjólk
með pizzu?
1% svaraði alltaf 9% ofast,
35% sjaldan og 55% aldrei
3. spurning: Drekknr þú mjólk
með hamborgara?
1% svaraði alltaf 10% oftast,
32% sjaldan og 57% aldrei
4. spuming: Drekkur þú mjólk
með kvóldmatnum?
14% svaraði alltafi 31% oftast,
32% sjaldan og 24% aldrei
Svarendur voru á aldrinum
10-70 ára.
Óhætt er að segja að þetta
séu nokkuð fróðlegar niður-
stöður og í framhaldi væri
kannski athyglisvert að vita
hversu margir fá sér tvöfaldan
vodka í mjólk þegar þeir
bregða sér á barinn! GE